တပ်မတော်သာအမိ တပ်မတော်သာအဖ

 

မင်းတို့တွေနားထောင်စေချင်တယ်

 

အကျိုးဆက်ကိုတာဝန်ယူရလိမ်မည်

 

Happy Birthday

လေးစားဂုဏ်ယူစွာ 

မန်းလေးမြို့ တစ်နေရာ 

၃၆ လမ်း ၇၇/၇၈ ကြား 

မျက်ပါးရပ်

Source MgMg KoKo

#

ခရီးသည် 

Happy birthday အမေစု

 

အမျိူဘာသာကိုစောင့်မယ်ဆိုတဲ့ မအလ တပ်မှ့စစ်သားက ဘုန်းကြီးကျောင်းထဲမှာ လူသတ်ခဲ့တာကိုအားရပါးရပြောကြားနေ

 Myanmar Army, the most brutal army in the world.

အသားစားတဲ့ကောင်ကိုအလုပ်ကြွေးပြုနေသူ

 တစ်နေ့မှာ သမင်တစ်ကောင်က တောထဲကို ဖြတ်လာရင်း သစ်ငုတ်တစ်ခုပေါ်မှာ ယုန်တစ်ကောင် မျက်စိမှိတ်ပြီး ထိုင်နေတာတွေ့ရတယ်။

“ကိုယုန် … ခင်ဗျား ဘာလုပ်နေတာလဲ” 

“တရားထိုင်နေတာပါကွာ”

 “တရားထိုင်တယ်ဆိုတာ ဘာလဲဗျာ”

 “ချမ်းသာ သုခရှာတာ”

 “ဘာတွေ ချမ်းသာသလဲ”

 “ဘာတွေ ချမ်းသာသလဲ သိချင်ရင် ငါနေတဲ့ ဂူထဲ သွားကြည့်လိုက်”

 သမင်က ဂူထဲဝင်သွားတယ်။ အသံတွေ ကြားလိုက်ရတယ်။ ပြန်ပြီး တိတ်ဆိတ်သွားတယ်။ အဲဒီအချိန်မှာ မြေခွေးတစ်ကောင် ရောက်လာပြန်တယ်။ “ယုန်ဆိုတဲ့ကောင် ဘာတွေ လုပ်နေသလဲ”

 “တရားထိုင်နေတယ်” 

“ဘာလဲကွ တရားထိုင်တယ်ဆိုတာ”

 “ချမ်းသာသုခရအောင်ပါ”

 “ချမ်းသာတော့ ဘာဖြစ်မှာလဲ”

 “သိချင်ရင် ဂူထဲသွားကြည့်လိုက်”

 ဂူထဲမှာ အသံတွေ ကြားလိုက်ရပြန်တယ်။ တိတ်ဆိတ်သွားတယ်။ ဒီလိုပဲ ယုန်ထိုင်နေတာကို လာမေးတဲ့သူတွေအများကြီး။ လာမေးတိုင်း တရားထိုင်တယ်ပြောတယ်။ လေးစားပြီး သူပြောတဲ့အတိုင်း ဂူထဲဝင်သွားရင် ပြန်မထွက်လာတော့ဘူး။ ဂူထဲမှာ ဘာတွေရှိသလဲ။ 

လိပ်တစ်ကောင် အရမ်းစိတ်ဝင်စားသွားတယ်။ ဒါကြောင့် ယုန်ကို မမေးဘဲ လိပ်က ဂူထဲကို သွားကြည့်တယ်။ ဂူထဲမှာ အရိုးတွေ တောင်လိုပုံနေတယ်။ အမှောင်ထဲကနေ ခြင်္သေ့တစ်ကောင်ထွက်လာတယ်။ 

လိပ်ကို ခုန်အုပ်ပြီး စားဖို့ပြင်တယ်။ လိပ်ကခေါင်းသွင်းလိုက်တော့ စားလို့မရတော့ဘူး။

 ခြင်္သေ့က “ဟေ့ကောင် ယုန်စုတ် … မင့် ငါ့ဆီကို ဘယ်လိုသတ္တဝါမျိုးပို့လိုက်တာလဲ … စားမရ … ဝါးမရတွေ မပို့နဲ့ကွာ” လို့ အော်ပြောလိုက်တယ်။ အချို့သော ကိစ္စတွေမှ အသားစားရဖို့ဆိုတာ အပြင်ထွက်ပြီး အမဲလိုက်စရာမလိုဘူး။ 

ယုန်လို တရားထိုင်ပြတဲ့ အကောင်တစ်ကောင် မွေးထားလိုက်ရင် ဂူထဲကို သားကောင်ရောက်တယ်။ ယုန်ဆိုတာကလည်း မြင်တာနဲ့ သနားစရာဆိုတော့ ယုန်မွေးစားတဲ့သူတွေ အများကြီး။ ဂူထဲမှာ အပုပ်နံ့တွေက တထောင်းထောင်းထနေတယ်။ ဒါကို ယုန်ပြောတာ ယုံပြီး ဝင်သွားတဲ့ကောင်တွေ ကလည်း အများကြီး။ ယုန်ဆိုတာ အသားမစားဘူး။

 ဒါပေမဲ့ အသားစားနေတဲ့ကောင်တွေကို အလုပ်အကျွေးပြုနေတဲ့ ယုန်တွေလည်း လောကမှာ အများကြီး။ ခက်တာက ဖြူဖြူစင်စင်နဲ့ တရားထိုင်ချင်ယောင်ဆောင်လိုက်ရင် သူတော်စင်လို့ထင်ကြတဲ့ တိရစ္ဆာန်လောကမှာ နောက် ကွယ်က ခြင်္သေ့တွေ ကောင်းစားနေတာလည်း အများကြီး။ 

တိရစ္ဆာန်လောကမှာ ဇာတ်တူသား စားချင်တဲသူတွေလည်း အများကြီး။ ဥပုသ်စောင့်ပြီး အသားရှာကျွေးနေတဲ့ သူတော်ယောင်တွေလည်း အများကြီး။ 

အများကြီးမှ … အများကြီး … 

Credit....

.....ဆရာဦးတင်ညွန်

Via Min Nya

ပြည်သူကိုရန်သူလို့သဘောထားတော့ ဒုက္ခကောင်းကောင်းတွေ့ပြီ

 စစ်တုရင်စကားနဲ့ပြောရင်တော့ဗျူဟာခင်းပြီးပြီပေါ့။

အကွက်တွေ စိပ်လာပြီ။

အမြန်ရွှေ့ကွက်တွေလာပြီပေါ့။NUG ကလည်းစစ်ရေးမြှင့်တင်မယ်လို့ပြောထားတယ်။

ချောင်ပိတ်သွားတဲ့စစ်အုပ်စုကထွက်ပေါက်ကိုဘယ်လိုရှာမလဲ။

ဘယ်လိုချောင်ပိတ်မိတာလဲ

ယူအက်စ်သံတမန်ထပ်ရောက်လာတယ်

တွေ့စရာရှိသွက်သွက်တွေ့၊

ထုတ်ပြန်စရာရှိ၊မြန်မြန်ထုတ်ပြန်တယ်။

အာဆီယံ+အိန္ဒိယမှာ တက်ရနိုးနိုး

စကစရဲ့နောက်ဆုံးမျော်လင့်ချက်လည်း

အိုးမည်းအသုတ်ခံရ။ဟိုကအမြန်ထုတ်ပြန်တယ်။စစ်ကောင်စီတက်ခွင့်မရှိဘူးဒါပါပဲ။အဲဒီတော့ သံတမန်ရေးမှာသူတို့ကိုဘယ်သူ လက်ခံသလဲ

လတ်လတ်ဆတ်ဆတ်လူမွဲစာရင်းဝင်ဒေဝါလီခံသီရိင်္လကာနိုင်ငံကသာခန့်အပ်လွှာလာပေးတာပြရပုံ။ခုနေသီရိင်္လကာနဲ့ပေါင်းရင်တော့တပြားမရတဲ့အပြင်ဝိုင်းလျော်ရမည့်ကိန်းပဲရှိ။

လူထုတော်လှန်ရေးဘက်ကတော့ နွေဦးတော်လှန်ရေးဟာကမ္ဘာသင်ရိုး တကယ်ဖြစ်လာတယ်။သံအမတ်ဦးကျော်မိုးထွန်းလုပ်သလိုပဲ

ရုရှားသံအမတ်လိုက်လုပ်ခဲ့ရတာကိုး။မကြာသေးမီကတွေ့ခဲ့ကြမှာပါ။

စီးပွါးရေးမှာလဲစက်မှုကုန်ကြမ်းတွေအပါအဝင်လောင်စာဆီအဆုံး၊ဆိပ်ကမ်းရောက်မှငွေချေရမယ့်စနစ်တဲ့။ဒါတော့စစ်အုပ်စုရဲ့

ဒေါ်လာတရွက်မှအပဲ့မခံ အနေအထားကြောင့်သာ။

ဒါကြောင့်လည်းလျပ်စစ်မီးတွေဂဒီးဂဒီးပြတ် ၊လျှပ်စစ်ပစ္စည်းတွေအကုန်ပျက်ဆီးတာတွေကြုံရတာပဲ။

စာရင်းချုပ်တော့ဘာရသလဲ 

ဒီခေတ်ဘဏ္ဍာရေးမှာအတွက်အချက်

အကောင်းဆုံးတွေဖြစ်တဲ့ကမ္ဘာ့ဘဏ်လိုအဖွဲ့

အစည်းမျိုးကတောင်”မြန်မာ့စီးပွါးရေးကို 

တွက်ချက်ခြင်းငှါမစွမ်းသာတော့ဘူး ၊

ဒါကြောင့်အလားအလာသုံးသပ်ချက်လည်းဘယ်လိုမှရေးလို့မရဘူး “လို့

ညည်းတွားဝန်ခံပြီး မြန်မာတနိုင်ငံထဲ ထူးကဲ

ချန်လှပ်ထားခံ ဘဝ ရောက်ခဲ့ပါပြီ။

စစ်ရေးမှာ တိုင်းရင်းသားတွေကစခန်းတွေပါ

သိမ်းပြတယ်။ စကစတပ်မှူးတွေကို ရာဇသံ

ပြတ်ပြတ်ပေးတယ်။စကစ အသံတိတ်

ဇာတ်ကားရိုက်သွားရ။

NUGကာ/ဝန် ကလက်နက်လှမ်းတောင်း၊

သမ္မတနဲ့ ဝန်ကြီးချုပ် မြေပြင်မှာရပ်ပြ၊

ပီဒီအက်ဖ်တွေကရှေ့တိုးပြလိုက်တယ်။

စစ်တပ် ဘာလုပ်သလဲ

မယှဉ်နိုင်တော့တဲ့အဆုံး ထုံးစံအတိုင်းရွာကိုမီးတင်ရှို့တယ်။ ဝမ်းစာစပါး၊မျိုးစပါးတွေပါအားလုံးကုန်ပဲ။ဒါ သူတို့ကိုယ်တိုင်လည်းပျက်ဆီးကြောင်းပြုမိအမှားကိုစစ်အုပ်စုမသိရှာဘူး။ 

လူကောအလွတ်ပေးလားဆိုတော့မလွတ်ပါ။

ဆိုင်ကယ်သော့ မပေးမှုနဲ့ ရွာသားတွေကို ထပြေးခိုင်းပြီး နောက်ကနေသေနတ်တွေနဲ့

စိမ်ပြေနပြေပစ်တယ် ။တကယ့်ကမ္ဘာကျော်

Killing Field ဖြစ်ရပ်မှန်ဇာတ်ကားကိုသတိရ

စရာပဲ ၊ ဘာကြောင့်ကမ္ဘာ့မှတ်တမ်းဝင်ရိုင်းစိုင်းကြမ်းကြုတ်မှုကိုကျူးလွန်သလဲ။

ကြောက်စေချင်လို့ပေါ့ အကြောက်တရားနဲ့အညံ့ခံအောင်ပေါ့

ပြည်သူ့မေတ္ထာ မရတဲ့လူတွေဟာ အကြောက်တရားတခုထဲပဲစဉ်းစားတတ်တော့တယ်။

ကိုယ်တိုင်က ကြောက်ဖို့ပဲသိသလို သူတပါးကိုလည်းကြောက်စေချင်တာပဲသိတယ်။

ဉာဏ်ပညာ မသိဘူး ချစ်ခြင်းမေတ္တာ တန်ဖိုးကိုလက်မခံဘူး ။

အခုလူတွေရဲ့စားရေးနေရေးတွေကိုမီးရှို့

လိုက်တော့ပြည်သူလူထုကဘယ်လိုတုံ့ပြန်သလဲ။ အိုစာမင်းစာ လက်ဝတ်ရတနာတွေထုတ်ပေးလှူတော့တာပေါ့

“ပြည်သူကိုရန်သူလုပ်မိတာဟာဒီစစ်အုပ်စုရဲ့အမှားတကာအမှားထဲမှာအဆိုးဆုံးအမှားပဲ”

နွေဦးတော်လှန်ရေးမှာက 

ချစ်မေတ္တာနဲ့ဉာဏ်ပညာ ဦးစီးတာ။

အညာသူအမေအိုကြီးတွေကသူတို့နားကပ်ကိုချွတ်ပြီး သူတို့သားတွေလက်ကိုအပ်တယ်ဆိုတာအဲဒါသေနတ်အဖြစ်ပြောင်းပြီးတော့အမေတို့ကိုကာကွယ်ပေးပါဆိုတဲ့စကားပဲ။

ဒါကစစ်အုပ်စုကြောင့်ဖြစ်လာတာ စစ်အုပ်စုရဲ့ဒီအမှားဟာဒီပွဲရှုံးဖို့အကြီးဆုံးအမှားပဲ။

NUG ရဲ့ထိန်းချုပ်နယ်မြေကကျောင်းဖွင့်ပွဲတွေကိုကြည့်ပါကွင်းလုံးပြည့်၊ဝန်းလုံးပြည့်။ပန်းပွါးအကတွေနဲ့ပါ။ကျကျနနပွဲခံပြီးတော့ကျောင်းတွေဖွင့်ထားတာ။ဒီလိုပဲမုံရွာ ယာကြီး ကလေးဝအဝေးပြေးလမ်းပေါ်လည်းပြည်သူတွေကသိမ်းပိုက်လိုက်ပြီးတော့

အောင်ပွဲခံဆန္ဒပြပွဲတွေသရုပ်ပြပွဲတွေလုပ်ကြတာပေါ့။

   စစ်ရေးမှာတော့အရပ်ရှစ်မျက်နှာစကစဘယ်သွားသွားတိုက်ပွဲချည်းပဲ ပွဲတိုင်းမှာလည်းရှုံးပါရစေဆိုတဲ့ဆုတောင်းတွေပြည့်နေတယ်။

တကယ်တော့သူတို့စစ်သားတွေကိုယ်၌က

ကျင့်သားရစစ်သားတွေမဟုတ်တော့ဘူးလေ။ပညာသည်အုပ်စုဝင်တပ်ကြပ်ကြီးတွေပြီးတော့သက်ကြီးရွယ်အိုတွေ၊လူပြည့်ရင်ပြီးရောထည့်ပေးလိုက်ရတာကိုး။

တခါရဲနဲ့စစ်သားကိစ္စတွေ၊အဲဒါတွေကရန်ပွဲများမဟုတ်ဘူးနော်၊တကယ့်အတွင်းသရုပ်တွေ။ကြီးနိုင်ငယ်ညှဉ်းခံစားချက်တွေကိုတွေ့ရလိမ့်မယ်။အဲဒီငယ်နိုင်ဆိုတဲ့ဓလေ့ဆိုးက ပြုသူရောအပြုခံရသူပါ အရှက်သိက္ခာမဲ့ရတဲ့ကိစ္စတွေ။ဖွဲမီးလိုလှိုက်လောင်နေတာ၊

အခုနောက်ဆုံးတပ်ထဲတင်ကိုယ့်စစ်သားကိုယ် တန်းစီခိုင်းပြီးပစ်တယ်ဆိုတာဘာကိုပြနေတာပါလဲ။

စစ်သားဆယ်ဂဏန်းချီ၊တန်းစီပြီးတော့ပစ်တာတပ်ထဲကအခြေအနေအမှန်ကိုပြနေတာ။ဘယ်လိုမှဖုံးကွယ်ပေးလို့မရဘူး

ဘာလဲ ၊တပ်ထဲမှာဘာမဆိုအချိန်မရွေးဖြစ်သွားနိုင်တယ် ဆိုတာပြသွားတာ။

တကယ်လို့

နွေဦးတော်လှန်ရေးသာမရှိခဲ့ရင်

ဒီနေ့ဒီအခြေအနေတွေမရှိခဲ့ရင်

အခုလိုသူ့စစ်သားသူ ဆယ်ယောက်ကိုတန်းစီပြီးတော့ပစ်သတ်ပြီးထွက်လာတာမျိုးရှိမလား

စဉ်းစားမိမှာတောင်မဟုတ်။ဒါမျိုးတွေဘယ်တော့မှမရှိခဲ့ပါဘူး

ဒါကဘာလဲ 

နွေဦးတော်လှန်ရေးရဲ့လှိုင်းတံပိုးတွေ၊

စစ်တပ်အပေါ်မှာသွားပြီးတော့သက်ရောက်မှုကြီးဖြစ်နေတာ။အက်ကြောင်းတွေဖြစ်နေတာထိုးနှက်ချက်တွေဖြစ်နေတာ မကျေမချမ်း အကြိတ်အခဲတွေက အခွင့်ကြုံတာနဲ့ပေါက်ကွဲထွက်ဖို့ ချောင်းမြောင်းနေတာကို ညွှန်ပြပါတယ်

