စစ်အုပ်စုလက်ထက်များတွင်ဖ့စ်ပေါ်ခဲ့သော လုပ်ကြံမူများ

 ကုလသမဂ္ဂဆိုင်ရာ မြန်မာသံအမတ်ကြီး ဦးကျော်မိုးထွန်းကို သတ်ဖြတ်ရန် သို့မဟုတ် ထိခိုက်ဒဏ်ရာ ရအောင်ကြံစည်ခြင်းကို သြဂုတ်လ ပထမပတ်အတွင်းတွင် အမေရိကန် ဖက်ဒရယ်ပြည်ထောင်စု စုံစမ်းစစ်ဆေးရေးဌာန (FBI) က သံသယရှိသူနှစ်ဦးအား ဖမ်းဆီးခြင်းဖြင့် ဖေါ်ထုတ်လိုက်သည်။ ထိုလုပ်ကြံမှုနောက်ကွယ်တွင် စစ်ကောင်စီရှိနေကြောင်း လူအများအပြားက ယုံကြည်ကြသည်။ သို့သော် စစ်ကောင်စီက ၎င်းတို့ပါဝင်ပတ်သက်ခြင်း မရှိကြောင်းပြောသည်။

နိုင်ငံရေးသဘောထားကွဲလွဲသူများ သွေးထွက်သံယို သုတ်သင်ရှင်းလင်းသော အစဉ်အလာသည် မြန်မာနိုင်ငံရေးတွင် အမြစ်တွယ်နေသေးကြောင်း ထိုကြံစည်မှုမှုက သက်သေပြနေသည်။

ကံမကောင်းအကြောင်းမလှသည်မှာ ထိုအစဉ်အလာသည် မြန်မာ့လွတ်လပ်ရေး သူရဲကောင်း ဗိုလ်ချုပ်အောင်ဆန်းနှင့် လုပ်ဖေါ်ကိုင်ဘက်များအား မြန်မာနိုင်ငံ ကိုလိုနီအုပ်ချုပ်ရေးမှ မလွတ်မြောက်မီ တနှစ်အလို ၁၉၄၇ ခုနှစ်တွင် နိုင်ငံရေးပြိုင်ဘက်တဦးက လုပ်ကြံသတ်ဖြတ်ခြင်းဖြင့် စတင်ခဲ့ခြင်းဖြစ်သည်။ ၁၉၆၂ ခုနှစ်တွင် စစ်အာဏာသိမ်းပြီးသောအခါ နောက်ထပ်လုပ်ကြံသတ်ဖြတ်မှု အများအပြားဖြစ်ပေါ်ခဲ့ပြီး ထိုအလေ့အထသည် ယနေ့တိုင် ရှင်သန်ကြီးထွားနေဆဲဖြစ်သည်။ အချို့သော မအောင်မြင်သည့် လုပ်ကြံသတ်ဖြတ်မှုများ အပါအဝင် ထိုလုပ်ကြံသတ်ဖြတ်မှုများကို အနီးကပ်လေ့လာကြည့်ရှုသောအခါ နိုင်ငံရေးပယောဂမကင်းသည့် သတ်ဖြတ်မှုများသည် မြန်မာနိုင်ငံကို စစ်အုပ်ချုပ်ရေးဖြင့် အုပ်ချုပ်သည့် ကာလအတွင်းဖြစ်ကြောင်း တုန်လှုပ်ဖွယ်ပြသနေသည်။ ထိုကိစ္စများကို တစေ့တစောင်းလေ့လာကြည့်ကြမည်။

၁၉၆၂ ခုနှစ်တွင် စစ်အာဏာသိမ်းပြီးနောက် ပထမဦးဆုံးသော လုပ်ကြံသတ်ဖြတ်ရန် ကြိုးစားမှုသည် ၁၉၆၅ ခုနှစ်တွင် ဖြစ်ပွားသည်။ ပစ်မှတ်ထားခံရသူမှာ ဗိုလ်ချုပ်နေဝင်း၏ ကိုယ်ရေးအရာရှိ ဗိုလ်ကြီး ကျော်စွာမြင့်ဖြစ်သည်။ ထိုစစ်ဗိုလ်သည် အာဏာရှင်ထံမှ ထိုင်းသို့ ထွက်ပြေးသည်။ ဗိုလ်ချုပ်နေဝင်းသည် စမတ်ကျသော အသက် ၃၄ နှစ်အရွယ် ခရစ်ယာန် အင်္ဂလိပ်မြန်မာကပြား ထိုစစ်ဗိုလ်ကို လွန်စွာ သဘောကျခဲ့သည်ဟု ဆိုသည်။

စစ်အာဏာရှင်ထံမှ သူ ထွက်ပြေးရသည့်အကြောင်းရင်းကို အမျိုးမျိုးပြောနေကြသည်။ သူသည် ဦးနေဝင်း၏ ဇနီးဒေါ်ခင်မေသန်းနှင့် နီးစပ်လွန်းသောကြောင့်ဟုလည်းပြောကြသည်။ အချို့က သူသည် ဦးနေဝင်း၏ မြန်မာ့ဆိုရှယ်လစ်လမ်းစဉ်ကို မေးခွန်းထုတ်သောကြောင့်ဖြစ်သည်ဟုလည်း အချို့က ဆိုသည်။ (နောင်တွင် ထိုမြန်မာ့ဆိုရှယ်လစ် လမ်းစဉ်သည် နိုင်ငံစီးပွားရေးကို ဖျက်ဆီးလိုက်ကြောင်း သက်သေပြပြီး ဖြစ်သည်။) အချို့ကလည်း သူသည် မြန်မာစစ်ရေးလျှို့ဝှက်ချက်များအား ထိုင်းစစ်သံမှူးသို့ ဒေါ်လာ ၃၅၀၀၀ ဖြင့် ရောင်းချသောကြောင့် ဟုလည်း ဆိုသည်။ နိုင်ငံမှ ခရစ်ယာန်များကို အာဏာရှင်ကဖိနှိပ်သည့်အတွက် သူက ဦးနေဝင်းကို အဆိပ်ခပ်ရန် ကြိုးစားသောကြောင့်ဆိုသည့် ကောလာဟလများလည်း ရှိသည်။

ဗိုလ်ကြီးကျော်စွာမြင့် ထွက်ပြေးလွတ်မြောက်သွားခဲ့ပြီး သူ၏ဆရာသမားက သူ့ကို မည်သည့်နည်းဖြင့်မဆို တွေ့အောင်ရှာရမည်ဟု အမိန့်ထုတ်သည်။ သူထွက်ပြေးသောအခါ သူ့မိသားစုကို ဖမ်းသည်။ ဘန်ကောက်ရှိ စားသောက်ဆိုင်တခုတွင် ဝင်ရောက်စားသောက်နေစဉ် မြန်မာနိုင်ငံမှ စေလွှတ်လိုက်သည့် လူသတ်သမားက သူ့ကို ဓါးဖြင့်ထိုးသော်လည်း ဦးကျော်စွာမြင့်သည် လွတ်မြောက်သွားကြောင်း ဦးနေဝင်း၏ တပည့် စစ်အုပ်စု၏ စီးပွားရေးနှင့် ဥပဒေအတိုင်ပင်ခံ လုပ်ခဲ့သည့် ကြည်ဝင်းစိန်က သူ၏စာအုပ်ဖြစ်သော “ကျနော်နှင့်တော်လှန်ရေးကောင်စီ ဗိုလ်ချုပ်ကြီးများ” စာအုပ်တွင် ရေးသည်။ ဦးကျော်စွာမြင့်သည် နောင်တွင် သြစတြေးလျ၌ ခိုလှုံပြီး အသက် ၄၉ နှစ်အရွယ် ၁၉၈၁ ခုနှစ်တွင် ကင်ဆာရောဂါဖြင့် ကွယ်လွန်သည်။

