စစ်အာဏာရှင်များ အမြန်ဆုံးကျဆုံးပါစေ။

ပါးပါးလေးပုတ်တယ်လို့လဲမထင်ပါနဲ့ ..
ထူထူကြီးပစ်တယ်လို့လဲမမြင်ပါနဲ့ ....

ပီးခဲ့တဲ့အပတ်ကပဲ ကိုယ်တွေဆီမှာစစ်ပွဲတွေကြောင့်ရော၊ တပ်နဲ့ပြည်သူကွဲနေတာကြောင့်ရော၊ အာဏာရူးတွေကြောင့်ရောတိုင်းပြည်နောက်ကျကျန်နေခဲ့ပီဆိုတာရယ်၊ သူများတိုင်းပြည်တွေရှေ့ရောက်နေကြပြီး မြန်မာတွေအတော်များများ ပြည်ပတွေထွက်ဆေးကုတာ၊ စျေးဝယ်တာ၊ အပန်းဖြေတာတွေလုပ်နေကြလို့ ကိုယ်တွေတိုင်းပြည်ရဲ့ငွေတွေ သူများတိုင်းပြည်ထဲအများကြီးစိမ့်ဝင်နေတယ်ဆိုတာရေးခဲ့တယ် ....

ကိုယ်လဲ အခု အမျိုးသမီးရဲ့အမေ operation လေးတခုရှိလို့ ထိုင်းက Bumrumgrat ဆေးရုံရောက်နေတယ် ... Operation လုပ်ရမှာဆိုတော့ အနည်းဆုံးဒေါ်လာ ၃၀၀၀၀ လောက်ကုန်ကျမယ်လို့ဆိုတယ် ... ရောဂါထပ်တွေ့လို့ကုရရင်ပိုမယ်ပေါ့ ...
ဟိုအရင်တနှစ်တခါကိုယ်တိုင်ဆေးလာလာစစ်တုန်းကထဲက ဒီဆေးရုံရောက်တိုင်း မြန်မာလူနာတွေပိုပိုများလာတာတွေ့ရတော့ သူများဆီရောက်သွားတဲ့ ဒို့တိုင်းပြည်ပိုက်ဆံတွေကိုနှမြောမိတယ် ...
ဒီတခေါက်လဲ ကိုယ့်ဟာကို စိတ်ထဲမှာထင်သလို တရက်ကိုလူနာ ၁၀၀ လောက်လာပြရင်ဆိုတာနဲ့စိတ်ထဲမှာတွက်နေခဲ့မိတယ် ....

ဘယ်ဟုတ်မလဲ သေချာပြန်မေးကြည့်မှ တရက်ပျမ်းမျှ Outpatient လာကုတာ ၃၀၀ လောက်ရှိပြီး အတွင်းလူနာ ၁၅-၂၀ လောက်ရှိကြောင်းသိရတော့အံ့သြမိတယ် ...
တချို့ဆိုရင် ရောဂါပေါ်မူတည်ပြီးလချီကြာတာရှိသလို တနှစ်ကျော်တာတောင်ရှိတယ်ဆိုပါလား ...
မြန်မာဘာသာပြန်တွေ ၂၅ ယောက်လောက်ရှိတာမှာ တရက် ၂၀ လောက်အလုပ်ဆင်းပေမဲ့အခုမလောက်လို့ထပ်ခေါ်ရမယ်လို့သိရတယ်.,,
တနှစ်ထက်တနှစ်တိုးပြီးလာပြကြတယ်လို့ဆိုတယ် ..
အခုဆို မန္တလေး-ဘန်ကောက်လဲတိုက်ရိုက်ဖလိုက်တွေရှိတော့ မန္တလေးဘက်ကလဲသွားကုဖို့လွယ်နေပြီ ..

