စကစ ရဲ့ စစ်ကြောရေးတွင် ကိုဗစ်ကူးစက်ခံရပြီး ‌သေဆုံးခဲ့ရသူ ရန်ကုန်ကွန်ပျူတာတက္ကသိုလ် ​ပါ​မောက္ခချုပ် Dr.မီမီသက်သွင် (၁၉၆၆-၂၀၂၁)

Dr.မီမီသက်သွင် သည် စစ်တပ်က အာဏာသိမ်းခြင်းကို ဆန့်ကျင်ပြီး CDM လှုပ်ရှားမှုတွင် ပါဝင်ခဲ့သူဖြစ်ပြီး ဧပြီ ၁ရက်နေ့တွင် အကြမ်းဖက် အာဏာလု စစ်​ကောင်စီ က တာဝန်မှ ယာယီရပ်စဲကြောင်း ထုတ်ပြန်ခဲ့သည်။

ထို့နောက်ပိုင်းတွင် CDM မလုပ်သူ လုပ်ဖော်ကိုက်ဖက်ဖြစ်သူက Dr.မီမီသက်သွင် အနေဖြင့် Non CDM သို့ ပြောင်းလဲပါက ၅၀၅ (က) ဖြင့် အရေးယူခြင်းခံရမည် မဟုတ်ဟု ပြောဆိုလာသောကြောင့် ‌ရှောင်တိမ်း နေရာမှ နေပြည်တော်ရှိ စကစ ဝန်ကြီး နှင့် သွားရောက်တွေ့ဆုံခဲ့သည်။ 

 

ထိုသို့သွားရောက်တွေ့ဆုံသည့် ဇူလိုင်လ ၁ရက်နေ့တွင် စကစ ၏ ထိန်းသိမ်းခြင်းကို ခံခဲ့ရပြီး စစ်ကြောရေးသို့ ပို့ဆောင်ခံခဲ့ရသည်။ သူသည် စစ်ကြောရေးတွင် ကိုဗစ်ရောဂါကူးစက်ခံခဲ့ရပြီး ကိုဗစ်ဝေဒနာ စတင်ခံစားခဲ့ရသည့် ၆ရက်မြောက်နေ့ဖြစ်သည့် ဇူလိုင်လ ၂၆ရက်နေ့တွင် နေအိမ်သို့ ပြန်ပို့ခံခဲ့ရသည်။ အချိန်မီ ဆေးကုသခွင့်မရခဲ့သည့် အတွက်ကြောင့် နေအိမ်တွင်ပင် ဇူလိုင် ၃၀ရက်နေ့က ကွယ်လွန်သွားခဲ့သည်။ 

 

CDM ဝန်ထမ်း ပညာတတ်များကို စကစ က အငြိုးကြီးစွာဖြင့် ရည်ရွယ်ချက်ရှိရှိ ဖြင့် ၎င်းတို့အာဏာတည်မြဲရေးအတွက် အစွမ်းကုန် ဖိနှိပ်မှုများပြုလုပ်နေသည်ကို ယခုဖြစ်စဥ်က သက်သေပြနေပါသည်။

31 July 2021 | Myanmar Current Affairs

တသက်လုံး ဖုံးသမျှ ကုန်းကာမှ့ပေါ်

အာဏာသိမ်းခဲ့သည်မှာ ၆ လ တိုင်လာခဲ့ပြီ ဖြစ်သော်လည်း ပြည်သူများ အဖို့ ကောင်းမွေ ဟူ၍ တခုတလေမျှ မခံစားရသေးသည့်အပြင် ရှေ့လျောက် မျှော်လင့်ချက် ရောင်ခြည်ဟူ၍လည်း မြင်ခွင့်မရသေး၊ လျပ်စစ် ကား ထုတ်လုပ်မည်၊ ကိုဗစ် ကာကွယ်ဆေး ထုတ်လုပ်မည်ဟူသော ပေါက်ပန်းဈေး စကားများသာ ကြားနေရဆဲ ဖြစ်သည်။ လက်ရှိတွင်တော့ လမ်းများ ပေါ်တွင် အနှောက်အယှက်မရှိ ဘေးကင်းလုံခြုံစွာ သွားနိုင်လျင်ပင် ကံကောင်းလှ‌ပြီဟု ယူဆကြရမည့်အနေအထား မျိုး ဖြစ်လာနေသည်။

၎င်းကိုယ်တိုင်လည်း ကာကွယ်ရေး ဦးစီးချုပ် ရာထူး တွင် “We are ready” ဟူသော လေတလုံး မိုးတလုံးကြောင့် အဟုတ်လားဟု လူရိုသေ ရှင်ရိုသေ ဘဝ ရခဲ့သေးသည်။ အာဏာသိမ်း ပြီး ခေါင်းဆောင် လုပ်လာသည့် အခါတွင်တော့ “တသက်လုံး ဖုံးလာသမျှ ကုန်းခါမှပေါ်” ဆိုသကဲ့သို့ ၎င်းအား ထောက်ခံသူများပင် စိတ်ပျက်လက်ပျက် ဖြစ်သွားအောင် စွမ်းဆောင်နိုင်ခဲ့သူ ဖြစ်သွားခဲ့ရပေသည်။ ကိုယ်ပြောချင်တာ ပြောခွင့်ရနေသည့် အခြေအနေမျိုးထက် ပို၍ တိုးတက်လာခြင်း မရှိ၊ ကံဆိုးလျှင် အသတ်ခံနိူင်ရသေးသည်ဟူကာ မည်သူမျှ အားမကျသည့် ခေါင်းဆောင်ဘဝ နှင့် ဒရွတ်တိုက် သွားနေရပေသည်။

၎င်းအား ဟုတ်နိုးနိုး နှင့် ထောက်ခံခဲ့သူ တရုတ်ပင် စိတ်ပျက်စ ပြုလာနေသည်ကို ယခု အကျပ်အတည်းတွင် ဖာသိဖာသာ နေနေခြင်းက သိသာနေပေသည်။

အာဖဂန်နစ္စတန်တွင် တာလီဘန်တို့ နိုင်ငံတွင်းရှိဒေသအတော်များများကိုထိန်းချုပ်လာနိုင်သည်နှင့် အမျှ တခါက ၎င်းတို့အားရွံကြောက်ကြီးဖြစ်နေသောတရုတ်သည် “နိုင်ငံပြန်လည် တည်ဆောက်ရေးနှင့် ငြိမ်းချမ်းစွာ ရင်ကြား စေ့နိုင်ရေး” အတွက် တာလီဘန်သည် စစ်ရေးနှင့် နိုင်ငံရေးတွင် အခရာကျသောအင်အားစုကြီးဖြစ်လာပြီဟု ချက်ခြင်းလိုလေသံ ပြောင်းသွားခဲ့လေသည်။

ထိုမျှတင်မကသေးတရုတ်နိုင်ငံခြားရေးဝန်ကြီးဝမ်ယီသည် နိုင်ငံအရှေ့မြောက်ပိုင်းတီယန်ဂျင်းမြို့တွင် တာလီဘန် ဒုတိယခေါင်းဆောင် နှင့် အဖွဲ့ဝင် ကိုးဦး ပါ ကိုယ်စားလှယ်အဖွဲ့ကိုဖက်လှဲတကင်းကြိုဆိုခဲ့ပြန်သည်။

၎င်းတို့နယ်မြေကိုခြေကုတ်ယူပြီးတရုတ်နိုင်ငံတွင်းဝင်ရောက်တိုက်ခိုက်မည့် လူများရန်မှ ကာကွယ်ပေးရန် ကတိကဝတ်ကိုလည်းအမိအရတောင်းမည် ဖြစ်သည်။ ယခင်က အမေရိကန်၏ အာဖဂန်နစ္စတန် တွင် ဝင်ရောက် စွက်ဖက်မှုကို ခါးခါးသီးသီး ရှုတ်ချခဲ့သော်လည်း ယခုအခါ တပ်များ အလျင်စလို ဆုတ်ခွာနေမှုကို အပြစ် ဆိုလာခဲ့ပြန်သည်။

တရုတ်သာမက တီဟီရန်၊ မော်စကိုမြို့ကြီးများသို့ လည်း တာလီဘန် တို့ ခရီးလှည့်လည် ခဲ့ပြီးဖြစ်သည်။