၁၉၉၃ ခုနှစ်တွင် ပြည်ထောင်စုမြန်မာနိုင်ငံအမျိုးသားညွန့်ပေါင်းအစိုးရ (NCGUB) အမည်ရှိ အဝေးရောက်အစိုးရအဖွဲ့မှ ဦးဝင်းကိုနှင့် ဦးလှဖေတို့ ပြည်ပတွင် သတ်ဖြတ်ခံရသည်။ ဗိုလ်ချုပ်မှူးကြီး သန်းရွှေဦးဆောင်သည့် စစ်အုပ်စုက ၎င်းတို့ ၂ ဦးကို ဝရမ်းပြေးများအဖြစ် ကြေညာထားသည်။

ဦးဝင်းကိုသည် ဒေါ်အောင်ဆန်းစုကြည်၏ အမျိုးသား ဒီမိုကရေစီအဖွဲ့ချုပ် (NLD) မှဖြစ်ပြီး ၁၉၉၀ ခုနှစ် အထွေထွေရွေးကောက်ပွဲတွင် ရေဦး မြို့နယ်မှ ရွေးကောက်ခံရသည်။ ထိုရွေးကောက်ပွဲ ရလဒ်များကို စစ်အုပ်စုက အသိအမှတ်မပြုပေ။ သူသည် ဒေါ်အောင်ဆန်းစုကြည်၏ မောင်နှမ ဝမ်းကွဲ ဒေါက်တာစိန်ဝင်းအစိုးရတွင် ဘဏ္ဍာရေးဝန်ကြီးအဖြစ် ထမ်းဆောင်သည်။ သူသည် တရုတ်နိုင်ငံ ကူမင်းရှိ ဟိုတယ်တခုတွင် သတ်ဖြတ်ခံရသည်။ သေဆုံးစဉ်က အသက် ၅၈ နှစ်ရှိပြီဖြစ်သည်။

ဦးလှဖေသည်လည်း ဝန်ကြီးတဦးဖြစ်သည်။ NLD အဖွဲ့ဝင်ဖြစ်ပြီး ၁၉၉၀ ရွေးကောက်ပွဲတွင် ပျော်ဘွယ် မြို့နယ်မှ ရွေးကောက်ခံရသည်။ သူ့ကိုဘန်ကောက်တွင် လုပ်ကြံသတ်ဖြတ်သည်။ ထိုစဉ်က အသက် ၅၄ နှစ်ရှိပြီဖြစ်သည်။ ၎င်းတို့နှစ်ဦးသည် ၁၉၉၀ ရွေးကောက်ပွဲပြီး လအနည်းငယ်အကြာတွင် စစ်အုပ်စုက လွှတ်တော်ကိုယ်စားလှယ်များကို အာဏာလွှဲပေးရမည့်အစား လိုက်လံဖမ်းဆီး သောကြောင့် ထွက်ပြေးခဲ့ခြင်းဖြစ်သည်။

ဒေါ်အောင်ဆန်းစုကြည်သည်လည်း စစ်အုပ်ချုပ်ရေးကို ထိပ်ဆုံးမှဆန့်ကျင်သည့် ခေါင်းဆောင်တဦး အဖြစ် လုပ်ကြံသတ်ဖြတ်မှု၏ ပစ်မှတ်ဖြစ်ခဲ့ဖူးသည်။ ဓါး၊ လှံနှင့် ဝါးချွန်များ ကိုင်ဆောင်ထားသည့် စစ်အုပ်စုကျောထောက်နောက်ခံပြု လူရမ်းကားများစွာက ၂၀၀၃ ခုနှစ် မေလ ၃၀ ရက်နေ့တွင် ဒေါ်အောင်ဆန်းစုကြည်၏ ယာဉ်တန်းကို စစ်ကိုင်းတိုင်း ဒီပဲယင်းမြို့နယ် ကျည်ရွာအနီးတွင် တိုက်ခိုက်သည်။

ဒေါ်အောင်ဆန်းစုကြည် လိုက်ပါလာသည့်ယာဉ် လွတ်မြောက်ခဲ့သော်လည်း လူ ၇၀ ခန့်သေဆုံးပြီး အများအပြား အပြင်းအထန်ဒဏ်ရာရသည်။ ဒေါ်အောင်ဆန်းစုကြည်၏ ယာဉ်တန်းကို မည်သည့်နည်းဖြင့်မဆို ရပ်တန့်စေရန် ဗိုလ်ချုပ်မှူးကြီး သန်းရွှေက သူ၏လက်ထောက် ဗိုလ်ချုပ်ကြီး စိုးဝင်း (နောင်တွင် စစ်အုပ်စု ဝန်ကြီးချုပ်ဖြစ်လာသူ) ကို အမိန့်ပေးကြောင်း စစ်ထောက်လှမ်းရေး အကြီးအကဲဟောင်းခင်ညွန့်က သူ၏ကိုယ်ရေးအတ္ထုပ္ပတ္တိတွင် ရေးသည်။

၂၀၀၈ ခုနှစ် ဖေဖေါ်ဝါရီလ ၁၄ ရက်နေ့တွင် ကရင်အမျိုးသား အစည်းအရုံး KNU အထွေထွေအတွင်းရေးမှူး ဖဒိုမန်းရှားလားဖန်းကို ထိုင်းနယ်စပ် မဲဆောက်ရှိ သူ၏နေအိမ်တွင် သေနတ်သမားများက လုပ်ကြံသတ်ဖြတ်လိုက်သည်။ ထိုစဉ်က သူသည် အသက် ၆၅ နှစ်ရှိပြီဖြစ်သည်။

ထိုထင်ရှားသည့် KNU ခေါင်းဆောင်သည် ဒီမိုကရေစီလှုပ်ရှားမှုနှင့်ပတ်သက်ပြီး အမြင်ကျယ်သောကြောင့် ကရင်တိုင်းရင်းသားများကသာမက ဗမာနိုင်ငံရေးတက်ကြွလှုပ်ရှားသူများကလည်း လေးစားကြသည်။

လုပ်ကြံသတ်ဖြတ်မခံရမီ ၃ ရက်အလိုက ဧရာဝတီသတင်းဌာနနှင့်တွေ့ဆုံမေးမြန်းခန်းတခုတွင် သူက “ စစ်မှန်တဲ့ ဒီမိုကရေစီရပြီး ပြည်ထောင်စုစနစ်ပေါ်ပေါက်လာဖို့ ကျနော်တို့အနေနဲ့ နိုင်ငံတော်အေးချမ်းသာယာရေးနဲ့ဖွံ့ဖြိုးရေးကောင်စီ (ထိုစဉ်က စစ်အုပ်စုက ၎င်းတို့ကိုယ် ၎င်းတို့ ခေါ်သောအမည်) ကို အားကိုးနေလို့မရဘူး။ စစ်အာဏာရှင်စနစ်နဲ့ ဗမာလူမျိုးကြီးဝါဒကို အမြစ်ဖြတ်ရမယ်” ဟု ပြောသည်။