လက်ရှိဟာကိုပဲအကြမ်းဖျင်းပဲတွက်ကြည့်ရအောင် ..
Outpatient ၃၀၀ မှာ ဘာစစ် ညာစစ်ဆရာဝန်ပြဆိုတော့ အနည်းဆုံး ဘတ် ၈၀၀၀ လောက်ကနေ ၂-၃၀၀၀၀ ထိကုန်ကျတယ်.,,
ပျမ်းမျှ တယောက် ဘတ် ၁၀၀၀၀ ပဲကုန်တယ်လို့တွက်ကြည့်ရင် အယောက် ၃၀၀
၁၀၀၀၀ * ၃၀၀ = ၃၀၀၀၀၀၀ ဘတ်
၁ ဒေါ်လာ ကို ၃၀ ဘတ်နဲ့အကြမ်းဖျဉ်းလိုက်ရင် တရက်ကို $ ၁ သိန်း
တလဆိုတော့ ၃ မီလျံ
တနှစ် ၃၆ မီလျံ
အဲဒါ ဆေးရုံတက်အတွင်းလူနာဖိုးတွေမပါ.,
 နှစ်ရှည်ကုတဲ့လူနာတွေမပါသေးဘူး ...

လူနာလာပြတဲ့အချိန်တည်းတာကလဲ တရက် $ ၅၀ - ၁၀၀ ရှိတယ်ဆိုတော့ပျမ်းမျှ $ ၇၀ နဲ့ပဲတွက်
တရက္ကို $ ၇၀ * ၃၀၀ = ၂၁,၀၀၀ $
တလဆိုတော့ ၆ သိန်းကျော်
တနှစ်ကို 7.2 million USd

ဒါဟာကျန်းမာရေးဝန်ဆောင်တာလေးပဲတွက်ပြတာပါ ..
စျေးဝယ်ထွက်၊ အပန်းဖြေသွားတာတွေဆိုလဲတနှစ်ထက်တနှစ်တိုးလာကြတာဆိုတော့ တိုင်းပြည်ပိုက်ဆံတွေဘယ်လောက်တောင်ထွက်နေပြီလဲဆိုတာ စဉ်းစားကြစေလိုပါတယ် ...
ဒါဆိုဘာလို့သွားကုကြလဲလို့ဆိုရင်တော့ ကိုယ့်မိဘမောင်ဘွားတွေ ကျန်းမာရေးပြဿနာတွေရှိတဲ့အချိန်သိပါလိမ့်မယ် ...
သွားကုသူတွေမှာအပြစ်မရှိ ..
လက်ရှိကျန်းမာရေးဝန်ဆောင်နေကြတဲ့ ဆေးရုံ၊ ဆေးခန်း၊ ဆရာဝန်စတဲ့သူတွေလဲ အပြစ်မရှိ ..
ခေတ်စနစ်ဆိုးကြီးတခုအောက်မှာ အရာရာပျက်ယွင်းလာကြတာပါ ...
တကယ့်ပြဿနာရဲ့ရင်းမြစ်ဘာလဲဆိုတာ အမှောင်မဖုံးပဲမြင်အောင်ကြည့်စေချင်ပါတယ်..,

ဦးနုလက်ထက် ၁၉၆၂ အထိအရှေ့တောင်အာရှမှာ အကောင်းဆုံးလေဆိပ်၊ ရေဆိပ်ရှိတာ၊ ရန်ကုန်ကတက္ကသိုလ်လာတက်ရတာ၊ ရန်ကုန်ဆေးရုံကြီးဆေးလာကုရတာ၊ Shopping လာလုပ်ရတာတွေဟာ ကျွန်တော်တို့ခေတ်နဲ့ဒီခေတ်ကလေးတွေအတွက်ပုံပြင်အလား ..

တပ်မတော်သိမ်းပီးနောက်ပိုင်းကျွန်တော်တို့နိုင်ငံကရပ်တန့်သွားပီး ပညာရေး၊ ကျန်းမာရေး၊ စီးပွါးရေးတွေဟာပိုလို့ဆုတ်ယုတ်လာပေမဲ့ အခြားအရှေ့တောင်အာရှတွေကတိုးတက်လာတဲ့အခါ အခုဘိတ်ဆုံးအခြေအနေရောက်ရှိလို့နေလေရဲ့ ...

