PDF သတင်း။

လူကြီးတွေ ပြောထားတဲ့ အတိုင်းပဲ ၊ ၈၈ က အကွက်ဟောင်းတွေပါ ။ 

ပြန်လွှတ်ပေးလိုက်တယ် ၊ လွှတ်ထားတဲ့သူတွေကို နောက်ယောင်ခံလိုက်တယ် ။ တစ်လ နှစ်လလောက်ကြာတော့ လွှတ်လာတဲ့သူတွေက underground က လူတွေနဲ့ အဆက်အသွယ်ပြန်လုပ်တယ် ။ UG တွေကိုပါ နောက်ယောင်ခံလိုက်ပြီး အသိုက်တွေကို သေချာသိအောင်လုပ်တယ် ။ ပြီးတာနဲ့ လွှတ်ထားတဲ့သူတွေရော ၊ UG အသိုက်တွေရော အားလုံးဝင်စီးတော့တာပဲ ။ ၈၈ အရေးတော်ပုံဟာ ဒါနဲ့ ပျက်ခဲ့ရတယ် ။ 

.

အခုလည်း Cele တွေ ၊ လူငယ်တွေ ပြန်လွှတ်ပေးတယ် ။ သေချာပါတယ် နောက်ယောင်ခံလိုက်မှာပါ ။ ပြီးရင် PDF တွေရဲ့ အသိုက်ကိုပါ ရှာမယ် ။ သူတို့ လိုချင်တဲ့ သတင်းတွေရတဲ့အထိ ထောင်ထဲက ကလေးတွေကို တဖြည်းဖြည်း လွှတ်ပြီး သတင်းအနံ့ခံဦးမှာ ။ PDF တွေကို ခြေသံတိတ်တိတ်လေးနဲ့ ရှာကြလိမ့်မယ် ။ဒီအချိန်မှာ ထောင်ထဲက ကလေးတွေကသူတို့အတွက် အရေးမပါဘူး ၊ သူတို့ အသေရရ အရှင်ရရ ချေမှုန်းချင်နေတာ PDF တွေပဲ ။

.

ကျနော်တို့ ၈၈ က အမှားမျိုး ထပ်မှားကြမှာလား ၊ လူငယ်ဆိုတာ လူငယ်ပီပီပဲ ၊ သဲလွန်စ မဖျောက်တတ်ကြတာ သဘာဝပါ ၊ ဒီအားနည်းချက်ကို စကစ အသေအချာ နင်းမှာပါ ။ ၈၈ တုန်းက မသိခဲ့ကြလို့ ခံခဲ့ရပြီးပြီး ။ ထောင်ထဲက ထွက်လာတဲ့ကလေးတွေက ၃ ၄ လလောက် ဘာသတင်းမှ မရပဲ နေနေခဲ့တာ ၊ အပြင်မှာ ရှိနေတဲ့ ကျနော်တို့တွေ ဒီအကွက်ကို မြင်ရင် ၊ ကလေးကို သတိပေးဖို့ လိုအပ်တယ် ။ 

.

ဒါကို လူငယ်တွေ သတိထားမိအောင် သတင်းဖြန့်ဖို့လိုတယ် ။ အသိပေးဖို့လိုတယ် ။ PDF တွေ အနေနဲ့လည်း လွတ်လာတဲ့ လူငယ်တွေကို သတိထားပြီး ဆက်သွယ်ပါ ။ တချို့လူငယ်တွေ ထောင်ထဲမှာ Brain Wash အလုပ်ခံခဲ့ရပြီးပြီ ။ စကစရဲ့ စိတ်ပညာပိုင်းဆိုင်ရာ အတတ်ပညာနဲ့ Brain Wash လုပ်တာကို အထင်မသေးပါနဲ့ ။ စစ်တပ်တစ်ခုလုံးနီးပါးကို Brain Wash လုပ်ထားနိုင်တယ်ဆိုတာ သတိရပါ ။ 

.

စကစရဲ့ လူတွေလည်း ထောင်ကထွက်လာတဲ့ လူငယ်ပုံစံဟန်ဆောင်ပြီး ၊ PDF တွေနဲ့ ဆက်သွယ်ပြီး အသိုက်ရှာကြလိမ့်မယ် ။ PDF တွေ သတိထား ဆက်သွယ်ကြပါ ။ လူငယ်တွေကို သေချာစီစစ်ပြီးမှ လက်ခံကြပါ ။ 

အားလုံး ဒီသတင်းကို ထွက်လာတဲ့ ကလေးတွေ သိအောင် ပြောပြပေးကြပါ ။

Crd,

#ulg🇲🇲