စစ်အုပ်စုနှင့် နီးစပ်သော ဆက်ဆံရေးရှိသည့် ဒီမိုကရက်တစ် ကရင်ဗုဒ္ဓဘာသာတပ်မတော်နှင့် ကရင်အမျိုးသားလွတ်မြောက်ရေးတပ်မတော်- ငြိမ်းချမ်းရေးကောင်စီတို့သည် ထိုလုပ်ကြံသတ်ဖြတ်မှုအတွက် စွပ်စွဲခံရသည်။ ဗိုလ်ချုပ်မြထွန်းဦး (ယခု ဗိုလ်ချုပ်ကြီးနှင့် ကာကွယ်ရေးဝန်ကြီး) သည် ထိုလုပ်ကြံသတ်ဖြတ်မှုတွင် ပါဝင်ပတ်သက်ကြောင်း စွပ်စွဲခံရသည်။

မြထွန်းဦးသည် အမှတ် ၁၀၁ ခြေလျှင်တပ်မမှူး၊ စစ်တက္ကသိုလ်ကျောင်းအုပ်ကြီး၊ အရှေ့အလယ်ပိုင်းတိုင်းမှူးစသည့် ရာထူးများတွင် လုပ်ကိုင်ခဲ့သည်။ သူသည် စစ်အုပ်စုနှင့် ကရင်တိုင်းရင်းသားလက်နက်က်ိုင်အဖွဲ့များကြား ဆက်ဆံရေးအဆင်ပြေအောင် လုပ်ကိုင်ပေးသူ ဖြစ်ပြီး အစိုးရနှင့် တိုင်းရင်းသားလက်နက်ကိုင်အဖွဲ့အစည်းများအကြား အပစ်အခတ်ရပ်စဲရေး ဆွေးနွေးပွဲများ အတွက်လည်း ကိုယ်စားလှယ်ဖြစ်သည်။

NLD ၏ ထင်ရှားသော ဥပဒေအကြံပေး ဥပဒေပညာရှင် ဦးကိုနီကို ၂၀၁၇ ခုနှစ်က ရန်ကုန် အပြည်ပြည်ဆိုင်ရာလေဆိပ်တွင် နေ့ခင်းကြောင်တောင် ပစ်သတ်သည်။ အသက် ၆၄ နှစ်ရှိပြီဖြစ်သော ထိုရှေ့နေကြီးသည် NLD က ၂၀၁၅ ခုနှစ် အထွေထွေရွေးကောက်ပွဲတွင် တောင်ပြိုကမ်းပြို နိိုုင်ပြီးနောက် ဖွဲ့စည်းပုံအခြေခံဥပဒေက ဒေါ်အောင်ဆန်းစုကြည်ကို သမ္မတဖြစ်ခွင့် ပိတ်ပင်ထားသောကြောင့် နိုင်ငံတော်အတိုင်ပင်ခံဆိုသည့် ရာထူးကို ဖန်တီးပေးခဲ့သူဖြစ်သည်။ သူသည် စစ်တပ်ကရေးဆွဲသည့် ဖွဲ့စည်းပုံအခြေခံဥပဒေကို အပြင်းထန်ဆုံး ဝေဖန်သူလည်းဖြစ်သည်။

ထိုလုပ်ကြံသတ်ဖြတ်မှုကို စစ်တပ်မှ ဗိုလ်မှူးဟောင်းများက စီစဉ်ခြင်းဖြစ်သည်။ မြန်မာစစ်တပ်သည် ထိုလုပ်ကြံသတ်ဖြတ်မှုနောက်ကွယ်တွင် ရှိသည်ဟု ကျယ်ကျယ်ပြန့်ပြန့် ယုံကြည်ကြသည်။ လူသတ်သမားအား ငှားရမ်းသူ ဗိုလ်မှူးဟောင်း အောင်ဝင်းခိုင်သည် လွတ်မြောက်နေဆဲဖြစ်သည်။

နောက်ဆုံးလုပ်ကြံသတ်ဖြတ်မှု သို့မဟုတ် လုပ်ကြံသတ်ဖြတ်ရန် ကြိုးစားမှုတွင် ဖြိုးဟိန်ထွဋ် (၂၈ နှစ်) နှင့် ရဲဟိန်းဇော် ( ၂၀ နှစ်) တို့က ကုလမသဂ္ဂဆိုင်ရာ မြန်မာအမြဲတမ်းကိုယ်စားလှယ် ဦးကျော်မိုးထွန်းကို အပြင်းအထန် နာကျင်စေရန် သို့မဟုတ် သတ်ဖြတ်ရန်ကြိုးစားသည်။ ထိုင်းနိုင်ငံမှ လက်နက်ပွဲစားတဦးက သူ့ကိုအွန်လိုင်းမှဆက်သွယ်ပြီး သံအမတ်ကို ထိခိုက်စေရန်နှင့် ရာထူးမှ နုတ်ထွက်စေရန် တိုက်ခိုက်သူများငှားရမ်းရေးအတွက် ငွေပေးကြောင်း ဖြိုးဟိန်းထွဋ်က FBI စုံစမ်းစစ်ဆေးရေးမှူးများကို ပြောသည်။

FBI နှင့် နယူးယောက်ရဲတပ်ဖွဲ့က သူ့အတွက် လုံခြုံရေးစီစဉ်ထားပေးကြောင်း ဦးကျော်မိုးထွန်းပြောသည်။ သူသည် မြန်မာနိုင်ငံ စစ်အုပ်ချုပ်ရေးကို အာဏာသိမ်းသော ဖေဖေါ်ဝါရီလက ကုလသမဂ္ဂအစည်းအဝေးတွင် လူသိရှင်ကြား ဆန့်ကျင်သူဖြစ်သည်။ ထိုအချိန်မှစတင်ပြိး စစ်ကောင်စီသည် သူ့ရာထူးတွင်အစားထိုးရန် ကြိုးစားသော်လည်း စစ်ကောင်စီ၏ တောင်းဆိုမှုကို ကုလသမဂ္ဂက အရေးယူဆောင်ရွက်ခြင်းမရှိသောကြောင့် လက်ရှိအချိန်အထိ အချည်းနှီးသာဖြစ်နေသည်။ လက်ရှိအချိန်တွင် သူသည် ဖြုတ်ချခံအစိုးရမှ လွှတ်တော်ကိုယ်စားလှယ်များနှင့် တိုင်းရင်းသားကိုယ်စားလှယ်များဖြင့် ဖွဲ့စည်ထားသည့် အမျိုးသား ညီညွတ်ရေးအစိုးရကို ကိုယ်စားပြုနေသည်။

စံပြပုဂ္ဂိုလ်ဆရာ ဦးအောင်စိုး ကွယ်လွန် ( အဆိုတော် ထူးအိမ်သင်ဆရာ )

 အန်ကယ်က

တကယ့်စံပြပုဂ္ဂိုလ်တစ်ဦးပါ

အန်ကယ့်နောက်ဆုံးပုံကို

ကျနော်မမြင်ချင်ပါဘူး

အန်ကယ်အသက်(၉၉)နှစ်တုန်းက

လက်တန်းမှုတ်ပြခဲ့တဲ့ဗီဒီယိုလေးကို

အထပ်ထပ်ပြန်ကြည့်ပြီး

အန်ကယ့်အကြောင်းတွေတွေးလို့

အဝေးကနေနှုတ်ဆက်ကန်တော့ပါတယ်

ဦးအောင်စိုး@K. Francis

အသက်(၁၀၁)နှစ်

၂၀-၈-၂၀၂၁(သောကြာနေ့)

