အမျိုးသားညီညွတ်ရေးအစိုးရ ယာယီသမ္မတ ရှေ့တန်းစစ်စခန်းများသွားရောက်။

 NUG ယာယီ သမ္မတ PDF ရှေ့တန်းစခန်းများကို ကွင်းဆင်း စစ်ဆေး

ဧရာဝတီ ၊ မေ ၃၀၊ ၂၀၂၂

အမျိုးသား ညီညွတ်ရေး အစိုးရ (NUG) ၏ ယာယီ သမ္မတ ဒူဝါလရှီးလသည် မေလ ၂၄ ရက်က ပြည်သူ့ ကာကွယ်ရေးတပ်ဖွဲ့ (PDF) ရှေ့တန်း စခန်းတနေရာသို့ သွားရောက်ပြီး အားပေး ဂုဏ်ပြုစကားများ ပြောကြားခဲ့ကြောင်း သိရသည်။

ထိုသို့ သွားရောက်ခဲ့ရာတွင် ဒူဝါလရှီးလက PDF စစ် သည်၊ ရဲဘော်များသည် တိုင်းပြည်၏ သူရဲကောင်းများဖြစ်သလို တိုင်းပြည်၏ မျှော်လင့်ချက်လည်းဖြစ်သဖြင့် အထူးလေးစား ဂုဏ်ယူကြောင်း၊ PDF ရဲဘော်များ အပါ အဝင် ခုခံတွန်းလှန်စစ်တွင် ပါဝင်နေသူများ အားလုံးသည် မိမိတို့ အသက်အန္တရာယ်ကို စတေး ထည့်ဝင်နေကြသူများ ဖြစ်သည့်အတွက် သမိုင်းက ကောင်းစွာ မော်ကွန်း ကဗ္ဗည်းတင်ပြီး ဖြစ်သလို အရင်းအနှီးများ သည် လုံးဝ အဟောသိကံ ဖြစ်မည် မဟုတ်ကြောင်းလည်း ပြောကြားခဲ့ကြောင်း ၎င်း၏ လူမှုကွန်ရက်စာ မျက်နှာ Facebook တွင် ရေးသားထားသည်။

ပြည်သူနှင့် PDF ရဲဘော်တို့သည် ရေနှင့် ငါးကဲ့သို့ပင် ကျင့်ကြံရမည် ဖြစ်ကာ Professional စံပြတပ်မတော် တရပ်အဖြစ် ရပ်တည်နိုင်ရေးအတွက် ပြည်သူနှင့် တသားတည်း ရှိမှု၊ စည်းကမ်းကောင်းမွန်မှု၊ အမိန့်နာခံမှု၊ စွမ်းရည် ပြည့်ဝမှုတို့သည် အရေးကြီးကြောင်း စသည် ဖြင့် မှာကြားခဲ့ကြောင်းလည်း သိရသည်။

ယခုအခါ တနိုင်ငံလုံးတွင် PDF တပ်မတော်၏ တပ်ရင်း၊ တပ်ဖွဲ့ပေါင်းများစွာ စနစ်တကျ စုဖွဲ့လာနိုင်ပြီ ဖြစ်၍ လူထုက များစွာ အားတက်လျက်ရှိကြောင်း၊ PDF သည် နွေဦးတော်လှန်ရေး၏ အသက်ပမာ အရေးကြီးသည်ဖြစ်ရာ လူထု မျှော်လင့်ချက် ပန်းတိုင်ရောက်သည်အထိ ဉာဏ်ပညာ၊ ဇွဲ၊ သတ္တိ၊ လုံ့ဝ၊ ဝိရိယအပြည့်ဖြင့် ဦးဆောင်ပါဝင်သွားကြရန် လိုအပ်ကြောင်း စသည်ဖြင့် ဆွေးနွေး မှာကြားခဲ့ကြောင်းလည်း ပြည်သူသို့ အသိပေး ထုတ်ပြန်ထားသည်။

ပြီးခဲ့သည့် ဧပြီလ ၁၅ ရက်ကလည်း NUG ကာကွယ်ရေး ဝန်ကြီး ဦးရည်မွန်သည် PDF ရှေ့တန်းစခန်းများသို့ သွားရောက်၍ တပ်ဖွဲ့ဝင်များနှင့် တွေ့ဆုံခဲ့သေးသည်။

ဓာတ်ပုံ - Acting president duwa lashi la

#WhatsHappeningInMyanmar

#R

ejectMilitaryCoup

သိသင့်သော SNLD ဥဏ္ဌပြောကြားသောစကားများ

 စစ်အာဏာသိမ်းပြီးနောက် အဓမ္မနှင့် ဓမ္မ အားပြိုင်နေချိန် SNLD အနေဖြင့် တရားသော မှန်ကန်သည့် ဓမ္မဘက်မှ ပြတ်ပြတ်သားသား ရပ်တည်ရန် ဆုံး ဖြတ်ထားပြီးဟု SNLD ဥက္ကဋ္ဌ ဦးစိုင်းညွန့်လွင် ပြည်သူကို အသိပေး 

ရန်ကုန်၊ မေ ၂၇ 

ရှမ်းအမျိုးသားဒီမိုကရေစီအဖွဲ့ချုပ် SNLD အနေဖြင့် စစ်အာဏာသိမ်းပြီးနော က် ဖြစ်ပေါ်နေသည့် ပဋိပက္ခများနောက် မျောပါမသွားစေရန် ထိန်း ကျောင်းနေရပြီး ဓမ္မနှင့် အဓမ္မ အားပြိုင်နေချိန် မှန်ကန်သည့် ဓမ္မတရားဘက်မှ ရပ် တည်ရန် ဆုံးဖြတ်ထားပြီးဖြစ်သည်ဟု ရှမ်းအမျိုးသားဒီမိုကရေစီအဖွဲ့ချုပ် SNLD ဥက္ကဋ္ဌ ဦးစိုင်းညွန့်လွင်က ပြည်သူလူထုသို့ အသိပေးပြောဆိုလိုက်သည်။ 

မေလ ၂၆ ရက်နေ့ တောင်ကြီးမြို့တွင် ကျင်းပပြုလုပ်သည့် SNLD ညီလာခံတွင် ၎င်းက လက်ရှိနိုင်ငံရေးအခြေအနေနှင့်ပတ်သက်ပြီး အထက်ပါအတိုင်း အသိပေးလိုက်ခြင်းဖြစ်သည်။ 

"အာဏာသိမ်းမှုရဲ့ နောက်ဆက်တွဲ ဖြစ်ပေါ်လာတဲ့ ပဋိပက္ခတွေမှာ စည်းမျောပါပြီး မသွားရလေအောင် သတိ နဲ့ ထိန်းကျောင်းပြီး ဆက်ခဲ့ရတာဖြစ်ပါတယ်။ ကျွန်တော်တို့ဟာ မှန်ကန်တဲ့ ဓမ္မတရားဘက်တွေနဲ့ ရပ်တည်ဖို့ရှိပါတယ်။ ဓမ္မတရားနဲ့ အဓမ္မ မတရားမှု အားပြိုင်နေတဲ့ ဒီနေ့နိုင်ငံရေး အခင်းအကျင်းမှာ အဖြူနဲ့ အမဲ ကွဲကွဲပြားပြား ရှင်းရှင်း လင်းလင်း မြင်အောင်ကြည့်ပြီးတော့ ဓမ္မဆိုတဲ့ တရားတဲ့ဘက်မှာပဲ ကျွန်တော်တို့ မားမားမတ်မတ် ပြတ်ပြတ်သားသား ရပ်တည်ဖို့ ကျွန်တော်တို့ အားလုံး ဆုံးဖြတ်ထားပါတယ်" ဟု ဦးစိုင်းညွန့်လွင်က အသိပေးသည်။ 

လက်ရှိ ပဋိပက္ခကို မဖြေရှင်းနိုင်လျှင် မြန်မာနိုင်ငံ ကျရှုံးနိုင်ငံအဖြစ် ဦးတည်နေပြီး အာဏာရှင်နေဝင်းမှစတင်၍ လူတစ်ဦး၏ခေါင်းဆောင်မှုဖြင့် နိုင်ငံကို အောင်မြင်စွာ မအုပ်ချုပ်နိုင်ကြောင်း ရှမ်းအမျိုးသားဒီမိုကရေစီအဖွဲ့ချုပ် SNLD ဥက္ကဋ္ဌ ဦးစိုင်းညွန့်လွင်က သတိပေးသည်။ 

"လက်ရှိ ပဋိပက္ခတွေကို မဖြေရှင်းနိုင်ဘူးဆိုရင် ကျွန်တော်တို့ နိုင်ငံဟာ ကျဆုံးတဲ့ နိုင်ငံမျိုး ဖြစ်သွားဖို့ ဦးတည်နေပါတယ်။မြန်မာပြည်ရဲ့ သမိုင်း ဇာတ်ညွှန်းတွေထဲမှာတော့ လက်ရှိ ကပြနေတဲ့ အပိုင်းကို ကြည့်ရမယ်ဆိုရင် နိုင်ငံရေး ပါတီတွေရဲ့ အခန်းကဏ္ဍဟာ ဇာတ်ရံ အဖြစ်နဲ့ပဲ ရှိနေတယ်ဆိုတာ တွေ့ရမှာဖြစ်ပါတယ်။ ကျွန်တော်တို့ဟာ လူ တစ်ဦးတစ်ယောက်ရဲ့ ခေါင်းဆောင်မှု အောက်မှာ အုပ်ချုပ်ခံအဖြစ် နေခဲ့ရတာ ၁၉၆၂ ခုနှစ်တည်းကနေ တိတိကျကျ ပြောရမယ်ဆိုရင် ဒီနေ့ထိပါပဲ လူတစ်ယောက်တည်း ခေါင်းဆောင်မှုက အောင်မြင်မှုရခဲ့သလေားဆိုတဲ့ မေးခွန်း မေးခဲ့ရင် မရှိပါဘူးလို့ပဲ ဖြေရမှာဖြစ်ပါတယ်။ ကျွန်တော်တို့ တိုင်းပြည်ရဲ့ လက်ရှိအခြေအနေကို ကြည့်လိုက်ရင် အတော်လေးကို ဆိုးဆိုးရွားရွား ကျဆင်းနေတာကို ဘယ်သူမှ ငြင်းဆန်နိုင်မယ် မထင်ပါဘူး။ ခေါင်းဆောင် တစ်ဦး တစ်ယောက် တည်းရဲ့ သဘောထားနဲ့ ဦးဆောင်ခဲ့မှု မအောင်မြင်နိုင်ဘူး ဆိုတဲ့ အချက်က အလွန်ကို သေချာပါတယ်" ဟု ဦးစိုင်းညွန့်လွင်က ဆိုသည်။ 

အာဏာရှင်ကို တော်လှန်ရင်း အာဏာရှင် ဖြစ်မသွားစေရန်လည်း မိမိကိုယ်ကိုကိုယ် ပြုပြင်ပြောင်းလဲတော်လှန်ကြရန် အရေးကြီးသည်ဟု ၎င်းက ထောက်ပြသည်။

" ကိုယ်ကိုတိုင် ကိုယ့်ကိုကိုယ်မှ မအောင်မြင်သေးဘူးဆိုရင် ပြုပြင်ပြောင်းလဲရေး မလုပ်နိုင်သေးဘူးဆိုရင် ကိုယ့်ရည်မှန်းချက်ဖြစ်တဲ့ အများကို ပြောင်းလဲဖို့ ဆိုတာ မဖြစ်နိုင်ပါဘူး။ ပြောရမယ်ဆိုရင်တော့ အာဏာရှင် တိုက်ဖျက်ဖို့ လုပ်ရင်းနဲ့ အောင်မြင်လာတဲ့ တစ်နေ့မှာ ကိုယ်ကိုတိုင်က အာဏာရှင်ကြီး ဖြစ်သွားတဲ့ အခြေအနေကို မဖြစ်စေချင်ပါဘူး။ အာဏာရှင်ကို တိုက်ဖျက်နေတဲ့ လူကိုယ်တိုင်က အာဏာရှင် စိတ်ဓာတ်တွေ သူ့ရင်ထဲမှာ ကိန်းအောင်းနေခဲ့မယ်ဆိုရင် ကိုယ်ကိုတိုင် အာဏာရှင် ဖြစ်ဖို့ အတွက် ရှိတဲ့ အာဏာရှင်ရဲ့ နေရာကို လုတဲ့ သဘောမျိုးပဲ ဖြစ်ပါတယ်။ လူထုအတွက် ဘာမှ အကျိုးမရှိနိုင်ပါဘူး"ဟု ၎င်းက သတိပေး ပြောဆိုသည်။ 

