မန္တလေးတိုင်းဒေသကြီး၊စဥ့်ကူးမြို့နယ်မှာ ဇွန်လ ၂၀ ရက် ည ၉နာရီဝန်းကျင်က လက်ပန်လှကျေးရွာအုပ်စုနေထိုင်သူ အသက်၂၀ ဝန်းကျင် ကိုကျော်ကျော်မျိုးဆိုသူ အမျိုးသားတစ်ဦး သေနတ်ကျည်ထိမှန်ပြီး နေရာမှာတင် သေဆုံးသွားခဲ့တယ်လို့ ဒေသခံတွေက ဘီဘီစီကိုပြောပါတယ်။
ကိုကျော်ကျော်မျိုးနဲ့ သူငယ်ချင်းဖြစ်သူတို့ဟာ စစ်ကောင်စီတပ်စွဲထားရာ လက်ပန်လှ အထက ကျောင်းအနီး ဖြတ်သွားစဉ် သေနတ်နဲ့ လှမ်းပစ်ခတ်ခံရပြီး ကျည်ထိမှန် သေဆုံးခဲ့ရတာလို့ မျက်မြင်တွေ့သူအချို့က ပြောပါတယ်။
" ဖြစ်တာက ည ၈နာရီ ၅၀ လောက်မှာ။ ကျွန်မအကိုက အဲနားကအဆောက်အအုံတစ်ခုရဲ့ အပေါ်ထပ်ကနေ ချောင်းကြည့်ပြီး မြင်လိုက်ရတာ။ ဆိုင်ကယ်ဖြတ်သွားတာကို ဒီတိုင်းပစ်လိုက်တာ။ သေနတ်သံလေးချက်လို့ ပြောတယ်။ တစ်ယောက်ကတော့ ဖြစ်ဖြစ်ချင်း သေသွားတာဖြစ်မယ်၊ ဆွဲသွားတယ်၊ သွေးတွေကိုတော့ သဲနဲ့ဖုံးသွားတယ် " လို့ ဒေသခံတစ်ဦးက ဘီဘီစီကိုပြန်ပြောပြပါတယ် ။
သူတို့ဟာ မင်္ဂလာဆောင်ဖိတ်စာ ဝေအပြီး အပြန်မှာ အခုလို အပစ်ခံရတာဖြစ်တယ်လို့ ဒေသခံတွေက ပြောပါတယ်။
ဒီပစ်ခတ်မှုနဲ့ ပတ်သက်လို့ စစ်ကောင်စီဘက်က သတင်းထုတ်ပြန်တာမရှိသေးပါဘူး။
No comments:
Post a Comment