တပ်ကစွန့်ခွါချင်တာတွေအများကြီး။

ဒီလိုပဲမိသားစုအလိုက်ခြိမ်းခြောက်ထားလို့၊အဲဒီတော့သူတို့ကရေရှည်မှာဘယ်လိုမှမရတော့ဘူးတကယ်ပြေးပြီ ပျက်ပြိုပြီဆိုထိန်းလို့ရတော့မှာမဟုတ်ပါ။

ပြည်သူတွေရက်ပေါင်းများစွာ

အချက်ပေါင်းများစွာခုတ်လာတဲ့ ဒီစစ်တပ်၊

ဒီအပင်ကြီးကိုဆက်ပြီးတော့သူတို့အခုတ်မခံ

နိုင်တော့ဘူး။ထပ်ခုတ်တာနဲ့ပြိုလဲတော့မှာ။ဒါကြောင့်ရပ်ခိုင်းတာ၊ဒါကြောင့်နိုင်ငံရေး

ဘက်ကိုပြန်လှည့်လာတာ၊ထွက်ပေါက်ရှာတာ၊

ကြည့်သောသူမြင်ပြီးသား။

ဘက်ပေါင်းစုံပိတ်မိသွားတော့ ထွက်ပေါက်ရှာပါတယ် နိုင်ငံရေးအင်အားစုတွေဘက် 

မျက်စပစ် ။ပီဒီအက်ဖ်ကို လက်နက်အပ်နှံကြိုဆိုရန် ကမ်းတော့တာ။

အဲဒါကြောင့်ပြောတယ်၊အရင်ကတည်းက

အမှတ်နဲ့ကစားတုန်းကနိုင်ပြီးသားပါဆိုတာကိုသူကခုအမှတ်နဲ့ပြန်ကစားဖို့စကားစ လုပ်ပြတာ

ဘယ့်နှယ် အလဲထိုးနေတာ အလဲထိုးနေတာ

ဆက်တိုက်ထိုးပြရမှာ 

သူ့တိုကတော့

မကြာခင် သူနဲ့တွေ့ဆွေးနွေးမည့်နိုင်ငံရေးအင်အားစုတွေပါဆိုကာ တဖွဲ့ပြီးတဖွဲ့အလံရှုးတွေပွဲထုတ်ဖို့ကြံဦးမှာ။

နောက်တကြိမ်ရွေးကောက်ပွဲလုပ်ပေးမယ်ဆိုတာ ပြည်သူလက်ခံမည့်မက်လုံးမဟုတ်၊

ပြည်သူ့အဆုံးအဖြတ်ဖြစ်တဲ့ ရွေးကောက်ပွဲရလဒ်ကို ကိုယ်ရှုံးတိုင်းလက်မခံ ငြင်းပါယ်ခဲ့သူက ရွေးကောက်ပွဲပြန်လုပ်ပေးမယ်ဆိုတာ ဘယ်ပြည်သူက ထပ်အရူးလုပ်ခံမလဲ မီးလောင်တိုက်သွင်းခံလိုက်ရတဲ့ဘဝများစွာကို တရားခံကတစ်ကပြန်စမယ်လို့နားချ ရရိုးလား

ဒီမြေမှာ လူမျိုးဒေသအလိုက်ရဲရင့်ကြ

ပြောင်မြောက်ကြသူတွေရှိပါရဲ့ ၊ဒါပေမယ့်

သည်းခံစွမ်းကုန်လို့အညာသူအညာသားများက 

 “ကဲ မထူးတော့ပါဘူး “ ဆိုလို့ကတော့ 

ထူးပြီသာမှတ်ပေရော့။

မီးတိုက်ခံဘဝ ပြာပုံထဲကကြုံးထလာတဲ့

အညာသူနှမ/အစ်မများရဲ့

လက်ဝတ်လက်စားတွေ

ပြီးတော့အခု 

အမေအို ပြတ်သားစိတ်နဲ့ဖြုတ်ပေးလိုက်တဲ့

နားကပ်များမှာ 

သနပ်ခါးခြောက်တွေကပ်နေသေးတာ 

စိတ်လှုပ်ရှားဖွယ်တွေ့လိုက်ပါတယ်

အဲဒီနားကပ်ပေါ်က

အညာသနပ်ခါးခြောက်ဖတ်ကလေးတွေဟာ

မြန်မာပြည်သူတွေရဲ့အဆုံးအဖြတ်ပါ

ပြတ်သားတဲ့စကား ပြောသွားတာပါ

နားပေါက်ဟောင်းလောင်းနဲ့စိုက်ကြည့်နေမယ့်အမေအိုမြင်သွားအောင်

သားများက စစ်အာဏာရှင်အပင်ကို

အပြိုအလဲဆက်ခုတ်ပြကြမယ့်ပွဲပါ ။

#မင်းကိုနိုင်

12-06-2022

စစ်ကိုင်းကိုထိမ်းချုပ်ဖိုးစိတ်ကူးတောင်မယဉ်နဲ့လို့ ဗိုလ်နဂါးပြော

 စစ်ကိုင်းတိုင်းကို ထိန်းချုပ်ဖို့ စစ်တပ်က စိတ်ကူးယဉ်လို့တောင် မရဘူး

ဧရာဝတီ , 9 June 2022

 

မြန်မာနိုင်ငံအလယ်ပိုင်း စစ်ကိုင်းတိုင်းသည် တော်လှန်ရေးစုဖွဲ့မှုအင်အား အကောင်းဆုံးဒေသ ဖြစ်လာသည်နှင့်အမျှ စစ်ကောင်စီတပ်များကလည်း ပိုမို ဖိအားပေး ထိုးစစ်ဆင်လျက် ရှိသည်။

စစ်ကိုင်းတိုင်းတွင် ၂၀၂၂ ဇန်နဝါရီလဆန်းပိုင်းကတည်းက တိုက်ပွဲများ တောက်လျှောက် ဖြစ်ပွားနေခဲ့ပြီး စစ်ကောင်စီ တပ်များက ပြည်သူ့ကာကွယ်ရေးတပ်ဖွဲ့ (PDF) များ ရှိမည်ထင်သည့် ရွာတိုင်းကို မွှေနှောက် မီးရှို့ခြင်း၊ ဒေသခံ များ အား သတ်ဖြတ်ခြင်းတို့ကြောင့် မီးရှို့ဖျက်ဆီးခံရသည့် ကျေးရွာ၊ လူနေအိမ် အရေအတွက်နှင့် သတ်ဖြတ်ခံရမှုများမှာ နေ့စဉ် မြင့်တက်လာနေသည်။

ထိုသို့အခြေအနေတွင် စစ်ကိုင်းတိုင်းအခြေစိုက် ပြည်သူ့ကာကွယ်ရေးတပ်ဖွဲ့များ အနေဖြင့် မည်သို့ တုံ့ပြန် ဆောင်ရွက် နေသည်ကို သိနိုင်ရန် မြန်မာ့တော်ဝင်နဂါးတပ်တော် (MRDA) ကို ဦးဆောင်နေသည့် ဗိုလ်နဂါးနှင့် ဧရာဝတီ မှ ဆက်သွယ် မေးမြန်းထားပါသည်။

မေး ။ ။ ဒီလတွေထဲမှာ စစ်ကောင်စီအနေနဲ့ စစ်ကိုင်းတိုင်းက ရွာတွေကို တောက်လျှောက် မီးရှို့နေတာ တွေ့ရတယ်။ သူတို့က တရွာဝင်တရွာထွက် ရွာတိုင်းကို ရှို့နေတာမျိုးလား။

ဖြေ ။ ။ ဘုတလင်နယ်ထဲမှာဆိုရင် ကျနော်တို့နဲ့ တိုက်ပွဲမဖြစ်ခင်ကတည်းက ဆက်တိုက် ရှို့သွားနေတာ။ ၃ ရွာ ကို ရှို့ပြီးပြီဆိုလို့ သွားတိုက်တာ။ သူတို့ ရှို့ပြီးထွက်သွားချိန် ကျနော်တို့ ရောက်တော့ ရွာထဲကို ဝင်ကြည့်တဲ့အခါ သေတ္တာ တွေ၊ အိမ်တွေ အကုန်လုံး ရိုက်ခွဲဖွင့်ထားတာ။ လက်ဝတ်ရတနာထည့်တဲ့ ဘူးတွေကအစ။

ဒေသခံတွေက ကြောက်အားလန့်အားနဲ့ ပြေးရတော့ အားလုံး ယူမသွားနိုင်ဘူး ဒါကို စစ်ကောင်စီတပ်က စိတ်ကြိုက် မွှေနှောက်ပြီး အကုန်ယူပြီးမှ မီးရှို့သွားတာ။ သူခိုးတယောက်လို ခိုးကြောက်ခိုးဝှက် မဟုတ်ဘူး။ အုပ်စုလိုက်ကြီး လက်နက်ကိုင်ခိုးကြတာ။

ကျနော်တို့ ဖြတ်သွားရာ လမ်းတလျှောက်မှာ စိတ်ပျက် ဝမ်းနည်းစရာကောင်းလောက်အောင် ရွာပျက်ကြီးတွေ မြင် နေရတယ်။ ပြည်သူတွေက ကိုယ့်မြေလေးကိုယ် ခြစ်ခြစ်ကုတ်ကုတ် လုပ်စားပြီး နှစ်ရှည်လများ စုထားရတာတွေကို အချိန်တိုအတွင်း ရက်ရက်စက်စက် မီးရှို့ဖျက်ဆီးပစ်တယ်။ ပြည်သူတွေက သွားစရာနေစရာ မရှိတော့ တောထဲတောင် ထဲပဲ နေကြရတယ်၊ အဆောက်အအုံ ကောင်း ကောင်းဆောက်လို့ မရဘူး။ ရွာတွေကို ရှို့လို့ တောထဲတဲလေးတွေနဲ့ နေကြရတော့လည်း သူတို့နဲ့ကြုံရင် မီးရှို့သွားတာပဲ။

ဘယ်နေရာမှ ပြည်သူတွေ အတည်တကျနေလို့မရဘူး။ စိတ်ပျက်စရာကောင်းတယ်။ မိုးကလည်း ကျလာပြီ။ ဒါကြောင့် ကျနော်တို့က တော်လှန်ရေးကို လောနေရတာ။

တာဝန်မသိတတ်တဲ့လူတွေက ဒီကိစ္စကို မျက်နှာလွှဲပြီးတော့ သူတို့ စီးပွားရေးပဲ အာရုံစိုက်နေနိုင်ပေမယ့် ဒီလူယုတ်မာ တွေရဲ့ လက်ချက်ကို ကွင်းကွင်းကွက်ကွက် မြင်ထားပြီးသား။ လိုင်းပေါ်မှာ တွေ့နေတာထက် ဆိုးတယ်။ ဒီလူယုတ်မာ တွေ အောက်မှာ ကျနော်တို့ တိုင်းပြည်ကို ကျနော်တို့ အသက်ရှင်လျက် မထားဘူး။ ရအောင်ကယ်မယ်။

မေး ။ ။ စစ်ကိုင်းတိုင်းထဲမှာ ဒီလို စစ်ကောင်စီ မီးရှို့မှုတွေကို တားဆီးဖို့ ဗိုလ်နဂါးတို့အဖွဲ့က အထူးအဖွဲ့ ဖွဲ့မယ်လို့လည်း ကြားသိထားရပါတယ်။ ဟုတ်ပါသလား။

ဖြေ ။ ။ ဟုတ်တယ်။ အကြမ်းဖျင်းတော့ အင်အား ၁၅၀ လောက် မှန်းထားတယ်။ တချို့ကို စစ်ရေးနဲ့ ပတ်သက်တဲ့ အတွေ့အကြုံတွေယူဖို့ လွှတ်ထားတယ်။ မြေပြင်အတွေ့အကြုံ အားကောင်းတဲ့သူတွေကို အထူးလေ့ကျင့်နေတာတွေ လည်း ရှိတယ်။ ခန့်မှန်းတာတော့ ၁၅၀ လောက် တပ်ချင်တာ။ ဒါပေမဲ့ ငွေကြေးက လူ ၁၀၀ ကို ဒေါ်လာ ၄ သိန်းကျော် လောက် ကျနေတော့ နိုင်သလောက်နဲ့ပဲ လုပ်လိုက်ရတာပေါ့ဗျာ။

အဲဒါကို ကျနော် ၂ ပတ်အတွင်း ရှာရမယ်။ ဒေါ်လာ ၂ သိန်းခွဲက အရေးပေါ် လိုအပ်နေတယ်။ လောလောဆယ်က ၂ သိန်း နီးနီးလောက် ရှိတယ်။ လက်နက်ကတော့ရပြီဆိုပါတော့။ ငွေပြည့်စုံရင် ငွေချေဖို့ပဲ ရှိတော့တာ။ အထူး တပ်ဖွဲ့ တွေက လက်နက်တင်မကဘူး ယူနီဖောင်းဝယ်ပေးမယ်။ တခြားလိုအပ်တဲ့ ကာကွယ်ရေးပစ္စည်းတွေ စီစဉ်ပေးမယ်။

အရေးကြုံရင် ကြုံသလို အထူးတပ်ဖွဲ့တွေ အနေနဲ့ လေ့ကျင့်ပြီးသင်တန်းက လွှတ်လိုက်တာနဲ့ သူတို့တွေက ပြည်သူ့ အတွက် တိုက်ပွဲကြားမှာပဲ ဖြတ်သန်းရမယ်ဆိုတာ အသိပေးထားပြီး သူတို့ နှလုံးသားထဲ ရိုက်သွင်းထားပြီးသား ဖြစ် တယ် အဲ့တော့ ပြည်သူကို ကာကွယ်ဖို့ ကြုံရာကျရာ ထမ်းဆောင်ရမယ်။ ကျနော့်အနေနဲ့ ဒေသခံကာကွယ်ရေးတပ်ဖွဲ့ တွေနဲ့ တိုင်ပင်ပြီးတော့ လိုအပ်ရင်လွှတ်မယ်။

အကူညီလိုလို့ တောင်းတယ်ဆိုရင်လည်း လက်လှမ်းမီသလောက် အဲဒီအဖွဲ့က သွားတိုက်မယ်။ ဒီအဖွဲ့က အင်အား အနေနဲ့လည်း ရပ်တန့်နေမှာ မဟုတ်ဘူး။ လုပ်ငန်းအနေနဲ့ ရပ်တန့်နေမှာ မဟုတ်ဘူး။ ရှေ့တိုးနိုင်သလောက် တိုးမယ်။ ကျနော် ခြေလှမ်းလှမ်းနေနိုင်သရွေ့ အဲဒါက အကန့်အသတ် မရှိဘူး။ အားလုံးအတွက်ပါ။

မေး ။ ။ လက်နက် အခက်အခဲနဲ့ လက်နက်ရရှိမှုက ဘယ်လောက် အရေးကြီးသလဲ။

ဖြေ ။ ။ လက်နက် အခက်အခဲက အဖွဲ့တိုင်းမှာ ရှိနေတယ်။ ဒီနေရာမှာ အတ္တဆန်တာတော့ မဟုတ်ဘူး။ ကျနော်က တော့ အဖွဲ့လေးတွေကို တတ်နိုင်သမျှ သိန်း ၁၀၊ ၂၀၊ ၃၀ ခွဲ ခွဲပြီးတော့ လှူပေးတယ်။ လက်နက်ရရှိမှုကိုတော့ ကျနော် အဖွဲ့ကို ဇောင်းပေးကြိုးစားတယ်။

အမျိုးသားညီညွတ်ရေးအစိုးရ (NUG) ဆီက တောင်းပေးရမှာဆိုရင် အားလုံးကို လက်နက်တပ်ဆင်ပေးဖို့ အော်ခဲ့ဖူး တယ်။ ကျနော်ကတော့ အင်အားကိုလည်း ရသလောက် ချဲ့ထွင်တယ်။ လက်နက်ကိုလည်း အဆင်ပြေသလောက် တပ်ဆင်ပေးတယ်။ အဖွဲ့တိုင်းကတော့ လက်နက် လိုအပ်နေကြတာပါပဲ။ အဲဒီတော့ နီးစပ်ရာနီးစပ်ရာ ဝိုင်းကူပေးကြပါ။ ကျနော်တို့လည်း တတ်နိုင်သမျှ ရှာနေပါတယ်။

