=================
အမေရိကန်နိုင်ငံ အခြေစိုက် CBS သတင်းဌာနက သတင်းတင်ဆက်သူ Bill Whitaker မြန်မာနိုင်ငံကိုလာရောက်ပြီး မြန်မာ့အရေး သိရှိနိုင်ဘို့အတွက် ထင်ရှားသူများကို မေးမြန်းသွားခဲတာ 60 Minutes အစီစဉ်မှာ ကြည့်ရူခဲ့ရပါတယ်။ သူတွေ့ဆုံးမေးမြန်သူတွေထဲမှာ ဘာသာရေးဘက်ကပုဂ္ဂိုလ် တစ်ချို့ကိုလဲ မေးမြန်းသွားခဲ့လို့ ကြည့်လိုက် သိလိုက်ရပါတယ်။ ဆရာတော် ဦးဝီရသူ နှင့် မေးမြန်ခဲ့တာပါ။ ၂ ခါလောက်ကြည့်ဖြစ်ပါတယ်။ ဆရာတော် ဦးဝီရသူ ၏ ဖြေကြားချက်များ ဖြေကြားပုံများကို မိမိ သဘောမကျနိုင်ပါ။ လက်မခံနိုင်ပါ။ ဒါကြောင့် စဉ်းစားမိပါတယ် အကယ်၍ အမေးခံရသူဟာ မိမိသာ ဆိုလျှင်
………
Bill Whitaker: ဆရာတော်ရဲ့ ဗုဒ္ဓဝါဒပုံစံကို အစွန်းရောက်တယ်လို့ ဒလိုင်းလားမား က ဝေဖန် ထားပါတယ်။
ဦးဝီရသူ - အစွန်းရောက်ဆိုတဲ့ စကားလုံးကို ဂုဏ်ယူစွာ လက်ခံပါတယ်။ ဘုန်းကြီးက ဒလိုင်းလားမားကို မလေးစားပါဘူး။ သူက နိုင်ငံရေးအာဏာ ပွဲစားပါ။ ကျုပ်တို့ ဒလိုင်းလားမားက လေးစားစရာ မရှိပါဘူး။
==
(တကယ်လို့ မိမိသာ ဒီနေရာမှာ ဆိုရင် …… ကျနုပ်ဟာ အစွန်းရောက်မဟုတ်ပါဘူး လို့ ငြင်းရင် ငြင်းမယ်။ ဒါမှ မဟုတ် လူတိုင်းဟာ တနည်းမဟုတ် တနည်းနည်းနဲ့တော့ အစွန်းရောက်နေကြတာပါပဲ လို့ ဖြေရင် ဖြေမယ်။ ပြီးမှ……. ကျနုပ်လုပ်ဆောင်တာတွေဟာ ကျုပ်တို့ နိုင်ငံသူ နိုင်ငံသားတွေအတွက် ကောင်းမယ် ထင်တဲ့အရာ၊ အကျိုးရှိမယ် ထင်တာကို လုပ်နေတာသာဖြစ်ပါတယ် လို့ ဖြေမိမယ် ထင်တယ်။
ပြီးမှ………. ဒလိုင်းလားမားနဲ့ ပတ်သက်လို့ကတော့ ဒလိုင်းလားမားကို ဗုဒ္ဓဘာသာ ရဟန်းတပါးအနေနဲ့ရော၊ တိဘက် ဘာသာရေး ခေါင်းဆောင်တစ်ဦးအနေနဲ့ရော၊ လူသားတစ်ဦးအနေနဲ့ပါ လေးစားပါတယ်။ သူ့အနေနဲ့ ဦးဇင်းတို့ မြန်မာ ရဟန်းတော်တွေကို ဝေဘန်ပြစ်တင်တယ် ဆိုတာ မဖြစ်သင့်တာ မဖြစ်အောင် စေနာနှင့် ပြောတယ် လို့ပဲ ယူဆပါတယ်။
အဲဒီလို စေတနာနဲ့ ပြောဆိုတဲ့သူတွေကို လေးစားပါတယ်၊ ဒါပေမယ့် ပြဿနာ တစ်ခုကို စေတနာ တစ်ခုတည်းနဲ့တော့ ဖြေရှင်းနိုင်မယ်လို့ မထင်မိပါဘူး၊ မိမိ သိထားတာကတော့၊ ခင်ဗျားလဲ သိပါတယ် အဲဒါက ဒလိုင်းလားမားဟာ မိမိတို့ မြန်မာပြည်ကို တစ်ခါမှ အလည် မရောက်ဘူးပါဘူး။ အလည်ရောက်ဘူးတယ် လို့ မကြားမိပါဘူး။ ခင်ဗျားများ ကြားမိလား လို့သတင်းထောက်ကို ပြန်မေးလိုက်အုံးမယ်။