ဤသည်ကိုကြည့်လျှင် စစ်ရေးအရအသာစီးရလာသည်နှင့် အမျှ ယခင်ကဆေးဖေါ်ကြောဖက် မလုပ်သော တာဘီဘန်များကို တရုတ်တို့သာမက အခြားနိုင်ငံများကပါ တလေးတစားဆက်ဆံ လာကြသည်ကို တွေ့ရမည် ဖြစ်သည်။

ကမ္ဘာနိုင်ငံရေးမျက်နှာစာတွင် မပြောင်းမလဲတည်ရှိနေသောနိယာမတရားကြီးလည်းဖြစ်သည်ကိုမိမိတို့ ဖက်မှ သိရှိထားရပေမည်။ 

မြန်မာ ပြည်သူများက မည်သည့် တော်လှန်ရေး မှ သံတမန် နည်းဖြင့် အောင်မြင်ခဲ့ခြင်း မရှိသည်ကို ကောင်းစွာ နားလည် ထားပြီး ဖြစ်၍ အဆုံးစွန်အထိ တိုက်ပွဲဝင်သွားရန် ဆုံးဖြတ်ထားကြပြီးလည်း ဖြစ်သည်။

တပ်ထဲတွင်လည်း အသေအပျောက်များ များပြားလာခြင်း နှင့်အတူ လက်ရှိ အနေအထား အတိုင်း တသက်လုံး သွားရတော့မည်လားဟု မေးခွန်းများ ထုတ်လာကြလေသည်။

လောလောဆယ်တွင် နိုင်ငံအများအပြားအနေနှင့် အာဏာသိမ်းအဖွဲ့ကို မည်သို့မည်ပုံ သဘောထားဆက်ဆံရမည် ဆိုသည်အ‌ပေါ် ဝေခွဲမရဖြစ်လာနေချိန်မှာ ကိုဗစ် ကပ်ရောဂါကြီး ကျရောက်ချိန်၌ လူထု၏ အသက်ပေါင်း များစွာကို ကယ်တင်ရန် ပျက်ကွက်ခဲ့မှု ကြီးကို မျက်ဝါးထင်ထင် တွေ့မြင်လာရချိန်တွင်တော့ အာဏာသိမ်း အဖွဲ့သည် မည်သို့မျှ အစိုးရတရပ် အဖြစ် တရားဝင် အသိအမှတ် ပြု ဆက်ဆံသွားဖို့ မဖြစ်နိုင်တော့မှန်း ကောင်းစွာ သိနားလည် သွားကြပြီ ဖြစ်သည်။

ထို့အတွက် ယမန်နေ့က ပြုလုပ်သော ကုလ လုံခြုံရေးကောင်စီ အာရီယာ ပုံစံ ကြားနာပွဲတွင် အမျိုးသား ညီညွတ်ရေး အစိုးရ၏ သဘောထားကို တလေးတစား နားထောင်ခဲ့ကြခြင်းလည်း ဖြစ်သည်။

နယ်ခြားမဲ့ ဆရာဝန်များ အသင်းကလည်း မြန်မာနိုင်ငံတွင် “အထိန်းအချုပ် မဲ့ လူ့အဖွဲ့အစည်း အတွင်း ပျံ့နှံ့ ကူးစက်နေမှုကြီး” အဖြစ် ကင်ပွန်းတပ်လိုက်ပြီ ဖြစ်သည်။

လက်ရှိတွင် အာဏာသိမ်း အဖွဲ့က တနေ့လျှင် လူ ၆,၀၀၀ ခန့် ကူးစက်ပြီး ၃၀၀ ခန့် သေဆုံးလျှက် ရှိသည်ဟု ဆိုသည်ကိုပင် မည်သူမျှ အယုံအကြည် မရှိကြတော့ပေ။ ပြည်သူများ ရွေးချယ်တင်မြှောက်ထားသည့် အစိုး ရတရပ်အား လက်နက်အားကိုး ဖြင့် ဗြောင်ကျကျ အာဏာသိမ်းခဲ့သည့် အဖြစ်ကိုပင် ဖွဲ့စည်းပုံအရ အကျုံး ဝင်သည် ဟု လိမ်ညာခဲ့ကြသူများလည်း ဖြစ်နေကြသောကြောင့်ဟု ဗြိတိန် နိုင်ငံရှိ The Conversation ဝက်ဆိုဒ် တွင် ရေးသားထားသည်။ ရန်ကုန်တွင်ပင် တနေ့ ၁,၀၀၀ ခန့် သင်္ဂြိုလ်ပေးနေရသည်ဟု နာရေး ကူညီရေး အသင်းများ နှင့် ပရဟိတ အဖွဲ့များ၏ အပြောအရ သိရသဖြင့် တနိုင်ငံလုံး အတိုင်းအတာဖြင့် လွန်စွာ များပြားနေမည်ဟု ယူဆရကြောင်း ရေးသားခဲ့သည်။

ကိုဗစ် ကုသရေး အထောက်အကူ ပစ္စည်းနှင့် ဆေးဝါးများ ပြတ်လတ်လာနေမှု နှင့်အတူ အဆမတန် ဈေးမြင့် တက် လာနေသည်။ Oxygen Concentrator ကဲ့သို့ ပစ္စည်းမျိုးပင် စင်္ကာပူမှ အလွယ်တကူ တင်သွင်း၍ မရ ဖြစ်နေသည်။

၅၄ သန်း ရှိသော တိုင်းပြည်တွင် မင်းအောင်လှိုင်၏ စီမံခန့်ခွဲမှု အောက်၌ တနေ့လျှင် လူ ၁၅,၀၀၀ ခန့် သာ စစ်ဆေး နိုင်ခဲ့ပြီး ၃၇% သည် ရောဂါပိုး ကူးစက်ခံထားရသည်ကို တွေ့ရပြန်သည်။ ဆိုလိုသည်မှာ လူ ၁,၀၀၀ စစ်လျှင် ၃၇၀ ကူးစက်ခံနေရခြင်းပင် ဖြစ်သည်။

ဆင်းရဲသော ပြည်သူများမှာ လူချင်းခွာနေရန်လည်း မဖြစ်၊ ဆေးကုသခံရဖို့ကလည်း လက်လှမ်း မမှီ ဖြစ်နေ၍ အထိအနာဆုံး ဖြစ်နေသည်။ တိုင်းရင်းသားများ နေထိုင်ရာ ဒေသများတွင် ထိုနည်းနှင်နှင် ပင် ဖြစ်လာနေသည်။

စစ်အာဏာသိမ်း အဖွဲ့ အတွက် ပြဿနာ ဖြစ်နေရသည်က အာဏာမသိမ်းမီ နှစ်ရက် သုံးရက်အလိုတွင် နိုင်ငံ တကာ ငွေကြေးရံပုံငွေ အဖွဲ့မှ ပေးထားသော ကိုဗစ် ကုသရေး အကူအညီ ဒေါ်လာ သန်း ၃၅၀ ကို စာရင်းမပြနိုင် ဖြစ်နေရခြင်းပင်။

သို့သော် ကျပ်တန်ဖိုး ကျဆင်းနေသည်ကို ကျားကန်ရန် အာဏာသိမ်းပြီးချိန်မှစ၍ ဗဟိုဘဏ်မှ စုစုပေါင်း ဒေါ်လာ သန်း ၉၀ ခန့် ထုတ်ရောင်းချခဲ့ပြီး ဖြစ်သည်ဟု သိရသည်။ နိုင်ငံခြား ရင်းနှီးမြှုပ်နှံမှုများကလည်း မရှိသဖြင့် တဖြေးဖြေး နှင့် နိုင်ငံခြား အရံငွေများ ကုန်ခမ်းလာရဖို့ သာ ရှိနေပေသည်။