လက်နက် အခက်အခဲက တော်တော်ရှိတယ်။ အခု တူမီးကနေ မောင်းပြန် ကိုင်နိုင်ပြီ။ ဒါကလည်း ပြည်သူတွေ လှူ တဲ့ငွေနဲ့ တပ်ပေးထားတာနဲ့အမျှ တန်အောင်လည်း မြို့နယ်တော်တော် များများမှာ ကျနော့်အဖွဲ့တွေ အလုပ် လုပ် နေပါတယ်။ မြို့နယ်ခြားတွေကနေ ကျနော်တို့အဖွဲ့ကို ဝင်လာတာတွေလည်း ရှိတယ်။ အင်အား များလာတာနဲ့အမျှ အခက်အခဲတွေ အများကြီး ရှိတယ်။ တော်လှန်ရေးက မပြီးသေးဘူး။ မပြီးသေးတော့ လက်နက်ကိုင် တိုက်နေရဦးမယ့် အချိန်မှာ လက်နက်မပါဘဲနဲ့ တော်လှန်ရေးက ခရီးမပေါက်နိုင်ဘူး။

မေး ။ ။ NUG နဲ့ လက်နက်ထောက်ပံ့မှု ဆွေးနွေးတာကရော ဘယ်အဆင့်အထိ ရောက်သွားပြီလဲ။

ဖြေ ။ ။ သူတို့ကလည်း အဆင်ပြေအောင် လုပ်ပေးပါမယ်လို့ ပြောထားတယ်။ အဲဒါနဲ့ ပတ်သက်ပြီး ပေးဖို့ရာ မျှော် လင့်နေဆဲပါ။ ပေးမယ်လို့လည်း ထင်ပါတယ်။ ကျနော်တို့က NUG မပါခင်ကတည်းက ဒီတော်လှန်ရေးကို လုပ်နေတာ နောက် NUG ကို ကိုယ့်အစိုးရလို့ သဘောထားပြီး ပူးပေါင်းလုပ်ဆောင်တယ်။ NUG က ကျနော်တို့ ခေါင်းဆောင် ဖြစ် နေပြီ။ သူတို့က ဒါကို တာဝန်ယူပြီး လုပ်နေတာဖြစ်တော့ ကျနော်တို့ရဲ့ တပ်ရင်း ၄ ရင်းကို တင်ပြထားတယ်။

ထုံးစံအရ သူတို့ရဲ့ တပ်ရင်းတွေ ဖြစ်သွားပြီဆိုရင် သူတို့ တာဝန်ယူရတော့မယ်။ အဲဒီ ၄ ရင်းစာလုံး မတတ်နိုင်ဘူး။ ဒါကို ကျနော်တို့က တော်လှန်ရေး အစကတည်းက လမ်းဖောက်ခဲ့တယ်၊ အခုထိလည်း လုပ်နေတာဆိုတော့ ကျနော်တို့ နောက်က လူတွေတောင် ရနေပြီဆိုတော့ ကျနော်တို့လည်း ရချင်တယ်။

ကျနော့်မှာ အလှူငွေ တွေနဲ့ လက်နက်ဝယ်တာတွေ ရှိနေပေမယ့်လည်း အင်အားက တော်တော်များများကို ဖြန့် ကျက်ပြီးတော့ အလုပ်လုပ်နေတာ။ ကျနော်တို့က အသိအမှတ်ပြု လက်တွဲပေးထားမှတော့ MOD အနေနဲ့ တင်ထားတဲ့ ၄ ရင်း မဟုတ်တောင်မှ တပ်ရင်း ၁ ရင်းစာ တပ်ဆင်ပေးသင့်တယ်။ အဲဒါကို တောင်းဆိုထားပါတယ်။ ကျနော်တို့ စောင့်ကြည့်နေပါတယ်။

မေး ။ ။ လက်ရှိမှာ တိုက်ပွဲတွေ အခြေအနေကရော ဘယ်လို ရှိပါသလဲ။

ဖြေ ။ ။ ကနီဘက် တိုက်ပွဲ အခြေအနေကတော့ မေ ၂၀ လောက်ကတည်းက ဖြစ်နေတာ။ မြစ်ကြောင်းက ဆင်း လာမယ့် ကျောက်စိမ်း သင်္ဘောတွေအတွက် ဒီဘက်မှာ နယ်မြေရှင်းလင်းရေး စစ်ကြောင်းတွေ လွှတ်တယ်။ ကျနော်တို့ ဘက်ကလည်း တပ်ဖွဲ့တခု လွှတ်ထားပြီးတော့ တန်ပြန် ပြောက်ကျားထိုးစစ် ဆင်နေတယ်။ နောက်တဖွဲ့ အင်အား ထပ် တိုးပြီးတော့လည်း လွှတ်ပြီးပြီ။ ကနီကနေ ဘုတလင်ဘက်ကမ်းမှာ အိမ်တွေ မီးရှို့နေတယ်ဆိုတော့ သွားတိုက်သေး တယ်။ ကနီ-မင်းကင်းအဆက်ထိ သင်္ဘောတွေ ဆင်းလာတဲ့အချိန်မှာ တိုက်ပွဲ ဖြစ်ခဲ့သေးတယ်။ ပုလဲ မှာလည်း ထိတွေ့ တိုက်ပွဲတွေ ဖြစ်တယ်။

မေး ။ ။ စစ်ကိုင်းတိုင်းထဲမှာ စစ်ကောင်စီတပ်က ဘယ်မြို့နယ်တွေကို ပိုဖိနေလဲ။

ဖြေ ။ ။ ဒီမိုးတွင်းမှာ စစ်ကိုင်းရဲ့ မြေပြန့်ဒေသတွေကို ပိုပစ်မှတ်ထားလာတယ်လို့ ယူဆတယ်။ ကနီ၊ ယင်းမာပင်၊ ပုလဲ အဲဒီလိုနေရာတွေ မြောင်၊ ချောင်ဦး စတဲ့ နေရာတွေလည်းပါတယ်။ ဒီပဲယင်း၊ ဝက်လက်၊ ခင်ဦး၊ တန့်ဆည် ဘက် တွေရော တိုက်ပွဲ ဖြစ်နေတယ်။

ဒါပေမဲ့ သူတို့ မြေပြန့်ဒေသတွေကိုတော့ ပိုအားစိုက်တယ်။ တိုက်ပွဲမှာတော့ ပြည်သူ့တော်လှန်ရေး တပ်ဖွဲ့တွေက ပြည်သူကြားကနေ ထွက်လာတဲ့လူဆိုတော့ တိုက်ပွဲရဲ့ အနေအထားက အားသာတယ်။ ကိုယ့်နယ်မြေ ကိုယ်ဆိုတော့ ပိုင်တယ်။ သတင်းဦးတယ်။ ကျနော်တို့က ပြောက်ကျားအစစ်။

ကျူးကျော်လာတဲ့ ရန်သူကို ချောင်းမြောင်း တိုက်ခိုက် ရတာမျိုးဆိုတော့ ကျနော်တို့က အသာစီးရတယ်။ အထိအခိုက် မရှိတာတော့ မဟုတ်ဘူး။ နည်းနည်းပဲ ရှိတယ်ပေါ့။

ရန်သူကတော့ ထုံးစံအတိုင်းပေါ့။ စစ်တိုက်လို့မနိုင်ရင် ပြည်သူတွေကို ဒုက္ခပေးတာပဲ။ ပြည်သူတွေကတော့ အထိနာ တာပေါ့။ ဒါပေမဲ့ ဒါက မလုပ်လို့ မရတဲ့ တော်လှန်ရေး။ ပြည်သူတွေကို ဒုက္ခပေးမှာကြောက်လို့ ကျနော်တို့က မတိုက် ပြန်ရင်လည်း သူတို့က တတိုင်းပြည်လုံးကို သူတို့အလိုကျ လက်ဝါးကြီး အုပ်ကြတော့မှာ။ ဒီအထိနာမှုတွေကို ကြည့်ပြီး လက်တွန့်နေလို့ မရတော့ဘူး။ ကျနော်တို့က သေပြီးသားဘဝ ဖြစ်နေပြီ။ ဒီတော်လှန်ရေးပြီးရင် ပြန်လည်ရှင်သန်ဖို့ပဲ ရှိတော့တယ်။ တိုက်ပွဲမှာတော့ ကျနော်တို့ အသာစီးရတယ်။ မဆီမဆိုင် မီးရှို့ဖျက်ဆီးတာတွေကြောင့် ပြည်သူတွေ ကတော့ အထိနာကြတယ်။

မေး ။ ။ အခု စစ်ကိုင်းတိုင်းမှာ စစ်ကောင်စီ အသုံးပြုနေတဲ့ နည်းဗျူဟာ၊ မဟာဗျူတွေအပေါ်မှာ ဘယ်လို သုံးသပ် ချင်ပါသလဲ။ အခု တောက်လျှောက် ထိုးစစ်ဆင်နေတဲ့အချိန်မှာ စစ်ကိုင်းကို ဘယ်အတိုင်းအတာအထိ စစ်ကောင်စီက ထိန်းချုပ်သွားတာမျိုး ရှိန်ိုင်လဲ။

ဖြေ ။ ။ သူတို့ ဗျူဟာကတော့ အောက်တန်းအကျဆုံးအဆင့်ကို ရောက်ရှိသွားပြီ။ လက်နက်အကောင်းတွေ ကိုင် တယ်။ တင့်ကား၊ လက်နက်ကြီး၊ အမြောက်တွေ သုံးတယ်။ ဒါလည်း မနိုင်ဘူး။ မနိုင်ရင် ရွာတွေကို မီးရှို့တယ်။ အဲဒါက သူတို့ရဲ့ ဗျူဟာပဲ။ သူတို့ ဗျူဟာကတော့ ကမ္ဘာမှာ အောက်တန်းအကျဆုံး ဇီးရိုးအောက်ကနေ အနုတ်တောင်ပြနေတဲ့ ဗျူဟာလို့ပဲ သတ်မှတ်တယ်။

သူတို့ စစ်ကိုင်းကို မပြောနဲ့ မြန်မာတပြည်လုံး ထိန်းချုပ်လို့ မရဘူး။ ဘာဖြစ်လို့လဲဆိုတော့ နေပြည်တော်မှာ တောင်မှ ပေါက်ကွဲမှုတွေ၊ တိုက်ခိုက်မှုတွေ ရှိနေတယ်။ လောလောဆယ် အင်အား အဆမတန်သုံးနေလို့၊ အရက်စက်ဆုံး အလုပ်တွေ လုပ်နေလို့ ခဏလေး ငြိမ်သွားတာပဲ ရှိလိမ့်မယ်။

ဘယ်နေရာကိုမှ သူတို့ မထိန်းချုပ်နိုင်သေးဘူး။ သူတို့ စခန်းအတွင်းတောင် သူတို့ မထိန်းချုပ်နိုင်သေးဘူး။ စစ်ကိုင်းကို ထိန်းချုပ်ဖို့ စစ်တပ်က စိတ်ကူးယဉ်လို့တောင် မရဘူး။ ကျနော်တို့ အလုံးစုံ မရသေးဘူး ဆိုရင်တောင် သူတို့ နည်း နည်းမှ မရစေရဘူး။ စစ်ကိုင်းဆိုတာ တော်လှန်ရေးကို ရွပ်ရွပ်ချွံချွံ လုပ်နေတဲ့ နေရာတိုင်းက လူပီသတဲ့လူတွေ စုနေ ကြတာဗျ။ လူ့ဗာလတွေနေတဲ့ မြို့တွေသာ ထိုက်သင့်အားလျော်စွာ သူတို့ ထိန်းချုပ်လို့ ရချင်ရလိမ့်မယ်။ ပြတ်သားတဲ့ တော်လှန်ရေးသမားတွေ ရှိနေတဲ့ နေရာမျိုးမှာတော့ သူတို့ ထိန်းချုပ်လို့ မရဘူး။

မေး ။ ။ မကြာမီ မိုးကျတော့မယ်ဆိုတော့ မိုးကျလာရင် စစ်ကိုင်းတိုင်းထဲက စစ်ရေးအခြေအနေကရော ဘယ်လို ဖြစ်လာနိုင်လဲ။

ဖြေ ။ ။ ရှင်းရှင်းပြောရရင် စစ်ရေးအခြေအနေက ကျနော်တို့ ပြည်သူလူထုအတွက် အားတက်စရာပေါ့။ ကျနော်တို့ မြေပြင်တော်လှန်ရေးသမားတွေအတွက် အသာစီးဘက် ရောက်လာတော့မယ်။ ဘာဖြစ်လို့လဲဆိုတော့ မိုးလေကျတဲ့ အချိန်က သူတို့အတွက် လေကြောင်းကူဖို့ မလွယ်တဲ့အချိန်။ လမ်းပန်းဆက်သွယ်ရေးကောင်းတဲ့ နေရာတွေကလွဲရင် သူတို့ အနေနဲ့ ထိုးဖောက်ဝင်ရောက်လို့ မလွယ်တဲ့အချိန်။

အဲဒီလိုအချိန်မှာ ဒီဘက်ကို စခန်းအခြေစိုက်လေးတွေ လုပ်ထားရင်လည်း သူတို့လူတွေ သေဖို့ရာ လွှတ်ပေး ထားတာမျိုးပဲ ဖြစ်လိမ့်မယ်။ မလွဲမသွေ မိုးတွင်းရောက်လာရင်တော့ သူတို့ နောက်ကို ပြန်ဆုတ်ရမယ်။ မဆုတ် ရင်လည်း သူတို့ အသေခံဖို့ ပို့ထားတာနဲ့ အတူတူပဲ။ မိုးတွင်းကတော့ ကျနော်တို့ မျှော်လင့်နေတဲ့ကာလလို့ ပြောရမှာပဲ။

.

ဧရာဝတီ , 9 June 2022

အဘ ဘောမနှစ်ယောက်ငွေကြေးအရှုပ်တော်ပုံ

 

ပေါက်မြို့ ကိုင်းလယ်ရဲစခန်း PDF သိမ်းပိုက်

 

ကနီမြို့၊ဒေါင်းခြံကျေးရွာမှ့ ထန်းတက်သမား ကိုချစ်ကိုလွင်ကို စစ်တပ်မှ့မီးရှိုသတ် (ရုပ် - သံ)

 ကနီမြို့၊ ဒေါင်းခြံကျေးရွာမှ ထန်းတက်သမား ကိုချစ်လွင်ကို စစ်တပ်က မီးရှို့သတ်ဖြတ်ပြီးနောက် နာရေးမြင်ကွင်း

ရန်ကုန်၊ ဇွန် ၇ 

စစ်ကိုင်းတိုင်း၊ ကနီမြို့နယ်၊ ဒေါင်းခြံကျေးရွာမှ ထန်းတက်သမား ကိုချစ်လွင်ကို စစ်တပ်က ဇွန်လ ၅ ရက်နေ့ ညနေ ၄ နာရီတွင် မီးရှို့သတ်ဖြတ်သွားကြောင်း ဒေသခံများထံမှ သိရှိရသည်။ 

ဇွန်လ ၅ ရက်နေ့ ညနေ ၄ နာရီ အချိန် ကနီမြို့နယ် ၊ ချင်းတွင်းမြစ် အနောက်ဘက်ကမ်း စစ်ကြောင်းထိုးလာသော စစ်တပ်က ဒေါင်းခြံရွာ အရောက်တွင် ထန်းတက်သမား အသက် (၃၃)နှစ်အရွယ်ရှိ ကိုချစ်လွင်ကို ထန်းတက်နေချိန် ဖမ်းဆီးသွားကြောင်း၊ ယင်းနောက် နတ်မြောက်ရွာမှ နတ်တောင်ရွာသွားလမ်းဘေးရှိ လျှော်ဖြူခြံ တစ်ခြံအတွင်းတွင် ကိုချစ်လွင်ကို မေးမြန်းရိုက်နှက် ညှဉ်းပန်းပြီး မီးရှို့သတ်ဖြတ်သွားကြောင်း၊ဇွန်လ ၆ ရက်နေ့ ညနေပိုင်းတွင်ကိုချစ်လွင်၏ ရုပ်အလောင်းကို မိသားစုက သဂြိုလ်လိုက်ကြောင်း ဒေသခံများက ပြောဆိုသည်။ 

"အလောင်းကို သေချာစိစစ်တော့ အဖမ်းခံရတဲ့ ကိုချစ်လွင် ဖြစ်နေတာ။ ကိုချစ်လွင်ကို သတ်ဖြတ်ခံရ နေရာဝန်းကျင်မှာရှိတဲ့ စျေးဆိုင်ကြီးတစ်ဆိုင်ကနေ စစ်ခွေးတွေက ကုန်ပစ္စည်းတွေ၊ တန်ဖိုးရှိပစ္စည်းတွေ ကျပ်သိန်း ၂၀၀ ဖိုးလောက်ယူသွားတယ်" ဟု ဒေသခံတစ်ဦးက ဆိုသည်။

မေလ ၁၈ ရက်နေ့တွင် ကနီမြို့နယ် ကင်းတောင်ရွာမှ အသက် ၃၈ နှစ်အရွယ် ကိုဇော်လင်း နှင့် မေလ ၂၅ ရက်နေ့တွင် ကနီမြို့နယ် အထက်ကင်းရွာမှ အသက် ၃၉ နှစ်အရွယ် ကိုအောင်သန်းမော်တို့ကိုလည်း စစ်တပ်က ဖမ်းဆီးသတ်ဖြတ်ခဲ့ကြောင်း ကနီမြို့နယ်နွေဦးတော်လှန်ရေးသပိတ်အင်အားစုက သတင်းထုတ်ပြန်သည်။ 