လက်ရှိတွင် နိုင်ငံရေးအခင်းအကျင်းမှာ နေရာတိုင်းတွင် လက်နက်မရှိလျှင် မျက်နှာငယ် လူရာမဝင်ဖြစ်နေရခြင်းမှာလည်း တိုင်းပြည်အတွက် ဆိုးဝါးသော ထိခိုက်မှုဖြစ်သည်ဟု ၎င်းက ဆက်လက်ပြောဆိုသည်။ 

"လက်နက်နဲ့ နိုင်ငံတော်ကို တည်ဆောက်နေသလို ဖြစ်နေတာကို သတိပြုမိကြမယ် ဖြစ်ပါတယ်။ လက်နက်မရှိရင်လည်း မျက်နှာငယ်ရတယ်။ လူရာမဝင်သလို ဖြစ်ရတယ်။ နေရာတိုင်း နေရာတိုင်းမှာ လက်နက်ကိစ္စဟာ အရေးပါသလို ဖြစ်နေတယ်။ လက်နက်မရှိရဘူးလို့ မဆိုလိုချင်ပါဘူး။ လက်နက်ရှိဖို့ လိုအပ်ပါတယ်။ သို့သော် လက်နက်နေရာမှာပဲ လက်နက်ရှိဖို့ လိုပါတယ်။ လက်နက်မလိုတဲ့ နေရာမှာ လက်နက် မရှိစေချင်ပါဘူး။ အခုတော့ ကျွန်တော်တို့ဟာ နေရာတကာမှာ လက်နက်ဖြစ်နေတော့ တိုင်းပြည် တည်ဆောက်ရေးအတွက် လိုအပ်တဲ့ ပညာရဲ့ အခန်းကဏ္ဍတွေ ပျောက်နေတယ်။ တခြား ပညာနဲ့ဆိုင်တဲ့ လုပ်ငန်းတွေ နောက်ကျနေတယ် ဆိုတဲ့အတွက် တိုင်းပြည်အတွက် အလိုလို ထိခိုက်မှု ကြီးမားတယ်လို့ ပြောကြားချင်ပါတယ်။ ယဉ်ကျေးတဲ့ လူ့အဖွဲ့အစည်းကို တည်ဆောက်နေတဲ့ အချိန်မှာ ကျွန်တော်တို့က လက်နက်ကိုပဲ ဦးစားပေးတဲ့ လူ့အဖွဲ့အစည်းဖြစ်နေဆဲ ဆိုတာကို ဝမ်းနည်းစွာတွေ့ရပါတယ်။ ဒါကို ကျွန်တော်တို့ ပြုပြင်ပြောင်းလဲဖို့ လိုမယ်လို့ ယူဆပါတယ်။ လက်နက်ကိုင် ပဋိပက္ခတွေရဲ့ နောက်ဆက်တွဲ ဖြစ်ရပ်တွေကတော့ ရပ်ရွာ အေးချမ်းသာယာရေးနဲ့ တရားဥပဒေ စိုးမိုးရေးဟာ တဖြည်းဖြည်းနဲ့ ယုတ်လျော့ကျဆင်းနေပါတယ်။ ကျန်းမာရေး အခန်းကဏ္ဍ၊ ပညာရေး အခန်းကဏ္ဍ၊ လူမှုရေး အခန်းကဏ္ဍ တွေမှာ အလွန်အမင်း ထိခိုက်နစ်နာနေကျတာ အတော် ဝမ်းနည်းစရာကောင်းတဲ့ ဖြစ်ရပ်တွေဖြစ်ပါတယ်။ ဒါ့အပြင် နိုင်ငံရေး စီးပွားရေး လုပ်ငန်းတွေ အဆ မတန် ကျဆင်းနေတာနဲ့ အမျှ ပြည်သူလူထုရဲ့ စားဝတ်နေရေး အသက် မွေးဝမ်းကြောင်း လုပ်ငန်းတွေဟာလည်းပဲ အလွန် အင်မတန်ကို ခက်ခဲနေ ကျပ်တည်းနေတယ်" ဟု ၎င်းက ရှင်းလင်းပြောဆိုသည်။ 

လက်ရှိတွင် SNLD သည် အကြမ်းဖက်စစ်ကောင်စီက ခန့်အပ်ထားသော ရွေး ကောက်ပွဲကော်မရှင်က ဆောင်ရွက်သည့် ပါတီစစ်ဆေးမှုကို ခံယူခြင်းမရှိသေးပေ။

AA စ တိုက်ပြီ

 ပလက်ဝမှာ အေအေနဲ့ စစ်ကောင်စီတပ် တိုက်ပွဲဖြစ်နေ

ရခိုင်ပြည်နယ်နဲ့ ချင်းပြည်နယ်အစပ် ချင်းပြည်နယ်ထဲက ပလက်ဝမြို့နယ်ထဲမှာ စစ်ကောင်စီတပ်နဲ့ ရက္ခိုင့်တပ်တော်(အေအေ)တို့ ဒီနေ့ မေလ ၂၆ ရက် မနက် ၁၀ နာရီကစလို့ တိုက်ပွဲ စဖြစ်နေတယ်ဆိုပြီး ဒေသခံတွေက ဘီဘီစီကိုပြောပါတယ်။

တိုက်ပွဲဟာ ပလက်ဝမြို့နယ်ထဲက အပေါင်စကျေးရွာအနီးမှာ ဖြစ်နေတာလို့လည်း ပလက်ဝဒေသခံတွေက ပြောပါတယ်။

''တိုက်ပွဲက အခုထိ ဆက်ဖြစ်နေတုန်းပဲ။ ပလက်ဝမှာရှိတဲ့ စစ်တပ်ရဲ့ ၂၈၇ တပ်ကနေ လက်နက်ကြီးတွေ ပစ်သေးတယ်။ တိုက်ပွဲဖြစ်တဲ့နေရာက ပလက်ဝကနေ သွားရင် တစ်နာရီလောက်သွားရတယ်''လို့ ပလက်ဝ ဒေသခံတစ်ဦးက ပြောပါတယ်။

ပလက်ဝမြို့ပေါ်ကနေ လက်နက်ကြီး ပစ်ခတ်သံကြားရာကနေ အပေါင်စကျေးရွာဘက်ကို ဆက်သွယ်မေးမြန်းချိန်မှာ အဲဒီရွာအနီး တိုက်ပွဲဖြစ်နေတာကိုသိရှိခဲ့ရတာလို့လည်း သူက ဆက်ပြောပါတယ်။

ရခိုင်ပြည်နယ်အတွင်းမှာ စစ်ကောင်စီရဲ့လှုပ်ရှားမှုတွေဟာ ၂၀၂၀ နို၀င်ဘာမတိုင်ခင် နှစ်ဖက် တိုက်ပွဲပြင်းထန်ခဲ့တဲ့ကာလက စစ်ကြောင်းလှုပ်ရှားမှုတွေထက် ပိုဆိုးရွားနေတယ်ဆိုပြီး အေအေဘက်က ပြောဆိုတာ၊ နောက် နှစ်ဖက်တိုက်ပွဲတွေ ဖြစ်လာနိုင်တယ်ဆိုပြီး အေအေဘက်က ဒေသခံတွေကို သတိပေးတာတွေ ရှိခဲ့ပြီး စစ်ကောင်စီဘက်ကလည်း အေအေကရခိုင်မှာတိုက်ပွဲခေါ်နေတာဖြစ်ပြီး တပ်ကိုအဆိုးမဆိုနဲ့လို့ ပြောကြားလာအပြီးမှာ အခုတိုက်ပွဲပေါ်ပေါက်လာတာဖြစ်ပါတယ်။

ဘီဘီစီမြန်မာပိုင်းရဲ့နောက်ဆုံးရသတင်းများတိုက်ရိုက်တင်ဆက်မှု

https://www.bbc.com/burmese/live/burma-61580209

#ဘီဘီစီမြန်မာပိုင်း #မြန်မာ #ရက္ခိုင့်တပ်တော် #စစ်တပ် #ပလက်

ဝ #တိုက်ပွဲ

2020က video အဟောင်း ခုတော့ မအလ တကောင်ထပ်တိုး

 

ဗိုလ်သံမဏိခေါ် အရှင် သောပါက (ရုပ်/သံ)

နိုင်ငံတကာက သီတင်းဌာန တွေမှာ လေးစာဂုဏ်ပြုခြင်းခံရတဲ့ ရွှေဝါရောင် သံဃာတော်တစ်ပါး🙏🙏🙏🙏🙏 

ဗိုလ်သံမဏိဆိုတာ ရိုးသား ကြိုးစား 

နှလုံးသား လှတဲ့ ပရဟိတ သံဃာ တော် တစ်ပါးကနေ ဆင်းသက်လာတဲ့ လူတော်လူကောင်း တစ်ဦးပါ...

2007 ရွှေဝါရောင် တော်လှန်ရေး ကာလမှာလဲ ဦးဆောင်

သံဃာတော်တပါး အဖြစ်နှင့် 

 မြန်မာ့အရေးကို ကမ္ဘာကသိအောင် ဆွေးနွေးကာ

ထိထိမိမိ ချပြနိုင်ခဲ့သူ..

ပထမ နိုင်ငံရေးအေးဆေး ဖြစ်တဲ့အချိန်မှာ ဂျာမဏီက

ပြန်လာခဲ့တယ်...

ဘယ်အစိုးရ ဘယ်အဖွဲ့ စည်းကမှ

 ကြည့်ရှု့ စောင်မ ခြင်းမရှိလို့ အစစရာရာ နိမ့်ကြ နေတဲ့ 

အညာ ဒေသက ကျေးရွာ တွေကို အလင်းရောင်ပေးဖို့ 

ပြန်လာ သူ....

သုတ ရသ..

စာကြည့်တိုက် ထူထောင်ပေးတယ် နာမည်ကြီး စာရေးဆရာ တွေကို ဖိတ်ကြားပြီး စာပေ ဟောပြော 

ပွဲတွေ ပြုလုပ်ကာ အသိပညာ မြှင့်တင်ပေးခဲ့ တယ်..

ပညာရေး...

ကျွန်တော်တို့အညာဒေသမှာ ကျူရှင် တက်ဖို့ အခက်ခဲဖြစ်နေတဲ့

ကျောင်းသား ကျောင်းသူတွေ အများကြီးရှိတယ် 

ကျူရှင်တက်ဖို့ အခက်ခဲဖြစ်နေတဲ့ ကျောင်းသား 

လူငယ်လေးတွေအတွက် အခမဲ့ ပရဟိတ စာသင်ကျောင်း ဖွင့်ကာ ပညာရေးအတွက် အလင်းရောင်

ပေးခဲ့ပြန်တယ်...

နောက်တစ်ဆင့်

ရခိုင်ပြည်နယ်က စစ်ဘေးရှောင် ကလေးများ အပါဝင် 

တိုင်းရင်သား လူမျိုးအစုံ မိဘမဲ့ ကလေးတွေကို ပြုစု ပျိုးထောင် ပေးခဲ့ပြန်တယ်

သဘာဝ ပတ်ဝန်းကျင် ထိန်းသိမ်းရေးတွေမှာလဲ

သူကိုယ်တိုင် ကိုယ်ကျ ပါဝင်ခဲ့တယ်....

သူ့ရဲ့ကျောင်းသားတွေနှင့် သူရဲ့ ပရဟိတအလုပ်တွေနှင့်

 ပျော်ရွှင်နေသော ဆရာတော် အရှင်သောပါက...

အာဏာသိမ်းလိုက်တဲ့အချိန်မှာ တော့ 

စာသင်တဖက် ပရဟိတ တဖက် နှင့် လူများရှေ့ထွက် ကာ

ဆန္ဒ ပြခဲ့ ရပြန်တယ်....

ရွှေဝါရောင်ခေတ် မှာ အထင်ကရ ဖြစ်ခဲ့တဲ့ဆရာတော် 

အခုတစ်ချိန်မှာလဲ ငြိမ်နေမှာ မဟုတ်ဘူးဆိုတာသိတဲ့

 စကစဟာ ဆရာတော်ကို ဖမ်းဖို့ အမျိုးမျိုး ကြိုးစားခဲ့တယ်...