အာဏာသိမ်း အဖွဲ့သည် လက်ရှိ ကိုဗစ် အကြပ်အတည်းကို ကောင်းမွန်စွာ ကိုင်တွယ်နိုင်မည် ဆိုလျှင် လူထု ထောက်ခံမှု အပိုင်းတွင် ပြန်လည် ဦးမော့လာနိုင်စရာ ရှိသော်လည်း မည်သို့ လုပ်ရမည်မှန်းလည်း မသိ၊ စိတ်ထင် ရာ လျှောက်လုပ်နေသဖြင့် လူထု၏ ဒေါသက အမြင့်ဆုံး ရောက်ရှိခဲ့ရသည်။ လူထု အတွက် ကျန်းမာရေး မည်သို့မည်ပုံ စောင့်ရှောက်ရမည်ကို မစဉ်းစား၊ အလောင်းများ မြင်မကောင်းအောင် ဖြစ်လာက ဖုံးမရ ဖိမရ ဖြစ်လာကာ နိုင်ငံတကာမှ ဝင်ရောက်စွက်ဖက်လာမည် စိုး၍ မီးသင်္ဂြိုလ်စက်များ အမြန်တည် ဆောက်ပြီး အစဖျောက်နိုင်ရန် ကြိုးပမ်းလာခဲ့ကြခြင်းကပင် မည်မျှအထိ အသိတရား ခေါင်းပါးလွန်းနေသည်ကို ပြဆို နေပေသည်။

ဖွံ့ဖြိုးပြီး နိုင်ငံ အချို့တွင် ကာကွယ်ဆေးများ အလျှံပယ် ဖြစ်လာနေပြီး မြန်မာသို့ အလျှင်အမြန် ပို့ပေးမည် ဆိုက ပို့ပေး နိုင်သော်လည်း ရွံရှာဖွယ် ကောင်းနေသည် အာဏာသိမ်း အဖွဲ့နှင့် အရင် စာရင်းရှင်ဖို့ လိုအပ်သည်ဟု ခံယူထားကြပြန်သည်။ အကူအညီများကို ပရဟိတ အဖွဲ့များသို့ ဦးတည်ပေးပို့နေသော်လည်း စစ်တပ်၏ နှောက်ယှက်နေမှုများကြောင့် အရာမရောက် ဖြစ်နေရသည်။

လောလောဆယ်တွင်တော့ ကပ်ရောဂါကြီး၏ ဒဏ်ကို မြန်မာပြည်သူပြည်သားများ ခါးစီးခံရဖို့ ရှိနေပေသည်။

အရေးတော်ပုံ အောင်ရမည်!!!

ကနီတွင် စစ်ကောင်စီ အကြမ်းဖက်အဖွဲ့မှ့ ပြည်သူ ၁၁ ဦးကိုပစ်သတ်ပြီး မြေမြုပ် (ရုပ်/သံ)

 

ဆရာတော်တစိပါးရေးထားတာလေးပါ။

 အတော်ဆိုးတဲ့ အာဏာရူးတွေ။ တိုင်းပြည် ဒီလောက်မွဲ ဒီလောက်နိမ့်ကျ ဒီလောက်သေမယ်မှန်း သိပါလျက်နဲ့ အာဏာလုရက်တယ်။ 

ဒီလို ဖြစ်မယ်မှန်း မသိလို့ အာဏာလုခဲ့သည် ထားဦး။ အခု ပြည်သူတွေ ဒီလောက်ဒုက္ခရောက် ဒီလောက်သေနေတာကို ငဲ့ကွက်သောအားဖြင့် သနားသောအားဖြင့် ပြည်သူ့အာဏာ ပြည်သူ့ ပြန်ပေးသင့်ပြီ။ 

လက်ရှိလူတွေထက် ဘာတွေကများ တန်ဖိုးရှိနေလို့လဲ။ 

(၁) နိုင်ငံအတွက်လို့ ပြောရအောင်လဲ။ လက်ရှိမြန်မာနိုင်ငံ နယ်နိမိတ်က ၁၉၄၈မှ စခဲ့တာ မဟုတ်လား။ ဘယ်မလဲ ထာဝရပိုင်ဆိုင်မှုဆိုတာ။ 

(၂) လူမျိုးအတွက်လို့ ပြောရအောင်လဲ။ ဒီလောက်သေ ဒီလောက်ဒုက္ခရောက်နေတာ။ ဘယ်လူတွေ အတွက်လဲ။

(၃) အမျိုးဘာသာလို့ ပြောရအောင်လဲ။ ဘာသာကွယ်ပျောက်မှာ ဒီလောက်စိုးရိမ်နေရင် အသေခံပြီး တရားအားထုတ်တော့လေ။ အကြမ်းစား အဒိန္နာဒါန၊ အရက်စက်ဆုံး လူသတ် ပါဏာတိပါတတောင် မစောင့်နိုင်တာ ဘယ်ဘာသာကိုများ စောင့်ရှောက်မှာလဲ။ 

သေချာတာက အာဏာလု စစ်ခေါင်းဆောင်တွေက သူတို့အကျိုးစီးပွါးအတွက် သက်သက်၊ သူတို့အတ္တ သက်သက်အတွက် တိုင်းပြည်ကို ချနင်းနေတာ။ အာဏာလု ခေါင်းဆောင်ပိုင်းကို ဦးဇင်းကတော့ နားလည်ပေးလို့ ရသေးတယ်။ သူတို့ အကျိုးစီးပွါး ရှိတယ်လေ။

အဲ နားလည်ပေးလို့ မရတာက သာမန် ရဟန်းရှင်လူတွေ အာဏာလု လူတစ်စုကို ထောက်ခံသူတွေ။ ဘယ်မလဲ ကိုယ့်လူတို့ အကျိုးစီးပွါးက။ နိုင်ငံအတွက်လား။ လူမျိုးအတွက်လား။ ဘာသာအတွက်လား။

စဉ်းစာကြပါဦး။ လက်ရှိလူတွေထက် ဘာတွေကများ တန်းဖိုး ရှိနေတာလဲ။

မေတ္တာရပ်ခံတာပါ။ 

အာဏာလု လူတစ်စုနဲ့ နီးစပ်သူတွေ 

ပြည်သူ့အာဏာ ပြည်သူ့ပြန်ပေးဖို့ တိုက်တွန်းကြပါ။

သေခြင်းတရားဆိုတာ ဒီဘဝအတွက် ဒီမိသားစုအတွက် တစ်ဖန် ပြန်မလာတော့တဲ့ အရာ။ 

ရောဂါဆိုးကြောင့် သေရတာထက် စနစ်ဆိုးလို့ ငါတို့ ပြည်သူ အမိအဖ ညီအစ်ကို မောင်နှမတွေ သေနေရတယ်ဆိုတာ နားလည်ကြပါ။ 

နိုင်ငံတိုင်းမှာ ကိုဗစ်က ဖြစ်နေတာပါ။ သူတို့က မသေကြပါပဲ ဒီမှာကြ အသေများနေတယ် ဆိုကတည်းက အဖြေက ရိုးရှင်းလှပါတယ်။ 

“အမေ အဖေ သေခါနီးတောင် အောက်ဆီဂျင်မရလို့ မောဟိုက်ပင်ပန်း အသက်ကို ခကခက်ခဲခဲ ရှုရှိုက်ပြီး ရက်စက်ကြမ်းတမ်း ပြင်းထန်ခက်ခဲစွာ ထွက်ခွါသွားရတယ်” လို့ ကိုယ်ချင်းစာကြည့်ပါ။ 

မေတ္တာပို့ သစ္စာဆိုကြရုံပါပဲ။ 

“ရှင်ရဟန်းဘဝ ရောက်သည့်နေ့မှ စ၍ သုရာမေရယသိက္ခာပုဒ်ကို တစ်ခါမှ မကျူးလွန်ဖူးပါ၊ ဤမှန်ကန်သော သစ္စာစကားကြောင့် ပြည်သူပြည်သား အားလုံး ဒီရောဂါဆိုး ဒီစနစ်ဆိုးမှ အမြန်ဆုံး လွတ်မြောက်ပါစေသတည်း”

ကုံးကုံးများနှင့်ဓားစာခံနိင်ငံရေး

 #ကုံးကုံးများနဲ့_ဓားစာခံ_နိုင်ငံရေး..(၂)