Video - ထန်းတက်သမား ကိုချစ်လွင်ကို စစ်တပ်က မီးရှို့သတ်ဖြတ်ပြီးနောက် နာရေးမြင်ကွ

င်း

ဒီလိုလူတွေနိင်ငံကိုဘယ်လိုအုပ်ချုပမလဲ

 

ကိုယ်ပိုင်အရည်ချင်းမရှိ အကြောက်တရားဝင်နေကြသူများ(ရုပ်-သံ)

 

အကြမ်းဖက်စစ်တပ်ဖမ်းထားတဲ့ ဗိုလ်နဲ့တပ်ကြပ်ကြီးကိုပြန်မလွှတ်ပေးရင် ရွာနှစ်ရွာကို လက်နက်ကြီးနဲ့ပစ်မယ်ဟုခြိမ်း‌ခြောက်

 ◼ ကျေးရွာဘက်ကို လက်နက်ကြီး အချက်(၅၀)ကျော်ခန့်ပစ်ခတ်၊ အသက်(၇၀)အရွယ် အမျိုးသားတဦးထိခိုက်ဒဏ်ရာရ

ဇွန်(၅)ရက် ||| နွေဦးအသံ |||

ကရင်အမျိုးသားအစည်းအရုံး(KNU) ကဖမ်းထားတဲ့ အကြမ်းဖက် စစ်အုပ်စုရဲ့ ဗိုလ်ကြီး တဦးနဲ့ တပ်ကြပ်တဦးတို့ကို ပြန်မလွှတ်ပေးရင် သထုံမြို့နယ်ရှိ ထုံးဘိုကြီး နဲ့ ထုံးဘိုလေး ရွာတွေကို လက်နက်ကြီးနဲ့ ပစ်ခတ်ဖျက်ဆီးမယ်လို့ စစ်အုပ်စုရဲ့ ခမရ(၉) တပ်ရင်းမှူးက ခြိမ်းခြောက်လာတယ်လို့ KNUက သတင်းထုတ်ပြန်ပါတယ်။

ဇွန်လ (၁) ရက်က ခမရ(၉) ဝီယော်စခန်းက ဗိုလ်ကြီးကျော်ဇင်ထက်နဲ့ တပ်ကြပ်ကြီး နိုင်ဦးတို့ နှစ်ဦးက ထုံးဘိုကြီးကျေးရွာထဲကို ဆိုင်ကယ်နဲ့လာရောက် သတင်းထောက်လှမ်းချိန်မှာ ကရင့်အမျိုးသား လွတ်မြောက်ရေးတပ်မတော်(KNLA)နဲ့ ပူးပေါင်းတပ်ဖွဲ့တွေက ဖမ်းဆီးထိန်းသိမ်းခဲ့တာ ဖြစ်ပြီး အဲ့ဒီ့တပ်ဖွဲ့ဝင် နှစ်ယောက်ကို ပြန်လွှတ်ပေးဖို့ စစ်အုပ်စုရဲ့ ခမရ(၉)တပ်ရင်းမှူးက ရွာလူကြီးက တဆင့် ပြောဆိုလာတာပါ။

ဇွန်လ (၂) ရက်မှာလည်း ပိန္နဲတော၊ လေးကေ၊ ဝင်းတာပန်တို့ရှိ စစ်ကောင်စီ စခန်းတွေကို ရိက္ခာပို့လာတဲ့ စစ်အုပ်စုတပ်တွေနဲ့ KNLA တပ်ဖွဲ့တို့ ဝီယော်ကျေးရွာအနီးမှာ တိုက်ပွဲဖြစ်ပွားခဲ့ပြီး စစ်အုပ်စုဘက်က အထိနာလို့ ပြန်လည်ဆုတ်ခွာခဲ့ရပါတယ်။

အဲဒီနောက် စစ်ကောင်စီရဲ့ ခမရ(၉)စခန်းကနေ ထုံးဘိုလေးနဲ့ ထုံးဘိုကြီးကျေးရွာဘက်ကို လက်နက်ကြီး နဲ့ အချက် (၅၀)ကျော် ဆက်တိုက်ပစ်ခတ်ခဲ့လို့ အသက် (၇၀) အရွယ် အမျိုးသား တစ်ဦး ထိခိုက်ဒဏ်ရာရခဲ့တယ်လို့ သိရပါတယ်။

ဒါ့အပြင် လူနေအိမ် (၂)လုံး ပျက်စီးခဲ့ပြီး အိမ်မွေးဝက် (၁)ကောင် သေဆုံးခဲ့တယ်လို့လည်း ဖော်ပြထားပြီး လက်နက်ကြီးတွေနဲ့ ပစ်ခတ်လို့ ထုံးဘိုလေးကျေးရွာနဲ့ ထုံးဘိုကြီးကျေးရွာက ဒေသခံ ရွာသူရွာသားတွေ ဘေးလွတ်ရာသို့ ထွက်ပြေးတိမ်းရှောင်နေကြရတယ်လို့ KNU က ဓာတ်ပုံတွေနဲ့တကွ ထုတ်ပြန်ခဲ့တာကို တွေ့ရပါတယ်။

©ကျော်ဇေယျ

#thevoiceofspring

မြန်မာစစ်တပ်ရှုံးနေပြီလား

 မြန်မာပြည်က ပြည်သူ့​တော်လှန်​ရေးရဲ့ လက်ရှိအ​ခြေအ​နေ။

မေလမှ စတင်သည့် အနောက်တောင်မုတ်သုန်လေသည် မြန်မာနိုင်ငံ၏ မပြီးဆုံးနိုင်သော ပြည်တွင်းစစ်ကို ခေတ္တငြိမ်သက်သွားစေလေ့ ရှိသည်။

 ယခုနှစ်တွင်မူ အလယ်ပိုင်း မြေပြန့်ဒေသသာမက တောင်တန်းဒေသများအထိ မိုးကောင်းစွာ ရွာသွန်းနေပြီဖြစ်​သော်လည်း စစ်ပွဲများမှာ အနားရနိုင်ဖွယ်မရှိပေ။

နေပြည်တော် အာဏာသိမ်းစစ်ကောင်စီကို ဆန့်ကျင်သည့် ပြည်သူတို့၏ လက်နက်ကိုင် တော်လှန်ရေးမှာ အရေအတွက်သာမက အရည်အချင်းပါ တိုးတက်လာသည့်အခါ မြန်မာစစ်တပ်သည် မိမိပြည်သူများအပေါ် ပြန်လည်ဆင်နွှဲသည့် နိုင်ငံရေးအရ ထွက်ပေါက်မဲ့ တစ်ဖက်ပိတ်စစ်ပွဲအတွင်း သက်ဆင်းခဲ့ပြီး ပိုမိုကျယ်ပြန့်လာသည့် ပဋိပက္ခအတွင်း ပြန်လမ်းမရှိသည့် အဆင့်သို့ရောက်ရှိလာကာ နောက်ဆုံး၌ စစ်တပ်အုပ်စိုးမှုသာ ရှင်သန်ကျန်ရစ်မည် ဟူသော ကာလရှည်ကြာ အရိုးစွဲယူဆချက်အပေါ်လည်း မေးခွန်းထုတ်စရာ ဖြစ်လာခဲ့သည်။

လူဦးရေသိန်းနှင့်ချီ၍ နေရပ်စွန့်ခွာစေခဲ့သော နိုင်ငံအနှံ့ အရှိန်အဟုန်ကြီးစွာ ဖြစ်ပွားလာသည့် တိုက် ခိုက်မှုများဖြင့် ဆိုးဝါးလှသော ပွင့်လင်းရာသီကို ဖြတ်သန်းခဲ့ပြီးနောက် ရှေ့လာမည့်လများ၌ စစ်ပွဲအခြေအနေကို ပုံဖော်ပေးနိုင်သော အနာဂါတ်ရေရှည် အလားအလာကို အဆုံးအဖြတ်ပေးမည့် ပကတိ အရှိတရားနှစ်ခုမှာ အထင်အရှားပေါ်ထွက် နေပြီဖြစ်သည်။

ပထမတစ်ခုမှာ ဗမာလူမျိုးတို့၏ နှလုံးသည်းပွတ်ဖြစ်သော မြန်မာပြည် အလယ်ပိုင်းဒေသရှိ စစ်အစိုးရဆန့်ကျင်မှု တော်လှန်ရေးကို ချေမှုန်းရန် စစ်တပ်၏ ပူးပေါင်းစစ်ဆင်ရေးများမှာ မအောင်မမြင်ဖြစ်နေပြီး ချေမှုန်းရန်မဆိုထားနှင့်၊ ထိန်းချုပ်နိုင်ခြင်းပင် မရှိသည့် အနေအထားဖြစ်သည်။

 

အမှန်စင်စစ်အားဖြင့် မြန်မာနိုင်ငံ အလယ်ပိုင်းဒေသ တစ်လျှောက် ပြည်သူများ၏ လက်နက်ကိုင်တော်လှန်ရေးကို တန်ပြန်သည့် မြန်မာစစ်တပ်၏ စစ်ဆင်ရေးများသည် ဒေသခံပြည်သူများစွာကို မီးရှို့ လုယက်သည့် အဆင့်ထိ ဆိုးရွားနိမ့်ကျသည့်အတွက် လူထုလက်နက်ကိုင် တော်လှန်ရေးကို ပို၍ပင် အခြေခိုင်အားကောင်းလာစေခဲ့သည်။

ဒုတိယတစ်ခုမှာ နေပြည်တော်အာဏာသိမ်း စစ်ကောင်စီက တင်မြှောက်ထားသော နိုင်ငံတော်စီမံအုပ်ချုပ်ရေးကောင်စီ (နစက)ကို ဆန့်ကျင်နေသည့် ဒေသအလိုက် ပြည်သူ့ကာကွယ်ရေးတပ်ဖွဲ့များ (ပီဒီအက်ဖ်များ)သည် မြို့နယ်အဆင့်၌သာ လှုပ်ရှားနေလင့်ကစား တပ်ဖွဲ့ဝင်အရေအတွက် များပြားလာသလို ပို၍ စုစည်းမှုရှိလာပြီး အတိုင်းအတာတစ်ခုအထိ လက်နက်များ ပိုမိုကောင်းမွန်စွာ တပ်ဆင်လာနိုင်ခြင်း ဖြစ်သည်။

အဆိုပါ အနေအထား ၂ ခုလုံးသည် ၂၀၂၃ ခုနှစ် ဩဂုတ်လတွင် အကောင်းဆုံး နိုင်ငံရေးထွက်ပေါက်အဖြစ် ရွေးကောက်ပွဲကျင်းပရန် အချိန်ဇယား ရေးဆွဲထားသည့် စီးပွားရေး၊ သံတမန်ရေး အခက်အခဲများစွာ ရင်ဆိုင် ဖြေရှင်းနေရသော အာဏာသိမ်း စစ်တပ်အတွက် အလားအလာကောင်းသည့် အခြေအနေများ မဟုတ်ပေ။ 

နိုင်ငံတကာအသိအမှတ်ပြုမှု ရရန် ရည်ရွယ်ပြီး အရပ် သားအနည်းငယ်ကို မျက်နှာစာ၌ ဟန်ပြတင်ထားပြီး စစ်တပ်အသာစီးရမည့် စစ်တပ်အလိုကျ အသစ်ရေးဆွဲထားသော ဥပဒေများဖြင့် ရွေး ကောက်ပွဲ ကျင်းပရေးနှင့် ထိုသို့ ရွေးကောက်ပွဲ ကျင်းပနိုင်အောင် အေးချမ်းတည်ငြိမ်မှု တည်ဆောက်ရေး တို့မှာ မြန်မာစစ်တပ်၏ ပထမဦးစားပေး အစီအစဉ်ပင် ဖြစ်သည်။ 

သို့သော် ပထမအစီအစဉ် မအောင်မြင်ပါက ဆောင် ရွက်မည့် ဒုတိယဦးစားပေး အစီအစဉ်ကို မတွေ့ရှိရပေ။

နှစ်ပေါင်းများစွာ မိမိကိုယ်ကို မြန်မာ့အချုပ်အခြာ အာဏာကို ကာကွယ်စောင့်ရှောက်သူများ အဖြစ်လည်းကောင်း၊ အမျိုးသားရေး စိတ်ဓာတ်၏ ပြယုဂ်အဖြစ်လည်းကောင်း၊ ခံယူရှုမြင်ထားသည့် စစ်တပ်ခေါင်းဆောင်များမှာ ယခု ကြံရာမရဖြစ်နေပြီဟု ယူဆလျှင် လုံးဝနီးပါး မှားယွင်းသွားနိုင်သည်။

 

သို့သော် လက်ရှိ စစ်မြေပြင်နှင့် စစ်မြေပြင်အလွန် ဖြစ်ရပ်များကို ပေါင်းစပ်သုံးသပ်ကြည့်ပါက လုံ ခြုံရေး ပြိုကျပျက်ယွင်းနေသည့် လိုဏ်ဂူအမှောင်တိုက်အတွင်း ရောက်ရှိနေသော စစ်ကောင်စီမှာ အဆုံးသတ် လွတ်မြောက်မှု အလင်းရောင်ကို ပြပြပင် မမြင်နိုင်သည့် လက်ရှိအခြေအနေအတွက် တစ်စထက်တစ်စ ပိုမိုချောက်ခြားလာနေသည်ဟု သုံးသပ်နိုင်သည်။

ခြောက်သွေ့ရာသီ ပုန်ကန်ထကြွလှုပ်ရှားမှုများ

==============================

၂၀၂၁ ခုနှစ် နှောင်းပိုင်းကတည်းက ပွင့်လင်းရာသီတစ်လျှောက် မြန်မာနိုင်ငံ အလယ်ပိုင်းဒေသ အနှံအပြား၌ ဖြစ်ပွားခဲ့သော ပုန်ကန်ထကြွမှု ဖြစ်စဉ်များကို စစ်ရေးအမြင်အရ အဓိပ္ပာယ်ကောက်ယူရန်မှာ ခက်ခဲသော စိန်ခေါ်မှု တစ်ခုဖြစ်သည်။

 

ဖြစ်ပွားသည့် အကြိမ်အရေအတွက်သာ သတင်းရရှိခြင်း၊ တိုက်ပွဲငယ်များ နိုင်ငံအနှံ့အပြား၌ ဖြစ်ပွားနေခြင်း၊ ပြည်တွင်းစစ်၏ ရှေ့တန်းစစ်မျက်နှာမှ ဘက်မလိုက်သော သတင်းတင်ဆက်မှုများ ပြင်ပကမ္ဘာနှင့် အကြီးအကျယ် ဖြတ်တောက်ခံထားရခြင်း စသည့် အချက်များက အခြေအနေအားလုံးကို ဆက်စပ်ပြီး လေ့လာဆန်းစစ်နိုင်ရန် ခက်ခဲစေလျက် ရှိသည်။

သို့သော် နိစ္စဓူဝ ဖြစ်စဉ်များကို လေ့လာပါက ပဋိပက္ခများ၏ ဗဟိုချက်သည် အဖယ်ရှားခံ ဒေါ်အောင်ဆန်းစုကြည်၏ အမျိုးသားဒီမိုကရေစီအဖွဲ့ချုပ် (အင်န်အယ်လ်ဒီ) အစိုးရကို အစဉ်အဆက် ထောက်ခံခဲ့သည့် ဒေသများဖြစ်ကြသည်။ 

မဟာဗျူဟာအရ အရေးပါလှသော မြန်မာနိုင်ငံ အနောက်ပိုင်းမှသည် စစ်ကိုင်းနှင့်မကွေးတိုင်းဒေသကြီးများနှင့် မန္တလေးတိုင်း အလယ်ပိုင်းဒေသများအထိ ပျံ့နှံ့တည်ရှိနေသည်။

 

တိုက်ပွဲအများစုသည် မြန်မာစစ်တပ် တပ်စခန်းချရာ မန္တလေး၊ မုံရွာ၊ ပခုက္ကူ စသည့် မြို့များ၊ တိုင်းရင်း သားလူနည်းစု တော်လှန်ရေးတပ်များ ကြီးစိုးရာ တောင်တန်းဒေသများ ဖြစ်သည့် အနောက်ဘက်မှ ချင်းပြည်နယ်၊ မြောက်ဘက်မှ ကချင်ပြည်နယ် စသည့်ဒေသများကို ချိတ်ဆက်ထားသော အဓိက ကားလမ်း၊ ရေလမ်း ဆက်သွယ်ရေး လမ်းကြောင်း များတစ်လျှောက်မြို့နယ်များတွင် ဖြစ်ပွားနေခြင်းဖြစ် သည်။

ဤဒေသအတွင်း နေ့စဉ် အပြန်အလှန် အင်အားသုံး လက်တုံ့ပြန်နေသည့် တိုက်ပွဲ ကြီး၊ ငယ်များမှာ ဟိုတစ်ခု ဒီတစ်ခု နေရာကွက်၍ ပေါ်ပေါက်နေခြင်း ဖြစ်သည့်အလျောက် စစ်ရေးအကျိုးဆက် ရလဒ်ကို သီးခြား ခွဲထုတ်ဖော်ပြရန် မလွယ်ကူပေ။