 အညာဒေသရဲ့ လမင်းတစ်ဆူ ဖြစ်ခဲ့သူ ဆရာတော်

ဟာ အညာသူ အညာသား တွေက အသက်ပေးကာကွယ်ထား တော့ လာဖမ်းတဲ့ စကစပဲ ပြန်ပြေးခဲ့ရတဲ့ ဖြစ်စဥ်တွေကလဲ အထင်ကရ ပါ...

နိုင်ငံတကာက ဒကာ ဒကာမ တွေ နိုင်ငံခြားပြန်လာဖို့ 

အမျိုးမျိုး ပင့်ဖိတ်ကြတယ်...

ဒါပေမဲ့ ဆရာတော်ဟာ ဘယ်လို ပင့်ဖိတ်မှုမျိုး ကိုမှ

လက်မခံ တော့ပဲ ကိုယ့်နိုင်ငံ ကိုယ့်လူမျိုး အတွက် 

ကိုယ့်နိုင်ငံထဲ မှာပဲ နေပြီး ကျရာ နေရာ ကနေ 

အများပြည်သူ ပေးအပ်တဲ့ တာဝန်ကို ထမ်းဆောင်ဖို့ ဆုံးဖြတ်ချက်ချကာ 

တစ်ကိုယ်ရေ ကောင်းစားရေးမတွေးပဲ အနစ်နာ ခံခဲ့သူ

နောက်တော့ ဆန္ဒ ပြနေလို့ တော့ ဒို့ပြည်သူတွေ လိုချင်တာ ရမှာမဟုတ် ဘူး ဆိုတာ သိလိုက်တဲ့ အချိန်မှာ 

မေတ္တာရှင်ပရဟိတ သမားကြီး အရှင်သောပါကဟာ

လူဝတ်လဲကာ သူ့နှလုံးသားနှင့် ဆန့်ကျင်ဘက် ဖြစ်တဲ့ လက်နက်ကို ကိုင်ကာ 

လက်နက်ကိုင် တော်လှန်‌ေရးသမား ဘဝကို

 ပြည်သူ့အလိုကြ ရွေးချယ် ကာ ဗိုလ်သံမဏိ ရယ်လို့

ဖြစ်လာခဲ့ရပြန်တယ်... 

မေတ္တာသြဇာကြီးမားသူအရှင်လူထွက်..ဗိုလ်သံဏိအတွက်

အဖက်ဖက်မှ ကူညီပံ့ပိုးသူတွေများလာတဲ့အခါ... 

လက်အောက်ခိုဝင် တော်လှန်ချင်သူတွေရဲ့ အကြီးမှူး

ဖြစ်ရပြန်တယ်...

အဖွဲ့ပေါင်းများစွာ တည်ရာအရပ်ရပ်ကို လှည့်လည်ဆုံးမသြဝါဒ ချနေရသူ .....

ဘယ်အဖွဲ့ ဆီမှာမှ ကြာကြာနေ ဖို့ မလွယ် 

လှည့်လည် အားပေးနေရသော ခေါင်းဆောင်...

တစ်ဦး.....တစ်ခြားသော အဖွဲ့ တစ်ခုကို အားပေး ဆုံးမသြဝါဒချ သင်တန်းပေးနေစဥ်...

တစ်ခြားသော လက်အောက်ခံ အဖွဲ့တစ်ခုက 

နာကျည်းချက်များစွာကြောင့် စိတ်မထိန်းနိုင်ပဲ 

ဖြစ်သွား တဲ့ အကြောင်းတခုကို အချိန်တန် ကြာမှ 

သိခွင့် ရခဲ့ သူ.....

သူမသိလိုက်ပဲ ဖြစ်သွားတဲ့ အမှား ဆိုပေမဲ့ သူကိုယ်တိုင်

တာဝန်ခံခဲ့သူ တာဝန်ယူ မည့်သူ...

မင်းသားနောင်နောင် အကယ်ဒမီ ရခဲ့တဲ့ရုပ်ရှင်ကားထဲက ကျောင်းဆရာလို..ခေါင်းဆောင်မျိုး...ပါ....

အနှစ်ချုပ် ဆိုရလျှင် ပရဟိတ ဆရာတော်တစ်ပါးက

ဆင်းသက်လာတဲ့ ဗိုလ်သံမဏိဟာ သူ့နှလုံးသားကို 

ကြည့်ခြင်းအားဖြင့် သူအမှား မလုပ်နိုင်ဘူးဆိုတာ ယုံကြည်ပါတယ်

စစ်တပ်မှ့ လက်နက်ကြီးပစ်ခတ်မူကြောင့် ပုလဲ မြသိန်းတန်ဘုန်းတော်ကြီးကျောင်းမှ့ သံဃာ လေးပါးပျံလွန်တော်မူ

 မေလ၂၂ ရက်၊ ၂၀၂၂။

စစ်တပ်မှ့ လက်နက်ကြီးပစ်ခတ်မူ‌ေကြာင့် လဲရှိ မြသိန်းတန်ဘုန်းကြီးကျာင်းမှ့ သံဃာလေးပါးပျံလွန်တာ်မူ။

မအလ နဲ့ ဒုချုပ်ကို ဘောမတွေပါပေါက်ကွဲကုန်ပြီ (ရုပ်/သံ)

 

စစ်တပ်ကိုအပြုတ်တိုက်ဖို့ ဗိုလ်နဂါးတိုက်တွန်

 

စစ်ပွဲတွေမရှိတော့တာကြာပြီ

 " စစ်ပွဲတွေ မရှိတော့တာ ကြာပြီ " 

သေနတ်လွယ်ထားတဲ့ စစ်သားတွေ

နိုင်ငံမြေပုံကို နင်းသွားတာတွေ့တော့

အသုဘသီချင်းသံကိုပဲ ငါကြားနေရတယ် 

ငါသိတာတော့ သူတို့က စစ်တိုက် 

နေတာ မဟုတ်ဘူးထမင်းကြမ်းခဲ 

စားရင်း အသေခံနေတာ၊  

ငှက်ဖျား ဒဏ်ခံပြီး အသေခံနေတာ၊  

နိုင်ငံတော်လူကြီးမင်းတွေ 

ချမ်းသာပြီး တည်းက

စစ်ပြီးသွားတာ ကြာပြီ 

ဒါကို သူတို့ တကယ်မသိကြဘူး 

ရေဒီယိုတွေ နားမထောင်ဘူးလား

သတင်းစာတွေ မဖတ်ရဘူးလား မသိ

ဒါကို သူတို့ တကယ်မသိကြတာ 

အိမ်နီးချင်းတွေလည်း စီးပွားရေးပဲလုပ်နေတာ၊ 

အစိုးရလူကြီးတွေလည်း စီးပွားရေးပဲလုပ်နေတာ၊ 

စာသင်ကျောင်းမဆောက်ချင်တဲ့လူကြီးတွေ 

ဘန်ကာ ဆောက်နေကြတာဟာ 

စစ်တိုက်တယ်လို့ လုံးစေ့ပတ်စေ့မခေါ်ဘူး 

ငါ့မျက်စိရှေ့မှာ သေနေတဲ့အလောင်းတွေက 

စစ်တိုက်လို့ သေနေတာတွေ မဟုတ်ဘူး 

ဟိုခြေပြတ် လက်ပြတ် ယောင်္ကျားများဟာလည်း 

စစ်တိုက်လို့ ဒုက္ခိတ ဖြစ်သွားတာ မဟုတ်ဘူး 

တကယ်တော့ စစ်တိုက်တယ်ဆိုတာ

ဘယ်မှာမှ မရှိတော့တာ

အီရတ်မှာ အမေရိကန်တွေ ရေနံတူးတာကို၊ 

စစ်တိုက်တယ်မခေါ်ဘူး၊

ကင်ဂျုံအန်က နန်းတော်ကို

နယူးကလီးယားနဲ့ ဆောက်နေတာကို

စစ်တိုက်တယ်မခေါ်ဘူး 

စစ်ပွဲရှိတယ်လို့ 

အလိမ်ခံရတဲ့ စစ်သားတွေဟာ 

ကျောပေါ်က ခြင်းတောင်းထဲကို 

မိသားစုဘဝတွေ ထည့်ထားတယ်

သူတို့တွေ အပစ်ခံရတော့ 

မိသားစု ဘဝတွေ ကျကွဲကုန်တာပေါ့ 

ဟိုဘက်က စစ်သားကလည်း

ပစ်ဆိုလို့သာ ပစ်လိုက်ရတယ်

ဒါဟာ စီးပွားရေးတခုပဲဆိုတာ

သူနားမလည်ဘူး၊ 

သူ့သေနတ်ကို ကျည်ဖြည့်တိုင်း 

အိပ်မက်ဆိုးတွေ မက်တယ် 

သေနတ်ဒဏ်ရာနဲ့ ဘိန်းခင်းတွေကို

ဖြတ်ပြေးကြတဲ့ နှစ်ဖက်တပ်သားတွေ

သူတို့ဖြတ်ပြေးလာတဲ့ ဘိန်းခင်းဟာ

သူတို့လူကြီးတွေ စိုက်ထားတယ်ဆိုတာကို 

မသိကြဘူး 

ဘိန်းခင်းတွေနဲ့ သယံဇာတတွေက

ဒေသခံတွေရဲ့ ဘဝတွေကို

လောင်မြိုက်လိုက်တယ်

စာသင်ကျောင်း ဆေးခန်းနဲ့

လူ့ဂုဏ်သိက္ခာတွေ ပြာကျကုန်တယ် 

မုဆိုးမတွေသာ သံကုန်ဟစ်ပီး ငိုနေရှာတယ်၊

ခေါင်းဆောင်ကြီးများကတော့

လူစုမိရင် ညစာစားတုန်းပါပဲ

လက်ဆွဲနှုတ်ဆက် 

မိတ်ဖက်စီးပွားရေးတွေ လုပ်တုန်းပါပဲ။ 

စီးပွားရေးဈေးကွက်ဟာ 

သေနတ်ပြောင်းဝက ထွက်နေတယ်၊ 

ငြိမ်းချမ်းရေးအတွက် ဘယ်ကောင်မှ

လက်ကြောမတင်းဘူး 

လူ့အသက် ဆိုတာ 

အလွယ်ရတဲ့ အရင်းအနှီးပဲ

ကုန်တိုက်တွေမှာ 

တင်မရောင်းသေးတာ ကံကောင်းတယ်၊ 

ဗိုလ်ချုပ်ကြီးတွေ အလုပ်မပြုတ်ရေးအတွက် 

အသေခံနေကြတဲ့သူတွေ စစ်ချီတေးကိုဆိုနေကြ 

စီးပွားရေး ဈေးကွက်ဟာ 

သေနတ်ပြောင်းဝ က ထွက်တယ်။။ 

ဆရာညီပုလေး DVB debate မှာ ရွတ်တဲ့ကဗျာ ကြက်သီး

ထအောင် ကောင်းလိုက်ပါဘိ။

[ ] crd : မောင်မြတ်သူ

Cartoon : Wai Yan Tgi

via U Ohn Khin

စောက်တလွဲလောဂျစ်

 စောက်တလွဲ လောဂျစ်

….

ဘာသာရေးနဲ့ ထိရှတယ်

မကြိုက်ရင်

ကြိုရှောင်သွားကြဗျ။

ဒီဖက်ခေတ်မှာ ဘုန်းကြီး

အများစုတွေက

ဟောလိုက်ရင်လည်း 

အလှူပေးတရားကြီး‌တွေချည်းပဲ။ 

ဓမ္မအမှန်တရား

အလုပ်ပေးတရားဟောတဲ့ဘုန်းကြီး 

လက် ၁၀ ချောင်း

မပြည့်ဘူး။ 

တရားက လွှဲလို့ 

တာ့တာ ဘိုင့်ဘိုင်ပဲ။

လှူရင်လည်း တကယ့်ကို

လိုအပ်တဲ့ လူအချင်းချင်းကို 

လှူ‌တာပဲစိတ်ဝင်စား‌တော့တယ်။

ကျနော်တို့ လူ့အသိုင်းအဝိုင်းမှာ

အမြဲကြားနေပြီး

စိတ်ထဲဘဝင်မကျနေတာလေးတစ်ခုက...“ 

မြန်မာပြည်မှာ

လူဖြစ်ရတာ ဗုဒ္ဓဘာသာ

ကိုးကွယ်ရတာတစ်ခုထဲနဲ့တင်

ကျေနပ်စရာကောင်းနေပါပြီ”

ဆိုတဲ့စကား...