အမေရိကန်နိုင်ငံမှ မြန်မာအရေးကို ဂျီနိုဆိုက်အဖြစ် ထုတ်ပြန်လိုက်ပါတယ်။ ဝီဂါအရေး, ဆူဒန်အရေးတို့ပါ ပါလာပါတယ်။ ထို့အပြင် တရုတ်တို့ရဲ့ ပိုးလမ်းမနည်းတူ ဥရောပ ပိုးလမ်းမရပ်ဝန်း တည်ထောင်မယ်လို့ ကြွေးကြော်ခြင်းဟာ တရုတ်ရဲ့ စီးပွားရေးမှစစ်ရေးသို့ အမည်ရှိ နယ်ချဲ့စနစ်ကို ခါးလည်မှဖြတ်ပြီး ရပ်တန့်ရန် ကြိုးစားလိုက်ခြင်းဖြစ်ပါတယ်။

တောင်ဆူဒန်, အာရေဗျပင်လယ်, အီရန်ကူဝိတ် တို့နဲ့ မြေထဲပင်လယ်တို့ကို တရုတ်ရဲ့ ကျူးကျော်နယ်ချဲ့မှုအားရပ်တန့်ရန် အင်ဒိုပစိဖိတ် ခြေကုပ်ယူရန်ကြိုးစားလာမှုအတွက် တရုတ်ဟာ မြန်မာအရေးကို ဝင်မစွက်ဖို့ အတင်းအကြပ် ကန်နေရတာဖြစ်ပါတယ်။

ရှီကျင့်ဖျင်အနေနဲ့ မြန်မာအရေးကို ချယ်လှယ်ချုပ်ကိုင်ဖို့ အစွမ်းကုန်အာဏာလွှဲအပ်ထားသူကတော့ ကုံးကုံးဘိုးတော်တဖြစ်လည်း ဝမ်ယိ ဖြစ်ပါတယ်။ ဝမ်ယိဟာ တိန့်ရှောင်ဖိန့် ကျောက်ကျိယန် ကုံးကုံးများထက် ပို၍အစွမ်းထက်သူဖြစ်ပါတယ်။ ဝမ်ယိဟာ မြစ်ဆုံ သံလွင်ရေကာတာ စီမံကိန်းများရဲ့ သော့ချက်ဖြစ်သလို ကျောက်ဖြူစီမံကိန်းရဲ့ ဘုရင်တပါးဖြစ်ပါတယ်။ ရှီရဲ့ လျှို့ဝှက်လက်နက်ဖြစ်သလို မြောက်ကိုရီးယားရဲ့ အထူးယုံကြည်ရတဲ့ အတိုင်ပင်ခံကြီး ဖြစ်ပါတယ်။

တနေ့ကမှ တရုတ်နဲ့ မြောက်ကိုရီးယားတို့ နှစ်နိုင်ငံပူးပေါင်းဆောင်ရွက်မှု မြှင့်တင်ရေး ကြိုးစားတယ်လို့ စံတော်ချိန်သတင်းစာနဲ့ ရိုက်တာသတင်းဌာနကနေ ထုတ်ပြန်လိုက်ပါတယ်။ အဲ့ဒါဟာ ဝမ်ယိရဲ့ စတင်ပြင်ဆင်လိုက်တဲ့ ခြေလှမ်းတကွက်ဖြစ်ပါတယ်။ မြန်မာ-တရုတ် ပတ်သက်နေမှုအတွက် မြောက်ကိုရီးယားဟာ မကြာခင် အသံထွက်လာနိုင်ပါတယ်။

ကုံးကုံးများဟာ ဘုရင်များထက် ခေတ်အဆက်ဆက်ကတည်းက နယ်ချဲ့စနစ်၊ လူယုံမွေးစနစ်တို့ ပိုပြီးကျွမ်းကျင်ပါတယ်။ နဝတ, နအဖ လက်ထက်မှာ တိန့်ရှောင်ဖိန် ကျောက်ကျိယန်တို့ဟာ တရုတ်အတွက် အစွမ်းထက်တဲ့ ကုံးကုံးများဖြစ်သလို၊ ရှီလက်ထက်မှာ ဝမ်ယိဟာလည်း အရင်ကုံးကုံးတွေထက် ပိုပြီးအင်အားကြီး အစွမ်းထက်ပါတယ်။ သူ့နိုင်ငံရဲ့ ဝီဂါအရေး အာရုံမစိုက်ဖို့ မြန်မာဘင်အရေးကို အစားထိုးကျွေးလိုက်ခြင်းဖြစ်ပါတယ်။ အိန္ဒိယဝန်ချုပ် လက်ဖက်ရည်သည်လေးဟာ ပါကစ္စတန်နဲ့ယှဥ်ရာမှာ လက်ရည်တူဖြစ်နေတဲ့အတွက် ရှီကို တဖက်လှည့်နဲ့ အားကိုးလိုက်ရပါတယ်။

ကုံးကုံးတွေ လက်သပ်မွေးထားတဲ့ မြန်မာပွန်းအုပ်စုကို ပဏ္ဏာဆက်သပြီး ကုံးကုံးအကြိုက် ယခုအချိန်ထိ လိုက်လျောပေးနေပါတယ်။ သူနဲ့ ပါကစ္စတန်တို့ နယ်လုကြရင်း ဘင်နိုင်ငံပေါ်ထွက်အောင် လုပ်ပေးနိုင်တဲ့ကုံးကုံးများကို ကျော်နိုင်စွမ်းမရှိပါဘူး။ ဒါကို အမေရိကန်က ရိုအရေးကို အသံထွက်ပြပြီး ဘင်ကို ချက်ချင်းထိန်းနိုင်ဖို့ မုန့်ဖိုးပေးပြီး စည်းရုံးလိုက်ပါတယ်။ ဒါ့ကြောင့် ဂျီနိုဆိုက်အသံ ပိုညံလာပြီး တရုတ်ဟာ ဘင်ကို လက်လျှော့လိုက်ခြင်းဖြစ်ပါတယ်။

ယခုတော့ အမေရိကန်က ဝီဂါအရေးကို ထပ်ပြီးအသံထွက်ပါတယ်။ တရုတ်ခမျာ ဖင်ကြားခဲညှပ်ပါတော့တယ်။ သူ့ဆီကို မြန်မာအရေးကူးစက်လာနိုင်တဲ့အတွက် နယ်စပ်တွေကို အင်အားသုံးပြီး ပိတ်ထားပါတယ်။ ကျယ်ခေါင် ရွှေလီဟာ ကိုဗစ်အကြောင်းပြလို့ လော့ဒေါင်းချထားပါတယ်။ အဆိုးဆုံးက ဒလိုင်းလားမားနဲ့ ပုဒ်ရဟန်းမင်းကြီး တို့တွေ့ဆုံပွဲဖြစ်မှာကို အကြောက်ဆုံးဖြစ်နေပါတယ်။

ဒလိုင်းလားမားမှ ပုဒ်ရဟန်း၊ ပုဒ်ရဟန်းမှာ NUG၊ NUG မှ OIC၊ OIC မှ ဥရောပ၊ ဥရောပ မှ ရိုဟင်ဂျာ၊ ရိုဟင်ဂျာမှ ICC၊ ICC မှ UN၊ UN မှ အမေရိကန် စက်ဝိုင်းကြီး ဖြစ်နေပါတော့တယ်။

ဒီလို နိုင်ငံရေးစက်ဝိုင်းကို တရုတ်ရော US ရော သိနေကြသလို၊ ပထဝီအနေအထားရ တည်နေရာနဲ့ ဗျူဟာက မဟာအချက်ဖြစ်နေတာက ယနေ့မြန်မာပြည်ကြီးဘဲဖြစ်နေပြီး ဓားစာခံဘဝ ရောက်ရခြင်းပါပဲ။ 

မြန်မာပြည်ရဲ့ အရည်းကြီးများဖြစ်တဲ့ အောင်သောင်းဟာ နဝတ,နအဖ လက်ထက်မှာ အစွမ်းထက်သလို၊ ဌေးဦး, သိန်းစိန်, ရွှေမန်း, တင်အောင်မြင့်ဦး တို့ဟာ အရည်းကြီးပေါက်စ အသေးစားလေးတွေဖြစ်ပါတယ်။ သေးထမ်းတို့ နံနံပင်တို့ဆိုတာ နယ်ရုပ်အဆင့်ဘဲ ဖြစ်ပါတယ်။ ဆရာကြီးကတော့ စာဖတ်သူကြီးနဲ့ သူ့ရဲ့ အပေါင်းအပါတစ်စုတို့ပါပဲ။