အဲဒီတော့ မြန်မာပြည်အကြောင်း ဘယ်လောက် သူသိထားသလဲ ဆိုတာကတော့ သူပဲ သိမှာပါ။ မြန်မာပြည် တစ်ခါမှ မရောက်ဘူးပဲနဲ့ မြန်မာပြည်က အကြောင်းတွေကို ဝေဘန်မယ် ပြောဆိုမယ် ဆိုရင် …..ဘာညာ ဘာညာပေါ ……ဒီလိုပြောဖြစ်မယ် ထင်တယ်။ ဖြေနည်းတွေ အများကြီးရှိမှာပါလေ။)
ခုတော့ ကမ္ဘာကျော် ဒလိုင်းလားမားကို မလေးစားဘူး ဆိုတော့ ဆရာတော် ဦးဝီရသူ အနေနဲ့ ပညာရှိများ ပီသလွန်းနေသလားလို့ စဉ်းစားနေမိပါတယ်။ ပညာရှင် ဆန်လိုက်ထာလို့ လူရယ်စရာ။)
………………………………
ပြီးတော့ ဒုတိယ မေးခွန်းက
BW - မွတ်ဆလင်တွေအတွက် မြန်မာနိုင်ငံမှာ နေရာရှိပါသလား။
ထိုမေးခွန်းအား ဦးဝီရသူ၏ အမှန်တကယ် တုံ့ပြန်ပုံမှာ လွန်စွာကြမ်းတမ်း သဖြင့် CBS သတင်းဌာနအနေဖြင့် ပြန်လည်ဖော်ပြခြင်း မပြုကြောင်း Bill Whitaker က ရေးသား ထားသည်။
သူက မွတ်ဆလင်များမှာ မြန်မာနိုင်ငံကို ညစ်ညမ်းစေသည်ဟု ဆိုပြီး ပြောကြား မှုကို အထင်အရှား တွေ့မြင် ရသည်။
ဦးဝီရသူ - ဘုန်းကြီးက သူတို့ကို လက်မခံပါဘူး။
====
(တကယ်လို့ မိမိသာ ဆရာတော် ဦးဝီရသူ နေရာမှာနေပြီး ဖြေခွင့်ရခဲ့မယ်ဆိုရင်…. ခင်ဗျားဘာကြောင့် အဲဒီ မေးခွန်း ကျုပ်ကို မေးတယ် ဆိုတာ ကျုပ်နားမလည်ဘူး လို့ ပြောမိမယ်။ တကယ်တော့ မြန်မာနိုင်ငံ ဟာ မြန်မာပြည်သူ/သားတွေ ပိုင်တာပေါ၊ မြန်မာနိုင်ငံသူ နိုင်ငံသားတွေအတွက် မြန်မာနိုင်ငံမှာ နေရာတွေ အများကြီး ရှိပါတယ် အကျယ်ကြီးပါ လို့ ဖြေမိမယ်။ မြန်မာနိုင်ငံဟာ ဘာသာပေါင်းစုံ နေထိုင်နေတဲ့ တိုင်းပြည်ဖြစ်တယ်ဆိုတာ ခင်ဗျားသိလောက်ပါတယ် လို့ ပြောမိမယ်။ ခင်ဗျား မူစလင်အတွက် မစိုးရိမ်နဲ့ ခရစ်ယာန်အတွက်လဲ မစိုးရိမ်နဲ့ ဗုဒ္ဓဘာသာအတွက်လဲ မစိုးရိမ်နဲ့ အားလုံးအတွက် နေရာ အလုံအလောက်ရှိပါတယ် လို့ ဖြေမိမယ် ထင်တယ်။
ကျုပ်တို့ မြန်မာနိုင်ငံက လူဦးရေ သန်း ၅၀ လောက်ပဲ ရှိတယ်။