ဘယ်သူကဘယ်လိုစထွင်

လိုက်တဲ့ မှိုင်းလည်းမသိ

ရုတ်တရက်တွေးကြည့်ရင်တော့ 

မှန်သလိုလိုရှိသား

ဒါပေမယ့်သေချာတွေးကြည့်တော့

အုပ်ချုပ်သူတွေဘာပဲလုပ်လုပ်

ဘုရားတွေတည်ပေးရင် 

ဘုန်းကြီးတွေကို ဆုတံဆိပ်

ကပ်ရင်

သာသနာတော်ကြီးကို

ချီးမြှောက်နေရင်

ငါတို့ကျေနပ်ရမယ် 

ငါတို့ငြိမ်ခံနေရမယ်

ငါတို့ပြန်မေးခွန်းထုတ်ခွင့်

မရှိ ဆိုတဲ့

ဂျင်းအကြီးစားအတွေးအခေါ်...

ဒီကြားထဲ နိုင်ငံခြားကလို

တိုးတက်သွားရင်

ဗုဒ္ဓဘာသာကြီးပျောက်ကွယ်

သွားလိမ့်မယ်

တိုင်းတပါးယဉ်ကျေးမှုတွေ

ဝင်လာရင်

မြန်မာ့ယဉ်ကျေးမှုတွေ

ပျောက်ကွယ်သွားမယ်ဆိုတဲ့

စောက်တလွှဲ logic...

အဲဒီတော့

ငါတို့တွေ ဘုရားတရား

လုပ်ပေးမယ်

နင်တို့တွေ ငြိမ်နေကြဆိုတဲ့သဘော...

တကယ်လုပ်သလား

ဆိုတော့လည်း

ဒင်းတို့ကြည့်လိုက်ရင် 

အလှူခံဘုန်းကြီး

ဗေဒင်ဘုန်းကြီး 

ယတြာဘိုးတော်

အောက်လမ်းဘွားတော်နဲ့ 

ပေါက်ကရရှစ်သောင်းရုပ်ထုတွေ 

ဘုရားပေါ်တင်ပြီး 

အရည်းကြီးသာသနာပြုနေကြတာ...

ယဉ်ကျေးမှုထိန်းသိမ်း

ပါတယ်ဆိုပြီး

ဘယ်သူမှမကြည့်တဲ့ 

ဆိုကရေးတီးပြိုင်ပွဲ

တွေလုပ် ဆုတွေချပြီး 

မြန်မာ့ယဉ်ကျေးမှုကိုထိန်းသိမ်းခဲ့ကြတာ

ထမီအတိုဝတ်ရင် ဆင်ဆာဖြတ် 

စကတ် ခွဲရင်ဆင်ဆာဖြတ်ပြီး

ယဉ်ကျေးမှုကိုကာကွယ်ခဲ့ကြတာတွေ 

အလုပ်တစက်မှမဖြစ်တဲ့သက်သေအခိုင်လုံရှိပါတယ်...

ထိုင်းတွေ ဂျပန်တွေ 

သူတို့ယဉ်ကျေးမှုကို

ဘယ်လိုကာကွယ်ကြသလဲ

ကိုရီးယားတွေအနုပညာကို

ဘယ်လိုမြေတောင်မြှောက်

ပေးကြသလဲ

ဒင်းတို့ စိတ်မဝင်စားဘူး 

မလေ့လာကြဘူး

ဉာဏ်လည်း မမီဘူး....

နှစ်ပေါင်းများစွာ ရိုက်ထည့်ခဲ့တဲ့မှိုင်းက

"စစ်တပ်ရှိမှ ဗုဒ္ဓဘာသာ

တည်မြဲမယ်"

"အမျိုးဘာသာ သာသနာကို

စစ်တပ်ကလွှဲရင် တခြား

ဘယ်သူမှ မကာကွယ်နိုင်ဘူး"

"ဘုရားစင်မပျောက်ချင်ရင် 

စစ်တပ်ဘာလုပ်လုပ်ငြိမ်ခံ"

"အနောက်နိုင်ငံတွေလိုတိုးတက်သွားရင်  

ဗုဒ္ဓဘာသာ

ကွယ်ပျောက်သွားမယ်"

'အဲဒီတော့ ဆင်းရဲလည်းငြိမ်ခံ 

ဖိနှိပ်လည်းငြိမ်ခံ မတရားလည်းခေါင်းငုံ့ခံ

ဗုဒ္ဓဘာသာမပျောက်ဖို့အဓိက"

အဲလိုစောက်တလွဲ 

ချီးအပြည့်နဲ့ခေါင်းကထွက်တဲ့ logic တွေ

ပြည်သူတွေကို ဦးနှောက်ဆေး 

ဝါဒဖြန့်ပေးနေတဲ့ သင်္ကန်းခြုံ

ဘုန်းဆိုးကြီးတွေက

သိန်းထောင်ချီတန်

မာစီးဒီးကားထည်လဲစီးပြီး

သုံးထပ်ကျောင်းဆောင်ကြီး

ဟီးနေအောင် ဆောက်ထားတဲ့ 

သင်္ဃာအယောင်‌ဆောင်တွေပါ။

ထမင်းရည် ဆားလေးခပ်

သောက်ပြီး ဗုဒ္ဓဘာသာ

ကိုးကွယ်နေရတာကို

ကျေနပ်နေရမယ့်ခေတ်မဟုတ်တော့ဘူး

ဆီဦးထောပတ်စားပြီး သာသနာပြုနိုင်အောင် 

ပြောင်းလဲဖို့ကြိုးစား

ရတော့မယ့်ခေတ်

မသိရင် ဗုဒ္ဓဘာသာက

ဆင်းရဲမှ ထာဝရအဓွန့်ရှည်မယ့်

ဘာသာလိုလို

ဗုဒ္ဓဘာသာဝင်တွေက 

ခေတ်မီဖွံ့ဖြိုးတိုးတက်တာနဲ့ မတန်သလိုလို

ဗုဒ္ဓက ငါဘုရားသာသနာတော်ကို 

စစ်တပ်ကိုလွှဲပြောင်းပေးခဲ့သလိုလို

ဘာသာရေးမှိုင်းတွေ ရိုက်သွင်းခဲ့ကြတာ 

ဂျင်းအယူအဆတွေကို ဖြန့်ဝေခဲ့ကြတာ

နလပိန်းတုန်းဗုဒ္ဓဘာသာဝင်တွေကတံခါးပိတ်နိုင်ငံမှာ 

အငတ်ငတ်အပြတ်ပြတ်နဲ့ ရှိတာလေးနဲ့

ဆွမ်းလောင်းရတာကို

မဟာကုသိုလ်ထူးကြီး

လို့ခံယူ‌နေခဲ့ကြတာ

သံယံဇာတတွေကို ဘီလီယံနဲ့

ချီရောင်းစား မတရားစာချုပ်တွေကို 

ဈေးပေါပေါနဲ့နှစ်ရှည်ချုပ်ပြီး

ကိုယ့်အိပ်ထဲ‌ရောက်အောင်လုပ်စား 

ရတဲ့ပိုက်ဆံတွေထဲက အစွန်အဖျားလောက်ကို

ဘုရားတည် ကျောင်းဆောက် 

ဘုန်းကြီးလှူ ထီးတော်တင်ပြပြီး

ဘာသာသာသနာကို

ကာကွယ်ဟန်‌ဆောင်ပြခဲ့တာ

ခေတ်အဆက်ဆက် 

လောဘသား ဗိုလ်ချုပ်တွေ...

တနိုင်ငံလုံးကလူတွေ

စုတ်ပြတ်သပ် 

ငတ်ပြတ်ဆင်းရဲပြီး

တသက်စားမကုန်တဲ့ခရိုနီလူတန်းစားနဲ့ 

အဓမ္မဘက်

ရပ်တည်တဲ့ သင်္ကန်းခြုံ

ဘုန်းကြီးတွေရယ်

ရွှေရောင်တဝင်းဝင်းနဲ့

ဘုရားတွေပဲအဖတ်တင်ကျန်ခဲ့တာ

ဒါကို သာဓုခေါ်နေတဲ့

လူတန်းစားတရပ်ကသပ်သပ်ကိုရှိ‌နေကြတာ...

မြန်မာပြည်မှာနေခွင့်ရတာ 

ဘုန်းကြီးဆွမ်းလောင်းရတာ

ဘုရားစေတီတွေဦးချခွင့်ရတာ

ကိုပဲကြံဖန်ကျေနပ်နေတဲ့ တလွဲ

ဆံပင်ကောင်း လူတွေရှိနေတာ

အင်မတန်ရှက်စရာကောင်း

ပါတယ်။

သိပ်တော်တယ်နော်

brainwash လုပ်ခဲ့တာ

ထမင်းရည်သောက်ပြီး 

ရွှေရောင်တဝင်းဝင်းဘုရားတွေကိုဦးချ 

စည်းစိမ်ချမ်းသာအပြည့်နဲ့

ထီးတော်လာတင်မယ့် 

စစ်အာဏာရူး

ဘဘတွေကိုသာဓုခေါ်

ရှိစုမဲ့စုပိုက်ဆံလေးတွေ

ဘုရားလှူရင်း

လူဖြစ်ရကျိုးနပ်တယ်လို့ 

ပီတိဖြစ်မျက်ရည်ဝဲရတဲ့

တို့ရဲ့ အာဇာနည်ဗုဒ္ဓဘာသာ

အမျိုးသားတိုင်းပြည်ကြီးဟဲ့

သာဓု သာဓု သာဓု

Credit to Kyaung Mae

ရှက်တက်ကြပါစေ….

ဆရာအောင်သင်းကတော့ပြောတယ်

ရှက်စရာကောင်းတာကို 

ရှက်ရကောင်းမှန်းမသိတဲ့လူ့အဖွဲ့အစည်းဟာ

ပျက်စီးမည်သာမှတ််တဲ့……..

မအလ တပ် မီးတင်ရှို့ခဲ့တဲ့ ဖယ်ခုံမြိုနယ်၊ဆောင်းနန်ခဲရွာ

 ဖယ်ခုံမြို့နယ်၊ ဆောင်နန်းခဲရွာကို စစ်ကောင်စီတပ်နှင့် PNO ပြည်သူ့စစ်များက မီးတင်ရှို့လို့ ရွာလုံးကျွတ်နီးပါးမီးလောင်ပျက်ဆီး

ဧရာဝတီတိုင်းမ်

မေလ ၁၇ ရက်

ရှမ်းပြည်နယ်(တောင်ပိုင်း)၊ဖယ်ခုံမြို့နယ် မိုးဗြဲဆည်အနီးရှိ ဆောင်နန်းခဲကျေးရွာကို ယမန်နေ့ မေလ ၁၆ ရက်ညနေပိုင်းတွင် စစ်ကောင်စီတပ်နှင့် ပအိုဝ့်ပြည်သူ့စစ်-PNO ပူးပေါင်းအဖွဲ့များက မီးရှို့ဖျက်ဆီးခဲ့ ကြောင်းဒေသခံများကပြောသည်။

ယခင်ရက်ပိုင်းတွင် အဆိုပါကျေးရွာအနီး တိုက်ပွဲဖြစ်ပွားခဲ့သော်လည်း ယမန်နေ့က တိုက်ပွဲဖြစ်ပွားခြင်းမရှိဘဲ မီးရှို့ခဲ့ခြင်းဖြစ်ကာ ရွာတစ်ရွာလုံးနီးပါး မီးလောင်ပျက်ဆီးခဲ့ကြောင်း သိရသည်။

'' မနေ့က ဆောင်နန်းခဲမှာ တိုက်ပွဲလည်းဖြစ်တာမရှိဘူး။ မနေ့ မနက်ပိုင်းက ဆီမီးလော့ရွာဘက်မှာတော့ တိုက်ပွဲဖြစ်တာရှိတယ်။ ဒီအတိုင်းဝင်ရှို့တာ စကစနဲ့ ပအိုဝ့်ပြည်သူ့စစ်တွေလည်းပါတယ်။ တရွာလုံးနီး ပါးအကုန်လောင်သွားတယ်။ဘာမှမကျန်ဘူး '' ဟု ဖယ်ခုံမြို့ နယ်ဒေသခံတဦးက ဧရာဝတီတိုင်းမ်ကိုပြောသည်။

နေအိမ်များမီးလောင်ဆုံးရှုံးခဲ့ရသည့် ဒေသခံများအနေဖြင့် နီးစပ်ရာတောတောင်များတွင် ခိုလှုံနေ ထိုင်နေကြရကြောင်း ၄င်းကဆက်လက်ပြောဆိုသည်။

ယနေ့ မေလ ၁၇ ရက်မနက်ပိုင်းတွင် အဆိုပါ မီး လောင်ပျက်ဆီးနေသည့် ဆောင်နန်းခဲရွာအနီး ဒေသကာ ကွယ်ရေးတပ်များနှင့် စစ်ကောင်စီတပ်၊PNO ပူးပေါင်းတပ်ဖွဲ့များ ထိတွေ့တိုက်ပွဲများဖြစ်ပွားလျက်ရှိကြောင်း သိရသည်။

#Ay

eyarwaddyTimes

သံရည်ကြို လက်နက်နဲ့ စစ်တပ်

 😅ဂျပုသခိုးမအလ က

စစ်အသုံးစရိတ်သာနှစ်စဥ် ဘီလီလျံ၃၀၀၀ကျော်တောင်းခံထားတာ...