မြန်မာစစ်တပ်သည် မြို့နယ်ဌာနချုပ်နှင့် အဓိက စစ်တိုင်းများကို အခြေပြု၍ ပီဒီအက်ဖ် ထောက်ခံသည်ဟု ယူဆရသည့် ကျေးရွာများကို အပြစ်ပေးသည့်အနေဖြင့် အကြိမ်ကြိမ် အပြင်းအထန် စီးနင်းတိုက် ခိုက်ခြင်း၊ အရပ်သားများအား ဖမ်းဆီး သတ်ဖြတ်ခြင်း၊ တော်လှန်ရေးသမားများနှင့် ပတ်သက်သော နေအိမ်များအား မီးရှို့ခြင်းများကို လုပ်ဆောင်လျက်ရှိသည်။

အဆိုပါ အကြမ်းဖက် စစ်ဆင်ရေးအများစုကို (မြန်မာကြည်းတပ်ဖွဲ့စည်းပုံအရ တပ်ဖွဲ့ဝင် ၅၀ မှ ၁၀၀ အကြား ရှိသော) တပ်ခွဲစစ်ကြောင်းများက လုပ်ဆောင်ကြပြီး ထိုစစ်ဆင်ရေးများတွင် စစ်မှု ထမ်းဟောင်းများ၊ သဘောထားတင်းမာသော အမျိုးသားရေးဝါဒီများ၊ လွှတ်တော်၌ စစ်တပ်ကို ကိုယ်စားပြုသော ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ အမာခံများ စသည်တို့နှင့် ဖွဲ့စည်းထားသည့် ပျူစောထီးဟုခေါ်သော ဒေသခံပြည်သူစစ်များကို ကြိမ်ဖန်များစွာ အသုံးချနေကြောင်း တွေ့ရသည်။

မြန်မာစစ်တပ်သည် ရံဖန်ရံခါ PDF စခန်းများနှင့် တော်လှန်ရေး အင်အားစုများ စုစည်းနေသည့် နေရာများကို ဖော်ထုတ်တွေ့ရှိသည့်အခါ လေယာဉ်၊ ရဟတ်ယာဉ်များပါဝင်သည့် လေကြောင်းချီ တိုက်ခိုက်ရေးတပ်ဖွဲ့များဖြင့် စစ်ရေးလှုပ်ရှားမှုများ ဆောင်ရွက်ကြသည်ကို တွေ့ရသည်။ 

သို့သော် ဟောင်းနွမ်းနေပြီဖြစ်သော ပိုလန်နိုင်ငံထုတ် အမ်အိုင်-၂ နှင့် ၎င်းထက် ပိုမိုခေတ်မီသော ရုရှားထုတ် အမ်အိုင်-၁၇ ပို့ဆောင်ရေး ရဟတ်ယာဉ်အင်အား မလုံလောက်သဖြင့် ခေတ်မီတပ်ဖွဲ့များ၏ သူပုန်နှိမ်နှင်းရေး နည်းဗျူဟာများ ကျင့်သုံးရာတွင် အကန့်အသတ်များ ရှိနေကြောင်းတွေ့ရသည်။

တစ်နိုင်ငံလုံး အတိုင်းအတာအရ ထောက်ပံ့လုပ်ငန်း ၊ သယ်ယူပို့ဆောင်ရေးနှင့် ကယ်ဆယ်ရေးလုပ်ငန်းများ ဆောင်ရွက်ရန် လေတပ်စခန်းများ၌ မောင်းနှင်အသုံးပြုနိုင်သော ရဟတ်ယာဉ်အစီးရေမှာ ၃၀ ပင် မပြည့်ပေ။ 

ထို့ပြင် စုစုပေါင်း ၁၁ စီးသာရှိသည့် ရုရှားလုပ် အမ်အိုင်-၂၄/အမ်အိုင်-၃၅ မြေပြင်တိုက်ခိုက်ရေး ရဟတ် ယာဉ်တပ်ဖွဲ့ကို အားဖြည့်ကူညီရန် အဆိုပါ ပို့ဆောင်ရေး ရဟတ်ယာဉ်များကို တစ်ခါတစ်ရံ အသုံးပြုနေရပြန်သည်။

မြန်မာစစ်တပ်စခန်းများ စစ်ကြောင်းများကို နှောင့်ယှက်ဟန့်တားရန် PDF အားလုံးနီးပါးသည် အရွယ်အမျိုးမျိုး၊ ထိရောက်မှု အဖုံဖုံ ကွဲပြားသည့် လက်လုပ်မိုင်းများကို အဓိက အသုံးပြုကြသည်။ မြန်မာစစ်တပ်ကို တိုက်ရိုက် ရင်ဆိုင် တိုက်ခိုက်နိုင်စွမ်းကို ပစ်အားနှင့် လက်နက်အရေအတွက်အပေါ် မူတည်ခန့်မှန်းနိုင်သည်။

လက်နက်အင်အား ချို့တဲ့အားနည်းသည့် အုပ်စုများမှာ စစ်တပ်၏ စီးနင်းတိုက်ခိုက်မှုကြောင့် အချို့ပျောက်ကွယ် သွားကြသည်များ ရှိသလို အချို့မှာ ထွက်ပြေးတိမ်းရှောင်နေရသော ပြည်သူများအား ကူညီသည့်အလုပ်ကို ပိုမို အာရုံစိုက် လုပ်ကိုင်လာကြသည်ကိုတွေ့ရသည်။  

မတူသည့် အခြားအခြေအနေများတွင် လက်နက်ကောင်းစွာ တပ်ဆင် ထားသော PDF များအနေဖြင့် ထိုးဖောက်ဝင်ရောက်လာသော မြန်မာစစ်တပ်နှင့် ထိတွေ့တိုက်ခိုက်ရာတွင် ယမန်နှစ်က မိနစ်ပိုင်းမျှသာ တောင့်ခံနိုင်ခဲ့သော်လည်း မကြာသေးမီလများအတွင်း နာရီနှင့်ချီအောင် တိုက်ပွဲဆင်နွှဲလာ နိုင်ခဲ့သည်ကို တွေ့ရသည်။ ယင်းမှာ စစ်ပွဲဒိုင်ခွက်တွင် အားသာမှုချိန်ခွင်လျှာ ပြောင်းလဲလာကြောင်း ပြသနေသည့် မြားတံတစ်ခုပင် ဖြစ်သည်။

ရံဖန်ရံခါ စစ်ကောင်စီ တပ်ဖွဲ့ဝင်များသည် ဝိုင်းရံ ပိတ်ဆို့ခံထားရသဖြင့် လေကြောင်းပစ်ကူများ၊ မြေပြင်စစ်ကူများ လိုအပ်သည့် အခြေအနေမျိုးများ ကြုံကြရသည်။ ထိုအခြေအနေများ၌ စေလွှတ်လိုက်သည့် မြေပြင်စစ်ကူများမှာလည်း မကြာခဏ ချုံခိုတိုက်ခိုက်ခြင်း ခံကြရသည်။ 

အဆိုပါ တော်လှန်ရေး အင်အားစုများ၏ အောင်မြင်မှုများကြောင့် အနီးအနားရှိ ကျေးရွာများကို မြန်မာစစ်တပ်က လက်တုံ့ပြန် အကြမ်းဖက်သည့်အတွက် အတောမသတ်နိုင်သည့် အကြမ်းဖက်သံသရာများ အရှိန်မြင့်လာသည်။

ခြောက်သွေ့ရာသီတစ်လျှောက် ဟိုတစ်စဒီတစ်စ အစိတ်စိတ်အမွှာမွှာ ပြန့်ကြဲ ဖြစ်ပွားနေသလို အမြဲ ပြောင်းလဲနေသည့် တိုက်ပွဲများကို ဆန်းစစ်လေ့လာရာတွင် ယေဘုယျ ကောက်ချက် ၄ ခုကို သုံးသပ်တွေ့ရှိရသည်။

 

ပထမအချက်မှာ တော်လှန်ရေးစခန်းများကို မကြာ ခဏ စီးနင်းတိုက်ခိုက်ခြင်း၊ လက်နက်များ သိမ်းပိုက်ရရှိခြင်း တို့ကြောင့် စစ်တပ်သည် ပီဒီအက်ဖ်များ၏ လှုပ်ရှားမှုများကို ပျက်ပြားအောင် ဆောင်ရွက်ရာ၌ အောင်မြင်ခဲ့သည်ဟု ဆိုနိုင်သည်။ သို့သော် ယမန်နှစ်က အကြီးအကျယ် ပြိုလဲခဲ့သည့် အရပ်ဖက်အုပ်ချုပ်ရေးကို ပြန်လည် တည်ဆောက်နိုင်ခြင်း မရှိရုံသာမက ထိုသို့ သိမ်းပိုက်ရရှိသော ဒေသများကို မြန်မာစစ်တပ်က ဆက်လက် ထိန်းချုပ်ထား နိုင်ခြင်းလည်း မရှိခဲ့ပေ။ 

လမ်းမကြီးများပေါ်မှ ပျူစောထီး ပြည်သူ့စစ်အဖွဲ့ဝင် မိသားစုများ ကြီးစိုးနေသည့် လက်တစ်ဆုပ်စာ ကျေးရွာများမှအပ မြန်မာစစ်တပ်သည် လူအင်အား မလုံလောက်မှုနှင့် အကြီးအကျယ် ရင်ဆိုင်နေရပြီး တစ်နိုင်ငံလုံး၌ တပ်စွဲနိုင်ရန် ကြိုးပမ်းရင်း ကုန်းတွင်းပိုင်းဒေသများကိုပါ လက်လွှတ်လာရသည်။

 

လက်တွေ့တွင်လည်း ကုန်းတွင်းပိုင်းရှိ ပဋိပက္ခဖြစ်ရာ မြို့နယ်အများအပြားကို တော်လှန်ရေးတပ်များက ပိုမို ချုပ်ကိုင်လာနိုင်ပြီး အချို့ဒေသများတွင် အမျိုး သား ညီညွတ်ရေး အစိုးရ (အန်ယူဂျီ) အဖွဲ့၏ ငွေကြေး အကူအညီရယူကာ ပြည်သူ့အုပ်ချုပ်ရေးအဖွဲ့ ပုံစံမျိုးဖြင့် ကနဦး စင်ပြိုင်အစိုးရအဆောက် အအုံကို စတင် တည်ဆောက်လာနိုင်ခဲ့သည်။

ဒုတိယအချက်မှာ အရင်းအနှီး ကြီးမားလှသည့် အတွေ့အကြုံ သင်ခန်းစာများမှနေ၍ ပိုမို စုစည်းမှုရှိသော စစ်ရေး တုံ့ပြန်မှုများ စီစဉ် ဆောင်ရွက်လာခြင်း ဖြစ်သည်။ 

မြောက်များစွာသော အုပ်စုငယ်များအကြား ကျစ်လစ်ခိုင်မာသည့် စုစည်းတည်ဆောက်မှု အနည်းငယ်သာရှိသည့် အနေအထားမျိုး တွေ့ရသော်လည်း ယမန်နှစ်ကတည်းက တိုးပွားလာသည့် PDF များ သည် တိုက်ခိုက်ရေးသမား ရာနှင့်ချီ ပါဝင်သည့် အရေးပေါ် မဟာမိတ်အဖွဲ့များကို မကြာခဏ အောင် မြင်စွာ ဖွဲ့စည်းလာနိုင်ကြသည်ကို တွေ့ရသည်။ 

အဆိုပါအပြောင်းအလဲများကို အန်ယူဂျီနှင့် ဆက်နွယ်သော အုပ်စုများတွင်ရော သီးခြား လွတ်လပ်သော အဖွဲ့များတွင်ပါ တွေ့မြင်လာကြရသည်။

နောက်ထပ် အရေးပါသောအဆင့်တခုမှာ ပွင့်လင်းရာသီကာလများအတွင်း တော်လှန်ရေးအင်အားစုများ၏ လက်နက်အင်အား တိုးတက်လာမှုမှာ ငြင်းမရနိုင်သော အချက်တစ်ချက်ဖြစ်ကြောင်း တစ်ဦးချင်းစီ၏ ပြောပြမှုများအရ သိရှိရခြင်း ဖြစ်သည်။ 

သို့သော် မကြာသေးမီက နိုင်ငံတကာ အသိုင်းအဝိုင်းသို့ အန်ယူဂျီ၏ ကာကွယ်ရေး ဝန်ကြီးဌာနမှ တောင်းဆိုခဲ့သည့်အတိုင်း ခေတ်မီလက်နက်များရရှိမှုမှာမူ အလွန်ပင် နည်းပါးနေဆဲ ဖြစ်သည်။

သို့တိုင်အောင်လည်း PDF အများအပြားအတွက်မူ ယမန်နှစ်က အမဲပစ်သေနတ်များသာ ကိုင် ဆောင်ခဲ့ရသည်မှ ယခုအခါသိမ်းပိုက်ရရှိသော တိုက်ခိုက်ရေး မောင်းပြန်ရိုင်ဖယ်များ၊ လက်လုပ်ဒုံးကျည်များ၊ နီးစပ်ရာ တိုင်းရင်းသား လက်နက်ကိုင်ဒေသ၊ အထူးသဖြင့် ကိုယ်ပိုင် လက်နက်ထုတ် လုပ်နိုင်စွမ်းရှိသော ကချင် လွတ်မြောက်ရေးတပ် (ကေအိုင်အေ)ထံမှ ရရှိသော လက်နက်ငယ်များဖြင့် ပိုမို အင်အားတောင့်တင်း လာခဲ့သည်။

PDF အဖွဲ့များက မြန်မာစစ်တပ်စခန်းတည်နေရာများကို အာပီဂျီ ဒုံးကျည်များ၊ ၄၀ မမ လောင်ချာများ၊ ၆၀ မမ မော်တာ များဖြင့် ပတ်ခတ်တိုက်ခိုက်သည့် သတင်းကို မကြာခဏဆိုသလို ကြားလာရသည်။ 

ကင်းစခန်းများ၊ စစ်တပ်အခြေစိုက်စခန်း များပေါ်သို့ ဈေးကွက်တွင် ဝယ်ယူနိုင်သော ဒရုန်းများဖြင့် ဗုံးခွဲ တိုက်ခိုက်သည့် နည်းဗျုဟာများ ပုံမှန်အသုံးပြုလာသည့်အတွက် မြန်မာစစ်တပ်သည် တရုတ် နိုင်ငံထုတ် ဒရုန်းဖျက် လက်နက်များကို လက်လှမ်းမီသည့်နေရာများ၌ တပ်ဖြန့်ချထားလာကြရသည်။

တတိယအချက်မှာ နှစ်ဘက်တိုက်ခိုက်မှု အများစုသည် ကျေးလက်ဒေသ၌သာ ဖြစ်ပွားခဲ့သော်လည်း ပီဒီအက်ဖ်များသည် မိမိရန်သူရှိရာသို့ တစ်စထက်တစ်စ ပို၍ ချဉ်းကပ် တိုက်ခိုက်လာနိုင်သည်ကို တွေ့ရသည်။ 

မကြာသေးမီ ရက်သတ္တပတ်များ အတွင်း ပုလဲ၊ ဘုတလင်၊ ပင်လည်ဘူး ကဲ့သို့ အားပြိုင်နေသည့် မြို့နယ်များရှိ ရဲစခန်းများ၊ စစ်စခန်းများအား တိုက်ခိုက်မှုများအပြင် မုံရွာအခြေစိုက် အနောက်မြောက်တိုင်း စစ်ဌာနချုပ် နှင့် ပခုက္ကူမြို့အခြေစိုက် အမှတ် ၁၀၁ ခြေမြန်တပ်ရင်းများကိုပါ တိုက်ခိုက်နိုင်လာသည်ကို တွေ့မြင်လာရသည်။

နောက်ဆုံးအချက်အနေဖြင့် ဧပြီနှင့် မေလများတွင် မြန်မာစစ်တပ်၏ နယ်လှည့် စစ်ကြောင်းများနှင့် ပြည်သူ့စစ်များ၏ ရွာလုံးကျွတ် မီးရှို့တိုက်ခိုက်မှုများကို သိသိသာသာ တိုးမြှင့်လာသည်ကို တွေ့ရသည်။ ထိုသို့ ရွာလုံးကျွတ် မီးရှိုတိုက်ခိုက်မှုများကြောင့် ဒေသခံ ရွာသူရွာသားပေါင်းများစွာမှာ နေရပ်စွန့်ခွာ ထွက်ပြေးကြရသည်။ 

ထိုဖြစ်ရပ်များကို ကြည့်လျှင် မြန်မာစစ်တပ်၏ လုပ်ရပ်များသည် ဒေသတွင်း အပြန်အလှန် လက်တုံ့ပြန်ခြင်းထက် ဒေသခံ ရွာသူရွာသားပေါင်းများစွာ နေရပ်စွန့်ခွာ ထွက်ပြေးရန် အဓိက ဗျူဟာအဖြစ် ရည်ရွယ်ချက်ရှိရှိ လုပ်ဆောင်နေခြင်းလား ဟု မေးခွန်းထုတ်စရာ ဖြစ်လာသည့် အခြေအနေဖြစ်သည်။

