ကျနော် ထ ပြန်မယ်လုပ်တော့
သူမက ကျနော့်လက်ကို လှမ်းဆွဲလိုက်တယ်
" ညီမလေး ဒါဘာလုပ်တာလဲ "
" ကိုကြီးလက်ကို ကိုင်တာလေ "
ကျနော့်ဘဝမှာ ဘယ်မိန်းခလေးကိုမှ
ပေးမထိဖူးခဲ့လက်ကို သူမကတင်းကြပ်စွာ
ဆုပ်ထားပြီး
" ကိုကြီးကို ညီမလေးချစ်မိနေပြီ"
" ဘာ "
ကျနော် ဒေါသထွက်မှန်းသိတော့
ကျနော့်လက်ကို ပြန်လွှတ်ပေးပြီး
" ညီမလေးတောင်းပန်ပါတယ်နော် "
" အင်းပါ .. ညီမလေးကို ကိုကြီးလက်
ပေးကိုင်တာပဲ လွန်လှပါပြီ "
" ဟုတ်ပါတယ် ကိုကြီးရယ်
ညီမလေး ဆန္ဒစောသွားလို့ပါ
ခဏလေးပဲ ထိုင်ပေးပါလား "
ဒီလိုနဲ့
ကျနော်ထိုင်မဲ့ ခုံကို သူမနဲ့ခပ်လှမ်းလှမ်းနေရာ
ရွှေ့ပြီး ပြန်ထိုင်နေလိုက်တယ်
" ကိုကြီးစားချင်တာ မှာလေ
ညီမလေး ကိုကြီးစားချင်တာအကုန်
ဝယ်ကျွေးပါ့မယ် "
" ရပါတယ် ညီမ
မုန့်လာကျွေးတိုင်း ပြန်ကြိုက်တတ်တဲ့လူတွေထဲ
ကိုကြီး မပါဘူး "
" ဟာ .. မဟုတ်ဘူး
ကိုကြီး အထင်တွေလွှဲနေပြီ ညီမလေးက
ကိုကြီးတွက်ဆို အရာရာပေးဆပ်ဖို့
ဆုံးဖြတ်ထားပြီးသားပါ "
" တော်ပီ တော်ပီ
ညီမ ဒါတွေပဲဆက်ပြောနေမယ်ဆိုရင်
ကိုကြီး ပြန်ရလိမ့်မယ် "
" ဟာ .. ကိုကြီး "
သူမ ကျနော့်ဆီကို တဖြည်းဖြည်း
ချဉ်းကပ်လာပြန်ပြီး ရုတ်တရက်ဆိုသလို
ကျနော့်ဘေးမှာ ဒူးထချလိုက်တယ်
" ဟင် "
" ကိုကြီးကိုလက်ထပ်ပါရစေ "
အဲဒီချိန်မှာပဲ သူမရဲ့မျက်လုံးထဲမှာ
တဏှာရမ္မက်အခိုးငွေ့တွေ
အလိပ်လိပ်တက်နေတာကို ကျနော်
တွေ့လ်ိုက်ရတယ်
" ညီမလေးကို ကိုကြီးအဖြေတောင်
ပြန်မပေးရသေးဘူးလေကွာ "
" ဟုတ်ပါတယ် .. ဒါပေမယ့်
ကိုကြီးကို ဘယ်နည်းနဲ့မှ သူများထက်ထဲ
အပါမခံနိုင်ဘူး "
" ညီမရယ် .. စိတ်လျှော့ပါအုံး "
အဲဒီမှာတင် သူမဟာ
ပိုအတင့်ရဲလာပြီး ကျနော့်ခြေသလုံးကို
ဖက်လိုက်တယ်
" ဟာ .. ညီ . . ညီမ
လွန် . . လွန်လာပြီနော်
ကိုကြီးရှက်လာပြီ "
" ညီမကို လက်ထပ်ပါ့မယ်လို့ပြောမှ
လွှတ်ပေးမယ် "
" ဟာကွာ "
ကြာလာလေလေ သူမက ပိုဆိုးလာလေလေ
ဖြစ်နေပါပြီ .. ဆိုင်ထဲကလူတွေကလည်း
ကျနော်တို့ကိုဝိုင်းကြည့်နေကြပြီဆိုတော့
" ကိုကြီးပြောမထွက်ဘူး ညီမလေးရယ်
အချစ်ဆိုတာ အတင်းကြပ်လုပ်ယူလို့ရတဲ့
အရာမဟုတ်ပါဘူး "
" ဘာဖြစ်လည်း ကိုကြီးရယ်
အနေနီးပြီး သံယောဇဉ်တွေဖြစ်လာတဲ့အခါ
ကိုကြီး ချစ်ရင်ချစ်သွားမှာပေါ့
အခုတော့ ညီမလေး Propose လုပ်တာကို
လက်ခံပေးပါနော် "
ကျနော့်ရဲ့ လှပလွန်းတဲ့မျက်နှာကို
သူမ စူးစိုက်ကြည့်နေတယ် .. ကျနော်ကတော့
သူမကို တချက်မှမကြည့်ပဲ ခေါင်းညိတ်ပြလိုက်ပါတယ်
" ဒါဆို ကိုကြီးညီမလေးကို
လက်ထပ်မှာပေါ့နော် "
ကျနော် မျက်ရည်ကျနေရုံကလွဲလို့
ဘာမှမပြောနိုင်တော့ပါဘူး ..
______ ဒုတိယပိုင်း ______ မျှော်
#စိန်သောင်း
No comments:
Post a Comment