ခု ကြည့်လေ..

စခန်းသိမ်းတိုက်ပွဲမှာမိတဲ့လက်နက်တွေ

က မာမူကြီးဆီမှာသံအရည်ကြိုစျေးနဲ့ရောင်းစားမှရမယ်😂

ဘာတဲ့..

သူတို့ပြောနေတဲ့ စတမ်းဒက်အာမီဆိုလား😎

#LM

စစ်ကျွန်ပညာရေးဆိုတာ ဘယ်လိုဟာမျိုးလဲ။

 စစ်ကျွန်ပညာရေးဆိုတာ ဘယ်လိုဟာမျိုးလဲ လို့ မသိတဲ့လူတွေက မေးကြတယ်။ စစ်သားတွေက ပညာရှင်တွေကို သူတို့လက်အောက်မှာ ကျွန်ခံခိုင်းချင်လို့ ဦးနှောက်အသိဉာဏ်တွေကို မဖွံ့ဖြိုးအောင် ခြေသုတ်ပုဆိုး မြွေစွယ်ကျိုးဖြစ်အောင် လေ့ကျင့်သင်ကြားပေးတဲ့ ပညာရေးစံနစ်ကို စစ်ကျွန်ပညာရေး လို့ ခေါ်ပါတယ်။ 

ဘဝတစ်သက်တာ ဆည်းပူးသင်ကြားထားခဲ့သမျှ ပညာရပ်ပိုင်းမှာ တဘက်ကမ်းခတ်စေကာမူ စစ်သားတွေ အသုံးချဖို့ထက် ပိုအသုံးမဝင်တဲ့ ဦးနှောက်တွေဟာ စစ်ကျွန်ပညာရေးရဲ့ ထွက်ကုန်တွေပေါ့။ မမြင်ဖူးရင် စစ်ဗိုလ်တွေ ဖိနပ်ဦးကို နဖူးတိုက်ခစားနေရတဲ့ ပါမောက္ခကြီးတွေကို ကြည့်လိုက်။ သူတို့မှာ ယုံကြည်ချက်ဆိုတာ မရှိတော့ဘူး။ အလိုက်သင့် ခစားဝန်းရံဖို့ပဲ တတ်တော့တယ်။ ဟိုက ဩဝါဒပေးရင် ဘုတ်အုပ်ကလေးနဲ့တောင် ထုတ်မှတ်ပြရတာ။ ခိုင်းသမျှလည်း ဘာပဲလုပ်ရလုပ်ရ ဆိုတဲ့ အစားမျိုး။

စစ်ကျွန်ပညာရေးရဲ့အစဟာ ဦးနေဝင်းကြီး အာဏာသိမ်းလိုက်တဲ့ဆီက စတာပဲ။ သူ့ဩဇာ မနာခံပဲ ကလန်ကဆန်လုပ်တဲ့ ကျောင်းသားဆို တက္ကသိုလ်သမဂ္ဂ အဆောက်အဦထဲမှာတင် ဗုံးခွဲပစ်လိုက်တာ။ သူက ပညာရေးဝန်ကြီးရဲ့ အထက်မှာနေတော့ ပညာရှင်တွေ အားလုံး သူ့လောက် မသိဘူး မတတ်ဘူး ထင်ပြီး နေရာတကာ ဆရာလိုက်လုပ်တော့တယ်။ မြန်မာစာသတ်ပုံရေးထုံးကိုတောင် ဝင်ဝင်ပြင်ချင်သေး။ တစ်ခါတစ်လေ တို့ တစ်ကူးတစ်ကတို့ အစ်ဖေ အစ်မေတွေဟာ သူထွင်ခဲ့တဲ့ အောက်ကလိအာတွေပေါ့။ သူတို့တွေက ကြားဖူးနားဝရှိရင် ဘယ်ပညာရပ်မှာမဆို အထက်စီးက ဝင်ဝင်ပြီး ဆရာလုပ်တော့တာဗျား။ ဒီအခါမှာ တကယ့်ပညာရှင်အစစ်တွေက လုပ်ငန်းခွင်ကို စွန့်ခွါကြပြီး ဒုတိယတန်းစား ပညာရှင်တွေကသာ နေရာရချင်ဇောနဲ့ ပျပ်ဝတ်ကျိုးနွံစွာ ဘာခိုင်းခိုင်း လုပ်တော့တယ်။ သူ အာဏာသိမ်းပြီးတာနဲ့ ရန်ကုန်တက္ကသိုလ်က အနားယူသွားတဲ့ ဆရာသမားတွေ အများကြီး ရှိခဲ့တယ်။ 

သူဟာ ပညာရေးစံနစ်ကြီးကို ကပြောင်းကပြန် ဖြစ်သွားအောင်လည်း မကြာခဏ လုပ်ခဲ့တယ်။ ငါးတန်းရောက်မှ အင်္ဂလိပ်စာ စသင်ရမယ် ဆိုတာလည်း သူပဲ။ သူငယ်တန်းကစပြန်သင် ဆိုတာလည်း သူပဲ။ ဝိဇ္ဇာ နဲ့ သိပ္ပံဘာသာတွဲတွေကို အကြိမ်ကြိမ် အခါခါ ပေါင်းလိုက်ခွဲလိုက် လုပ်တာလည်း သူပဲ။ သူ့ပညာရေးနဲ့ကြီးပြင်းခဲ့ရလို့ ကိုယ်တို့မျိုးဆက်တော်တော်များများဟာ အင်္ဂလိပ်စာကို ခွေးအလှည်းနင်းသာသာပဲ တတ်ကြတယ်။ အဲ့ဒါထက်ပိုတတ်ချင် အပြင်မှာ ကိုယ့်ဘာသာကိုယ် ကျူရှင်တက်မှ ရတာ။ စဉ်းစားကြည့်လေ။ ABCD ကို လေးတန်းအောင်မှ လက်ပေးသင်ရတယ်။ ငါးတန်းအရွယ်ကြီးရောက်မှ Ba Ba Black Sheep တို့ Black eyed Susan တို့ အော်အော်ဆိုရတာ။ အသံထွက်ကလေးမှန်မှ good boy, good boy ခေါင်းပုတ်ခံရတာ။ ဘူတန်ရောက်တော့ သူများကလေးတွေ အဲ့ဒီအရွယ်ရောက်ရင် ကရားရေလွှတ် လည်လည်ပတ်ပတ် ငြင်းခုန်ရေးသားနေတာတွေ့ရတော့ ကိုယ့်မှာ အံ့တွေကိုဩရော။ အတူတူလာတဲ့ ဆရာဝန်တိုင်းတောင် သူတို့လောက် စကားပေါက်အောင် ပြောနိုင်တာ မဟုတ်။ ဒါတောင် မာစတာဘွဲ့ရပြီးသားချည့်ပဲနော်။ အဲ့ဒါ နင်တို့ကမှ သောက်သုံးမကျတာလေ လို့ လာမပြောနဲ့။ ဆယ်တန်းတုန်းက အင်္ဂလိပ်စာ ဂုဏ်ထူးနဲ့ အောင်ခဲ့တာ။ အမှားအမှန်ခြစ်မလား။ ကွက်လပ်ဖြည့်မလား။ အရှေ့အနောက်စီမလား။ တဘက်ကမ်းခတ်တယ်။ ပြောရင်တော့ နားမလည်ဘူး။ ပြန်လည်း မပြောတတ်ဘူး။ အက်ဆေးဆို အလွတ်ကျက်ရေးတာ။ ဒါတောင် ရန်ကုန်ကျောင်းကအောင်ပေလို့။ တောကျောင်းကများထွက်လာရင် ဂဒိတ်အဂိန်း နဲ့ ဒစ်လည်နေမှာ။ 

စစ်ကျွန်ပညာရေးဆိုတာ ကျောင်းသားတွေကို ဘောင်ခတ်ထားတယ်။ ကြီးပြင်းခွင့်မပေးဘူး။ သူတို့ အသုံးချလို့ ရရုံပဲ ရည်ရွယ်တယ်။ သက်သေသာဓက ပြရရင် မကွေးဆေးကျောင်း ဖွင့်ကာစက အဲ့ဒီကျောင်းကကလေးတွေ ကို နိုင်ငံခြားကျောင်းတွေက အသိအမှတ်မပြုတဲ့အခါ သူတို့က Accreditation ရအောင် လုပ်ပေးရမယ့်အစား “မင်းတို့က export quality မဟုတ်ဘူး။ ပြည်တွင်းသုံးပဲ သုံးလို့ရအောင် ထုတ်ထားတာ။” လို့ သူတို့ကိုယ်တိုင်ပဲ ပြောထွက်ခဲ့ဖူးတာလေ။ ဒီ့ထက်ပိုပြီး ရှင်းတာက စစ်ဆေးတက္ကသိုလ်ကြီးပါပဲ။ MBBS (စစ်/ဆေး) တွေ နိုင်ငံခြားထွက်တိုင်း ဆေး (၁)၊ ဆေး (၂) က ဘွဲ့လက်မှတ်အတု လာထုတ်ယူခဲ့ရတာ သူတို့ကိုယ်တိုင် အသိဆုံး။ ဘာသာရပ်တွေ သင်ရိုးတွေလည်း အတူတူ သင်ကြရတာ။ ဆရာတွေကလည်း အရပ်ဘက်က တော်ပေ့ဆိုတဲ့ ဆရာကြီးတွေ ခေါ်ခေါ်သင်တာ။ ထွက်ကုန်ကျမှ ဘာလို့တခြားစီဖြစ်ရသလဲဆိုတော့ သူတို့လိုသလို အသုံးချနိုင်အောင်လို့ စစ်တန်းလျားထဲ ပုံစံပေးထားတဲ့အတိုင်း အသားကျအောင်နေရတာမို့ ဦးနှောက်အတွက် နေရာမကျန်တော့ဘူး။ အရှင်မွေးရင် နေ့ချင်းကြီးမယ်။ ကျားသနားမှ နွားချမ်းသာမယ်။ အပြင်မှာ မိဘမဲ့ကလေးတွေ ကိုယ့်ဒူးကိုယ်ချွန်နိုင်ပေမယ့် စစ်တပ်ထဲ အဖေမဖော်နိုင်ရင် အသေကလေးမွေးလာတာကမှ ကောင်းဦးမယ်။ တစ်နေ့တစ်နေ့ အလေးပြုရင်း ဘယ်သူ့အဖေခေါ်ရမလဲ ပြူးပြဲနေအောင် ရှာရတာ။ အဲ့ဒါ စစ်ကျွန်ပညာရေးပဲ။

