ဂန့်ဂေါနယ်ထဲကမြင်သားကျေးရွာမှာ စစ်ကောင်စီနဲ့ဒေသကာကွယ်ရေးတပ်တွေကြားပစ်ခတ်မှုတွေဖြစ်
သေဆုံးသူ ၁၀ဦးဝန်းကျင်ရှိပြီး နေအိမ်၁၀လုံးလောက်မီးရှို့ဖျက်ဆီးခံရတယ်လို့ဒေသခံတွေပြောဆို
မကွေးတိုင်းဒေသကြီး၊ ဂန့်ဂေါမြို့နယ်ထဲက မြင်သာကျေးရွာမှာမနေ့ကစက်တင်ဘာ၉ရက်နေ့ကစပြီး စစ်ကောင်စီနဲ့ဒေသကာကွယ်ရေးတပ်တွေကြားအပြန်အလှန်ပစ်ခတ်မှုတွေဖြစ်ခဲ့တယ်လို့ဒေသခံတွေကပြောပါတယ်။
ဒီလိုပစ်ခတ်မှုတွေကြောင့် ဒေသကာကွယ်ရေးတပ်အဖွဲ့တွေအပါအဝင် ရွာသား၁၀ဦးဝန်းကျင်သေဆုံးခဲ့ပြီး နေအိမ် ၁၀လုံးလောက်မီးရှို့ဖျက်စီးခံခဲ့ရတယ်လို့ မြင်သားရွာဒေသခံတွေကပြောပါတယ်။
" မြင်သားရွာမှာအခုလိုပစ်ခတ်မှုဖြစ်တာပထမဆုံးပါပဲ၊ အခုလည်းရွာထဲကဒလန်က ရွာထဲမှာ PDF တွေရှိတယ်ဆိုပြီးခေါ်လာလို့စစ်သားတွေဝင်လာတာ။ရွာထဲမှာက ဒေသလုံခြုံရေးအတွက်ဖွဲ့ထားတဲ့ကလေးတွေပဲရှိတာပါ။
အများဆုံးအသက် ၁၉နှစ်၊၂၀ လေးတွေချည်းပဲ။အခုသေသွားတဲအထဲမှာ ကျွန်မမောင်လေးလည်းပါတယ်။အလောင်းကတော့ ရွာထဲရောအပြင်ရော ၁၁လောင်းလောက်ရှိတယ်။ဒီကနေ့မနက်(စက်တင်ဘာ၁၀ရက်)အထိရွာထဲမှာ မီးရှို့နေတုန်းပဲဆိုတော့ အလောင်းတွေလည်းမကောက်ရဲသေးဘူး။ဘယ်သူမှလည်းမပြန်ရဲသေးဘူး"လို့တိမ်းရှောင်နေရတဲ့မြင်သားရွာဒေသခံတစ်ဦးက ဘီဘီစီကိုပြောပါတယ်။
လက်ရှိမြင်သားကျေးရွာထဲမှာ စစ်ကောင်စီတပ်တွေတပ်စွဲထားဆဲဖြစ်ပြီး ဒီကနေ့မနက်ထိနေအိမ်တွေမီးလောင်နေဆဲဖြစ်တာကြောင့် သက်ကြီးရွယ်အိုတွေနဲ့ကျန်းမာရေးမကောင်းသူတွေကလွဲရင်ရွာသားအားလုံးနီးပါးတိမ်းရှောင်နေရတယ်လို့ ဒေသခံရွာသားတွေကပြောပါတယ်။
ဒါ့အပြင် ပစ်ခတ်သံတွေကြောင့် မြင်သားကျေးရွာအပြင် အနီးအနားရွာတွေဖြစ်တဲ့သာလင်းရွာနဲ့ကျေးရွာတချို့ကပြည်သူတွေလည်းပြောင်းရွှေ့ ဖို့ပြင်ဆင်နေရတယ်လို့ရွာသားတွေကဆိုပါတယ်။
တိမ်းရှောင်နေရတဲ့ရွာသားတွေအနေနဲ့လယ်ယာစိုက်ရင်း ပစ်ခတ်သံတွေကြောင့် ရုတ်တရက်ဘေးလွတ်ရာပြေးခဲ့ရတဲ့အတွက် နေထိုင်ရေးနဲ့စားနပ်ရိက္ခာအခက်အခက်ခဲတွေလည်းရှိနေတယ်လို့ရွာသားတွေကပြောပါတယ်။
ဓါတ်ပုံ- ပေးပို့
ပုံစာ- စက်တင်ဘာ ၉ရက်နဲ့၁၀ရက်နေ့မှာ တွေ့ရတဲ့
မြင်သားရွာမြင်ကွင်း
No comments:
Post a Comment