ယနေ့ NUG ဟာ ၂၀၀၈ ခြေဥအောက်က ဖွဲ့စည်းခြင်းမဟုတ်ဘဲ လူထုပေးခဲ့သော မဲနိုင်မှုကိုအခြေခံပြီး ဖက်ဒရယ်ချာတာနဲ့ ဖွဲ့လိုက်တဲ့ CRPH မှ တင်လိုက်တဲ့အစိုးရ ဖြစ်ပါတယ်။

ခြေဥဟာ အာဏာသိမ်းတဲ့ ဖေဖော်ဝါရီ ၁ ရက်နေ့ကတည်းက ပျက်သွားပါပြီ။ သမ္မတ က ကာလုံမခေါ်ဘဲ မအလ မအေဠိုးက အာဏာရူးပြီး ဥပဒေမဲ့ အာဏာသိမ်းလိုက်လို့ ဖြစ်ပါတယ်။ NUG တရားဝင်ဖြစ်လိုက်တာနဲ့ ဖက်ဒရယ်ချာတာဟာ အခြေခံဥပဒေမူကြမ်းဖြစ်သွားပြီး မအလဟာ လက်နက်ကိုင် သူပုန်ဖြစ်သွားပါတယ်။

ဒါဟာ UN မှာ Rome state ကို လက်မှတ်ထိုးဖို့ ပါဝင်ဖို့ ကုလကို တရားဝင်စာပို့တောင်းဆိုခွင့် ရရှိသွားပါတယ်။ အရေးပေါ်အစည်းအဝေး သုံးရက်ကျင်းပပြီးတာနဲ့ ပြည်သူတွေလိုချင်သော R2P ဟာ နာရီပိုင်း ရက်ပိုင်းအတွင်း ရောက်လာပြီး NUG ရဲ့ PDF အဖွဲ့တွေဟာ စောက်ကောင်စီကို D.Day ခေါ်ပြီး လက်နက်ချခိုင်းလို့ NUG ရဲ့ တရားသူကြီးချုပ်က ဥပဒေအမိန့်ထုတ်ပြီး စစ်တပ်နဲ့ ပူးပေါင်းသူမှန်သမျှကို တရားဝင်ဖမ်းဆီး၍ ဥပဒေအရ အရေးယူလို့ တရားဝင်လုပ်ပိုင်ခွင့်ရပါတယ်။

PDF များကို ခုခံပြီး လက်နက်ကိုင်ပြန်တိုက်ရင် PDF က ရှင်းလင်းချေမှုန်းတဲ့အခါ Genocide ဖြစ်ရပ်မှ လွတ်မြောက်စေပါတယ်။

ဒါ့ကြောင့် ယခုပွဲဟာ အရင်သူခိုးများပါ အမြစ်လှန်နိုင်တဲ့ နောက်ကြောင်းမပြန်ရ ပုဒ်မကြီးဟာ နာဂစ်ခြေဥနဲ့အတူ ပါဝင်သွားတဲ့အတွက် သူခိုးတွေဖက်ကလည်း ရေကုန်ရေခမ်း အကုန်ကျခံပြီူ လုပ်ဆောင်ကြမှာ ဖြစ်ပါတယ်။ ဒီအချက်ဟာ လုံးဝမလွဲနိုင်တဲ့အချက်ပါ။ ဒါ့ကြောင့် အမြစ်ပြုတ်ဖို့ ချေမှုန်းဖို့ အဆင့်လိုက်သွားမှာဖြစ်တဲ့အတွက် အချိန်ပေးပြီး အားစိုက်တိုက်ကြရမှာလို့ DZMA ရဲ့စကားကို မိမိလက်ခံပြီး ပြောပြတာကို တစ်ချို့က အဲ့လောက်မကြာဘူးဆိုပြီး ဆရာကြီးပုံစံနဲ့ ဘာဖြစ်တယ်..ညာဖြစ်တယ် ဆဲဆိုကဲ့ရဲ့လို့ သောက်ဖောင်းထုကြတာဖြစ်တဲ့အတွက် ကြာလာတော့ကိုယ်လည်း အရေထူသွားရခြင်းဖြစ်ပါတယ်..😏

ယနေ့ အများစုက မအလသေရင် ပွဲပြီးမယ်ထင်ပေမယ့် မပြီးပါဘူး။ အရင်သူခိုးတွေရော ယခုသူခိုးတွေရော အကုန်လုံးကို အမြစ်ကနှုတ်ရမှာပါ။ မျိုးစေ့ အကိုင်း အခက် အရွက်တောင် ကျန်လို့မရအောင် လုပ်ကြရမှာ ဖြစ်ပါတယ်။

အရည်းကြီးများ၊ သူတို့ရဲ့ ဒကာဒကာမတွေကလည်း အများကြီးပါ။ အနော်ရထာ ပုဂံကို ရှင်းသလို ရှင်းကြရမှာဖြစ်ပါတယ်။ တရားမျှတ လွတ်လပ်ခြင်း၊ တန်းတူညီမျှ ဝါဒ ဖြူစင်တဲ့မြေ ဖက်ဒရယ်အစစ်နိုင်ငံတော်နဲ့ ဖက်ဒရယ်အစိုးရ, ဖက်ဒရယ်တပ်မတော် ဖြစ်လာမှာပါ။ ဒီအချိန်မှာ မြန်မာ့ဒီမိုကရေစီစနစ် အစစ်ဖြစ်တာနဲ့ ကွန်မြူနစ်ဝါဒဟာ အင်အားချိနဲ့ပြီး ရပ်တန့်ကျဆုံးမှာ ဖြစ်ပါတယ်။

အခြေအနေအရ တချို့အချက်အလက်များကို ချန်လှပ်ထားရခြင်း ဖြစ်ပါတယ်။ ရေးသင့်တဲ့အချိန်အခါအလိုက် ထုတ်နှုတ်ပြီး ပြန်လည်ရေးပြပေးပါမယ်။ ရေးစရာတွေ ကျန်သော်လည်းဘဲ အခြေအနေအချိန်အခါအရ ဖြုတ်ချချန်ထားရခြင်းကို နားလည်ပေးပါလို့ မေတ္တာရပ်ခံပါတယ်။ ပကတိမြေပြင်နဲ့ ပကတိလက်ရှိလမ်းကြောင်းအတိုင်း ရေးသားရခြင်း ဖြစ်သည့်အတွက် စိတ်ဓာတ်ကျတာ တက်တာတွေဟာ မိမိတို့ရဲ့ ခံစားမှုများသာဖြစ်ကြပါတယ်။

"နိုင်ငံရေးလုပ်တယ်ဆိုတာ ခံစားချက်နဲ့ လုပ်လို့မရပါဘူး ခံယူချက်နဲ့လုပ်ရပါတယ် အဲ့ဒီအထဲမှာ ယုံကြည်ချက်ကို စွဲစွဲမြဲမြဲ ကိုင်ဆုပ်ထားရပါတယ်" (ကိုမင်းကိုနိုင်)

အားလုံးကို လေးစားခင်မင်လျက်..

အ

ရိပ်.

