ဗိုလ်ချူပ်အောင်ဆန်း

ဖတ်ကြည့်ထားသင့်တဲ့ ဗိုလ်ချုပ်ရဲ့အရည်ချင်းတစိတ်တဒေသ 

ဒေါ်အောင်ဆန်းစုကြည် ပြောတဲ့ 

ဗိုလ်ချုပ်အောင်ဆန်းလမ်းစဉ်......

ဖေဖေ ဂျပန်သွားပြီး စစ်ပညာသင်တုန်းက ဖေဖေ့ရဲ့ဆရာများ ရှိပါတယ်.. ဒီဆရာများကို တခါတုန်းက ကျွန်မ မေးကြည့်ဖူးပါတယ်.. ဖေဖေနဲ့ တခြား ရဲဘော်သုံးကျိပ်ဝင်တွေနဲ့ ဘယ်လိုကွာခြားသလဲလို့.. အဲ့ဒီတော့ ကွာခြားတဲ့အချက် နှစ်ချက်. သုံးချက်ရှိတယ်တဲ့..

တခုက ဖေဖေဟာ သူများပြောတိုင်း လက်မခံဘူးတဲ့.. ပြောတဲ့ဟာကို မှန်လား အခြေအနေနဲ့ သင့်တော်သလားဆိုတာကို သေသေချာချာ စဉ်းစားတယ်.. စဉ်းစားပြီးမှ လက်ခံတယ်တဲ့.. ပြောတိုင်း လက်ခံတဲ့စိတ်- ပြောတိုင်း ခေါင်းညိမ့်တဲ့စိတ် မရှိဘူးတဲ့.. စစ်သင်တန်း ပေးတဲ့အခါ တခြား ရဲဘော်သုံးကျိပ်ဝင်များက ဆရာများပြောတဲ့အတိုင်း ရေးချသွားတယ်.. ရေးချပြီးတော့ နောက်တစ်ခါ ပြန်ပြီးတော့ တင်ပြခိုင်းတဲ့အခါကျတော့ ဆရာများပြောတဲ့အတိုင်း ပြန်ပြီးတော့ တင်ပြသွားတယ်.. ဖေဖေကတော့ အဲ့ဒီအတိုင်း ပြန်ပြီးတော့ မတင်ပြဘူးတဲ့....

ဥပမာ... ဂျပန်ဆရာများက ပြောလိုက်တယ်တဲ့.. တပ်မတော်တခုရဲ့ တပ်စိတ်တစိတ်မှာ ရဲဘော် ၁၅ ယောက် ရှိရမယ်ဆိုပြီး သင်ပေးလိုက်တယ်တဲ့.. နောက်နေ့ ပြန်ပြီးတော့ စစ်ဆေးလိုက်တဲ့အခါမှာ ကျန်တဲ့ ရဲဘော်သုံးကျိပ်ဝင်များက တပ်စိတ်တစိတ်မှာ ရဲဘော် ၁၅ ယောက် ရှိရမယ်ဆိုပြီးတော့ တင်ပြတယ်.. ဖေဖေကတော့ တပ်စိတ်တစိတ်မှာ ရဲဘော် ၁၀ ယောက် ရှိရမယ်ဆိုပြီးတော့ တင်ပြတယ်တဲ့...

အဲ့ဒီအခါ ဆရာက ပြန်မေးတယ်တဲ့.. ဆရာပြောတုန်းက ၁၅ ယောက်လို့ ပြောတယ်.. တခြား ကျောင်းသားတွေက အားလုံး ၁၅ ယောက်လို့ ပြန်ပြောတယ်.. ဘာဖြစ်လို့ အောင်ဆန်းတစ်ယောက်တည်းကနေ ၁၀ ယောက် ပြောတာလဲလို့ မေးလိုက်တဲ့အခါကျတော့....

ဖေဖေက - ၁၅ ယောက်ဆိုတာ ဂျပန်တွေအတွက် သတ်မှတ်ထားတာ- ဗမာတွေက ဂျပန်လောက် စည်းကမ်းမရှိဘူး.. ၁၀ ယောက်နဲ့ပဲ တော်ပြီလို့ ပြောတယ်တဲ့...

ဒေါ်အောင်ဆန်းစုကြည် ပြောတဲ့ ဗိုလ်ချူ ပ်အောင်ဆန်းလမ်းစဉ်......

(၂) ဒီအပြင်လည်း တိုက်ရည်- ခိုက်ရည်နဲ့ ပတ်သက်လို့ သင်ပေးတဲ့အခါကျတော့ ဖေဖေက ခဏ ခဏ ထောက်ပြတယ်တဲ့.. ဒီလို တိုက်နည်းခိုက်နည်းများဟာ ဂျပန်နိုင်ငံရဲ့ ပထဝီကို အခြေခံပြီးလုပ်ထားတဲ့ တိုက်နည်း ခိုက်နည်းများ ဖြစ်တယ်.. တချိူ့ဟာ မြန်မာနိုင်ငံနဲ့ မသင့်တော်ဘူးဆိုပြီး ထောက်ပြတယ်တဲ့.. အဲ့ဒီတော့ အောင်ဆန်းလမ်းစဉ်ဆိုတာ  ဘာလဲဆိုတာ တခုတည်း မဖြစ်နိုင်ဘူး...