မြန်မာစစ်တပ်က ကျေးရွာများကို မီးရှိုဖျက်ဆီးရာတွင် တိုက်အိမ်များပါမကျန် လောင်ကျွမ်းပျက်စီးစေရန် ဓာတ်ဆီကို တမင်အသုံးပြုသည် ဟူသော သတင်းများအရ ခုခံတော်လှန်စစ် အားကောင်းသည့် ဒေသများ၌ အခြားကျေးရွာများက အားပေးကူညီနေများကို ဟန့်တားရန်အတွက်သာမက ပီဒီအက်ဖ်များအား ထောက်ပို့ နှင့် စည်းရုံးရေး အခက်အခဲ ဝန်ထုတ်ဝန်ပိုးများ ကြီးမားစေရန် အလုံးစုံ မီးရှို့ မြေလှန်ဖျက်စီးသည့် မူကို မြန်မာစစ်တပ်က စနစ်တကျ ကျင့်သုံးခဲ့သည်ဟု ယူဆနိုင်ဖွယ်ရှိသည်။

လာမည့်မိုးရာသီသည် နှစ်ဖက်စလုံး၏ ဆက်လက် ရပ်တည်ရှင်သန်ရေးအတွက် အရေးအကြီးဆုံး အနေ အထား ဖြစ်နေသောကြောင့် အပြန်အလှန် တိုက်ခိုက်နေမှုများ ရပ်တန့်သွားနိုင်ခြေ အလား အလာ အလွန်နည်းပါးသည်။ 

 

သို့သော် ရွှံ့နွံများဖြင့် ဗွက်ပေါက်ကုန်မည့် ကျေး လက်မြေလမ်းများနှင့် မိုးတိမ်နိမ့်များက မြန်မာစစ်တပ်၏ လေကြောင်း တိုက်ခိုက်မှုများကို အဟန့်အတား ဖြစ်စေမည့်အတွက် ရှေ့လာမည့်လများ၌ မြန်မာစစ်တပ်၏ စစ်ဆင်ရေးများအပေါ် ထိခိုက်မှုများ ရှိလာမည်မှာ သေချာသည်။ 

ယမန်နှစ် ယခုလို မိုးရာသီကာလတွင် စတင် အားယူပေါက်ဖွားခဲ့ကြသည့် ပြောက်ကျားအင်အားစုများ သည် ယခုအချိန်တွင် အထိုက်အလျောက် အင်အားခိုင်မာလာပြီ ဖြစ်သည့်အတွက် အထက်ပါ အခြေ အနေများက ၄င်းတို့အတွက် အားသာချက်များ ရှိလာစေမည် ဖြစ်သည်။

မိုးရာသီတွင် စစ်အစိုးရ၏ စစ်ဆင်ရေး ခရီးပေါက်မှု အတိုင်းအတာ လျော့နည်းကျဆင်းလာမည့် အချက် မှာ သေချာသလောက် နီးပါး ဖြစ်သည်။ 

ကချင်ပြည်နယ်မြောက်ပိုင်းစွန်းမှ ပူတာအိုကဲ့သို သီးခြားအကာအကွယ်မဲ့ တည်ရှိနေသော ခြေကုပ် စခန်းများ အတွက် စစ်တပ်သည် မိုးရာသီ သွားရေးလာရေး ခက်ခဲသည့်အချိန် မရောက်မီ ရိက္ခာပစ္စည်းများ ကြိုတင် ဖြည့်တင်းပေးပို့ထားပြီး ဖြစ်သည်။ 

သို့သော် စစ်တပ်က ယခုနေရာဝင် ယူထားသည့် မြို့နယ်ရဲစခန်းများကဲ့သို့ အခြေစိုက်စခန်းများနှင့် ဝေးကွာပြီး အကာအကွယ်မဲ့ တည်နေရာများ၌မူ စခန်းများကို စွန့်လျှင် စွန့်၊ မစွန့်ပါက စခန်းများ စီးနင်းခံရမည်ဖြစ်သည်။

မေလအတွင်း ရှမ်းပြည်နယ်၊ တောင်ကြီးမြို့ တောင်ဘက် ညောင်ရွှေမြို့နယ်ရှိ မြန်မာစစ်စခန်းတစ်ခုနှင့် ထိုင်းနိုင်ငံ နယ်စပ်အနီးမှ စခန်းကြီးတစ်ခုတို့အား လက်လွှတ်ဆုံးရှုံးခဲ့ရသည့် ဖြစ်ရပ်များကို ကြည့်၍ လူအင်အားနည်းပြီး အကာ အကွယ်မဲ့ဖြစ်နေသော မြန်မာစစ်တပ်စခန်းများတွင် မကြာမီ ကျရောက်လာမည့် အခြေအနေကို ကြိုတင် မှန်းဆ ကြည့်နိုင်သည်။

သီအိုရီအရ ကြည့်လျှင် လာမည့်လများအတွင်း မြန်မာစစ်တပ်၏ ထိန်းချုပ်နိုင်မှု လျော့နည်းလာသည့် အခြေအနေတွင် လူထုတော်လှန်ရေး တပ်ဖွဲ့များမှာ စုစုစည်းစည်းဖြင့် လေ့ကျင့်မှု ကောင်းလာကာ ပိုမို ထိရောက်သည့် ထိုးစစ်များ ဆင်နွှဲလာနိုင်ဖွယ် ရှိသည်ဟု ကောက်ချက်ချနိုင်သည်။ 

တစ်နည်းအားဖြင့် ယခုအချက်သည် အခြားခေတ် သစ် ပြောက်ကျားစစ်ပွဲများက သက်သေထူခဲ့သကဲ့သို့ စစ်ပွဲကို အပြောင်းအလဲဖြစ်စေမည့် အရွေ့တစ်ခု ဖြစ်လာဖွယ် ရှိသည်။

ဟန်ချက်ညီ စစ်ပွဲ

============

မော်စီတုန်းနှင့် ငုယင်ဂီယက်တို့ ရေးသားခဲ့ကြသည့် ပြောက်ကျား တော်လှန်ရေးဆိုင်ရာ ဂန္ထဝင်ကျမ်းများအရ အောင်မြင်သော ကျေးလက်အခြေပြု တော်လှန်မှုတွင် အဆင့် ၃ ဆင့် ရှိသည်။

 

ကနဦးကာလတွင် လက်ရှိ အာဏာရအုပ်စု၏ တိုက် ခိုက်ချေမှုန်းမှုများကို လူထုတော်လှန် ရေးက ဗျူဟာမြောက် တုန့်ပြန်သည့် ခုခံစစ် ဖြစ်သည်။ 

ဒုတိယအဆင့်မှာ ဗျူဟာမြောက် မျှခြေ သို့မဟုတ် ဟန်ချက်ညီအနေအထား ဖြစ်ကာ အဆိုပါ အဆင့်၌ အာဏာရ အုပ်စုသည် ပြန်လည်ထိန်းချုပ်နိုင်သည့် စွမ်းဆောင်ရည် ဆုံးရှုံးလာပြီး အတိုက်အခံအင် အားစုမှာ အာဏာရအုပ်စုကို ဖြုတ်ချရန် စစ်ရေးနှင့် နိုင်ငံရေး အင်အားရင်းမြစ်များ တိုးတက်ဖြစ်ထွန်းအောင် ဆောင်ရွက်လာနိုင်သည့် အနေအထားဖြစ်သည်။

နောက်ဆုံးအဆင့်ဖြစ်သော ဗျူဟာမြောက် တိုက်စစ်တွင် အတိုက်အခံ အင်အားစုတို့မှာ ပြောက်ကျားစစ်ကို မဆင်နွဲတော့ဘဲ အင်အားအရွယ်အစား ပိုမိုကြီးမားသော အမြဲတမ်း တပ်ဖွဲ့ဆန်သည့် အင်အားစုများအဖြစ် တိုက်ပွဲဝင်လာကြပြီး အာဏာရအုပ်စုမှာ တဖြည်းဖြည်းနှင့် နယ်မြေကျုံ့လာပြီး မြို့ကြီးများ၌ ပိတ်မိသွားကြသည်။ 

ပိတ်မိသွားသည့် အာဏာရအုပ်စုက အဓိက ဆက်သွယ်ရေး လမ်းကြောင်းများ ပွင့်နေအောင် ခက်ခက်ခဲခဲ ကြိုးပမ်းနေရသည့် အခြေအနေသို့ ဆိုက်ရောက်သွားကြသည်။

တရုတ်၊ ဗီယက်နမ်၊ ကမ္ဘောဒီးယားနှင့် အခြား တော်လှန်ရေးဇာတ်ခုံများတွင် ဖြစ်ပွါးခဲ့သည့် စစ်ပွဲများ၏ အတွေ့အကြုံများအရ အဆိုပါ အဆင့်များမှာ ရှင်းရှင်းလင်းလင်း ခွဲခြား၍ မရနိုင်ဘဲ မတူညီသော ဒေသအခြေအနေများအပေါ် မူတည်၍ တစ်ခါတစ်ရံ အဆင့်တစ်ခုနှင့် တစ်ခု ထပ်နေတတ်ကြောင်း တွေ့ရသည်။

သို့သော် ဗျူဟာမြောက် မျှခြေအဆင့်တွင် အာဏာရအုပ်စုက မြို့ပြဒေသအား လည်းကောင်း၊ အတိုက် အခံအင်အားတို့က ကျေးလက်ဒေသအား လည်းကောင်း၊ နှစ်ဖက်စလုံးက မိမိတို့ ခြေကုပ်ဒေသများကို ပိုမိုလုံခြုံအောင် အင်အားဖြည့်ရင်း တစ်ဖက်ကလည်း ရန်သူ့စခန်းများကို သွားရောက် တိုက်ခိုက်လေ့ ရှိသဖြင့် ၎င်း ဗျူဟာမြောက် မျှခြေအဆင့်သည် ပုံမှန်အားဖြင့် အရှည်ကြာဆုံးနှင့် အရှုပ်ထွေးဆုံး ကာလ ဖြစ်သည်။

နောက်ဆုံးအဆင့် ဗျူဟာမြောက် ထိုးစစ်သည် အာဏာရအုပ်စု၏ စစ်အင်အားကို အစိတ်စိတ် အမွှာမွှာ ဖြစ်စေပြီး ထိုအစိတ်စိတ်အမွှာမွှာ ပြိုကွဲသည့် ဖြစ်စဉ်ကြောင့် ဖြစ်ပေါ်လာသည့် စိတ်ဓာတ်ရေးရာပိုင်း ဆိုင်ရာ တွန်းအားများကြောင့် အာဏာရအုပ်စုသည် နောက်ဆုံးတွင် အချိန်တိုအတွင်း ပြိုလဲသွားသည်။ 

 

နောက်ဆုံးအဆင့်တွင် နောက်ထပ် တစ်နှစ် သို့မဟုတ် တစ်နှစ်ထက် ပိုကြာကြာ ဆက်လက် စစ်ကစားနေကြရ နိုင်သည်။ သို့မဟုတ် ၁၉၅၉ ခုနှစ် ကျူးဘားနိုင်ငံနှင့် ၂၀၂၁ ခုနှစ် အာဖဂန်နစ္စတန်နိုင်ငံတို့ကဲ့သို့ စစ်ရေးအရ အထီးကျန်ဖြစ်ကာ နိုင်ငံရေးအရလည်း ချွတ်ခြုံကျလာသည့် အာဏာရအုပ်စု၏ စိတ်ဓာတ်ပျက်ပြားလာခြင်းနှင့်အတူ ပြည်နယ်အဆင့် တပ်ဖွဲ့များ လက်နက်ချ၍ သူတို၏ ခေါင်းဆောင်များ ထွက်ပြေးရခြင်းကဲ့သို့ ဖြစ်စဉ်များမှာ ရက်သတ္တပတ် အနည်းငယ်အတွင်း အရှိန်အဟုန် မြင့်မြင့်နှင့် ဖြစ်ပေါ်လာနိုင်သည်။

မြန်မာနိုင်ငံတွင် ဖြစ်ပွါးနေသည့်စစ်ပွဲကို သမိုင်းထဲမှ တော်လှန်ရေးများတွင် ဖြစ်ခဲ့သည့် ဖြစ်ရပ်မှန်များနှင့် ယှဉ်ထိုးလေ့လာရလျှင် ၂၀၂၂ ခုနှစ် မိုးရာသီကာလသည် တော်လှန်ရေးအင်အားစုများအတွက် တစ်နှစ်တာ ခံစစ်ဗျူဟာမှ မျှခြေဗျူဟာသို့ ကူးပြောင်းသည့် ဆုံချက်ကျကာလဟု ဆိုကောင်းဆိုနိုင်ဖွယ်ရှိပြီး ယင်းကာလအတွင်း၌ တော်လှန်ရေးအင်အားစုများ ရှင်သန်ရပ်တည်ရေးနှင့် ပတ်သက်၍ စိတ်ချနိုင်သည့်အခြေအနေရှိလာပြီး တော်လှန်ရေးအင်အားစုများ ကျစ်လစ်ခိုင်မာရေး၊ ဖွံဖြိုးတိုးတက်ရေး တို့ကို နေ့စဉ် ပင်မလုပ်ငန်းစဉ်များအဖြစ် ဆောင်ရွက်ကြမည့်ကာလ ဖြစ်သည်။

အခြားတစ်ဖက်တွင်မူ အာဏာသိမ်းစစ်အုပ်စုတွင် ရင်းမြစ်နည်းပါး ကြပ်တည်းသည့် အခြေအနေကြောင့် ၂၀၂၃ ခုနှစ် ပွင့်လင်းရာသီ၌ ပိုမို ကြီးမား သော အင်အား၊ ပိုကောင်းသည့် နည်းဗျူဟာများ၊ ပိုမြင့်မားသည့် စိတ်ဓာတ်များဖြင့် တစ်နိုင်ငံလုံးမှ အတိုက်အခံများကို တိုက်ကွက်ဖော်၍ ခံစစ်အနေအထားသို့ ပြန်လည်တွန်းပို့နိုင်မည့် အခြေအနေ မြင်ကွင်းမျိုးကို မျှော်လင့်ရန် ခက်ခဲလျက် ရှိသည်။

မြန်မာ့ဗျူဟာမြောက် မျှခြေ ကာလသည် မည်မျှ ကြာမြင့်မည်ကို တိုင်းတာရန် ခဲယဉ်းသည်။ လူအင်အား အကြပ်အတည်းနှင့် စိတ်ဓာတ်ပိုင်း အက်ကြောင်းများ ပေါ်ပေါက်လာသော်ငြား စစ်တပ်သည် အဖွဲ့အစည်းပိုင်းဆိုင်ရာနှင့် လက်နက်အင်အားတွင် သိသိသာသာ ထိမ်းထားဆဲ ဖြစ်သည်။ 

တော်လှန်ရေးအင်အားစုများမှာမူ စည်းရုံးရေး၊ လက်နက်တပ်ဆင်ရေး၊ ပိုမိုကျယ်ပြန့်သည့် ဗျူဟာတစ်ခု ညှိနှိုင်းရေး စသည့် လုပ်ငန်းများကို အလွန်ခက်ခဲပင်ပန်းစွာ ရုန်းကန် ဆောင်ရွက်နေကြရသည်။

ဤအခြေအနေတွင် နယ်စပ်ဒေသများရှိ ကရင်၊ ကချင်၊ ချင်းနှင့် ကယား တိုင်းရင်းသား လူမျိုးစုတပ်ဖွဲ့များ၏ အခန်းကဏ္ဍမှာ အထူးအရေးပါလာမည်ဟု ဆိုနိုင်သည်။ 

ပံ့ပိုးနေသည့် ဗမာ PDF များကို ဆက်လက်ပံ့ပိုးမှုများ သို့မဟုတ် ပိုမို တိုးမြှင့်ထောက်ခံပံ့ပိုးမှုများ၊ အန်ယူဂျီနှင့် ပေါင်းစပ်ညှိနှိုင်းမှုများက ဗျူဟာမြောက် မျှခြေကာလကို များစွာ တိုတောင်း သွားစေနိုင်ပေမည်။

ရခိုင်ပြည်နယ်အနောက်ပိုင်း၌ အားကောင်းသော ရခိုင်တပ်တော် (အေအေ)နှင့် စစ်အစိုးရအကြား ခပ်တည်းတည်းသာ ကျန်ရှိသည့် လက်ရှိ အပစ်အခတ်ရပ်စဲမှု ပျက်ပြားသွားမည်ဆိုပါက နောက်ထပ် စစ်မျက်နှာတစ်ခု ဖွင့်လှစ်ရပြီး နိုင်ငံ၏ အရေးပါ သော့ချက်ဗဟိုကျသည့် ဒေသအခြေအနေများ ပိုမို ရှုပ်ထွေးကာ မူလကတည်းက ဝန်နှင့်အား မမျှမတဖြစ်နေသည့် နေပြည်တော်၏ အခြေအနေကို ပိုမိုဆိုးဝါးလာစေမည်ဖြစ်သဖြင့် ဤအချက်က စစ်ပွဲ၏ အဆုံး အဖြတ်တစ်ခု ဖြစ်ကောင်း ဖြစ်သွားနိုင်ပေသည်။

