သူခိုးတစ်ယောက်၏ဖွင့်ဟဝန်ခံချက်။ ။
တနိုင်ငံလုံးသူခိုးဖြစ်ကုန်တဲ့ဇာတ်လမ်းကတော့၊မဆလခေတ်ကနေစတာ
ပဲခင်ဗျ။နိုင်ငံတကာနဲ့အဆက်အသွယ်ဖြတ်၊လွတ်လပ်စွာကုန်သွယ်မှု၊
ရောင်းဝယ်ဖောက်ကားမှုတွေကိုစူစကာစစ်ဆင်ရေးနဲ့ပိတ်ပင်ပြီး၊လူသုံး
ကုန်တချို့ကိုပြည်တွင်းမှာထုတ်လုပ်ခဲ့ကြတယ်။
လူသုံးကုန်တွေကိုပြည်တွင်းမှာအလုံအလောက်ထုတ်နိုင်ခဲ့ရင်တော့အ
တိုင်းထက်အလွန်ပေါ့ခင်ဗျာ။ဒါပေသည့်အရည်အသွေးမီတဲ့ပစ္စည်းကခပ်
ရှားရှား၊သုံးမရတာတွေကစွတ်များနေတော့၊လူသုံးလို့ရတာကော၊သုံး
လို့မရတာပါမယူမနေရတွဲယူကြရမယ်ဆိုပြီးပြည်သူ့(သမဝါယမ)ဆိုင်
တွေကနေအာဏာသုံးပြီးဖြန့်တယ်။
ဒီမှာတင်မလိုတဲ့ပစ္စည်းကစျေးလျှော့၊လိုတဲ့ပစ္စည်းကိုစျေးတင်ပြီး၊ပြန်
ရောက်လိုက်ကြတာမှောင်ခိုစျေးကွက်စပေါ်လာတော့တာပါပဲ။လုပ်ရဲ
ကိုင်ရဲတဲ့သူတွေကလည်းနယ်စပ်ကနေပစ္စည်းမျိုးစုံခိုးသွင်းတယ်။
ရဲတို့အကောက်ခွန်တို့နဲ့နားလည်မှုယူပြီးလုပ်ကြကိုင်ကြတာကြောင့်
ဧရာမမှောင်ခိုစျေးကွက်ကြီးဖြစ်လာတယ်။
အဲဒီခေတ်အရာရှိကြီးကြီးမာစတာတွေကလည်း၊နိုင်ငံခြားကအပြန်၊
နိုင်ငံခြားပစ္စည်းတွေမဆန့်မပြဲဝယ်ပြီးပြန်လာကြတော့၊အဲဒါတွေ
လည်းမှောင်ခိုစျေးကွက်ထဲမှာခိုးရောင်းခိုးဝယ်ဖြစ်ကုန်ကြပြန်ပါရော။
တချိန်တည်းလိုမှာပဲဝန်ထမ်းတွေကလည်းလစာငွေထက်လက်ဖက်
ရည်ဖိုးမျှော်ကိုးပြီး၊သူခိုးတွေဖြစ်လာတယ်။ဘယ်လောက်တောင်ဆိုး
သလဲဆိုရင်၊အလုပ်တခုဝင်တော့မယ်ဆိုရင်၊လစာကိုထည့်မတွက်
တော့ဘဲ၊အောက်ဆိုဒ်ဘယ်လောက်ရသလဲဆိုတာကနေ၊အဲဒီအလုပ်
ရဲ့ဂုဏ်ကိုပိုင်းဖြတ်တယ်။
နောက်ပိုင်းမှာပြည်သူပိုင်စက်ရုံ၊ဓာတ်ဆီဆိုင်စတာတွကဝန်ထမ်းတွေ
ဟာခိုးလို့ရတာအကုန်ခိုးတယ်။အရပ်ထဲကလူတွေကလည်း၊ရေနံပိုက်
လိုင်းတောင်ချမ်းသာမပေးဘဲခိုးတယ်။နောက်ဆုံးကုန်ကုန်ပြောရရင်
ခိုးမရတဲ့ဋ္ဌာနကိုဝန်ထမ်းဟာရုံးချိန်ခိုးတယ်။အမှန်အတိုင်းဝန်ခံရရင်