Edit text & Shared _ #အေအန်န်အမ်မ်တီ

အင်းစိန်ထောင်တွင်းမှ့ကြွေးကြော်သံများထွက်ပေါ်လာ

အင်းစိန်ထောင်အတွင်း ရှိ သီးသန့်ထောင်ဘက်ကနေ ကြွေးကြော်သံတွေထွက်ပေါ် 

ရန်ကုန် အင်းစိန်အကျဉ်းထောင် အတွင်း ကနေ ဒီကနေ့ဇူလိုင် ၂၃ရက် မနက် ၈နာရီခန့် က ဒို့အရေး ကြွေးကြော်သံတွေ ထွက်ပေါ်လာတယ်လို့ ထောင်အနီးနေထိုင်သူအင်းစိန်ဒေသခံတွေကပြောပါတယ်။ ဘီဘီစီအနေနဲ့ ထောင်တွင်းနေထိုင်သူအချို့ နဲ့ ထောင်အပြင်ဘက်ဈေးရောင်းချသူအချို့ ကိုဆက်သွယ်မေးမြန်းတဲ့အခါမှာလည်း ၅၀၅ က နဲ့ တရားစွဲဆိုခံထားရတဲ့ အချုပ်သားတွေကိုထားရှိတဲ့ လော့ခ်ဒေါင်းချထားတဲ့ သီးသန့်ဆောင်ဘက်ကနေ ကြွေးကြော်သံတွေထွက်ပေါ်လာတာလို့ ဆိုပါတယ်။ 

'' အသံက သီးသန့်ထောင်ဘက်ကနေလာတာ၊ ထောင်မကြီးကို ကူးစက်တာတော့မရှိသေးဘူး၊ အရေးကြီးပြီ ညီနောင် အပေါင်းတို့ နောက် တခုက သပိတ်သပိတ်မှောက်မှောက်၊ အရေးတော်ပုံအောင်ရမည် ၊အဲဒီလိုတွေအော်တယ် ''လို့ ထောင်အနီးနေထိုင်သူ အချို့ကပြောပါတယ်။     

 " အခုဖြစ်တာကသီးသန့်ဆောင်မှာဖြစ်တာဆိုတော့ သီးသန့်ဆောင်ကကျဉ်းလည်းကျဉ်းတယ်။နောက်ပိုင်းဆို သူတို့ရဲ့နေရေးစာရေးပိုကြပ်တာတွေဖြစ်နိုင်တယ် ။ တိုက်ပိတ်တာတွေလည်းဖြစ်နိုင်တယ် ။၈၈တုန်းက စာအုပ်တိုက်ပွဲထပ်တောင်ဆိုးနိုင်တယ် ။ အခုအခြေနေကတတိုင်းပြည်လုံးသိသွားတော့တခြားထောင်တွေကိုပါ လုံခြုံရေးတင်းကြပ်လာနိုင်တယ် ။ အခုချထားတဲ့ လော့ဒေါင်းတွေလည်းထပ်တိုးလာနိုင်ပါတယ်လို့ "

အင်းစိန်အကျဉ်းထောင်က မကြာသေးခင်ကပြန်လည်လွတ်မြောက်လာတဲ့ ကျောင်းသားသမ္မဂအဖွဲ့ဝင်တစ်ယောက်ကဘီဘီစီကိုပြောပါတယ် ။

လက်ရှိထောင်တွင်း ဆန္ဒပြကြွေးကျော်သံတွေထွက်ပေါ်လာတဲ့

ဖြစ်စဉ်နဲ့ ပတ်သက်ပြီး အတည်ပြုနိုင်ဖို့ ဘီဘီစီအနေနဲ့ အကျဉ်းဦးစီးဌာန၊ရန်ကုန် ရဲ့

ညွှန်ကြားရေးမှူးကိုဆက်သွယ်မေးမြန်းဖို့ကြိုးစားနေပါတယ်။ လက်ရှိကာလဟာ 

အင်းစိန်ထောင်အတွင်း ကိုဗစ်ကူးစက်မှုတွေရှိနေလို့ ထောင်ကို Semi Lock down ချပြီးတဲ့နောက်ထောင်တွင်းရုံးထုတ်စစ်ဆေးတာတွေကိုလည်း ရပ်နားထားတာဖြစ်ပါတယ်။ 

ဘီဘီစီမြန်မာပိုင်း

 

စစ်ကောင်စီနဲ့ NLD မိုးနဲ့မြေ လိုကွာခြားတယ်။

 

မြန်မာပြည် covid 19 အ‌ေြခနေ နိင်ငံတကာမှ့ဝင်ကူမှ့ရတော့မည်။

 အလောင်းများကို သုဿန်နောက်ဖက်သို့ ဖရိုဖရဲဖြင့် စုပုံထားပြီး

 အရှေ့မျက်နှာစာ သန့်ရှင်းရေးလုပ်ကာ ရေဝေးသုဿန်တည်ငြိမ်

အေးဆေးနေပီဖြစ်ကြောင်း ရုပ်သံရိုက်ကူးပီး MWD မှ

ထုတ်လွှင့်ပြသခဲ့

Credit:

=====

(ဝင်ဖတ်ရုံဆို သင်ပဲသိမယ်၊ 

ပြန်ရှယ်ရင် လူများများ သိမယ်၊ 

သင့်သဘောပါ)

#SYHL

၂၀-၇-၂၀၂၁

လူကြီးလူကောင်းတစ်ယောက်ရဲ့ပြောစကား ဟာ ဖာသယ်မလို ပြောခဲ့တာ

 

Google မှ့ မြန်မာပြည်ကို စီးပွားရေး၊ ပညာရေး ပိတ်ဆို့အရေးယူ။

 

ကိုဗစ်ထက်ဆိုးတဲ့ မအေလိုး စစ်ယန္ဒယား

 

At Least 25 Civilians Killed in Shootout with Myanmar Junta

 

Thousands of villagers in the west of Tabayin Township flee their homes

At least 25 people were killed by regime forces in the west of Tabayin Township in Sagaing Region on Friday.

At least 25 were killed in shootouts. 

Shootouts took place when the civilian resistance People’s Defense Force (PDF) defended Satpyarkyin village against some 150 artillery-supported regime troops on Friday morning. 

During prolonged shootouts, at least 18 PDF members were killed and more than 10 injured, the PDF announced. The group said four junta soldiers were killed.

The group said at least 40 artillery shells were fired at the village. A boy was detained by troops while trying to escape. 

A villager said more PDF members and four other civilian bodies have since been found, increasing the death toll to 25.

He said the resistance fighters were only armed with traditional firearms and withdrew on Friday night.

“We can’t retrieve all the bodies as regime raids continue,” he said. “Food and medicine are urgently needed for the displaced as they couldn’t take anything while fleeing their homes.”

Thousands of residents of 11 villages, including Satpyarkyin, have left their homes due to the junta’s artillery bombardments.

Tabayin (also known as Depayin) was the site of a massacre by pro-junta thugs who attacked Daw Aung San Suu Kyi’s convoy in 2003. About 70 people were killed and others severely injured, although Daw Aung San Suu Kyi’s vehicle managed to escape.

She was subsequently detained and returned to house arrest and other survivors were jailed for many years.

စစ်ယူနီဖောင်းမီးရှို့ဆန္ဒပြ ယနေ့ရန်ကုန်။

 

သွေးမအေးတဲ့ ကျွန်တော်မြို့။

 အာဏာရှင်မောင်းထုတ်ရေးမှာ သွေးမအေးတဲ့ ကျနော်တို့ကျေးလက်လူ့အဖွဲ့အစည်း။

စစ်ကိုင်းတိုင်းထဲက နေ့စဉ်မပျက် ချီတက်နေကြတဲ့ ယင်းမာပင်၊ ဆားလင်းကြီး ကျေးရွာပေါင်းစုံ စုပေါင်းသပိတ်၊ ယနေ့မြင်ကွင်း။

#ကြောက်ခေတ်ကို_မှောက်ပစ်ကြ

#ကမ္ဘာမကြေဘူး

#မလျော့ဘူး

#သွေးမအေးဘူး

#နောက်မဆုတ်ဘူး

#တိုက်ပွဲရှိရင်_အောင်ပွဲရှိတယ်

#စစ်အာဏာရှင်စနစ်_မုချကျရှုံးရမည်

#အရေးတော်ပုံ_အောင်ရမည်

Photos Credit to Original Sou

rces

၁ ဇူလိုင် ၂၀၂၁

မနာလိုစိတ်က စခဲ့တယ်။

 "မနာလိုစိတ်က.....စတယ်"