နောက်တစ်ခုကတော့ စစ်ကျွန်ပညာရေးဆိုတာ သူတို့ကို ခုခံတွန်းလှန်ရင် အချိန်မရွေး ရက်လနှစ် အကန့်အသတ်မရှိ ကျောင်းတွေကို ပိတ်ပစ်နိုင်တယ်။ သူတို့ ခြေဖဝါးအောက် ပြားပြားမှောက်နေနိုင်မှ ကျောင်းပြန်ဖွင့်ပေးမယ်။ ကိုယ့်ဘာသာကိုယ် အေးအေးဆေးဆေး ပညာသင်ချင်သပဆို သူတို့ကို ဘယ်တော့မှ ကဏ္ဍကောစ မလုပ်ရဘူးဆိုတဲ့အသိကို ခေါင်းထဲရိုက်သွင်းထားတဲ့ စံနစ်ပါပဲ။ ၈၈ တုန်းက ကိုယ်တို့ကျောင်းတွေ ၃ နှစ်လောက် ပိတ်ထားဖူးတယ်။ ဆရာဝန်တွေ ဘွဲ့မရတော့ဘူး။ ဆေးရုံတွေမှာ လက်ထောက်ဆရာဝန် မရှိတော့ဘူး။ ဘွဲ့လွန်သင်တန်းတက်မယ့်သူတွေလည်း ရှားပါးကုန်တယ်။ လူ ၁၀၀-၂၀၀ ဖြေပြီး ၁၀ ယောက်လောက် ရွေးတဲ့အတန်းတွေမှာ လူ ၂၀ ထဲက ဖြစ်ဖြစ်မြည်အောင် ခေါ်ယူရတယ်။ လုပ်ငန်းလိုအပ်ချက်အရလေ။ ကောက်သင်းကောက်က အနှံကြီးကြိုက်လို့ မရဘူး။ အရေအတွက်မပြည့်ရင် အဆဲခံရမှာ။ အရည်အချင်းဆိုတာ ဘယ်သူသိတာမှတ်လို့။ လူဆိုတာလေ။ ပညာကသာ သုံးစားမရရင်နေမယ်။ နေရာလေးသာရ။ ဘုံးစား ကျုံးစားမယ့်သူချည့်ပဲ။ ဖွတ်တွေ မိကျောင်းဖြစ်တော့ မြစ်တွေစိတ်ဆင်းရဲစရာကောင်းပုံများ ပြောကိုမပြောချင်တော့ပါဘူး။ အဲ့ဒါလည်း စစ်ကျွန်ပညာရေးရဲ့ အသီးအပွင့်ပါပဲ။ ပဒိုင်းသီးဖြစ်နေလို့သာ ဆုပ်လည်းစူး စားလည်းရူး။ 

အခု လာပြန်ပြီ နောက်တစ်သီးနော်။ ဆေးကျောင်းတွေ ပြန်ဖွင့်တော့မတဲ့။ ဆေးရုံပေါ် လူနာတွေမရှိပဲ နန်းတွေကသင်ကြမှာလေ။ မျက်မမြင်ပုဏ္ဏားတွေ ဆင်စမ်းသလိုနေမှာပဲ။ လက်တွေ့မပါ ကျောင်းသင်စာကို အာဂုံရွတ်ပြ ဆောင်ရုံမျှနှင့် တခါတည်း တန်းအအောင်ပေးတော့မှာ။ အတန်းတွေဘာတွေ ကျော်တက်ပေးတော့မှာ။ ဆရာဝန်တွေကို အဘလိုချင်သလောက် များများမြန်မြန် အပ်ချလောင်း ဆို မွေးထုတ်ပေးတော့မှာ။ မတတ်လည်း နောက်မှ သင်ယူကြချေတော့ကွယ်။ လူနာတွေသေဖန်များတော့ တဖြေးဖြေး တတ်တတ်လာမှာပေါ့။ နင်တို့မတတ်ရင် ငါ့ဆီလွှဲလိုက်။ ဟုတ်ပြီလား။ ဆေးခန်းကို ပြောတာနော်။ အဲ့ဒါ စစ်ကျွန်ဆရာသမားများပါ ခင်ဗျ။

ဒါဆိုရင် အခု ကျောင်းတွေပြန်ဖွင့်တော့မှာလေ။ ကလေးတွေရဲ့ ပညာရေးကို နှောင့်နှေးကြန့်ကြာအောင် သွေးထိုးလှုံ့ဆော်နေတာလား။ သားသမီးချင်း မစာနာဘူးလားး လို့ မေးစရာ ရှိပါတယ်။ သားသမီးချင်းစာနာလို့ပဲ ဒီစကားကိုပြောတာပါ။ ကိုယ့်သားသမီးမှ သားသမီးမဟုတ်ဘူး။ ကိုယ်စာသင်နေတဲ့ကျောင်းသား အားလုံးကို သားသမီးလို သဘောထားပါတယ်။ ဒီကာလကို ကိုယ့်ဘဝမှာ ကျောင်းသားလိုရော ဆရာနေရာကပါ နှစ်ကြိမ်ဖြတ်သန်းခဲ့ပြီ။ အတိုရော အရှည်ရော မြင်တယ်။ ကလေးတွေကျောင်းတက်ရင် သူတို့ချင်းစုမိတဲ့အခါ နာစရာတွေ အသစ်ဖြစ်မယ်။ လူစုပြီးသားမို့ တွန်းလှန်ဆန့်ကျင်ဦးမယ်။ ဒါဆိုရင်လည်း သူတို့က ပစ်ခတ်သတ်ဖြတ်နှိမ်နှင်းပြီး ကျောင်းတွေပြန်ပိတ်ပစ်လိမ့်မယ်။ ဒါအပြင် ဘာမှ လုပ်တတ်တာ မဟုတ်ဘူး။ ကလေးတွေပဲ ထပ်သေစရာရှိတယ်။ 

အဲ့သလိုမှ မဟုတ်ရင်လည်း စစ်သားဆိုရင် မော်လို့တောင် မကြည်ရဲတဲ့စိတ်နဲ့ ကြိုးကြိုးနွံနွံလေး ကျောင်းတက်၊ တတ်တတ် မတတ်တတ် အတန်းတက်၊ လက်မှတ်ယူ၊ ကိုယ့်ဘဝတသက်တာမှာ စစ်သားသည်သာ အရှင်သခင်အဖြစ် ရာသက်လုံးကျွန်ခံပြီး ကြီးပြင်းရှင်သန်သွားကြမယ်လေ။ သိပ်မခက်ပါဘူး။ Spa သွား club တက်၊ အရက်ကလေးတမြမြနဲ့ သာသာယာယာလေး rave သွားလို့ရပါတယ်။ လူ့အောက်ကြို့လို့ လူမပိဘူးတဲ့။ မအေလိုမအေ၊ နှမလိုနှမ ဆက်သလိုက်။ ကိုယ်ဆွေမျိုးတွေ ကောင်းစားဖို့ပဲဟာကို။ ဒီနည်းနဲ့လည်း အေးချမ်းစွာ ပညာသင်ကြားလို့ရသည်ပနော့။ ကိုယ့်ဆရာကြီးတွေလည်း သည်လိုပဲ လုပ်ကြပါတယ်။ မြင်လျက်သားနဲ့။

လိုရင်းကို ပြောရရင်တော့ကွယ်။ စစ်ကျွန်ပညာရေးဆိုတာ စစ်သားတွေဆီမှာ ကျွန်ခံတတ်စေဖို့ လေ့ကျင့်သင်ကြားပေးတဲ့ ပညာရေးကို ခေါ်တာ။ ကျွန်ဆိုတိုင်း အတင်းအဓမ္မ စေခိုင်းနေတယ်လို့ ဘယ်ပြောရမလဲ။ ဆွေမျိုးမကင်းလို့၊ ပိုက်ဆံရလို့၊ အလားအလာကောင်းလို့၊ အရှင်မွေး နေ့ချင်းကြီးချင်လို့၊ ကိုယ်တိုင် စိတ်တူသဘောတူ ကြည်ဖြူလို့၊ နောက်ပိတ်ဆုံး ဝါသနာပါလို့ ကျွန်ခံတယ်။ ဘာဖြစ်သေးတုန်း။ အဲ့သလိုမျိုး ကျွန်ခံချင်စိတ်တွေ တဖွားဖွားပေါ်ပေါက်လာအောင် နည်းပေးလမ်းပြ လေ့ကျင့်သင်ကြားပေးတာကိုက စစ်ကျွန်ပညာရေးလို့

မှတ်သားကြပါကုန်။

မအလ ရဲ့အိပ်မပျော်သောည။😁😁

 

ကင်စာဖ်ြသူကို ဘာမီတွန်တိုက်

 ကင်ဆာကို ဘာမီတွန် တိုက်သူများ.

ကာချူပ်က ဆင်းရင် အစိုးရရာထူး တခုခုရဖို့ စဉ်းစားခဲ့တဲ့ မအလ ဟာ NLD ခံနေခဲ့တဲ့အတွက် ရွေးကောက်ပွဲ အထိ ပင်ဆင်မယူဘဲ စောင့်ပြီး ကြံခိုင်ရေးပါတီကတဆင့် သမ္မတ ရာထူးယူပြီး ကူးပြောင်းဖို့ စီစဉ်ခဲ့တယ်.. အဲဒါကြောင့် တပ်တွင်းစည်းရုံးရေးဆင်းပြီး ကြံဖွံ့မဲနေရာတချို့ရအောင် စီစဉ်ခဲ့တယ်.. အဲဒီအချိန် NLD ကိုလည်း ဝေဖန်မှု့တွေ မြင့်တက်နေချိန်ပေါ့. 

တကယ့်တကယ် အဖြေထွက်လာချိန်မှာ တပ်မိသားစုတွေအများအပြားရှိတဲ့ နယ်မြေတွေကအစ NLD က သောင်ပြိုကမ်းပြို အနိုင်ရတာတွေ့လို့ သူမကျေမနပ်ဖြစ်ခဲ့တယ် သူ့သမ္မတ အိမ်မက် ပျက်ရုံမက တပ်တွင်းမိသားစုကပါ သူ့စကားနားမထောင်တာတွေ့လို့ ဒေါသထွက်ခဲ့တယ်.. တပ်တွင်း မိသားစု မဲပေးတဲ့စာရင်းကို အတင်းယူစစ်ဖို့ စီစဉ်တော့တယ် တကယ်တော့ ဉီးဝင်းမြင့်တို့ ဒေါ်စုတို့က မဲစာရင်း ပြန်စစ်မှာကို စစ်စရာ မလိုဘူးလို့ပြောခဲ့တာဟာ တပ်မိသားစုတွေကို ကယ်တင်နေတာပါဘဲ.. သူတို့ပြန်စစ်လို့ ဘယ်အရာရှိ ဘယ်အကြပ်တပ်သားက NLD ကိုမဲပေးခဲ့တာပါဆို သူတို့ဘဝတွေ ဘယ်လိုဖြစ်မယ်ဆိုတာတွေးကြည့်မိလား…အဲဒါကို တပ်တွင်းက သူငယ်ချင်းတွေ သိစေချင်တယ်..

နောက်ဆုံး ဆင်ထားတဲ့ အကွက်ထဲ မရောက်တော့ သမ္မတနေရာ ပေါ်တင်တောင်းတယ်.ထုံးစံမဟုတ်တော့ မပေးခဲ့ဘူး (အဲဒါကိုဘဲ နိုင်ငံရေး ဂုရုဆိုသူတွေက ပါးပါးနပ်နပ် မလုပ်လို့ တတိုင်းပြည်လုံး ဒုက္ခရောက်တာလို့ အပစ်တင်သေးတယ်..) သူတို့စိတ်ထဲမှာ NLD ဟာ သူတို့အာဏာပေးထားလို့ရတာ လို့ အမြဲတမ်းပြောတယ်..ပြည်သူတွေမဲပေးရွေးချယ်တာကို ဂရုကို မစိုက်ခဲ့တာ…1990 တည်းကဘဲ..

အဲဒါကြောင့် အာဏာသိမ်းပါတယ်.. သိမ်းတော့ ဆန္ဒပြကြပါတယ်. ပြတော့ ခေါင်းကိုရွေးပစ်ပြီး နှိမ်နင်ပါတယ်. အဲဒါကြောင့် ရရာ လက်နက်ကိုင်ပြီး ပြန်ဆော်ကုန်ကြပါတောတယ်…နှစ်ပေါင်းများစွာ နှိပ်ကွတ်ခံခဲ့ရတဲ့ တိုင်းရင်းသားလက်နက်ကိုင်တွေကလည်း အဲဒီတော်လှန်ရေးအဖွဲ့တွေနဲ့ ပူးပေါင်းလာကြပါတယ်. ပြည်တွင်းပြည်ပ ပြည်သူများရဲ့ အားပေးမှု့ကြောင့် တော်လှန်ရေးအရှိန် တရိပ်ရိပ် တက်လာရာကနေ တိုင်းပြည် မတည်မငြိမ်ဖြစ်တော့တာပါဘဲ… အဲဒါဟာ လက်ရှိပြသနာပါ..

