သူခိုးကသူခိုးပါဘဲ၊ သူတော်ကောင်းဆောင်လို့မရဘူး

 တချို့တွေကြုံဖူးမလားမသိဘူး..

ကိုယ့်ပိုက်ဆံအိတ်ကိုခိုးတယ်.. ပြီးတော့ ပိုက်ဆံတွေယူထားလိုက်ပြီးမှ ကျန်တဲ့အရေးကြီးကဒ်တွေ မှတ်ပုံတင်တွေ လိုင်စင်တွေ ဘာညာတွေကို ကောက်ရထားတာလိုလို ဘာလိုလိုနဲ့ ကျေးဇူးရှင်ဂိုက်ဖမ်းပြီး ပြန်ပေးချင်ယောင်ဆောင်တာမျိုးလေ..

ပိုင်ရှင်ကလဲ သိပေမယ့် သူ့ကဒ်လေးတွေပြန်ရချင်တော့ ကျေးဇူးပါ ဘာညာ အောင့်သက်သက်နဲ့ ပြောပေးရတယ်.. မုန့်ဖိုးတောင်ထပ်ပေးရသေးတယ်..

ဘုတောလွှတ်ရင် ဓားနဲ့ထိုးသွားမှာလဲကြောက်ရသေးတာကိုး..

အဆိုးဆုံးကတော့ အဲ့သူခိုးက သူဘယ်လိုရိုးသားလို့ပြန်ပေးတာဖြစ်ကြောင်း.. တခြားသူတွေဆိုဒီလိုပြန်ပေးမှာမဟုတ်ကြောင်း.. ပိုက်ဆံအိတ်ပျောက်သွားသူတွေဆို သူဘယ်လိုသနားတတ်ကြောင်း.. နောက်မပျောက်အောင် ဂရုစိုက်သင့်ကြောင်း.. နောက်တစ်ခါဆို ပြန်ရမှာမဟုတ်တော့ကြောင်း စသည်ဖြင့်စောက်ရေးမပါတဲ့ ဩဝါဒ‌တွေခြွေတတ်တာပဲ..

အဲ့ဒါ သူခိုးတို့ရဲ့စောက်ကျင့်ပဲ..

သူတို့လုပ်ရပ်က အောက်တန်းကျမှန်းသိတော့ အခွင့်သာတုန်းမှာ သူတော်ကောင်းယောင်ဆောင်ချင်တယ်.. သူများကျေးဇူးရှင်ဂိုက်ဖမ်းချင်တယ်.. သူတပါးမျက်ရည်ပေါက်ကြီးငယ်ကျမှထမင်းစားရတဲ့အလုပ်ကိုလုပ်နေမှန်း မသိစိတ်ကခြောက်လှန့်နေတော့ သိစိတ်ထဲမှာ သူ့ကိုယ်သူကယ်တင်ရှင်ပုံမျိုးမရမကဖော်ပြီး အငုံ့စိတ်ကိုဖြေဖျောက်ရတယ်..

လက်နက်အားကိုးတဲ့မိုက်ဂုဏ်ရယ်.. မျက်နှာပြောင်တိုက်ရဲတာရယ်.. မကောင်းတာကိုမကောင်းမှန်းမသိတဲ့အဝိဇ္ဇာဖုံးနေမှုရယ်.. ယုတ်မာအောက်တန်းကျနိုင်တဲ့စိတ်ရယ်ပေါင်းပြီး သူ ခိုးခဲ့တဲ့ပစ္စည်းနဲ့သူ ကျေးဇူးတင်ပြန်ခံချင်ရဲသွားတာပဲ.. 

အမှန်က ပိုက်ဆံအိတ်ဆိုတာ ပိုင်ရှင်ရဲ့အိတ်ကပ်ထဲမှာပဲ အစကတည်းက ရှိနေသင့်တာပါ.. 

ကိုယ့်ပစ္စည်းကိုယ်ပြန်ရလို့၀မ်းသာချင်၀မ်းသာမယ်.. အဲ့ဒါကိုသူ့ကြောင့်လူတွေပျော်နေရတယ်ထင်ရဲတာကတော့အောက်တန်းအကျဆုံးနည်းနဲ့စောက်ခွက်ပြေ

ာင်တယ်ခေါ်တာပေါ့..