မနာလိုစိတ် အားကြီးလာပြီဆိုရင်

ကောက်ကျစ်တတ်လာကြတယ်။ 

ကောက်ကျစ်တဲ့စိတ်အားကြီးလာပြီဆိုရင်

ယုတ်မာတတ်လာကြတယ်။   

ယုတ်မာတဲ့စိတ်အားကြီးလာပြီဆိုရင်

ရက်စက်တတ်လာကြတယ်။ 

ရက်စက်မှုအားကြီးကြီးနဲ့လုပ်ပြီးရင်

ကြောက်စိတ်ဝင်လာတတ်ကြတယ်။  

ကြောက်စိတ်အားကြီးပြီဆိုရင်

အယောင်ယောင်အမှားမှားလုပ်လာကြတယ်။  

အယောင်ယောင်အမှားမှားတွေလုပ်ရင်းနဲ့

နောက်ဆုံးပျက်စီးကျဆုံးသွားကြတာပါပဲ။   

ဣဿာမစ္ဆရိယ ဆိုတဲ့ မနာလိုဝန်တိုတဲ့စိတ်ဟာ

အမှန်တကယ်ကိုယ့်ဟာကိုယ်ဖျက်ဆီးနေတဲ့

စိတ်ပါပဲ။

ပျက်စီးချိန်တန်လာပြီဆိုရင်လည်း ဘယ်လိုအဆောင်၊ ဘယ်လိုယတြာမျိုးကမှ မစွမ်းနိုင်မကယ်နိုင်တော့ဘဲ ကျိန်းသေပျက်စီးကြရတော့မှာပါဘဲ   

ပါချုပ်ဆရာတော်

Crd>hein_htet_kyaw

မြန်မာစစ်တပ်အာဏာသိမ်းခြင်းရဲ့ ကြံရာပါ ဘယ်သူတွေလဲ။

 မြန်မာစစ်အာဏာသိမ်းမှု၏ ကြံရာပါ ဘယ်သူတွေများလဲ

 ဧရာဝတီ 1 July 2021

မြန်မာစစ်အာဏာသိမ်းမှုကို တရုတ်နှင့် အခြားအိမ်နီးချင်းများက ရှုတ်ချရန် ရည်ရွယ်ချက် မရှိသည်မှာ တရားဝင် အချက်အလက်တခုဖြစ်သည်။

စစ်တပ်က ဖေဖေါ်ဝါရီလတွင် အာဏာသိမ်းပြီးနောက် မြန်မာနိုင်ငံတွင် တရုတ်ဆန့်ကျင်ရေး ဆန္ဒပြပွဲများကို တွေ့လာရသည်။ အာဏာသိမ်းပြီး ၅ လနီးပါးကြာသည်အထိ စစ်ကောင်စီသည် နေ့စဉ်ဆန္ဒပြပွဲများကို ရင်ဆိုင်နေရသော်လည်း စတင်အာဏာသိမ်းစဉ်ကထက် အရေအတွက်လျှော့ကျလာသည်။ တချိန်တည်းတွင် နိုင်ငံအချို့နေရာများတွင် အကြမ်းဖက်မှု၊ စစ်ကောင်စီပစ်မှတ်များကို သတ်ဖြတ်မှုများကို ပိုမိုတွေ့လာရသည်။ မြန်မာနိုင်ငံသားအများစုက စစ်ကောင်စီသို့ပေးပို့သည့် သတင်းစကားမှာ ရှင်းလင်းပြတ်သားလှသည်။ တိုင်းပြည်ကို စစ်ကောင်စီက အုပ်ချုပ်ခြင်းအား ခွင့်မပြုဆိုသည့် သတင်းစကားဖြစ်သည်။

“စစ်အာဏာသိမ်းမှုက အောင်မြင်ပြီး ဆက်လက်တည်မြဲနေမယ်လို့ တရုတ်က ထင်နေတယ်”

သို့သော်လည်း မြန်မာနိုင်ငံသည် ရှည်ကြာသည့် စစ်အုပ်ချုပ်ရေးနောက်တကြိမ်ကို ဖြတ်သန်းရတော့မည်ဟု တရုတ်အစိုးရက အခြေခံအားဖြင့် ကောက်ချက်ချထားကြောင်း Financial Times ၏ အဆိုအရ သိရသည်။

အမေရိကန် သုတေသနလုပ်ငန်းဖြစ်သော Stimson Center မှ တရုတ်-မြန်မာ ဆက်ဆံရေး ကျွမ်းကျင်သူ ယွန်ဆန်းက “စစ်အာဏာသိမ်းမှုက အောင်မြင်ပြီး ဆက်လက်တည်မြဲနေမယ်လို့ တရုတ်က ထင်နေတယ်လို့ ယူဆတယ်” ဟုပြောသည်။

တရုတ်သည် မြန်မာနိုင်ငံတွင် ထိပ်တန်း ရင်းနှီးမြှုပ်နှံသည့် နိုင်ငံတခုဖြစ်ပြီး ဘေ့ဂျင်းနှင့် အိန္ဒိယ သမုဒ္ဒရာကို ဆက်သွယ်ပေးသည့် စွမ်းအင်ပိုက်လိုင်းများအပါအဝင် နိုင်ငံအတွင်း သေနင်္ဂဗျူဟာကျသည့် အခြေခံအဆောက်အအုံစီမံကိန်းများလည်း ရှိနေသည်။ တရုတ်သည် နယ်စပ်တွင် အခြေစ်ိုက်သည့် တိုင်းရင်းသား လက်နက်ကိုင်အဖွဲ့အစည်းများကိုလည်း နိုင်ငံရေးနှင့် စစ်ရေးအကူအညီများ ပေးနေသည်။

ဘေ့ဂျင်းသည် မြန်မာစစ်တပ်ကို ကာလကြာရှည်စွာ အခိုင်အမာ ထောက်ခံခဲ့ပြီး ဆက်လက်ထောက်ခံနေသည်ဆိုသည့် အမြင်ကြောင့် တရုတ်နိုင်ငံအပေါ် ယနေ့မြန်မာပြည်သူများ၏ မကျေနပ်မှု၊ မနှစ်မြို့မှုများ မြင့်မားလာနေသည်။

ပြည်သူလူထု၏ ပြစ်တင်ရှုတ်ချမှုကို အာခံပြီး စစ်တပ်အုပ်ချုပ်သည့် မြန်မာနှင့် စီးပွားရေးလုပ်သောကြောင့် တရုတ်နိုင်ငံသည် ကြီးမားသော အန္တရာယ်နှင့် ရင်ဆိုင်နေရသည်။

“တရုတ်သံအမတ်သည် အာဏာသိမ်း စစ်ကောင်စီခေါင်းဆောင်နှင့် နေပြည်တော်တွင် တွေ့ဆုံသော ပထမဆုံး သံအမတ်ဖြစ်လာသည်။”

ဇွန်လ ၅ ရက်နေ့တွင် တရုတ်သံအမတ် ချန်ဟိုင်သည် စစ်ကောင်စီခေါင်းဆောင် ဗိုလ်ချုပ်မှူးကြီး မင်းအောင်လှိုင်နှင့် နေပြည်တော်တွင် တွေ့ဆုံသော ပထမဆုံး သံအမတ်ဖြစ်လာသည်။

မြန်မာနိုင်ငံနှင့် အစဉ်အလာ ချစ်ကြည်ရင်းနှီးမှုအပေါ်တရုတ်က တန်ဖိုးထား အလေးပေးကြောင်း ချန်က ပြောသည်ဟု တရုတ်သံရုံး၏ အဆိုအရ သိရသည်။ “မြန်မာနိုင်ငံတွင် ငြိမ်းချမ်းရေးနှင့် တည်ငြိမ်မှု စောလျှင်စွာ ပြန်လည်ထိန်းသိမ်းနိုင်ရန် တရုတ်နိုင်ငံက ရိုးသားစွာမျှော်လင့်နေပြီး အရှေ့တောင်အာရှနိုင်ငံများအသင်း ASEAN နှင့် မြန်မာအကြား ရရှိထားသော ဘုံသဘောတူညီချက်ကို အကောင်အထည်ဖေါ်ရန် ထောက်ခံသည်။ ထိုကိစ္စတွင် တရုတ်နိုင်ငံသည် အပြုသဘောဆောင်သော အခန်းမှ ဆက်လက်ပါဝင်မည်” ဟု တရုတ်သံရုံးက ကြေညာချက်တစောင်တွင်ဖေါ်ပြပြီး ထိုကြေညာချက်တွင် အာဏာသိမ်းခေါင်းဆောင်ကို မြန်မာခေါင်းဆောင်ဟု သုံးနှုန်းထားသည်။