ဒါပေမယ့် စကစ ဟာ အရှိတရားကို မျက်ကွယ်ပြုပြီး အညှိးကြီးစွာ ဆောင်ရွက်တတ်တဲ့ သူ့ဝသီအတိုင်း အရင်တိုက်ခိုက်နေတဲ့ တိုင်းရင်းသားအဖွဲ့တွေကို တော်လှန်ရေးအဖွဲ့သားများနဲ့ ခွဲထုတ်ချင်လို့ ငြိမ်းချမ်းရေးဆိုတဲ့ စကားကြီးသုံးပြီး ကြီးကြီးကျယ်ကျယ် ဖိတ်ခေါ်ပြတယ်. ဟိုဘက်တက တကယ်မလိုက်လာတော့တဲ့အချိန်မှာ တိုင်းပြည် ပျက်စီးရာ ပျက်စီးကြောင်း လုပ်နေကြတယ်လို့ အသံကောင်းဟစ်တယ်.. အဲဒီလို ယောကျာ်းကြီးတန်မဲ့ မိန်းမလိုမိန်းမရပြောလို့ မိန်းမရှာတွေလို့ နှိုင်းပြန်ရင်လည်း LGBTQ တွေက ခင်ဗျားတို့နဲ့ အနှိုင်းခံရလို့ နာကြအုံးမယ်…

ပြသနာ ပြေလည်ချင်သလား…………..?

ရွေးကောက်ခံ အစိုးရကို အာဏာပြန်ပေးလိုက် 

တပ်ကို အစိုးရအောက်သွင်း 

ပစ်မှု့ကျူးလွန်ထားသူတွေ ထောင်ထဲဝင်. That is.. 

အခုဟာ ခြေမထိတ်မှာ အနာပေါက်တုန်းက နှဖူးစမ်းနေခဲ့တာ ဟိုက အတွင်းလှိုက်စားပြီး ပေါင်အရင်းရောက်တော့မှ ခြေမထိတ်က အနာကို ဆေးတို့ဖတ်ကြီး သိပ်သလို ဖြစ်နေပြီ.. It’s too late..

ဒီမိုကရေစီတံခါးကို မင်းတို့ဘဲ သော့ခတ်ပြီး ခြံစည်းရိုးကို လှေကားထောင် တက်ခိုက်နေတဲ့သူတွေ တိုင်းရင်းသားတွေက သော့ပြန်တောင်းတော့ တိုင်းပြည်ကို ဖျက်လိုဖျက်စီးလုပ်သူတွေလို့ စွတ်ဆွဲချင်သေးတယ်.. ကင်ဆာဖြစ်နေသူကို ဘာမီတွန် တိုက်သူတွေ 

1988 ကတည်းက တောက်လျှောက် သူတို့လုပ်လာတဲ့ တိုက်ကွက်တွေကို ကျွန်တော်တို့ဘက်က ခံစစ်ဘဲ ကစားခဲ့ကြရတာ.. အခုအခြေအနေကတော့ ပြောင်းပြန်ဖြစ်သွားပြီ. CRPH NUG PDF NUCC တို့ဆိုတာ ကျွန်တော်တို့ရဲ့ တိုက်ကွက်ဖြစ်ပြီး သူတို့က ခံစစ်အနေနဲ့ လိုက်ပိတ်နေရပြီ.. လွတ်တော်ရယ် အစိုးရရယ် ရပြီးတဲ့နောက် နယ်မြေတချိူ့မှာ တရားစီရင်ရေး စတင်ဆောင်ရွက်နေကြပြီ. အဲဒီလို မဏ္ဏိုင်သုံးရပ်လည်းပြည့်ပြီ နယ်မြေစိုမိုးရေးအတွက် တပ်တွေလည်း စီစဉ်နိုင်ပြီဖြစ်တဲ့အတွက် သူတို့ရေးထားတဲ့ အခြေခံ ဉပဒေကို အောက်ကျခံပြီး ပြင်ဖို့ ကြိုးစားနေစရာ မလိုတော့ဘဲ မဏ္ဏိုင်ကြီးသုံးရပ်နဲ့ တိုင်းရင်းသား Stakeholder တွေခေါ်ယူပြီး ဖယ်ဒရယ် ဒီမိုကရေစီကို ဖေါ်ဆောင်မယ့် အခြေခံ ဉပဒေကို ရေးဆွဲကြတော့မယ် အဲဒီအခြေခံ ဉပဒေထွက်လာရင် စကစ ဟာ auto သပုန်ဖြစ်သွားမှာကြောင့် ဘေးဖယ်ပြီးသား ဖြစ်သွားပါပြီ. 

အဲဒါဟာ ကျွန်တော်တို့ ဘက်က ထုတ်သုံးလိုက်တဲ့ အခြေခံ အကျဆုံး ပွဲသိမ်းတိုက်ကွက်ပါဘဲ..

ကျွန်တော်မြင်တာတော့ ကျွန်တော်တို့ဘက်က တဆင့်ဆင့်နဲ့ တက်လာလိုက်တာ စပါးကြီးမြွေ လည်မျိူးပတ်သလိုဖြစ်နေပြီ..

တချိူ့က မေးကြမယ် လူတွေ ဒီလောက်သေနေတာ ဘာလုပ်ကြမလဲ..တဲ့..

လူအသေအပျောက်နဲဖို့က ဒင်းတို့ လက်နက်ချတဲ့ နေ့ စောတာနဲ့ နောက်ကျတာဘဲ ကွာပါမယ်…

ကျွန်တော်တို့ ဘက်ကလူတွေက စစ်တိုက်နေတာမဟုတ်ပါဘူး 

စစ်မိစ္ဆာ လက်နက်ချအောင် လုပ်နေတာပါ..  

အဲဒါကို သိသိကြီးနဲ့ မလုပ်ရဲတာ ဘာမှမရှိဘူးဆိုပြီး အားလုံးဖျက်ပစ်မယ်ဆိုတဲ့သူသာ တရားခံ အစစ်ပါ.. 

သူ့ကိုသာ သွားမေးတော် မူကြပါ…

သွေးမထွက်တဲ့ နိုင်ငံရေး ဆောင်ရွက်လိုသူများကိုလည်း အသိပေး

လိုက်ပါရဲ့. 

ဝင်းဗိုလ်..

2022

မအလ ဦးရည်မွန်ကိုဘာကြောင့်ကြောက်သလဲဆို တချိန်ကလွှတ်တော်ထဲမှာ အခုလိုဒဲ့ဖြဲတာ။။ (ရုပ်//သံ)

 

ကရင်နီကတော့ မအလ စစ်ခွေးတွေကိုကျုံးတာ အားရစရပါ

 ကရင်နီပူးပေါင်းတပ်ဖွဲ့က အကြမ်းဖက်စစ်ကောင်စီယာဉ်တန်းကို တိုက်ခိုက်၊ စစ်သား ၂၀ ထက်မနည်းသေဆုံး စစ်ကား ၄ စီး မီးလောင်ပြီး စစ်သား ၆ ဦးကို အရှင်ဖမ်းမိ

ရန်ကုန်၊ မေ ၇

ကရင်နီပြည်နယ်၊ ဖရူဆိုမြို့နယ် အကြမ်းဖက်စစ်ကောင်စီယာဉ်တန်းကို ကရင်နီပူးပေါင်းတပ်ဖွဲ့က ယနေ့ မေလ ၇ ရက်တွင် တိုက်ခိုက်၍ စစ်သား ၂၀ ဦးထက်မနည်းသေဆုံးပြီး စစ်ကား ၄ စီး ကို မီးရှို့ဖျက်ဆီးကာ အရှင်ဖမ်းမိသည့် စစ်သားများလည်း ရှိကြောင်း သတင်းရရှိသည်။

"ဖရူဆို၊ မုန်တိုင်းရွာဘက်က ထွက်တဲ့ ယာဉ်တန်းပါ၊ KA နဲ့ KNDF က တိုက်တာပေါ့။ စစ်သား ၂၀ သေတာကို မျက်မြင်ရတယ်၊ ၂၀ ထက်မနည်းသေနိုင်တယ်။ ၆ ဦးကို အရှင်ဖမ်းမိတယ်" ဟု ကရင်နီအမျိုးသားများကာကွယ်ရေးတပ် KNDF တပ်ဖွဲ့ဝင်တစ်ဦးက ရန်ကုန်ခေတ်သစ်သတင်းဌာနသို့ အတည်ပြုပြောဆိုသည်။

ကရင်နီဒေသ သတင်းရင်းမြစ်က လူမှုကွန်ရက်တွင် ထုတ်ပြန်ထားသော ဗီဒီယိုတွင် စစ်ယာဉ်တန်းကို ကရင်နီပူးပေါင်းတပ်ဖွဲ့က ပစ်ခတ်တိုက်ခိုက်နေသည်ကို တွေ့ရှိရပြီး အရှင်ဖမ်းမိသည့် စစ်သားများ ရှိသလို စစ်ကား ၄ စီးကို ကရင်နီတပ်ဖွဲ့များက မီးရှို့ရှင်းလင်းလိုက်ပြီး သေဆုံး စစ်သားအလောင်းများကို တွေ့မြင်ရသည်။

ယခု တိုက်ခိုက်မှုဖြစ်စဉ်နှင့် ပတ်သက်ပြီး KNDF က တရားဝင် သတင်းထုတ်ပြန်မည်ဖြစ်ကြောင်း

သိရှိရသည်။

ရခိုင်တပ်တော် AA ရဲ့သတိပေးခြင်းခံလိုက်ရတဲ့ မအလ အကြမ်ဖက်စစ်တပ်

 

စစ်ကောင်စီ အနောက်ပိုင်းတိုင်းစစ်ဌာနချုပ် တိုင်းမှူးကို ရက္ခိုင့်တပ်တော်(AA) စစ်ဦးစီးချုပ်က သတိပေးလိုက်တဲ့အပေါ် ဘယ်လိုရှုမြင်ကြသလဲ

DMG ၊ မေ ၆

(Vox Pop)

“ကိုထင်လတ်ဦး သိပ်လျှောက်မလုပ်နဲ့ အာရုံနောက်နေပြီ၊ ငြိမ်းချမ်းရေးဘာညာ သောက်ဂရုစိုက်နေမှာ မဟုတ်ဘူး။ မင်းနေတဲ့နေရာအထိ တက်ကြိတ်ပလိုက်မှာနော်”ဟု ရက္ခိုင့်တပ်တော်(AA) စစ်ဦးစီးချုပ် ဗိုလ်ချုပ်ထွန်းမြတ်နိုင်က ယနေ့(မေလ ၆ ရက်)တွင် ၎င်း၏လူမှုကွန်ရက် တွစ်တာမှတစ်ဆင့် သတိပေး ပြောကြားလိုက်သည်။

လက်ရှိအခြေအနေအရ စစ်ကောင်စီမှ ရခိုင်တစ်ပြည်နယ်လုံးမှာ စစ်အင်အားတိုးချဲ့မှုများ၊ နယ်မြေချဲ့ထွင်မှုများ လုပ်ဆောင်နေသည်ကို ဒေသခံများထံမှတစ်ဆင့်ကြားသိနေရသည်။ ယင်းအပြင် AA နှင့်ဆက်စပ်သည်ဆိုသည့် သံသယဖြင့် ဖမ်းဆီးမှုများလည်းမှာလည်း ဆက်တိုက်ရှိလာနေပြီး ယင်းအထဲ မွတ်ဆလင်များပါ ဖမ်းဆီးခံရမှုရှိလာသည်ကို တွေ့ရသည်။

တစ်ဖက်မှာလည်း ငြိမ်းချမ်းရေးကိုဆောင်ရွက်ရန် တိုင်းရင်းသားလက်နက်ကိုင်အဖွဲ့များနှင့်တွေ့ဆုံလိုကြောင်း စစ်ကောင်စီဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်ကိုယ်တိုင် ဖိတ်ခေါ်ထားသည်။

ထိုအခြေအနေမျိုးတွင် AA စစ်ဦးစီးချုပ်က သတိပေးပြောကြားလိုက်ခြင်းမှတစ်ဆင့် ရခိုင်မှာ သေနတ်သံများ ပြန်လည်ထွက်ပေါ်လာမည်လော၊ ရခိုင်ပြည်၏ စစ်ရေး၊နိုင်ငံရေးအခြေအနေ မည်သို့ဖြစ်ပေါ်လာမည်ကို နယ်ပယ်အသီးသီးမှ နိုင်ငံရေးသမားများ၏အမြင်များကို DMG မှ မေးမြန်းတင်ဆက်ပေးလိုက်ရသည်။

ဦးသန်းစိုးနိုင် (နိုင်ငံရေးလေ့လာသုံးသပ်သူ)

