သက်တမ်းတလျှောက်မှာ သူမအတွက်ဆိုပြီး
ကျနော့်ဖက်ကနေ ဘာမှကြီးကြီးမားမား
လက်ဆောင်မပေးခဲ့ဖူးဘူး
Suprise ဆိုတာလည်း မရှိခဲ့ဘူး
ဒါပေမယ့်သူမကျနော့်အပေါ်နားလည်တယ်
ကျနော်ချမ်းသာတဲ့လူမဟုတ်မှန်းသိသိနဲ့
အချစ်တစ်ခုတည်းကြောင့်ပဲ လက်တွဲခဲ့တယ်
တခုခုသွားစားရအောင်လေ လို့ပြောတိုင်း
အမြဲတမ်းငြင်းဆန်ခဲ့တဲ့သူ
တခုခုဝယ်ရအောင်လို့ ပြောတိုင်းလည်း
ကိုကို ပိုက်ဆံကုန်မှာပေါ့ဆိုပြီး
ဖြောင်းဖြပေးခဲ့တဲ့သူ
💚💚💚 အမှတ်တရနေ့လေး 💚💚💚
အဲဒီနေ့က သူကျောင်းမဆင်းခင်
ကျနော်ကျောင်းရှေ့မှာ အရင်ဆုံး
သွားစောင့်နေခဲ့တယ်
ကျောင်းဆင်းလာတော့ သူမက ကျနော့်ကို
" ဘယ်သွားမလို့လည်း " တဲ့
" လာပါတက်ပါ .. ဟိုရောက်ရင်သိရမယ် "
ဆိုပြီး ကျနော့်ဆိုင်ကယ်နဲ့ပဲအတင်းခေါ်လာခဲ့တယ်
ဖုန်းဆိုင်ရှေ့ရောက်တော့
"လာလေ ချစ် "
" ဟင် .. ဖုန်းဘေဝယ်ရုံပဲမဟုတ်ဘူးလား "
" လာပါဆို "
အဲဒါနဲ့သူလည်း ဖုန်းဆိုင်ထဲလိုက်ဝင်လာတယ်
ဖုန်းဆိုင်ဆိုတော့ သိတဲ့အတိုင်း
ဖုန်း model အမျိုးအစားအလိုက်
လှလှပပ စီရီထားကြတာပေါ့လေ
အဲ့ဒီနောက်
ဆိုင်ရှင်အမျိုးသမီးက ကျနော်တို့ကို ကြိုဆိုတယ်
" မင်္ဂလာပါရှင့် "
" ဟုတ် အစ်မရေ အခုနောက်ဆုံးထွက်ထားတဲ့
i phone ရောက်ပြီလား မသိဘူး "
" အင်း ရပြီမောင်လေး
မနေ့ကပဲ ရောက်တာ " ဆိုပြီး
အဖြူရောင် i phone လေးတစ်လုံးထုတ်လာပေးတယ်
" ဪ.. ဒါလား အစ်မ "
" ဟုတ်ကဲ့ "
ကျနော်လည်း ဖုန်းကို ကောက်ကိုင်လိုက်ပြီး
" ကဲ .. ချစ်
ဒါပဲလေ.. အခုနောက်ဆုံးထွက်ထားတဲ့ iphone "
" omm "
" ဒါဆို ကိုတို့
နောက်အသစ်ထွက်မှပဲ ထပ်လာကြည့်ကြတာပေါ့ "
" ဟုတ် "
အခုတော့ ကျနော့်ဆန္ဒပြည့်ဝသွားခဲ့ပါပြီ
သူမအရမ်းမြင်ချင်ခဲ့တဲ့ နောက်ဆုံးပေါ် i phone ကို
ကျနော် ဆိုင်ခေါ်ပြနိုင်ခဲ့ပါပြီ
နောက်လည်း ကြုံရင်ကြုံသလို suprise လုပ်ပြီး
ခေါ်ပြပါအုံးမယ်
#စိန်သောင်း
No comments:
Post a Comment