အခြားတစ်ဖက်တွင်လည်း ဆယ်စုနှစ်များစွာ သွေးခွဲရေးဗျူဟာဖြင့် မိမိအာဏာ ခိုင်မြဲရေးအတွက် ဆောင်ရွက်ခဲ့သော စစ်တပ်၏ ငြိမ်းချမ်းရေး ကမ်းလှမ်းမှုများကို အစဉ်အလာအားဖြင့် အုပ်စုကွဲနေသော တိုင်းရင်းသားလက်နက်ကိုင် အင်အားစုများက အပေးအယူဖြင့် လက်ခံလိုမှု ရှိ/မရှိ အပေါ်မူတည်၍ မလိုလားအပ်သော ဆန့်ကျင်ဘက် အကျိုးဆက်များ ဖြစ်ပေါ်ကာ ပဋိပက္ခကို နှစ်ပေါင်းများစွာ ပိုမို ရှည်ကြာသွားစေနိုင်သည်။

မည်သို့ပင်ဆိုစေ လာမည့်လများအတွင်း ပြောင်းလဲလာမည့် စစ်ပွဲ အခြေအနေများမှာ နိုင်ငံတကာ အသိုင်းအဝိုင်းက လျစ်လျူရှုပြီး ပယ်ချထားခဲ့သည့် ဖြစ်နိုင်ချေ အလားအလာတစ်ခုကို အထင်အရှား ပေါ်ပေါက် လာစေလိမ့်မည် ဖြစ်သည်။ 

ထိုဖြစ်နိုင်ချေအလားအလာမှာ “ နောက်ဆုံးတွင် မြန်မာစစ်တပ်သည် မည်သည့်နည်းနှင့်မျှ မပြိုလဲနိုင်လောက်အောင် အင်အားကြီးမားသည် ဆိုသည့်အချက် မှားယွင်းကြောင်း အထင်အရှား ပေါ်လာသည့် အခြေအနေ ရောက်သွားခြင်း ဖြစ်ပေသည်။

(ယခုဆောင်းပါးသည် Asia Times တွင် ဖော်ပြထားသည့် စာရေးသူ Anthony Davis ၏ Is Myanmar’s military starting to lose the war? ဆောင်းပါးကို ဆီလျှော်အောင် ဘာသာပြန်ဆို ထားဖြင်း ဖြစ်ပါသည်)

Crd:Khit Thit Media

မရေးချင်သောသတင်တပုဒ်။

 မရေးချင်သော သတင်းတပုဒ်

*****************

လက်ရှိတွင် မင်းအောင်လှိုင်သည် "သေရင်မြေကြီး ရှင်လျင် ရွှေထီး" ထုံးကို နှလုံးမူကာ ၎င်းအာဏာ တည်မြဲရေး အတွက် ပြည်သူတို့၏ ခုခံ တွန်းလှန်စစ်အား နောက်တကြိမ် ပြန်မလှန်ရဲအောင် ကျုပင်ခုတ် ကျုငုတ်မကျန် ရှင်းလင်းပစ်မည်ဟု အလွယ်‌တွေး ကာ ကျဆုံးလုဆဲဆဲ ခေါင်းဆောင်တဦး၏ ဂမူးရှူးထိုး ကြံစည်လာသည့် လုပ်ရပ်ဟု ဆိုရမည်သာ ဖြစ်သည်။

ယင်း၏ ပြယုဒ် အဖြစ် ပြည်သူ့လွှတ်တော် ကိုယ်စားလှယ် ဦးဖြိုးဇေယျာသော် နှင့် ၈၈ မျိုးဆက် ကျောင်းသား ခေါင်းဆောင် ကိုဂျင်မီ တို့အား တရားရုံးမှ ချမှတ်ထားသော သေဒဏ်ကို စစ်ကောင်စီ က အတည်ပြုလိုက်ပြီလို့ ဇော်မင်းထွန်း က RFA ကို ပြောလိုက်သော သတင်းက အထင်အရှား ပြဆိုလိုက်ပြီ ဖြစ်သည်။

ထိုကဲ့သို့ ကမ္ဘာသိ ထင်ရှားကျော်ကြားသူ နှစ်ဦး အပေါ် ထိုသို့ ကျုးလွန်ရန် အထိ ကြံစည်နေခြင်းကပင် ၎င်းတို့ အရေးနိမ့်လာနေပြီကို သွယ်ဝိုက်ဝန်ခံလိုက်ခြင်း ဖြစ်ပေတော့သည်။

သေဒဏ်ကို ချမှတ်သူ၊ နောက်ဆုံး အတည်ပြုရသူများသည် ၎င်းတို့ လက်ချက်ဖြင့် အပြစ်မဲ့မှန်း သိသိကြီးနှင့် လူတယောက်ကို သတ်လိုက်သလို ဖြစ်သွားမည့် အရေးကို ဗုဒ္ဓဘာသာဝင်များ ပီပီ လွန်စွာတုန်လှုပ်ကြသဖြင့် ကွပ်မျက်သည် အထိ ရောက်မလာခဲ့သည်မှာ ဗိုလ်နေဝင်း လက်ထက် နိုင်ငံရေး ဖက်တွင် ရန်ကုန် တက္ကသိုလ် ကျောင်းသား ခေါင်းဆောင် ဆလိုင်းတင်မောင်ဦးအား ကြိုးပေးခဲ့ခြင်းက နောက်ဆုံး ဖြစ်လာခဲ့သည်။

ယခုအခါ စစ်ကောင်စီ သည် တိုင်းပြည်အတွက် အာဇာနည်များကို မွေးထုတ်ပေးတော့မည် ဖြစ်သည်။

ဦးဖြိုးဇေယျာသော် နှင့် ကိုဂျင်မီ တို့ နှစ်ဦးအား ပြီးခဲ့သည့် ဇန်နဝါရီ ၂၁ ရက် က သေဒဏ်ချမှတ်ခဲ့ပြီး အယူခံ အဆင့်ဆင့်ကို လေးလ အတွင်း ဆုံးဖြတ် ပယ်ချ ခဲ့ပြီး အတည်ပြု လိုက်ခြင်းအား အငြိုး နှင့် သတ်ဖြတ်ခြင်းဟု မဆိုက အဘယ်သို့ ဆိုပေမည်နည်း။

၎င်းတို့ကဲ့သို့ လူထု ရွေးကောက်တင်မြှောက်သည့် အစိုးရမျိုး မဟုတ်ပဲ အာဏာသိမ်းသည့် အဖွဲ့က ထိုသို့ လုပ်ပိုင်ခွင့် လားလားမျှ မရှိပေ။

ထိုသို့ တရားမဝင် ဥပဒေ နှင့် အညီ မဟုတ်ပဲ ကွပ်မျက် ခြင်းကို ကျုးလွန်သည်များသည်လည်း တူညီသော အကျိုး ပေး မည်သာ ဖြစ်သည်။

မင်းအောင်လှိုင်သာ စဉ်းစားတတ်မည်ဆိုလျှင် သူ၏ လုပ်ရပ်သည် လွန်စွာ အန္တရာယ်များလှပြီး ရမည့် အကျိူး နှင့် မကာမိဆိုသည်ကို အလွယ်တကူပင် သိရှိ နိုင်မည်သာ ဖြစ်သည်။ ၎င်းအားလည်း နိုင်ငံတကာ ကျင့်သုံးနေသော ဉပ‌ဒေ လုပ်ထုံးလုပ်နည်းများကို

လစ်လျုရှုသည်အထိ တိုင်းပြည်ကို ဘယ်ပုံဘယ်နည်း အုပ်ချုပ်ရမှန်း မသိသူ အဖြစ် အလွယ်တကူ ကောက်ချက်ချ ခံရမည့် အရေးကို လက်ငင်းကြုံရတော့မည်သာ ဖြစ်သည်။

ယခု လုပ်ရပ်သည် ၎င်းတို့အား ဆန့်ကျင်တော်လှန်နေသည့် မီးပုံကြီးအား ဓါတ်ဆီလောင်းပေးလိုက်ခြင်း ဖြစ်သည်ဟု လူ့အခွင့်အရေး စောင့်ကြည့်ရေး အဖွဲ့ လက်ထောက် ဒါရိုက်တာ ဖီလ် ရောဘတ်ဆန်က မှတ်ချက်ချလိုက်သည်။

ထို့အပြင် ၎င်းတို့၏ ရက်စက်ကြမ်းကြုပ်စွာ အုပ်ချုပ်နေမှု အားလည်း ကမ္ဘာကြီးက မေ့လျော့သွားမည်ဆို၍ အလိုက်သိစွာ မီးမောင်းထိုးပြလိုက်ခြင်းပင် ဖြစ်သည်။

အမေရိကန် တွင်လည်း သေဒဏ်ဆိုသည်က ရှိပြီးသားပင် သို့သော် သူ့သည် တကယ်ပဲ ပြစ်မှု ကျုးလွန်ခဲ့ခြင်း ရှိမရှိ၊ သူ့အား အပြစ်မရှိကြောင်း ပြဆိုနိုင်မည့် သက်သေအထောက်အထားများ ထွက်ပေါ်လာနိုင်ခြင်း ရှိမရှိအစရှိသည့် ဥပဒေ တိုက်ပွဲကြီးကို တရားခံ အကျိုးဆောင်များ နှင့် နှစ်ပေါင်းများစွာ ဆင်နွှဲပြီးမှ သေချာပြီဆိုကာ ကွပ်မျက်ခြင်း ဖြစ်သည်။ 

ဧရာဝတီက ရန်ကုန် မြိုလယ်ခေါင် ဗုံးပေါက်ကွဲမှု ဖြစ်စဉ်သည် ကုလ အထူးသံတမန် ရောက်လာခါနီး အချိန် နှင့် တိုက်ဆိုင်နေပြီး ယခင် CNN သတင်းထောက် ကလာရီဆာ ဝပ် ရောက်ရှိနေချိန်တွင်လည်း ဆူပူ အကြမ်းဖက်သမားများ၏ လက်ချက် ဟု ဆိုကာ စစ်တပ်ပိုင် ရှောပင်းမော နှစ်ခု တွင် မီးလောင်မှု ဖြစ်ပွားခဲ့သည် နှင့် နှိုင်းယှဉ်ပြခဲ့သည်။

အမျိုးသား ညီညွတ်ရေး အစိုးရ ကာကွယ်ရေး ဝန်ကြီး ဦးရည်မွန် နှင့် ပြည်သူ့ကာကွယ်‌ ရေး တပ်မတော် ရန်ကုန်တိုင်း စစ်ဌာချုပ် တာဝန်ရှိသူများကလည်း အဆိုပါ ဖြစ်ရပ်အပေါ် ပြင်းပြင်းထန်ထန် ငြင်းဆိုသွားခဲ့သည်။

စစ်တပ်သည် နိုင်ငံတော် အတိုင်ပင်ခံကိုပင် အကျင့်ပျက် ခြစားသည် ဆိုကာ လီဆယ် အမှုဆင် ခဲ့ချိန်မှစ၍ ၎င်းတို့၏ စကားကို မည်သူမျှ အယုံအကြည်မရှိတော့သည့် အဖြစ် နှင့် ရင်ဆိုင်နေခဲ့ရပြီ ဖြစ်သည်။

တနိုင်ငံလုံး ‌သောင်ပြိုကမ်းပြို မဲပေး အနိုင်ရခဲ့သည်ကို မူလတန်းကျောင်းသား အရွယ်ပင် သိရှိနိုင်သည့် ဖြစ်ရပ်အား နိုင်ငံတော် အတိုင်ပင်ခံမှ မသမာမှု ကျူးလွန်‌ ‌သောကြောင့် ဖြစ်သည် ဆိုသော စွဲချက်ဖြင့် ရုံးတင်စစ်ဆေးသွားမည်ဟု ဆိုလာပြီ ဖြစ်သည်။

အကြမ်းဖက် စစ်အုပ်စုသည် ကုလ အထူး သံတမန်အား အာဆီယံ၏ ဖိအားကြောင့် ပြည်ဝင်ခွင့် ပြုလာရသော်လည်း NLD အပါအဝင် ဒေါ်အောင်ဆန်းစုကြည် နှင့် တွေ့ခွင့်ပေးရေး၊ စေ့ဆပ်ညှိနှိုင်းရေး များသည် မည်သို့မျှ မဖြစ်နိုင်ဆိုသော အကြောင်းပြချက် ပေးနိုင်အောင် လမ်းခင်းနေသည့် လုပ်ရပ်များသာ ဖြစ်သည်။

အကြမ်းဖက် စစ်အုပ်စုသည် လက်တွေ့ဖြစ်ရပ်များနှင့် ကင်းကွာပြီး အကြောင်းမဲ့ ကိုယ့်ကိုကိုယ် ယုံကြည်မှု လွန်ကဲနေသော ခေါင်းဆောင်ဆိုသူ၏ ချောက်ထဲ ဆွဲ ခေါ်ရာ နောက်သို့ မျက်စိမှိတ် လိုက်ပါ နေရသည့် အဖြစ် ရောက်နေရှာပြီ ဖြစ်သည်။

ပြည်သူများကတော့ ၎င်းတို့ လုပ်ကြံ ဖန်တီးနေသည်များကို ကောင်းစွာ သိရှိထားကြသည်နှင့် အမျှ အာရုံ မပြောင်းပဲ နွေဉီးတော်လှန်ရေး ရံပုံငွေ အတွက် ဒါရိုက်တာ ဏကြီး ရိုက်ကူးပြီး သရုပ်ဆောင် ဒေါင်း နှင့် ပိုင်ဖြိုးသူ တို့ ပါဝင် သရုပ်ဆောင်ထားသည့် "နိုင်ငံပျောက်သူ" ရုပ်ရှင် ဇာတ်လမ်းတိုအား အလုအယက် အားပေး ကြည့်ရှုနေကြပြီ ဖြစ်သည်။ အဆိုပါ ဇာတ်လမ်းတိုအား ပဒေသာပင် ယူကျု ချန်နယ်တွင် စတင်ပြသပြီး ၁၂ နာရီ အတွင်းမှာပင် ကြည့်ရှုသူ တသန်းကျော်နှင့် စံချိန်တင်သွားခဲ့ပြီ ဖြစ်သည်။ ဇွန်လ ၃ ရက်နေ့ မနက်ပိုင်းတွင် နှစ်သန်း နီးပါး အထိ ရှိလာပြီ ဖြစ်သည်ဟု မဇ္ဇျိမ သတင်းတွင် ဖေါ်ပြထားခဲ့သည်။

https://www.youtube.com/c/PaDayTharPin

ယခုအခါ စာဖတ်နေသူကြီး အပြင် ပန်းချီဆွဲနေသူကြီး တဦးလည်း ပေါ်ပေါက်လာပြီ ဖြစ်သည်၊ ထိုသူက တော့ ယခင် သမ္မ‌တဟောင်းး သိန်းစိန် ပင် ဖြစ်သည်၊ တနိုင်ငံလုံး ဒုက္ခ ပင်လယ်ဝေနေချိန်တွင် ထို အဖြစ်ကို လစ်လျုရှုနေသူများဟု ‌ဧရာဝတီက ရေးသားလာသည်။ သိန်းစိန်၏ လက်ထောက် အဖြစ် အမှုထမ်းခဲ့သူ အောင်ပိုင်မင်းအား အိမ်သို့ ဖိတ်ပြီး သူ ရေးဆွဲခဲ့သည့် ပန်းချီကားများ ထုတ်ပြသည့် ပုံများက အောင်ပိုင်မင်း၏ ဖေ့စ်ဘုတ်မှ တဆင့် ထွက်ပေါ်လာခဲ့သည်။

ထပ်၍ ရှင်းအောင် ပြောရမည်ဆိုလျှင် ယခုလို 

ဦးဖြိုးဇေယျာသော် နှင့် ကိုဂျင်မီ တို့ နှစ်ဦးအား ကြိုးပေး သတ်ဖြတ်ရန်ထိ မိုက်မဲစွာ ကြံစည်လာခြင်းကပင် ၎င်းတို့ အခြေမနေ မကောင်းတော့၊ တခုခု ထပ်လုပ်ပြီး ကြောက်အောင်‌ ခြောက်မှ ဖြစ်မည်ဟု ယူဆလာကြခြင်းပင် ဖြစ်သည် ကို သိရှိထားဖို့ လိုပေသည်။

ပြည်သူတို့၏ တရားသော ခုခံစစ် မုချအောင်ရမည်!!!

