Monday, March 13, 2023
ဖယ်ခုံတိုက်ပွဲ အကြမ်းဖက်စစ်တပ်၊၁၉ ဦးသေ၊၆ဦးအရှင်မိ(ရုပ်/သံ)
ဖယ်ခုံတိုက်ပွဲတွင် စစ်ကောင်စီတပ်မှ အရာရှိအပါအဝင် ၁၉ ဦး သေ၊ ၆ ဦး အရှင်ဖမ်းမိ၊ လက်နက်ခဲယမ်းများရရှိ
https://www.youtube.com/TachileikNewsAgency/?sub_confirmation=1
* * * * *
ရှမ်း- ကရင်နီ (ကယား)နယ်စပ်၊ ဖယ်ခုံမြို့နယ်၊ ကုရင်ကျေးရွာအုပ်စုတောင်ကြားတွင် ၂၀၂၃ ခုနှစ်၊ မတ်လ (၁၁) ရက်နေ့ကဖြစ်ပွားခဲ့သည့် တိုက်ပွဲတွင် စစ်ကောင်စီတပ်ဘက်မှ အရာရှိအပါအဝင် (၁၉) ဦးသေပြီး (၆ )ဦးကို အရှင်ဖမ်းမိကာ လက်နပ်ခဲယမ်းများသိမ်းဆည်းရရှိခဲ့ကြောင်း ဖယ်ခုံ PKPDF 2 က ယနေ့ ၂၀၂၃ ခုနှစ် မတ်လ ၁၄ ရက်နေ့တွင် သတင်းထုတ်ပြန်သည်။
ကုရင်ကျေးရွာအုပ်စုတောင်ကြားကို ရောက်လာသည့် စစ်ကောင်စီတပ်နှင့် ဒေသကာကွယ်ရေးပူးပေါင်းတပ်ဖွဲ့တို့ကြား တိုက်ပွဲဖြစ်ပွားပြီး စစ်ကောင်စီတပ်က ဆုတ်ခွာသွားခဲ့ကြောင်း သိရသည်။
ယင်းနောက် မတ်လ (၁၂) ရက်နေ့ နံနက်အစောပိုင်း၌ ဆုတ်ခွာလာသည့် စစ်ကောင်စီတပ်နှင့် ဖယ်ခုံ PDF ကင်းထောက်တပ်စိပ်တို့ ထိတွေ့တိုက်ပွဲဖြစ်ပွားရာ ဖယ်ခုံ PDF2 မှ ရဲဘော်တစ်ဦး ကျဆုံးသွားကြောင်း သိရသည်။
တိုက်ပွဲဖြစ်နယ်မြေကိုရှင်းလင်းရာ စစ်ကောင်စီတပ်မှ အရာရှိ အပါအဝင် စစ်သား (၁၉)ဦး၏အလောင်းများနှင့် လက်နက်ခဲယမ်းအများအပြား သိမ်းဆည်းရမိကြောင်း သတင်းထုတ်ပြန်ထားသည်။
#TachileikNewsAgency
Subscribe to:
Post Comments (Atom)
No comments:
Post a Comment