ခင်ဗျားသိမလားတော့ မပြောတတ်ဘူးဗျာ ကျုပ်တို့နိုင်ငံ့လူဦးရေထက် ၃ ဆကျော်ကျော် ၄ ဆ လောက်များတဲ့ ရခိုင်ပြည်နဲ့ကပ်နေတဲ့ ဘင်္ဂလားဒေ့ရှ် နိုင်ငံ၊ အဲဒီက လူဦးရေ သန်း ၁၆၀ ဝန်းကျင် ရှိတဲ့ ဘင်္ဂလားဒေ့ရှ် နိုင်ငံထက် မြန်မာနိုင်ငံက အကျယ်အဝန်းအားဖြင့် ၅ ဆလောက် ပိုကြီးတယ်ဗျ။ အဲဒီတော့ နေရာတွေ အများကြီးပါဗျာ လို့ ဖြေမိမယ်ထင်တယ်။ အဲဒီထက်မက ခနဲတဲ့တဲ့လေး ပြောချင်သေးတယ် ဆိုရင်တောင် ခင်ဗျား အမေရိကမှာ နေရာမရှိရင် မြန်မာပြည်လာနေလို့ရပါတယ် လို့ ဒါပေမယ့် ဟိုတိုင်းရင်းသားအဖြစ်ပေးပါ ဒီတိုင်းရင်းအဖြစ်ပေးပါလို့တော့ မတောင်းနဲ့ပေါဗျာ နေရာ ရရင်တော်ပေါဗျာလို့ ပြောကောင်းပြောမိမယ် ထင်တယ်)
ဒါပေမယ့် ဆရာတော် ဦးဝီရသူက ပညာရှင် ဆန်းလွန်းသွားတယ် ပညာသားပါပါပြောထဲလိုက်တယ် ထင်တယ် ။ ပညာရှင်တွေ လက်ခံနိုင်တဲ့အဖြေထင်လို့ နေမှာပေါလေ။
………………………………
ပြီးတော့ ဒေါ်အောင်ဆန်းစုကြည်နဲ့ ပတ်သက်တဲ့ မေးခွန်းတဲ့
BW - ဒေါ်အောင်ဆန်းစုကြည်ပေါ် ဘယ်လို မြင်ပါသလဲ။
ဦးဝီရသူ - အမျိုးသားရေးနဲ့ နိုင်ငံ လုံခြုံရေးအရဆိုရင် သူက လုံး၀ အသုံးမကျ ပါဘူး။
======
( မိမိကတော့ ထင်ထားတာ ဆရာတော်က ဒေါ်အောင်ဆန်းစုကြည်ကို သိပ်ချစ်တာ ၊ ဒေါ်အောင်ဆန်းစုကြည်ကို ချစ်တဲနေရာမှာ သူလောက်ချစ်တဲ့သူ ဘယ်သူရှိမလဲဗျာ လို့ မေးခွန်တွေ ထုပ်ထားတော့။ သြော် ဆရာတော်လဲ ပြည်သူတွေနဲ့အတူ ဒေါ်အောင်ဆန်းစုကြည်ကို ချစ်တာပေါ ချစ်မှာပေါ လို့ ထင်ခဲ့တာ။ အခုတော့ ဒေါ်အောင်ဆန်းစုကြည်ကို လုံခြုံရေးဘက်မှာ သုံးစားမရဘူး အသုံးမကျဘူး useless လို့တောင် သုံးလိုက်တယ် ဆိုတော့ ….ဘယ်သူက useless ဖြစ်တာလဲ။ ဦးဝီရသူက useless ဖြစ်တာလား ဒေါ်အောင်ဆန်းစုကြည်လား။
Useless ဖြစ်တာ ဒေါ်အောင်ဆန်းစုကြည် မဟုတ်ဘူး ဆိုတာတော့ လူတိုင်းသိနေလို့ သေချာတယ်) ဦးဝီရသူက ပညာရှင် ဆန်းလွန်းသွားပြန်ပြီနဲ့တူတယ် ခ်ခ်ခ်။ ပြီးတော့ ဒေါ်အောင်ဆန်းစုကြည်အပေါ် အတော် မေတ္တာဓာတ် သို့မဟတ်ု အမုန်းဓာတ် ဘယ်လောက်ရှိလဲ ဆိုတာ ထင်ရှားသွာတယ်။
ဒီလောက်ပညာရှင် ပီသတဲ့ ဆရာတော့် နောက်လိုက်တွေကလဲနော် ပညာရှင်တွေမို့ နေမှာပေါလေ ဟားဟား။)
https://www.facebook.com/News.The
No comments:
Post a Comment