မွန်လွှဲ(၃:၄၅)တွင်ကွယ်လွန်သည်

ကောင်းရာသုဂတိလားပါစေ။

Rest In Peac

e

Uncle U Oung Soe

စစ်ခွေးဘောမ (ဟာသ)

 

မျက်ခုံး လှုပ်လာနေရပြီ ဖြစ်သော ဘဏ်များ နှင့် ကြံ့ဖွတ်

 မျက်ခုံး လှုပ်လာနေရပြီ ဖြစ်သော ဘဏ်များ နှင့် ကြံ့ဖွတ်

***************************************

မိမိသင်ကြား တတ်မြောက်ခဲ့သော အသိပညာ အတတ်ပညာများ ဖြင့် တိုင်းပြည်နှင့် လူမျိုးကို မည်သို့မျှ အလုပ်အကျွေးပြု၍ မဖြစ်နိုင်တော့သော အခြေအနေများကို မြင်တွေ့ သိရှိနေကြပါလျှက် ရာထူး ဂုဏ် အရှိန်အဝါကို မက်ကာ မိမိကိုယ် မိမိ ရောင်းစားနေကြသော ဗျူရိုကရက် အရာရှိဆိုးများက ကြံ့ကြံ့ခံလျှက် ရှိနေကြဆဲ ဖြစ်သည်။

သို့သော် ယခုအခါ လက်နက်နှင့် တကွ တပ်ကို စွန့်ခွာ ထွက်ပြေးပြီး ပြည်သူ့ တော်လှန်ရေး တပ်ဖွဲ့များထံ ခိုလှုံလာကြသည့် အမြင်မှန် ရလာကြသော အာဏာသိမ်း တပ်ဖွဲ့ဝင်များ၏ အရည်အတွက်မှာ များသည်ထက် များလာနေသဖြင့် ယခင်ကလို လံကြုပ်သတင်းများဟု မျက်စိမှိတ် ငြင်းလို့ မရတော့သည့် အခြေအနေ ဆိုက်လာ နေပြီ ဖြစ်ရာ မြန်မာနောင်း၏ သတင်းအရ ဆိုမူ ၁,၅၀၀ ထိ ရှိလာနေပြီ ဖြစ်သည်ဟု သိရသည်။

စီးပွားရေး ဖက်တွင်လည်း မာဖီယားတို့၏ စစ္စလီ ဟု သမုတ်ခြင်း ခံထားရသည့် စစ်တပ်၏ ဦးပိုင် လုပ်ငန်းများ သည်လည်း ဒေါ်လာဈေးများ တဟုန်ထိုး မြင့်တက်လာနေမှု နှင့် အတူ ထိခိုက်လာနေရသည်။

ဗဟိုဘဏ်သည် ဩဂုတ်လ ၃ ရက်နေ့တွင် အွန်လိုင်း မှ အစည်းအဝေး ခေါပြီး ဒေါ်လာ လဲလှယ်နှုန်းကို သတ်မှတ်ထားသော နှုန်းထက် ၀.၈% သာ အတက်အကျ ပြုမည်ဟု ဆိုကာ အခြေခံဈေး ၁,၆၅၀ ကျပ် ကို ဩဂုတ်လ ၁၃ ရက်နေ့တွင် သတ်မှတ်ပေးလိုက်သည်။ အဆိုပါ လုပ်ရပ်အတွက် နိုင်ငံခြား ဘဏ်များ အပါအဝင် ပုဂ္ဂလိက ဘဏ် ၄၄ ခု ၏ သဘောတူညီမှုကို ရရှိပြီး ဖြစ်သည်ဟု ဒုဥက္ကဋ္ဌ ဝင်းသော် ဆိုသူက ပြောလာသည်။

အာဏာသိမ်း အဖွဲ့သည် နိုင်ငံတော်အတိုင်ပင်ခံ လက်ထက်က စ၍ လွတ်လပ်စွာ ဆောင်ရွက်ခွင့် ပြုထားသည့် နိုင်ငံခြားငွေ လဲလှယ်ရေး ဈေးကွက်ကို ဆရာ့ ဆရာသမားများ လုပ်ထုံးလုပ်နည်း အတိုင်း အကြံကုန် ဂဠုန် ဆားချက် ဝင်ရောက် ဖျက်ဆီးလာခြင်းပင် ဖြစ်သည်။ ၁,၆၅၀ ကျပ် သတ်မှတ်ပြီး နောက်တနေ့မှာပင် ဒေါ်လာ ဈေးသည် ၁,၇၂၀ မှ ၁,၇၆၀ အကြား ထိုးကျသွားခဲ့သည်။

ငွေလဲလှယ်သူများကလည်း ယခင်ကလို ပေါ်ပေါ်တင်တင် မလုပ်ကြတော့ဘဲ အချင်းချင်း လျို့ဝှက်ဆက်သွယ် ကာ အရောင်းအဝယ် လုပ်လာကြပြီး မှောင်ခိုဈေးကွက်ကြီး ပြန်လည် ပေါ်ထွန်းကာ အတားအဆီးမဲ့ ကျဆင်း လာဖို့ ရှိနေသည်။ ဘဏ်များ အဖို့က ထိုသို့ လုပ်၍ မရဘဲ သတ်မှတ်သော ဈေးဖြင့်သာ အရောင်းအဝယ် လုပ်ကြရဖို့ ရှိနေ၍ အကြီးအကျယ် ထိခိုက်လာနေရပြီ ဖြစ်သည်။

‌ဒေါ်လာ ဈေးများ ကျဆင်းလာမှုကြောင့် ဒေါ်လာကို လက်ဝယ် ကိုင်ထားသူများက လာရောက် ရောင်းချကြ တော့မည် မဟုတ်၍ သွင်းကုန်သမားများ ဘဏ်တွင် ကျပ်ငွေ နှင့် ဒေါ်လာ လဲလှယ်ပြီး ပြည်ပ သို့ ငွေပေးချေရန် အခက်တွေ့လာနေသဖြင့် နိုင်ငံခြား ကုမ္ပဏီ အချို့ကလည်း နိုင်ငံတွင်းမှ ထွက်ခွာရန် ခြေလှမ်းပြင်နေကြပြီ ဖြစ်သည်ဟု နိုင်ငံခြား ဘဏ်တွင် လုပ်ကိုင်နေသူ တဦးက ပြောကြောင်း Nikkei Asia Review တွင် ဖေါ်ပြထားသည်။

ဘဏ်များအကြား နေ့စဉ် ဒေါ်လာ အလဲအလှယ်သည် ဇန်နဝါရီ လထဲတွင် ၂၀.၃ သန်း ရှိခဲ့ရာမှ ယခုအခါ ၃.၆ သန်း အထိသာ ရှိတော့သည်ဟု ဆိုသည်။