ဗိုလ်ချုပ်ထွန်းမြတ်နိုင်အနေနဲ့ကတော့ ဒုတိုင်းမှူးကိုသတိပေးတာပေါ့။ သူ့သတိပေးချက်က ဘာပဲဖြစ်ဖြစ် လိုအပ်တဲ့၊ သင့်တော်တဲ့ တုန့်ပြန်မှုပဲလို့ယူဆပါတယ်။ သူတို့တွေကို အဲလိုပြောပေးမှ တော်ရာကျတယ်။ မဟုတ်ရင် သူတို့အနေနဲ့ အဟုတ်မှတ်ပြီးတော့ လျှောက်ပြီးလုပ်တာကိုင်တာတွေရှိလာတယ်။ အဲဒီတော့ သူပြောနေတဲ့နယ်မြေဆိုတာက AA နဲ့ ၂၀၁၇ တုန်းက အပြင်းအထန်တိုက်ခဲ့တဲ့နေရာတွေလေ။ အဲဒီမှာ သူတို့ တော်တော်အကျအဆုံး များလာတယ်။ အခုမှ အဲဒီဒေသတွေမှာ လုံခြုံရေးဘာညာဆိုပြီး လာပြောနေတယ်။ ဒါပေမဲ့ ဘာပဲဖြစ်ဖြစ် ချင်းပြည်နယ်တော့မပါဘူးပေါ့နော်။ ရခိုင်မြောက်ပိုင်းဆိုတာက AA ကနေ အုပ်ချုပ်ရေး၊ တရားဥပဒေစိုးမိုးရေး၊ ဒေသလုပ်ငန်းတွေရော လုပ်နေတဲ့အချိန်။ အဲလိုအချိန်မှာ အဲဒီစကားတွေ လာပြောတဲ့အခါမှာ ဗိုလ်ချုပ်ထွန်းမြတ်နိုင်အနေနဲ့ကတော့ သူ့စိတ်ထဲမှာဒေါပွတာတွေရှိမယ်။ နောက်ပြီး တုန့်ပြန်ချင်တဲ့စိတ်အလိုအလျောက် အဲဒီသဘောထားနဲ့ပြောလာတာ။ အဲစကားလုံးတွေအနေနဲ့ကြည့်ရင် နည်းနည်းပြင်းထန်မှုတော့ ရမှာပေါ့။ တိုင်းမှူးဆိုတဲ့သူတွေက အဲလောက်ပြောပေးမှ တော်ရာကျတာ။ ပြောထိုက်တယ်၊ ပြောသင့်တယ်လို့ယူဆပါတယ်။

ဦးအောင်သောင်းရွှေ (ပြည်သူ့လွှတ်တော်အမတ်ဟောင်း)

ကျနော်တို့မြင်တာက ဒါကမြေပြင်အနေအထားမှာ တကယ်လိုအပ်လို့ ပြောတာဖြစ်တယ်။ တနည်းအားဖြင့် ပြောရရင် ရာဇသံပေးတယ်လို့မြင်တယ်။ ဘာလို့လဲဆိုတော့ စစ်ကောင်စီက တည်ငြိမ်အေးချမ်းဖို့အတွက် သူတို့ပြောနေတဲ့အချိန်ကာလမှာ သူတို့လုပ်နေတဲ့လုပ်ရပ်က အပြောနဲ့အလုပ်က တခြားစီဖြစ်နေတယ်။ အဲဒါကြောင့်လိုအပ်လို့ ဗိုလ်ချုပ်(ထွန်းမြတ်နိုင်)က အဲလိုပြောတာဖြစ်တယ်။ အဲတာ စစ်အစိုးရကို ရာဇသံ ပေးတာလည်းဖြစ်တယ်။ ဒီကိစ္စက တော်တော်အရေးကြီးတယ်။ မုတ်သုံရာသီမှာ မိုးခြိမ်းလိုက်သလိုဘဲ ခံစားရတယ်။ ဒီလိုသတိပေးလိုက်တာက မြေပြင်မှာလည်း စစ်ပွဲတွေဖြစ်လာနိုင်တယ်။ အဓိက စစ်အစိုးရဘက်က လုပ်နေတဲ့အရာက ပြည်သူလူထုအပေါ်မှာ မတရား၊ တည်ငြိမ်မှုတွေကို ပျက်ပြားအောင်၊ ယုံကြည်မှုတွေပျက်ပြားအောင် သူတို့လုပ်ဆောင်နေတဲ့လုပ်ရပ်တွေအပေါ်မှာ ဖြစ်ပေါ်လာတဲ့ တန်ပြန်အကျိုးသက်ရောက်မှုလို့မြင်တယ်။ အခုငြိမ်းချမ်းရေးလို့ စကားပြောနေပေမယ့် သူတို့လုပ်ရပ်က မမှန်ကန်တော့ အဲဒီလိုဖြစ်လာတာလို့ သုံးသပ်တယ်။

ကိုထွန်းကြည် ၊ အမှုဆောင်ဒါရိုက်တာ (ငြိမ်းချမ်းရေးနှင့် ဖွံ့ဖြိုးရေးစင်တာ)

အခုနောက်ပိုင်းက ထူးခြားလာတာတွေက ရခိုင်မှာအပစ်အခတ်ရပ်စဲထားပြီး နောက်ပိုင်းမှာ အေအေနဲ့ဆက်စပ်တယ်ဆိုပြီး ဖမ်းဆီးမှုတွေရပ်တန့်နေခဲ့တယ်။ အခုတစ်နှစ်ကျော်အကြာ ၂၀၂၂ မှာ ပြန်ပြီးဖမ်းဆီးတာ တွေ့လာရတယ်။ ကျွန်တော်မှတ်မိသလောက်ဆိုရင် တောင်ကုတ်ကတစ်ယောက်ရှိတယ်။ နောက်ပြီး စစ်တွေကမွတ်ဆလင်တွေလည်း ဖမ်းဆီးခံရတာတွေတွေ့ရတယ်။ အဲဒါက လက်ရှိယာယီငြိမ်းချမ်းနေတဲ့ အခြေအနေတစ်ရပ်ကို စစ်ကောင်စီက ပြန်ပြီးအရေးတယူလုပ်လာတယ်လို့ သုံးသပ်လို့ရတယ်။ ဆိုတော့ နဂိုကအလွတ်သဘောဆွေးနွေးတာတွေရှိတယ်လို့ ဗိုလ်ချုပ်ကိုတိုင်က အင်တာဗျူးတွေမှာ ပြောကြားတာတွေရှိတယ်။ ငြိမ်းချမ်းရေးကတော့ သေချာတဲ့ ကတိကဝတ်မရှိဘူး။ အလွတ်သဘော ဆွေးနွေးမှုကနေတစ်ဆင့် ယာယီအပစ်အခတ်ရပ်စဲထားတာဖြစ်တယ်။ ဆိုတော့ တည်ငြိမ်နေတဲကာလကို အခုဗိုလ်ချုပ်ရဲ့အသိပေးတဲ့အခြေအနေက မဖျက်ဆီးဖို့ပြောဆိုတာဖြစ်တယ်လို့ နားလည်တယ်။

စောစံငြိမ်းသူ ၊ ဥက္ကဋ္ဌ ၊ (ရခိုင်ရှေ့ဆောင်အမျိုးသမီးများအဖွဲ့)

ဗိုလ်ချုပ်ထွန်းမြတ်နိုင်က အခုလိုပြောလာတဲ့အခြေအနေက တစ်ဖက်နဲ့တစ်ဖက်ကြားမှာ ဘယ်လိုတင်းမာမှု အခြေအနေရှိနေတယ်ဆိုတာကို ကျွန်မတို့အနေနဲ့မသိနိုင်ဘူး။ ဒါပေမဲ့ အတွင်းရေးအခြေအနေအရ တစ်ဖက်နဲ့တစ်ဖက်ကြားမှာ အနေအထားတစ်ခုရှိနေလို့လားဆိုတာကိုပဲ ပြောနိုင်မယ်။ အတွင်းကျကျ အခြေနေတွေကိုတော့ ကာယကံရှင်တွေပဲသိမယ်။ ဘာပဲဖြစ်ဖြစ် ဒီလိုစကားမျိုးပြောလာတယ်ဆိုရင်တော့ ဒီဟာက စိတ်ခေါ်မှုတစ်ရပ်လို့ပြောလို့ရတယ်။ ဆိုတော့ နောက်ကြောင်းပြန်တိုက်ခိုက်မှုလိုမျိုးဖြစ်လာရင် ပြည်သူလူထုအတွက်လည်း စိုးရိမ်စရာဖြစ်စေတယ်။

ဒါကြောင့် ပြည်သူလူထုတစ်ဦးတစ်ယောက်ချင်းစီအနေနဲ့ဖြစ်စေ ပြန်ပြီးတိုက်ပွဲဖြစ်လာမှာကိုတော့ တစ်ယောက်မှမျှော်လင့်မှာမဟုတ်ဘူး။ အားလုံးက တည်ငြိမ်အေးချမ်းတဲ့ ဒေသတစ်ခုဖြစ်ပေါ်လာရေးကို ပြည်သူလူထုက မျှော်လင့်နေတယ်။ ဒီဟာကတော့ သက်ဆိုင်တဲ့အုပ်စုနှစ်ခုကြားက အခြေအနေပေါ်မူတည်တယ်။ ဒါကတော့ အလားအလာကောင်းတဲ့ အနေထားတော့မဟုတ်ဘူးပေါ့။ ပိုမိုဆိုးရွားတဲ့အနေအထားမျိုး ဖြစ်လာနိုင်တဲ့အနေအထားရှိတယ်လို့ယူဆတယ်။ နှစ်ဖက်တင်းမာလာနိုင်လားဆိုတော့ တစ်ဖက်က စိန်ခေါ်မှုလိုမျိုးဖြစ်နေတယ်ဆိုရင် တစ်ဖက်ကရော ဘယ်လိုပုံစံလာမလဲဆိုတာရှိသေးတယ်။ နှစ်ဖက်တင်းမာလာနိုင်တယ်လို့လည်း ပြောလို့ရတယ်။ ဒီအခြေအနေမျိုးသာပေါ်လာလို့ရှိရင် တင်းမာလာနိုင်ပြီး နောက်ထပ်တစ်ဖန် စစ်ပွဲဖြစ်လာပြန်ဖြစ်လာနိုင်တဲ့ အနေအထားမျိုးဖြစ်ပေါ်လာနိုင်ခြေရှိတယ်။ ဖြစ်လာရင်လည်း ပိုဆိုးတဲ့အနေအထားနဲ့ ဖြစ်လာမယ်လို့ ယူဆတယ်။

ဦးဖိုးစံ (ပြည်နယ်လွှတ်တော်အမတ်ဟောင်း)၊ ကျောက်ဖြူမြို့နယ်

ငြိမ်းချမ်းလုပ်ချင်တယ်ဆိုရင် ငြိမ်းချမ်းအောင်လုပ်ရင် ငြိမ်းငြိမ်းချမ်းချမ်းဖြစ်မယ်။ အဲဒါက ဘယ်သူ့မှာ တာဝန်ရှိလဲဆိုရင် အစိုးရမှာတာဝန်ရှိတယ်။ အရင်အစိုးရကလည်းပဲ ငြိမ်းချမ်းရေးလုပ်မယ်ဆိုပြီး အကြိမ်ကြိမ်ပြောခဲ့ပြီးတော့ တိုက်ပွဲပဲဖြစ်လာခဲ့တယ်။ အခုလက်ရှိ စစ်ကောင်စီအစိုးရလည်း ငြိမ်းချမ်းရေးလုပ်မယ်ဆိုပြီး တိုင်းရင်းသားလက်နက်ကိုင်အဖွဲ့ခေါင်းဆောင်တွေကို ကမ်းလှမ်းထားတယ်။ ဆိုတော့ ငြိမ်းချမ်းရေးကို သူတို့(စစ်ကောင်စီ)အမှန်တကယ်လုပ်ချင်တယ်ဆိုရင် လိုလိုလားလားလုပ်လို့ရတယ်။ မလုပ်ချင်တဲ့အတွက် ဟိုသွားသည်သွား လက်နက်အင်အားပြပြီးတော့ ခြိမ်းခြောက်လာလို့ရှိရင်တော့ ငြိမ်းချမ်းရေးလုပ်လို့ မရဘူးလို့မြင်တယ်။

# R002 ၊ R003