သူခိုးစာရင်းထဲမှာမောင်ဒင်လည်းပါခဲ့သပေါ့ဗျာ။
နဝတ၊နအဖလက်ထက်မှာတော့၊သူခိုးဇာတ်ကအရှိန်အဟုန်နဲ့ပိုပြီးအား
ကောင်းလာတယ်။ဗိုလ်ချုပ်ကြီးတွေကခေါင်းဆောင်ပြီးခိုးတယ်။အောက်
လက်အဆင့်ဆင့်ကိုအရိုးအရင်းဝေပြီး၊သူခိုးဝါဒထွန်းကားလာရေးကို
ပြောင်ပြောင်တင်းတင်းအားပေးတယ်။ဒီတော့တနိုင်ငံလုံးသူခိုးတွေဖြစ်
လာပြီး၊ခိုးတယ်ဆိုတာဟာကံတရားကြောင့်ရတဲ့ဆုလာဘ်ဆိုပြီး၊ငါးပါး
သီလထဲကနေအဒိန္နာဒါနာကိုတောင်ဖြုတ်ပစ်ရမလိုဖြစ်လာတယ်။သူ
လည်းခိုးငါလည်းခိုးအားလုံးသူခိုးဖြစ်ကုန်တယ်။
ဟော။အခုလိုခေတ်စနစ်ပြောင်းလာပြီးအဂတိလိုက်စားမှုတိုက်ဖျက်ရေး
ကိုတင်းတင်းကြပ်ကြပ်ကိုင်တွယ်လာတော့၊ခိုးစားတဲ့စနစ်ကြီးနဲ့နေ
သားကျလာတဲ့လူတွေဟာအတော့်ကိုခွကျကုန်ကြတယ်။အများစုဟာ
ခိုးတဲ့အကျင့်ကိုဖျောက်ဖို့အတော်ခက်နေကြပြီ။သူခိုးအကြီးအမှုးဗိုလ်
ချုပ်ကြီးများကတော့၊ဆယ်သက်စားမကုန်တဲ့ခိုးရာပါဓနဥစ္စာတွေအ
တွက်ပူပန်သောကရောက်ကုန်ကြတယ်။
ဒါပေမယ့်ထူးခြားချက်တစ်ခုကတော့ကိုယ်ကျင့်သိက္ခာတရားကိုတန်ဖိုး
ထားရကောင်းမှန်းသိတဲ့လူတချို့ဟာ၊ခိုးတတ်တဲ့အကျင့်ကိုရှက်ရကြောက်
ရပြုပြင်ရကောင်းမှန်းသိလာတယ်။လူထုထဲမှာလည်းမေ့ကျန်ပစ္စည်းကို
ပြန်ပေးရကောင်းမှန်းသိလာတယ်။စာရိတ္တတရားကောင်းမွန်ရေးဖက်ကို
ပြန်ပြီးမျက်နှာမူလာကြတယ်။
ဒါဟာနိုင်ငံရဲ့ကောင်းမွန်တဲ့အနာဂတ်ကိုတည်ဆောက်ရာမှာ၊မရှိမဖြစ်
အဓိကလိုအပ်တဲ့စိတ်ဓာတ်ပိုင်းဆိုင်ရာထူးခြားတဲ့အပြောင်းအလဲအချိုး
အကွေ့ဖြစ်တာကြောင့်၊ပီတိဖြစ်ရပါကြောင်း၊ကြိုဆိုအားပေးပါကြောင်း
တချိန်ကသူခိုးလေးစာရင်းဝင်ခဲ့တဲ့မောင်ဒင်အနေနဲ့အလေးအနက်တင်
ပြလိုပါကြောင်းပါခင်ဗျာ။
Credit#မင်းဒင်
There is no place for Military coup in the modern world.
No comments:
Post a Comment