မင်းအောင်လှိုင် သည် အသိဥာဏ် နည်းသူ ဖြစ်မှန်း တတိုင်းပြည်လုံးက လက်ခံထားကြပြီ ဖြစ်သော်လည်း တိုင်းပြည်၏ စီးပွားရေး၊ လူမှုရေး၊ ကျန်းမာရေး အစရှိသည့် ကဏ္ဍ အသီးသီးကို တတ်ယောင်ကား သမားများနှင့် ပေါင်း၍ ဗြောင်းဆန်အောင် မွှေနှောက်နေဆဲပင် ဖြစ်သည်။

နိုင်ငံရေး ဖက်တွင်လည်း ချမ်းသာမပေး၊ မင်းအောင်လှိုင်သည် ၎င်းအား ရုရှား ခရီးစဉ်အတွင်း စစ်ခေါင်းဆောင် တဦးအဖြစ် အပါ့ရိက ဆက်ဆံ ခံလိုက်ရသည့် အဖြစ်ကြောင့် အိမ်စောင့်အစိုးရ ဟု ကြံဖန်ခေါင်းစဉ်တပ်ကာ ဝန်ကြီးချုပ်အဖြစ် သူ့ကိုယ်သူ အမည်ပေးလာခဲ့သည်မှာ ထမင်းစား ကြီးသူတိုင်း ရိပ်စားမိပြီး ဖြစ်သည်။ ရောက်လေရာတွင် ၎င်းအား ကော်ဇော်နီ ခင်းကာ ကြိုဆိုဖို့ လိုအပ်လာပြီ ဟု နိုင်ငံတကာကိုလည်း လက်တို့ လိုက်ခြင်းဖြစ်သည်။

သို့သော် မင်းအောင်လှိုင်သည် အကြောက်တရားကြောင့် ရာသက်ပန် သမ္မတ အဖြစ်မှ လက်လွှတ်ခံ၍ မည်သို့မျှ မဖြစ်တော့သည်ကို ရိပ်စားမိနေသူလည်း ဖြစ်သည်။ အိမ်စောင့် အစိုးရ ဆိုသည်မှာ ယာယီသာဖြစ်ပြီး ရွေး ကောက်တင်မြှောက်ခံ သမ္မတ အဖြစ် တက်လှမ်းချင်လာသည်။

ထိုအရေး အတွက် အဓိက အတားအဆီး ဖြစ်နေသည့် NLD ကို အခြေအနေကောင်းလာသည်ဟု ထင်မြင်လာ သည့် အချိန်တွင် NUG, CRPH အကြမ်းဖက် အဖွဲ့အစည်းများ နှင့် ဆက်ဆံသည်ဟု ဆိုကာ နိုင်ငံရေး ပါတီ အဖြစ်မှ အချိန်မရွေး ဖျက်သိမ်းပစ်ရန် စီစဉ်ထားပြီး ဖြစ်သည်။

သို့သော် သူ့အတွက် အဓိက အဟန့်အတား ဖြစ်လာနေသည်မှာ ကြံ့ဖွတ် ပါတီပင် ဖြစ်သည်။ NLD အား မဲခိုးသည်ဟု အကြောင်းပြ၍ အာဏာသိမ်းခဲ့ရသော်လည်း ကြံ့ဖွတ် ပါတီသည် ရွေးကောက်ပွဲ နှစ်ကြိမ်တွင် ခွက်ခွက်လန်အောင် ရှုံးနိမ့်ခဲ့ ပြီး ဖြစ်သဖြင့် သူ့အနေနှင့် လက်မခံ၍ မရသည့် မြေပြင် အခြေအနေ ဆိုသည်ကို သိရှိနားလည် ထားလေသည်။

ထို့အပြင် လက်ရှိ ကြံ့ဖွတ်ပါတီကို ဦးဆောင်နေသူများက စစ်တပ် အတွင်း သူ့ထက် ဝါများစွာ ရင့်သည့် ဗိုလ်ချုပ်ကြီးများ လည်း ဖြစ်နေပြန်သည်။ ထို့အတွက် ဗိုလ်သန်းရွှေ မှ သူ၏ အာဏာသိမ်း တည်ဆောက် ရေးအတွက် အနှောက်အယှက် ဖြစ်လာနိုင်သည့် ကျော်ဘ၊ ထွန်းကြည် ကဲ့သို့ ဗိုလ်ချုပ်ကြီးများကို လာဘ်စားမှု ဖြင့် ဖမ်းဆီး ထောင်ချပြီး ဖယ်ရှားပစ်ခဲ့သည့် အစဉ်အလာကလည်း ရှေ့တွင် ရှိခဲ့ပြီး ဖြစ်သည်။

သို့သော် ကြံ့ဖွတ် ပါတီအား NLD ကဲ့သို့ ဆက်ဆံ၍ တော့မရ၊ ၎င်းတို့၏ အားနည်းချက် Achille’s Heel ဖြစ်သည့် ဘဏ္ဍာရေး ဆိုင်ရာ မှတ်တမ်း မှတ်ရာများ မှ တဆင့် ကိုင်တွယ်ကာ ပါတီမှတ်ပုံတင်ခြင်းကို ဖျက်သိမ်းပြီး နိုင်ငံရေး လောက မှ အပြီးအပိုင် ဖုတ်ကြည်း မီးသင်္ဂြိုလ် ပြစ်ပေတော့မည်။

၎င်း ဖွဲ့စည်းပေးထားသည့် ရွေးကောက်ပွဲ ကော်မရှင်သည် နိုင်ငံရေး ပါတီများ ၏ ရံပုံငွေများ နှင့် ပိုင်ဆိုင်မှုများ တင်သွင်းရမည်ဟု တောင်း ဆိုလာပေတော့သည်။ NLD က မင်းအောင်လှိုင်၏ အစေစားခံ ရွေးကောက်ပွဲ ကော်မရှင် ကို အသိအမှတ် ပြုမည် မဟုတ်၍ ၎င်းတို့ တောင်းဆိုသမျှ လိုက်လျောဖို့ အလားအလာ မရှိပေ။ ထို့အတွက် NLD ကို ဖျက်သိမ်းပစ်ဖို့က ပို၍ပင် လွယ်ကူသွားပေလိမ့်မည်။

ထိုဗိုလ်ချုပ်ကြီးများသည် ပြီးခဲ့သည့် ရွေးကောက်ပွဲတွင်သာ ၎င်းတို့ ၂၅% ကျော် ရရှိပါက မင်းအောင်လှိုင် နှင့် သမ္မတ ရာထူး အတွက် အာဏာလွန်ဆွဲပွဲ သေချာပေါက် ဖြစ်လာပေတော့မည်။ မင်းအောင်လှိုင်ကို ဒုသမ္မတ ရာထူး လောက်သာ ပေးရန် ရည်မှန်းထားကြပြီးလည်း ဖြစ်သည်။

မင်းအောင်လှိုင်က ထိုအကြောင်းကို ရိပ်စားမိမှာ အမှန်ပင်။ ယခုတဖန် သူ ပြုလုပ်ပေးမည် ဆိုသော ရွေးကောက် ပွဲတွင် ကြံ့ဖွတ်သာ အနိုင်ရဖို့ ရှိနေသည်။ ထိုအခါ လူထုက သူ့အား လက်မခံတော့၊ မျက်နှာသစ်များ ဖြင့် သွေးသစ်လောင်းမှ ဖြစ်မည်ဟု အကြောင်းပြပြီး ကြံ့ဖွတ်က ချောင်ထိုး လာဖို့ ရှိနေသည်။ မင်းအောင်လှိုင်က လက်ရှိတွင် ကြံ့ဖွတ် ပါတီ‌ခေါင်းဆောင်ပိုင်းရှိ လူများကို ခွဲထုတ် နေရာပေးကာ စတင် သွေးခွဲနေပြီ ဖြစ်သည်။

 ကြံ့ဖွတ်ကို ဖယ်ရှားပြီး ခင်မောင်ဆွေ၊ သက်သက်ခိုင် ပါတီ လောက်နှင့် သမ္မတ ရာထူးကို တက်လှမ်းဖို့က သူ့အတွက် အသေချာဆုံးပင် ဖြစ်သည်။

ကြံ့ဖွတ်ပါတီကတော့ မည်သို့မျှ ထင်မြင်ချက် မပေးသေးပေ။ ထိုအနေအထား ရောက်လာသည်အထိ သက်ဆိုးရှည်လိမ့်မည် မဟုတ်ဟု ယူဆနေပုံရှိသည်။

အရေးတော်ပုံ အောင်ရမည်!!!