ယခင်က ဘေ့ဂျင်းသည် ယခုဖြုတ်ချခံလိုက်ရသော နိုင်ငံတော်အတိုင်ပင်ခံ ဒေါ်အောင်ဆန်းစုကြည် အပါအဝင် အစိုးရခေါင်ဆောင်များနှင့် ကောင်းမွန်သော ဆက်ဆံရေးကို ထူထောင်ခဲ့သည်။ ယခုအခါ ဒေါ်အောင်ဆန်းစုကြည်သည် နေပြည်တော်တွင် ဖမ်းဆီးခံထားရသည်။ သို့သော် တရုတ်က မြန်မာစစ်အာဏာသိမ်းမှုကို ရှုတ်ချရန် ငြင်းဆန်ခြင်းနှင့် စစ်ကောင်စီကို ကုလသမဂ္ဂ လုံခြုံရေးကောင်စီနှင့် ဆက်စပ်အဖွဲ့အစည်းများတွင် ထောက်ခံခြင်းများကြောင့် တရုတ်နိုင်ငံသည် မြန်မာမှ စစ်ကောင်စီ ဆန့်ကျင်သူများအကြားတွင် ပစ်မှတ်တခုဖြစ်နေသည်။

အာဏာသိမ်းပြီးနောက် တရုတ်နှင့် ပတ်သက်သည့် စီးပွားရေးလုပ်ငန်းများနှင့် သဘာဝဓါတ်ငွေ့ပိုက်လိုင်းများကို တိုက်ခိုက်မှုများကြောင့် တရုတ်သည် စစ်ကောင်စီအရာရှိများနှင့် အရေးပေါ်အစည်းအဝေး ကျင်းပရန် တောင်းဆိုပြီး လုံခြုံရေးတင်းကျပ်ပေးရန် တိုက်တွန်းသည်။

မြန်မာမှ တရုတ်အကျိုးစီးပွားသည် နက်ရှိုင်းသော်လည်း မြန်မာပြည်သူများအကြား တရုတ်ဆန့်ကျင်မှုကလည်း နက်ရှိုင်းနေသည်။

မြန်မာသည် ရှည်ကြာသော စစ်အုပ်ချုပ်ရေးကို ဖြတ်သန်းရတော့မည်ဟု ခန့်မှန်းရသည်မှာ လွယ်ကူသည်။ သို့သော် စစ်အာဏာသိမ်းမှု ရည်မှန်းချက်အောင်မြင်သည်၊ ဗိုလ်ချုပ်များသည် စစ်အုပ်ချုပ်ရေးကို အခိုင်အမာဆန့်ကျင်သော ပြည်သူလူထုအပေါ် အောင်နိုင်သည်ဟု အကဲဖြတ်လျှင် ပြည်သူများအနေဖြင့် စစ်တပ်နှင့် ကြံရာပါများ မည်သူတို့ဖြစ်သည်ကို စဉ်းစားရတော့မည်ဖြစ်သည်။

“တရုတ်နှင့် ရုရှားအပြင် မြန်မာ့ အိမ်နီးချင်းများသည် မြန်မာပြည်သူများက ဖွင့်ချ အပြစ်တင်သော စာရင်းတွင် ထိပ်ဆုံးမှ ပါဝင်ကြမည်ဖြစ်သည်။”

အဖြေမှာ လွန်စွာ ရှင်းလင်းလှသည်။ တရုတ်နှင့် ရုရှားအပြင် မြန်မာ့ အိမ်နီးချင်းများသည် မြန်မာပြည်သူများက ဖွင့်ချ အပြစ်တင်သော စာရင်းတွင် ထိပ်ဆုံးမှ ပါဝင်ကြမည်ဖြစ်သည်။

ဗိုလ်ချုပ်မှူးကြီး မင်းအောင်လှိုင်သည် ရုရှားသို့ တပတ်ခန့်ကြာ သွားရောက်ပြီးနောက် တနင်္ဂနွေနေ့ညတွင် မြန်မာနိုင်ငံသို့ ပြန်လာသည်။ ထိုခရီးအတွင်း သူက ရုရှားသည် မြန်မာ၏ ထာဝရမိတ်ဆွေဟု ချီးကျူးသည်။ နှစ်နိုင်ငံအကြား စစ်ဖက်ဆက်ဆံရေးကြောင့် အာဏာသိမ်းခေါင်းဆောင်သည် ထိုစကားကိုပြောသည်။ ထို့အပြင် ရုရှားသည် တရုတ်ပြီးလျှင် မြန်မာသို့လက်နက်ရောင်းချမှု ဒုတိယ အများဆုံး နိုင်ငံဖြစ်ပြီး မော်စကိုနှင့် ဘေ့ဂျင်းတို့သည် စစ်အာဏာသ်ိမ်းမှုကို မရှုတ်ချရုံသာမက စစ်ကောင်စီကို ကုလသမဂ္ဂ အရေးယူမှုများမှ သံတမန်ရေး အကာအကွယ် ဆက်လက်ပေးကြသည်။

ဒေသတွင်းတွင် ထိုင်း၊ အိန္ဒိယကဲ့သို့သော အိမ်နီးချင်းများသည်လည်း စစ်အာဏာသိမ်းမှုနှင့်ပတ်သက်ပြီး ရေငုံနှုတ်ပိတ်နေကြသည်။ တရုတ်ပြီးလျှင် မြန်မာ၏အကြီးမားဆုံး အိမ်နီးချင်းနှင့် ကမ္ဘာ့အကြီးမားဆုံး ဒီမိုကရေစီနိုင်ငံဖြစ်သော အိန္ဒိယ ရေငုံနှုတ်ပိတ်နေခြင်းမှာ မြန်မာစစ်တပ်နှင့် စစ်ဖက်ဆက်ဆံရေးအပြင် အာဏာသိမ်းခေါင်းဆောင်နှင့် အိန္ဒိယဝန်ကြီးချုပ် နာရန်ဒရာ မိုဒီအကြား ကောင်းမွန်သော ဆက်ဆံရေးကြောင့်ဖြစ်သည်ဟု ဆိုနိုင်သည်။

ထိုင်းနိုင်ငံသည်လည်း အလားတူပင်ဖြစ်သည်။ ထိုင်းဒုတိယ ဝန်ကြီးချုပ် ပရာဝစ် ဝေါင်ဆူဝန်က ခေါင်းရှောင်သော နည်းကို သုံးပြီး မြန်မာမှ စစ်အာဏာသိမ်းမှုသည် ပြည်တွင်းရေး ကိစ္စသာဖြစ်ကြောင်း ပြောသည်။ မြန်မာန်ိုင်ငံသို့ လက်နက်ရောင်းချမှု ပိတ်ပင်ရန်တောင်းဆိုသည့် ဆုံးဖြတ်ချက်ကို ကုလသမဂ္ဂအထွေထွေညီလာခံတွင် အိန္ဒိယနှင့် ထိုင်းတို့က မဲမပေးဘဲ စစ်ကောင်စီ ရာဇဝတ်မှုများတွင် ကြံရာပါလုပ်ခဲ့သည်ကိုလည်း မှတ်သားသင့်ပေသည်။

“နောက်ဆုံးကျ ကျနော်တို့ အမှတ်ရနေမှာက ရန်သူရဲ့စကားတွေ မဟုတ်ဘဲ မိတ်ဆွေတွေရဲ့ တိတ်ဆိတ်မှုကိုပါ”

ဒေါက်တာ မာတင်လူသာကင်း ဂျူနီယာ၏ စကားကို ကိုးကားပါက “နောက်ဆုံးကျ ကျနော်တို့ အမှတ်ရနေမှာက ရန်သူရဲ့စကားတွေ မဟုတ်ဘဲ မိတ်ဆွေတွေရဲ့ တိတ်ဆိတ်မှုကိုပါ” ဟုသာ ဆိုရပေတော့မည်။

(ဧရာဝတီ အင်္ဂလိပ်ပိုင်းပါ If Myanmar’s Coup Is a Fait Accompli, Who Is Complicit in the Crime? ကို ဘာသာပြန်ဆိုသည်။)

.

ဧရာဝတီ 1 July 2021