၁၉၄၇ ခုနှစ်တုန်းက အောင်ဆန်းလမ်းစဉ်ဆိုတာ အခု ၁၉၈၉ ခုနှစ်မှာ အောင်ဆန်းရှိနေဦးမယ်ဆိုရင် အဲ့ဒါလမ်းစဉ် တူချင်မှတူမယ်.. ဘာဖြစ်လို့လဲဆိုတော့ လမ်းကိုပြောင်းသင့်ရင် ပြောင်းနိုင်တဲ့အရည်အချင်းဟာ ဖေဖေ့ရဲ့ အရည်အချင်းတခု ဖြစ်ပါတယ်.. ဒီကိစ္စနဲ့ ပတ်သက်လို့ ဂျပန်ဆရာတစ်ယောက်က ဒီအတိုင်းပဲ ပြောခဲ့ပါတယ်.. ဖေဖေဟာ အခြေအနေအရ ပြောင်းသင့်တဲ့နေရာမှာ ပြောင်းရမယ်ဆိုတာ လက်ခံတယ်တဲ့...

အဲ့ဒီတော့ အခြေအနေအရ လမ်းပြောင်းသင့်တဲ့နေရာမှာ ပြောင်းရမှာကို လက်ခံခြင်းဟာ အောင်ဆန်းလမ်းစဉ်တခုပါပဲ.. အဲ့ဒီတော့ အောင်ဆန်းလမ်းစဉ်ဆိုတာ နိုင်ငံအတွက် အကောင်းဆုံးလမ်းစဉ်ပဲ.. လမ်းစဉ်တခုရယ်လို့ မဟုတ်ဘူး.. နိုင်ငံအတွက် အကောင်းဆုံးလမ်းစဉ်ကို တချိန်လုံး ရှာနေရမယ်...

ဒီနှစ်အတွက် ကောင်းတဲ့လမ်းစဉ်ဟာ နောင်နှစ်အတွက် ကောင်းတဲ့လမ်းစဉ် ဖြစ်ချင်မှဖြစ်မယ်.. နောင်နှစ်အတွက် ကောင်းတဲ့လမ်းစဉ်ဟာ နောင် ၁၀ နှစ် ကြာရင် ကောင်းတဲ့လမ်းစဉ် ဖြစ်ချင်မှဖြစ်မယ်.. .

ဒါပေမဲ့ ဒီလမ်းစဉ်အားလုံးမှာ တူညီတဲ့သဘော တခုရှိတယ်.. လမ်းစဉ်တိုင်း လမ်းစဉ်တိုင်းဟာ နိုင်ငံအကျိူ းအတွက် အများပြည်သူအကျိူ းအတွက် ဖြစ်ရမယ်.. နိုင်ငံအကျိူ းအတွက် အများပြည်သူအကျိူ းအတွက် ဦးတည်ပြီး ခင်းလိုက်တဲ့ လမ်းစဉ်တိုင်းဟာ အောင်ဆန်းလမ်းစဉ်လို့ ကျမယုံကြည်ပါတယ်.. လူတိုင်းလူတိုင်းဟာ မှားနိုင်တာပဲ.. မှားရင်လည်း မှားတယ်ဆိုတာ ဝန်ခံရဲရမယ်.. ကျွန်တော်တို့တော့ မှားသွားပြီ.. လမ်းပြောင်းသင့်ပြီလို့ ဝန်ခံရဲရမယ်.. ကျွန်တော်တို့တော့ မှားသွားပြီ- လမ်းပြောင်းသင့်ပြီလို့ ဝန်ခံရဲတဲ့ သတ္တိမွေးရမယ်...

ဒီနေ့ဟာဆိုရင် ဖေဖေ့မွေးနေ့ ဖြစ်ပါတယ်.. ၁၃ ရက် ဖေဖော်ဝါရီဟာဆိုရင် ဖေဖေဟာ အသက်ရှင်နေဦးမယ်ဆိုရင် ဒီနေ့ ( ၇၄ ) နှစ် ပြည့်ပါလိမ့်မယ်...

ဒေါ်အောင်ဆန်းစုကြည်၏.... တောင်ကြီးမြို့ အမျိူ းသားဒီမိုကရေစီအဖွဲ့ချူ ပ်ရုံး၌ ပြောကြားခဲ့သည့် မိန့်ခွန်းထဲမှ ကောက်နုတ်ဖော်ပြသည်....

.

Credit : Aung Kyaw Moe

via Thetdwe Aung

.

ပြန်လည်မျှဝေပေးပါတယ်

လေးစားလျှက်

Martin Swe

25-09-2019းစားလျှက်

Martin Swe

25-09-2019