#RealRacing3 2021British Grand Prax

via https://youtu.be/M2Qx3ZcnyB8

အကြမ်းဖက်စစ်တပ်ကို ဘယ်လိုဖျက်သီမ်းမလဲ

 အကြမ်းဖက်လူသတ် ဖက်ဆစ်ခေါင်းဆောင် မင်းအောင်လှိုင်က အာဏာကို ၂၀၂၃ အထိ ယူထားမယ်လို့ အတိအလင်းပြောသွားတယ်။ ၂၀၂၂ အကုန်ရောက်ရင်လည်း ၂၀၂၅ အထိ ထပ်တိုးဖို့ ရှိမှာပဲ။ တပ်မတော်လို့ခေါ်တဲ့ အကြမ်းဖက်စစ်တပ်ဟာ မြန်မာပြည်သူတွေအားလုံးအပေါ်မှာ အစဉ်အမြဲ ရန်သူလို့ သတ်မှတ်ခဲ့တာ။ စစ်တပ်မှာ ဖက်ဆစ် သန္ဓေပါလာတယ်။ ဂျပန် train ဖြစ်တာလည်း ပါမယ်။ ၁၉၆၂ မှာ နေဝင်း အာဏာသိမ်းလိုက်ကတည်းကစလို့၊ စောမောင်၊ သန်းရွှေ၊ ခင်ညွန့်၊ အခု မင်းအောင်လှိုင်အထိ သူတို့တစ်ဦးချင်းစီရဲ့ စိတ်သဏ္ဍာန်မှာ ပြည်သူတွေဟာ လိုသလို ဖိနှိပ်နိုင်တဲ့ subject တွေလို့ မှတ်ယူကြသလို၊ စစ်တပ်ထဲက ဒုဗိုလ်အဆင့်ကစလို့၊ ကစထ မှူး၊ ညှိကွပ်အဆင့်အလယ်၊ ဒုချုပ်၊ ကာချုပ်အထိ ကလည်း ပြည်သူဟာ သူတို့ စစ်ခင်းချင်သလို ခင်းလို့ရတဲ့ ကျွန်တွေလို့ သတ်မှတ်ကြတာ။ ဒါတွေဟာ ရမ်းကာ သမ်းကာပြောနေတာမဟုတ်ဘူး၊ စစ်တပ်ထဲမှာ ကျွန်သဘောက်အဆင့်လောက် ဆက်ဆံခံရတဲ့ ဗိုလ်အဆင့်၊ ဗိုလ်ကြီးအဆင့်ကနေ ဗိုလ်မှူးကြီး၊ ဗိုလ်ချုပ်ကြီးအဆင့်အထိတွေရဲ့ ပြောစကားတွေ၊ အမူအရာ၊ အပြုအမူတွေ၊ ရန်ကုန်၊ မန္တလေးလို မြို့ကြီးတွေရဲ့ လမ်းမကြီးတွေပေါ်မှာ “မင်းတို့မိန်းမတွေ၊ သမီးတွေကို မုဒိန်းကျင့်ပစ်မယ်” “သေရဲတဲ့ကောင်ထွက်ခဲ့” လို့အော်ဟစ်ကြတဲ့ အကြပ်၊ စစ်သားတွေရဲ့ လုပ်ရပ်တွေ၊ တိုင်းရင်းသားဒေသတွေမှာ ခေတ်အဆက်ဆက် ကျူးလွန်ခဲ့တဲ့ စစ်ရာဇဝတ်မှုတွေက သက်သေပဲ။

စစ်တပ်ဟာ ဖျက်ပစ်မှကို ရမယ့် အင်စတီကျူးရှင်းဆိုတာ အသေအချာပဲ။ တချို့က ပြောတယ်၊ စစ်တပ်ကို ဖျက်ဖို့ logistic အရ မဖြစ်နိုင်ဘူးဆိုတာ။ မဖြစ်နိုင်ဘူး၊ သိတာပဲ။ သိပ်ခက်ခက်ခဲခဲစဉ်းစားစရာတောင်မလိုဘူး။ မဖြစ်နိုင်လို့ မဖျက်ဘူးဆိုရင် ဘယ်လိုလုပ်ကြမလဲ၊ ပြီးခဲ့တဲ့ ၈ နှစ်အတွင်းမှာ ဒေါ်အောင်ဆန်းစုကြည်ဟာ စစ်တပ်နဲ့ အပေးစားခံပြီး စစ်တပ်ကို တတ်နိုင် သမျှစည်းရုံးသိမ်းသွင်းတာပဲ။ ဖျက်လို့ မလွယ်ဘူးဆိုတာ သူလည်းသိတာပဲ။  ဒီလောက် ညင်ညင်သာသာနဲ့ သိက္ခာရှိရှိ၊ လူဆန်ဆန် ပြောင်းလဲဖို့ စည်းရုံးတာတောင်၊ နောက်ဆုံး ဒီဘူတာ ဆိုက်တာပဲ။

ဆက်စပ်လို့ ပြောရရင် ဒေါ်အောင်ဆန်းစုကြည်ကို စစ်တပ်နဲ့ပေးစားလွန်းမက ပေးစားတဲ့ CSO အသိုင်းအဝိုင်းထဲက လူတွေ (မှတ်ချက် - ထူးဆန်းတာက အဲဒီ CSO အသိုင်းအဝိုင်းထဲကလူတွေဟာ ဒေါ်အောင်ဆန်းစုကြည်နဲ့ အရပ်သားအစိုးအရအပေါ်မှာ အာကျယ်ပြီး စွာရဲသလောက် စစ်တပ်ကိုတော့ တို့ထိရမှာ အလွန်ရွံ့ကြတာဟာ အထူးစိတ်ဝင်စားဖွယ်ပါပဲ။ လက်သုံးစကားဖြစ်တဲ့ “စစ်တပ်ကတော့ ပြောစရာကိုမလိုအောင် ရိုင်းစိုင်းနေလို့” ဆိုတာကိုသုံးပြီး လက်တွေ့မှာ စစ်တပ်ကို တိုက်ရိုက်စိန်ခေါ်တာမျိုးလည်းမတွေ့ရသလို၊ ပြင်းပြင်းထန်ထန်ဝေဖန်တဲ့ ကြေညာချက်တစ်ခု တစ်လေတောင် မတွေ့ရ။)  အလွန်လေးစားကြည်ညိုကြတဲ့ တိုင်းရင်းသားလက်နက်ကိုင်တွေလည်း ဒီဖက်ဆစ် စစ်တပ်ကို ဖျက်လို့မရဘူးဆိုတာ သိတာပဲ။ ဒါကြောင့်လည်း သူတို့လည်း တစ်ဖွဲ့ချင်းစီနဲ့ ကိုက်ညီမယ့် ဗျူဟာနဲ့ သွားနေကြတာ။စစ်တပ်ကို ဖျက်လို့ရတယ်၊ မရဘူး ဘယ်လိုပဲ ငြင်းခုန်နေကြပါစေ၊ သဘောတရားအပိုင်းမှာတော့ ဖျက်ပစ်မှရမယ့် အင်စတီကျူးရှင်းဆိုတာ အရင်းဆုံး ရှင်းလင်းနေဖို့လိုတယ်။ ပြီးမှ လက်တွေ့ဘယ်လိုဖြစ်အောင်လုပ်မလဲ ဆိုတဲ့ အပိုင်းသွားရမှာ။  

