ခရီးသည်

တင်ကားဖြင့် လိုက်ပါလာသော ဗိုလ်ကြီး ၁ ဦးနဲ့ ဒုအရာခံဗိုလ် ၁ ဦး သေဆုံး ရွှေဘိုမြို့နယ်တွင် ခရီးသည်တင်ကားဖြင့် လိုက်ပါလာသော ဗိုလ်ကြီး ၁ ဦးနဲ့ ဒုအရာခံဗိုလ် ၁ ဦး အပါအဝင် စစ်သား ၄ ဦးသေဆုံး (ရုပ်/သံ) +++++++++++++ စစ်ကိုင်းတိုင်း၊ ရွှေဘိုမြို့နယ် ခရီးသည်တင်ကားဖြင့် လိုက်ပါလာသော အကြမ်းဖက်စစ်ကောင်စီတပ်ဘက်က ဗိုလ်ကြီး ၁ ဦးနဲ့ ဒုအရာခံဗိုလ် ၁ ဦး အပါအဝင် စစ်သား ၄ ဦး တိုက်ပွဲဖြစ်ပွားပြီးသေဆုံးခဲ့တယ်လို့ ဗိုလ်ကျားရိုင်း - ရွှေဘို LPDF အဖွဲ့ဆီက သိရပါတယ်။ ဧပြီ ၂၆ ရက်နေ့မှာ ရွှေဘိုမြို့နယ်၊ ဆိပ်ခွန်ရွာ ရဲစခန်းကနေ ရွှေဘိုမြို့သို့ ခရီးသည်တင်ကားဖြင့် လိုက်ပါလာသော ဗိုလ်ကြီး ၁ ဦး၊ ဒုအရာခံဗိုလ် ၁ ဦးနဲ့ တပ်သား ၂ ဦးကို လမ်းပိုင်း တစ်နေရာမှာ ဗိုလ်ကျားရိုင်း - ရွှေဘို (LPDF) အဖွဲ့ နဲ့ ရွှေဘို တိုက်နယ် ၂ မဟာမိတ် ပူးပေါင်းတပ်ဖွဲ့တို့က ကြားဖြတ် တိုက်ခိုက်ခဲ့ရာ ၄ ဦးလုံး သေဆုံးခဲ့တယ်လို့ သိရပါတယ်။ အဲ့ဒီ သေဆုံးသွားတဲ့ စစ်သား ၄ ဦးဆီက MA 1 ၁ လက်၊ MA 3 ၁ လက်၊ MA 4 ၁ လက်၊ MA 5 ၁ လက်၊ MA 13 ၁ လက်၊ Jammer စက်အသေး ၁ လုံးနဲ့အတူ အခြားပစ္စည်းများလည်း သိမ်းဆည်းရမိခဲ့တယ်လို့ သိရပါတယ်။