ဒါတောင်အခုအချိန်ထိ အမှန်မြင်ပီးပြင်မယ်မရှိကြ၊ တိုင်းပြည်ကနေမသမာတဲ့ပိုက်ဆံတွေနဲ့ ချမ်းသာနေကြပြီး အာဏာရှင်အစိုးရကိုပြန်တည်ဆောက်ချင်နေသူတွေ၊ အားပေးနေသူတွေကိုတခုလောက်ပဲပြောချင်တယ်..,
ကိုယ့်မိဘ၊ သားသမီးမောင်ဖွါးတွေ ကျန်းမာရေးတခုခုဖြစ်ရင် ကျွန်တော်တို့လိုပဲအခြားတိုင်းပြည်ပြေးကြရတာပဲမဟုတ်ပါလား ?

အဲ့ဒီအချိန်မှာကော ငါတို့တိုင်းပြည်စုတ်ပြတ်သွားလို့ ငါတို့သူများဆီလာကုရတယ် .. ငါတို့ပိုက်ဆံဟာတိုင်းပြည်ပိုက်ဆံပဲ .,, ဒို့တိုင်းပြည်ရဲ့ငွေတွေသူတို့တိုင်းပြည်တွေရောက်ကုန်ပါလားလို့ တစက်ကလေးတောင်တွေးမိကြရဲ့လား ??
အဲ့လောက်လေးမှမတွေးမိရင်တော့ တိုင်းပြည်ချစ်တယ်၊ အမျိုးချစ်တယ်လို့မအော်စေချင်ပါ ...

ဒါဟာကျန်းမာရေးတခုပဲပြောတာပါ ...
တိုင်းပြည်သာဖွံ့ဖြိုးတိုးတက်ရင် ဟိုအရင်လိုသူများတိုင်းပြည်တွေက ကျောင်းလာမတက်၊ ဆေးလာမကု၊ စျေးလာမဝယ်ရင်တောင် ကိုယ့်ပြည်သူတွေအပြင်ထွက်စရာမလိုတော့ တိုင်းပြည်ပိုက်ဆံ တိုင်းပြည်တွင်းမှာပဲလည်ပတ်တာပေါ့ ..

ဦးနုခေတ်ကတိုးတက်မှု့ဟာ စစ်အာဏာရှင်လက်ထက်မှာသေခဲ့တယ် ....
စစ်အာဏာရှင်လက်ထက်ကဆုတ်ယုတ်ခဲ့မှု့ကို ကျွန်တော်တို့ကစစ်အာဏာရှင်ပြန်လည်အုပ်ချုပ်ခွင့်မရအောင်ပြုလုပ်ခြင်းအားဖြင့် ဆယ်ယူကြရမယ်...
စစ်အာဏာရှင်ခေတ်မှာ အောက်ခြေစစ်သား၊ စစ်ဗိုလ်တွေချမ်းသာသွားကြတာမရှိပါဘူး .. နီးစပ်ရာသာအဆင်ပြေကြတာပါ .....
စစ်အာဏာရှင်ရှည်လျားစွာအုပ်ချုပ်ခဲ့ပေမဲ့ စစ်လက်နက်ပစ္စည်းတွေ၊ စစ်ရေယာဉ်၊ စစ်လေယာဉ်တွေ အရမ်းကောင်းမွန်သာလွန်ပြီးတောင့်တင်းတဲ့ စစ်တပ်ကြီးရယ်လို့ဖြစ်မလာခဲ့ပဲ ထိပ်ပိုင်းအာဏာရှိသူတွေနဲ့အပေါင်းအပါတွေသာချမ်းသာခဲ့ကြတယ် ..

နိုင်ငံရေးအကြောင်းရေးချင်လို့တော့မဟုတ်ပါဘူး ..
ဒါပေမဲ့ လက်တကမ်းလေးပဲကြည့်တတ်ကြသူတွေ အမြင်လေးများတည့်လာမလားလို့ ဒီဘန်ကောက်ကဆေးရုံမှာထိုင်နေရင်းမြင်တာ သိတာလေးကိုအခြေခံပြီးရေးမိလိုက်တာပါ ..

ပါးပါးလေးပုတ်တယ်လို့လဲမထင်ပါနဲ့ ..
ထူ

ထူကြီးပစ်တယ်လို့လဲမမြင်ပါနဲ့ ....

ထွန်းထွန်းဝင်း
18.5.2018