လက်တွေ့အပိုင်းမှာတော့ သေချာတာက စစ်တပ်ကို ဖျက်ဖို့က foreign power မပါဘဲတော့ မလွယ်ဘူး။ foreign power ပါရင် အချိန်မြန်မယ်။ မပါရင် အချိန်ယူရလိမ့်မယ်။ မြန်မြန် ဖြစ်ချင်တဲ့ ဆန္ဒတွေရှိပေမယ့် လက်တွေ့ကျကျ တော့လည်း စဉ်းစားဖို့လိုပါတယ်။ အထူးသဖြင့် လက်တွေ့ကျကျ လုပ်နိုင်မယ့်လူတွေများများလိုပါတယ်။ အရမ်း abstract ဖြစ်တဲ့ (စိတ္တဇဆန်တဲ့) နိုင်ငံရေးအိုင်ဒီယိုလိုဂျီတွေ၊ နိုင်ငံရေးစနစ်တွေ (ဖက်ဒရယ်တို့၊ ဒီမိုကရေစီတို့) ကို ထိုင်ပြောနေပြီး၊ အချိန်တွေအရမ်းကုန်မှာမျိုးဟာ မဖြစ်သင့်ဘူး။ ပြောသင့်သလောက်ပြောရင် ရပြီထင်ပါတယ်။ နောက် ဝေဖန်ရေးနဲ့ လေကန်ရေးကိုပဲ နိုင်ငံရေးထင်နေသူတွေများနေရင်လည်း မဟုတ်သေးဘူး။ ဝေဖန်တယ်ဆိုတာ အရမ်းလွယ်ပြီး “လေ” ပဲစိုက်ရတာ။ ဘာမှလည်း အားထုတ်စရာမလိုဘူး။ ကိုယ်ထင်တာတွေကို လျှောက်ပြောနေရုံပဲ။ မြေပြင်မှာ ဖြစ်နေတာနဲ့ ကိုက်သော်ရှိ၊ မကိုက်သော်ရှိ ပါးစပ်ကနေ လျှောက်ပြောပြီး လေပေါ နိုင်ရင်ရပြီ။ အခုအချိန်က “လေ” သမားတွေ မလိုဘူး။ လက်တွေ့ operation သမားတွေလိုအပ်တာ။

ဘယ်လိုတိုက်မှာလဲ၊ ဘယ်ကပိုက်ဆံနဲ့တိုက်မှာလဲ၊ ပိုက်ဆံဘယ်လိုရှာမလဲ၊ (CRPH က အလှူခံထားတဲ့ ၉ သန်းဟာ တစ်ကယ်တိုက်ရပြီဆိုရင် အသေးသုံးပဲရမယ်။) ရှာထားတဲ့ ပိုက်ဆံကို မှန်ကန်မျှတစွာ စနစ်တကျ ဘယ်လိုခွဲဝေမလဲ။ Transaction တွေ ဘယ်လိုလုပ်မလဲ၊ လူသူလက်နက် ဘယ်လိုစုဆောင်းမလဲ၊ စုဆောင်းထားတဲ့ လူသူလက်နက်တွေရဲ့ အင်အားကို maximum value ရအောင် ဘယ်လိုစီမံမလဲ၊ စစ်ရေးမဟာဗျူဟာ/နည်းဗျူဟာတွေကို ဘယ်လိုဆွဲမလဲ၊ Command structure ဘယ်လိုတည်ဆောက်မလဲ၊  စစ်ရေးနဲ့ နိုင်ငံရေး ဘယ်လိုပေါင်းစပ်ပြီးသွားမလဲ၊ စသဖြင့်စသဖြင့်။ ဒါတွေက အခုရေးလိုက်ရတာ စာလေး ၄ ကြောင်းထက်မပိုပေမယ့် လက်တွေ့ကျကျ အဖြေပေးဖို့ကျတော့ အလွန်ခက်တယ်။ လက်တွေ့ကျကျ အလုပ်လုပ်မယ့် operation သမားတွေက လုပ်ရတာ။ logistic နဲ့ management မပိုင်ဘဲ စစ်တိုက်လို့မရဘူး။ မပိုင်ဘဲ တိုက်လည်း ရှုံးမှာပဲ။  

ဗီယက်နမ်စစ်ပွဲဟာ foreign power တွေပါတဲ့ proxy war တစ်ခု။ နှစ် ၂၀ ကြာတယ်။ စူပါပါဝါကို ဘာလို့ အနိုင်တိုက်နိုင်သလဲဆိုတာကို သေချာစေ့စေ့ငှငှ လေ့လာကြည့်ဖို့ကောင်းတယ်။ resource mobilization လုပ်သွားပုံ၊ logistic လမ်းကြောင်း (Ho Chi Minh Trail) တည်ဆောက်သွားပုံတွေဟာ အတုယူမယ်ဆိုရင် ယူလို့ရတယ်။ ကိုယ့် context နဲ့ကိုက်အောင် တော့ ပြောင်းသုံးနိုင်ရမှာပေါ့။  

မည်သို့ဆိုစေ၊ ဆက်ပြီးတော့ ချီတက်ကြရဦးမယ်။ သေချာတာတစ်ခုကတော့ ပြည်သူရယ်၊ CRPH ရယ်၊ NUG ရယ်၊ တော်လှန်ရေးသစ္စာတည်ကြည်တဲ့ တိုင်းရင်းသားလက်နက်ကိုင်တွေရယ် စုပေါင်းပြီး လုပ်ကြမှရမှာ။   မဟုတ်ရင် ဟိုတစ်စ၊ ဒီတစ်စနဲ့ စစ်တပ်အကြိုက်ပဲဖြစ်သွားမှာ။ ပြည်သူကိုယ်တိုင်ကလည်း ကြံ့ကြံ့ခံပြီး ရင်ဆိုင်ကြ ရလိမ့်ဦးမယ်။ ကမ္ဘာ့ဘယ်နေရာမှာ ရောက်သည်ဖြစ်စေ၊ ဒီတော်လှန်ရေးအတွက် လက်တွေ့ကျကျ အလုပ်ဖြစ်မယ့် ပံ့ပိုးမှုတွေလည်း လုပ်ကြဖို့လိုတယ်။