ရုရှားပြန်ဗိုလ်ကြီးတဲ့ ကြည့်လိုက်ပါဦး

 ရုရှားပြန်ဗိုလ်ကြီး ကျော်ဇင်လတ် သထုံတိုက်ပွဲတွင်အရှင်ဖမ်းမိ။

လောက်ကိုင်တွင် စစ်တပ်နှင့်ရဲမှ့ လူငယ်ရှစ်ဦးအားညင်းပန်းနိက်စက်သည့် ရုပ်သံထွက်ပေါ်လာ

 

ဒီနေ့ ဖရူဆိုဘက်မှာစစ်ခွေးအများပြား ဒွမ်

 

မြန်မာ့အရေးအာဆီယံအထူးကိုယ်စလှယ်

 #မင်းအောင်လှိုင်_အချောင်ရမလားလို့ပါ

DVB | 2 June, 2022

ကုလသမဂ္ဂ အတွင်းရေးမှူးချုပ်ရဲ့ အထူးကိုယ်စားလှယ် ဒေါက်တာနိုလင်းဟေဇာဟာ မကြာမီ မြန်မာနိုင်ငံ လာရောက်ဖို့ ရှိတယ်တဲ့။ မကြာခင်ဆိုတော့ ဇွန်လထဲမှာ ရောက်လာမယ်ပေါ့။ မြန်မာ့အရေး အာဆီယံအထူးကိုယ်စားလှယ် ပရက်ဆော့ခွန်းလို မင်းအောင်လှိုင်နဲ့တွေ့၊ မင်းအောင်လှိုင်တွေ့ခိုင်းတဲ့လူနဲ့တွေ့၊ ပြီးတော့ မြန်မာ့အရေးဟာ ရှုပ်ထွေးနက်နဲတာမို့ တဆင့်ချင်း ဖြည်းဖြည်းသွားရမှာလိုလို၊ သူ့ခရီးစဉ်ကနေ ဖြစ်ပေါ်တိုးတက်မှုအသစ် ရခဲ့တာလိုလိုနဲ့ ဒီနေ့ထိတိုင် လက်ဆုပ်လက်ကိုင်ပြစရာ ဘာမှမရှိတာမျိုးတော့ မဟုတ်လောက်ဘူးလို့ မျှော်လင့်ရပါတယ်။

ဒါဆို ဒေါက်တာနိုလင်းဟေဇာရဲ့ ခရီးစဉ်ဟာ သူ တွေ့ချင်တဲ့လူတွေနဲ့ တွေ့ဆုံခွင့်ရမယ့် ခရီးစဉ်မျိုးလား ဆိုတော့လည်း ဘယ်ဟုတ်မလဲ။ အထူးသဖြင့် သမ္မတဦးဝင်းမြင့်၊ ဒေါ်အောင်ဆန်းစုကြည်တို့နဲ့ တွေ့ခွင့်ရနိုင်မလားဆိုတာ အခုချိန်ထိ စာမလာ သတင်းမကြား။ စစ်အုပ်စုက အမှုရင်ဆိုင်နေဆဲလူတွေနဲ့ တွေ့ခွင့်မပြုနိုင်ဘူးလို့ ထပ်ခါတလဲလဲ ပြောနေတာဆိုတော့ တွေ့ခွင့်မပြုနိုင်ဘူးဆိုတဲ့ဘက် များပါတယ်။

စစ်အုပ်စုက ဒေါ်အောင်ဆန်းစုကြည်ကို ကြောက်ရတယ်။ အထူးသဖြင့် မင်းအောင်လှိုင်က ဒေါ်အောင်ဆန်းစုကြည်ကို နောင်ဘဝထိတိုင် သူဘယ်လိုမှ ယှဉ်လို့မရတဲ့ လူတယောက်အဖြစ် သိရှိ မနာလိုစိတ်ကြီးခဲ့ရသူ။ ဒေါ်အောင်ဆန်းစုကြည်က လူထုထောက်ခံမှုနဲ့ တိုင်းပြည်ခေါင်းဆောင်နေရာ ရောက်လာခဲ့ပြီး မင်းအောင်လှိုင်ကျတော့ သေနတ်အားကိုးနဲ့ ဒီလောက် သတ်ဖြတ်နေတာတောင် ခွေးကတက်ကနေ ဆက်မတက်နိုင်တဲ့ ဘဝပေးမို့ ပိုနာကျင် ပိုအသည်းခိုက်ရတယ်။

ပြီးတော့ ဒေါ်အောင်ဆန်းစုကြည်ဆိုတာက သူ့လို မနေ့တနေ့က သန်းရွှေကောင်းမှုနဲ့ ကာချုပ်ဖြစ်လာပြီးမှ လူလေး ဘာလေး နည်းနည်းပါးပါး သိလာတာမျိုး မဟုတ်ရုံတင်မက ကမ္ဘာ့အဆင့်ခေါင်းဆောင်တဦးမှန်း လက်မခံချင်ပေမဲ့ လက်ခံထားရလေတော့ ဒေါ်အောင်ဆန်းစုကြည် စကားတခွန်းရဲ့ သက်ရောက်မှု အတိုင်းအဆ သိပ်ကြီးနိုင်တယ်ဆိုတာလည်း ထည့်တွက်ရတယ်။

မင်းအောင်လှိုင်ဆိုတာက မဟုတ်ပေါင်းများစွာတွေနဲ့ အာဏာသိမ်းခဲ့တဲ့သူ။ သမ္မတ၊ ဒေါ်အောင်ဆန်းစုကြည်နဲ့ သူတို့ စစ်အုပ်စုခေါင်းဆောင်တွေလောက်သာ သိတဲ့ အာဏာသိမ်းခြင်းနဲ့ ပတ်သက်တဲ့ မင်းအောင်လှိုင်ရဲ့ အရှုပ်ထုပ်တွေကို တန်းစီဖွင့်ချလိုက်ရင် မင်းအောင်လှိုင် ဘယ်လိုထပ်ရှင်းမလဲ။ နဂိုကတည်းက ဒေါ်အောင်ဆန်းစုကြည်ကို ကြောက်ရတဲ့ မင်းအောင်လှိုင် အခု ပိုကြောက်နေရတဲ့ဘဝ။ သေချာတာက ဒေါ်အောင်ဆန်းစုကြည်နဲ့ နိုလင်းဟေဇာကို တွေ့ဆုံခွင့်ပေးလိုက်ခြင်းဟာ နေကောင်းလား၊ ကျန်းမာလားလောက်နဲ့ ပြီးခိုင်းလို့ မရတာပါပဲ။

ပြီးတော့ မင်းအောင်လှိုင်ရဲ့ အခိုင်မာဆုံး သန္နိဋ္ဌာန်က ဒေါ်အောင်ဆန်းစုကြည်၊ NLD၊ NUG နဲ့ သူ့ဩဇာမခံတဲ့ မြန်မာ့နိုင်ငံရေးအင်အားစု အားလုံးကို မြန်မာ့နိုင်ငံရေးထဲ လုံးဝခြေချခွင့်မရရေး ဖြစ်တယ်။ မင်းအောင်လှိုင်ရဲ့ စစ်ရေးစွမ်းဆောင်ရည်က လက်လုပ်သေနတ်ကို ထိပ်တိုက်ရင်မဆိုင်နိုင်လို့ လေယာဉ်ပစ်ကူယူရတဲ့ အခြေအနေ။ မင်းအောင်လှိုင် အတွေ့အကြုံများစွာ ရှိလှပါတယ်ဆိုတဲ့ စီမံခန့်ခွဲမှုကလည်း ငှက်ပျောသီးစိုက်မယ်၊ လျှပ်စစ်ရထားပြေးမယ် ဆိုတာနဲ့ ၆ လကျော်ကာလအတွင်း တိုင်းပြည်စီးပွားရေး ထိုးဆင်းသွားလိုက်တာ ငရဲထဲရောက်တဲ့ထိတိုင်။ မင်းအောင်လှိုင်ရဲ့ နိုင်ငံရေးစွမ်းရည်ကို ကြည့်ပြန်တော့ မူလတန်းကလေးတွေတောင် မင်းအောင်လှိုင်ဆို ဆဲလိုက်မယ်ဆိုတာချည်း။

အဲဒီလို ဘာကြည့်ကြည့် ဒေါင်ဒေါင်မြည် ချည့်နဲ့လွန်းလှလေတော့ မြန်မာ့နိုင်ငံရေးထဲ လူစွာတက်လုပ်ဖို့ ဆိုတာက စွာနိုင်မယ်ထင်ရတဲ့ နိုင်ငံရေးသမားတင်မက ပြည်သူတွေကိုပါ ရှင်းထားနိုင်မှ တော်ရုံကျမယ့် အနေအထား။ မင်းအောင်လှိုင် ပြောနေတဲ့ ၂၀၂၃ ခုနှစ် ရွေးကောက်ပွဲကို စွာနိုင်သမျှ အကုန်ရှင်းပြီး သူ့ဩဇာခံတွေနဲ့သာ ရွေးကောက်ပွဲကျင်းပလိုခြင်း ဖြစ်တယ်။ အဲဒီ ၂၀၂၃ ရွေးကောက်ပွဲကနေတဆင့် ပြည်သူရွေးချယ်ခံ သမ္မတအဖြစ် သူ့ကိုယ်သူ ခေါင်းစဉ်တပ်ကာ တိုင်းပြည်ရဲ့ လိုအပ်ချက်၊ ပြည်သူတွေရဲ့ တောင်းဆိုချက်အရလို့ ဆိုကာ နောက် အနှစ် ၂၀ လောက် သမ္မတမင်းအောင်လှိုင် ဖြစ်ချင်တာ မင်းအောင်လှိုင်ရဲ့ အရူးမီးဝိုင်းအိပ်မက်ပါပဲ။

ဒါကြောင့် မင်းအောင်လှိုင်က အာဆီယံမူ ၅ ရပ်ကို ကိုယ့်နည်းကိုယ့်ဟန် အာဆီယံမူ ၅ ရပ်အဖြစ် လုပ်ချင်တယ်။ ကိုယ့်နည်းကိုယ့်ဟန် အာဆီယံမူ ၅ ရပ်ဆိုတာက အားလုံးပါဝင်တဲ့ တွေ့ဆုံဆွေးနွေး အဖြေရှာရေးနေရာမှာ ကိုယ်ကျိုးစီးပွားအတွက် အပိုးကျိုးတဲ့ တိုင်းရင်းသား လက်နက်ကိုင်တချို့နဲ့ ရင်ဘတ်စည်တီး ငြိမ်းချမ်းရေးစကားတွေ ရေရွတ်။ ပြည်သူတွေရဲ့ အသက်အိုးအိမ်တွေကိုတော့ PDF အကြောင်းပြချက်နဲ့ သတ်ဖြတ်မီးရှို့ အစွမ်းကုန် မြေလှန်ခြင်းတွေနဲ့ ပက်ပက်စက်စက်။

အဲဒီလို ရပ်တည်ချက် ခိုင်မာပြီးသား မင်းအောင်လှိုင်က ဒေါက်တာနိုလင်းဟေဇာကို ဒေါ်အောင်ဆန်းစုကြည်နဲ့ ပေးတွေ့ဖို့ရာ ဖြစ်နိုင်ပါ့မလားလို့ မေးခွန်းထုတ်ရပါမယ်။ ဒါပေမဲ့ ဒေါ်အောင်ဆန်းစုကြည်နဲ့မှ အတွေ့မခံရင် NUG အစိုးရနဲ့ တရားဝင်တွေ့ဆုံတာမျိုးတွေ ဖြစ်လာတော့မှာမို့ ဒေါ်အောင်ဆန်းစုကြည်နဲ့ တွေ့ခွင့်ပေးလိုက်တာက သက်သာရာရမလားလို့လည်း တွေးနိုင်ပါတယ်။

မင်းအောင်လှိုင်အတွက် နောက်ထပ်ပြဿနာတရပ်က သူ့ဘာသာသူ လုပ်ချင်သလို လုပ်မယ်ဆိုတာကို သူ အားကိုးအားထားပြုနေရတဲ့ တရုတ်ကလည်း သဘောမတူခြင်းပါပဲ။ တရုတ်က NLD ပါတီကို လုံးဝဖျက်သိမ်းမှာ သဘောမတူခဲ့ပါဘူး။ ဒါပေမဲ့ ၂၀၂၀ ရွေးကောက်ပွဲရလဒ်ကို ပြန်လည်အတည်ပြုတဲ့ အဆင့်ထိလည်း သဘောတူပုံ မရပါဘူး။ ၂၀၂၂ ဇန်နဝါရီလအတွင်း ကမ္ဘောဒီးယားဝန်ကြီးချုပ် ဟွန်ဆန် မြန်မာနိုင်ငံကအပြန် မင်းအောင်လှိုင် နားသွင်းခဲ့တဲ့ အာဆီယံမူ ၅ ရပ်နဲ့ စစ်ကောင်စီရဲ့ ရှေ့လုပ်ငန်းစဉ် ၅ ရပ် ဆက်စပ်ဖော်ဆောင်ရေးကိုတော့ လက်ခံချင်ပုံပါ။

တရုတ်က ဒေါ်အောင်ဆန်းစုကြည်နဲ့ တွေ့ဆုံဆွေးနွေးစေချင်ပုံ ရပါတယ်။ ဘာအတွက် တွေ့ဆုံဆွေးနွေးစေချင်တာလဲဆိုတော့ မင်းအောင်လှိုင် လုပ်ချင်နေတဲ့ ၂၀၂၃ ရွေးကောက်ပွဲကို ဒေါ်အောင်ဆန်းစုကြည်က အသိအမှတ်ပြုပြီး NLD ပါတီအနေနဲ့ ရွေးကောက်ပွဲဝင်ရေးပဲ ဖြစ်ပါတယ်။ အဲဒါဟာ ကြားကျတဲ့ အဖြေတခု၊ မြန်မာနိုင်ငံ အမြန်ဆုံး တည်ငြိမ်ရေးအတွက် နှစ်ဖက် win-win အဖြေလို့ တရုတ်က တွက်ဆပုံရတယ်။

မြန်မာနိုင်ငံ တည်ငြိမ်ရေးဟာ တရုတ်ရဲ့ အကျိုးစီးပွားနဲ့ ချိတ်ဆက်နေတာမို့ မင်းအောင်လှိုင် အလွန်မှာ ဖက်ဒရယ်ပြဿနာတွေနဲ့ တော်ရုံနဲ့ တည်ငြိမ်နိုင်ပါ့မလားလို့ တရုတ်ဘက်က စိုးရိမ်ပူပန်ပုံရတယ်။ ဒါ့အပြင် စစ်တပ်နဲ့ အရပ်ဘက် အာဏာနှစ်ခွ လွန်ဆွဲနေတဲ့ စစ်တပိုင်း ဒီမိုကရေစီက ဟိုဘက်ဒီဘက် နှစ်ဖက်စလုံးကို တရုတ်တို့ လည်သလို ကစားပြီး အမြတ်ထုတ်နိုင်တာကြောင့်လည်း ဖြစ်ပါတယ်။ ပြီးတော့ အရပ်သားအစိုးရစစ်စစ် ဒီမိုကရေစီခေတ်ကို ရောက်ခဲ့ရင် မြန်မာနိုင်ငံတွင်း အမေရိကန်ဩဇာ ပိုကြီးလာမှာကို မလိုလားတာကြောင့်လည်း ပါပါမယ်။

ဒါပေမဲ့ တရုတ်ဖြစ်ချင်တဲ့ပုံစံကို စစ်အုပ်စုကလည်း မလုပ်ချင်သလို မြန်မာ့ဒီမိုကရေစီအင်အားစု အားလုံးရော မြန်မာပြည်သူတွေကပါ လုံးဝလက်မခံပါဘူး။ ဒီမိုကရေစီအင်အားစုတွေရဲ့ လိုအင်က အနိမ့်ဆုံးအဆင့် အာဆီယံမူ ၅ ရပ်ကို မှန်မှန်ကန်ကန် မြန်မြန်ဆန်ဆန် ဖော်ဆောင်ရေးနဲ့ တိုင်းပြည်တွင်း ဥပဒေမဲ့ လုပ်ရပ်တွေအတွက် မင်းအောင်လှိုင်နဲ့ တာဝန်ရှိသူတွေ တာဝန်ခံရေး ဖြစ်တယ်။

ဆိုတော့ မင်းအောင်လှိုင်အတွက် အကြပ်ရိုက်စရာချည်းပါပဲ။ ဒီကြားထဲ မေလ ၂၈ ရက်နေ့၊ သတင်းစာရှင်းလင်းပွဲမှာ ဘန်ကောက်ရှိ အမေရိကန်သံရုံး ယာယီတာဝန်ခံ Michael Heath က အာဆီယံအနေနဲ့ မြန်မာ့အရေးကို အမြန်ဆုံးအဖြေရှာဖို့ တိုက်တွန်းလိုက်တာကလည်း ပိုအကြပ်ရိုက်စရာပါ။

ဒါ့ကြောင့် အဲဒီအကြပ်ရိုက်စရာတွေကနေ နည်းနည်းဖြစ်ဖြစ် သက်သာရာရမလားဆိုပြီး ဒေါက်တာနိုလင်းဟေဇာကို မြန်မာနိုင်ငံတွင်း ဝင်ခွင့်ပြုလိုက်တာလို့ နားလည်ရတယ်။ ဘာတွေ အမြတ်ထုတ်လို့ ရမလဲ၊ ဘယ်လို ရသလောက် အချိန်ဆွဲရမလဲ။ စစ်အုပ်စုက အဲဒီနှစ်ချက်ကို လုံ့လစိုက်လိမ့်မယ် ထင်တယ်။

ပြောရရင် စစ်အုပ်စုဟာ ခြေတလှမ်း ဆုတ်လိုက်ပုံရပါတယ်။ အလျှော့ပေး တထစ်လျှော့လိုက်တာတော့ မဟုတ်ပါဘူး။ ဒေါက်တာနိုလင်းဟေဇာနဲ့ တွေ့လိုက်ဆုံလိုက် ပုံပြင်တွေပြောလိုက်နဲ့ အာဆီယံမူ ၅ ရပ်ကို ဟိုလိုလိုဒီလိုလိုနဲ့ မျှောလို့ရမလားလို့ ကြိုးစားကြည့်ခြင်းသာ ဖြစ်ပါတယ်။

ထွန်းလင်း

DVB | 2 June, 2022