‌မအလ ကိုခွေးမောင်းသလိုမောင်းရမယ်။

 အမေရိကန်က ဟီရိုရှီးမားကို

     အနုမြူဗုံး ကြဲပစ်တယ်။ 

     ကြဲပေါ့

     သူ့နိုင်ငံနဲ့ ကိုယ့်နိုင်ငံ။ 

     ဗီယက်နမ်က အမေရိကန်ကို

     ပျောက်ကျားစနစ်နဲ့ချေမှုန်းတယ်။ 

     လုပ်ပေါ့

     သူ့နိုင်ငံနဲ့ ကိုယ့်နိုင်ငံ။ 

     ဗိုလ်မင်းရောင်က ဖက်ဆစ်ဂျပန်ကို

     တော်လှန်တယ်။ 

     ချပေါ့

     သူ့လူမျိုးနဲ့ ကိုယ့်လူမျိုး။ 

     ဦးအောင်ဆန်းက

     ကိုလိုနီကိုတိုက်ထုတ်တယ်။ 

      လုပ်ပေါ့

      သူ့လူမျိုးနဲ့ ကိုယ့်လူမျိုး။ 

      အခုတော့ဗျာ 

      ဂျပန်ကိုတိုက်ခဲ့တဲ့ အမျိုးအနွယ်ထဲက

      ဆင်းသက်ခဲ့တာလားဆိုတော့... 

      ဟင့်အင်း...

      တစ်ယောက်မှမပါဘူး။ 

      အင်္ဂလိပ်ကိုတိုက်ထုတ်ဖို့

      စစ်ပညာသင်တဲ့ရဲဘော်သုံးချိတ်ထဲမှာ

      ပါခဲ့လားဆိုတော့ ... 

      ဟင့်အင်း ...

      တ‌ယောက်မှပါသံမကြားခဲ့ပါဘူး။ 

      ကိုင်း... ဒါဆို

      ပြည်တွင်းစစ်ကိုရော

      နိုင်အောင်လုပ်ခဲ့လားဆိုတော့... 

      ဟင့်အင်း...

      အဖွဲ့တွေတောင်

      ထပ်ထပ်တိုးလာသေး။ 

      ဘယ်နိုင်ငံနဲ့မှလည်း

      စစ်မတိုက်ဖူးဘူး။ 

      ဘယ်သူ့ကိုမှလည်း

      လုံခြုံအောင်မကာကွယ်ဘူး။ 

      နိုင်ငံရေးသမားမဟုတ်ဘူးနော်

      သမ္မတလုပ်ချင်တယ်။ 

      ရွေးကောက်ပွဲဝင်မပြိုင်ဘူးနော်

      လွှတ်တော်ထဲဝင်ထိုင်တယ်။ 

      စီးပွားရေးသမားမဟုတ်ဘူးနော်

      ကုမ္ပဏီတွေတည်ထောင်တယ်။ 

      တောင်သူလယ်သမားမဟုတ်ဘူးနော်

      လယ်ယာမြေတွေသိမ်းပစ်တယ်။ 

      သမိုင်းသိသလားဆိုတော့

      သာသနာပြုဆရာတော်နဲ့                            

      တော်လှန်ရေးဆရာတော်မှားပြောတယ်။ 

      အင်္ဂလိပ်စာကျွမ်းသလားဆိုတော့

      နဂေးတစ်...တဲ့ ။ 

     ဟေ့...

     မြန်မာကွ မြန်မာ 

     လွတ်လပ်ရေးရပြီးကတည်းက နှစ်ပေါင်း 

    (၇၀)ကျော်အတွင်းမှာ တော်တည့်မှန်ကန်တဲ့

     စစ်ဗိုလ်ချုပ်တွေ အခုထိတစ်ယောက်မှ

     မပေါ်သေးလို့ ဘက်ပေါင်းစုံပြိုလဲပျက်စီး

     တော့မယ်လို့ပြောတာ ဘာဆန်းတာမှတ်လို့ 

      တိုင်းပြည်နဲ့ ပြည်သူကသာ ပြိုလဲပျက်စီး

      သွားရတာ သူတို့ကျတော့ သားစဉ်မြေးဆက်

      စားမကုန်သောက်မကုန် ချမ်းသာသွားကြပြီ ။ 

       ဒါကို...

      သူတို့လုပ်တာ ဟုတ်ပါတယ် မှန်ပါတယ်လို့

      ထောက်ခံအားပေးနေရအောင် 

      မင်းတို့က (ချီး)စားနေတဲ့ 

ခွေးတွေလား 😅🤣

#သွေးသစ္စာ #RejectMilitaryCoup #WhatsHappeningInMyanmar

#crd

ယာယီသမ္မတမြင့်ဆွေမှ့ သူခိုးမင်းအောင်လှိူင်အားပေးစာ။

 “ယာယီသမ္မတ ဦးမြင့်ဆွေမှ အလိမ် အညာ မင်းအောင်လှိုင်ထံ ပေးစာ။”

မရယ်ရတဲ့ သရော်စာ။

မင်းအောင်လှိုင်ရေ

မပြောချင်ပေမယ့်လည်း ပြောစရာ တစ်ချို့ရှိတော့ ပြောရမယ်။ ပြီးခဲ့တဲ့ ၂၀၂၁ ဇန်နဝါရီ လကုန် ငါ ကချင်ပြည်နယ် ပူတာအိုဘက် ခရီးထွက်ပြီး ပြန်ရောက်ကာစပဲ ရှိသေးတယ်၊ မင်းက သမ္မတ၊ ဒုသမ္မတ နဲ့ လူအတော်များများ ဖမ်းပြီး အာဏာသိမ်းလိုက်တယ်။ မင်းက တပ်ချုပ်ပဲ သိမ်းချင်လည်း သိမ်းပေါ့။ ဒါပေမယ့် မဆီမဆိုင် ငါ့ကို ယာယီ သမ္မတ ဆိုပြီး ဖွဲ့စည်းပုံမှာ မရှိတဲ့ ရာထူးပေး၊ ငါကပဲ အရေးပေါ် အခြေအနေ ကြေညာ၊ မင်းကို အာဏာ၃ရပ် (၁) နှစ်ပေးတယ် ဆိုတဲ့ ပုံ လုပ်ခဲ့ရ သရုပ်ဆောင်ခဲ့ရတယ်။ ငါ မကျေနပ်ပေမယ့် ငါ့မိသားစုနောင်ရေး ရှိသေးတော့ ငါ လိုက်လျောခဲ့ရတယ်။ အင်းပေါ့လေ။ မင်းက ၂၀၀၈ ကိုလိုက်နာဆဲ လို့ ဆိုတာကိုး။ ဒါပေမယ့် အခု ငါ့မှာ မေးစရာတွေ ရှိလာပြီ။

 

၁။ သြဂုတ်လ ၁ ရက်နေ့ မင်းရဲ့ မိန့်ခွန်းမှာ မင်းအနေနဲ့ အရေးပေါ်ကာလ ပြဌာန်းချက် အကောင်အထည် ဖော်ဖို့ ၂ နှစ်၊ ရွေးကောက်ပွဲ လုပ်ဖို့ ၆ လ၊ စုစုပေါင်း ၂ နှစ် ၆ လ အာဏာယူထားမယ်၊ အချိန်ကာလအားဖြင့် ၂၀၂၃ သြဂုတ်လ ရောက်မှ ပြီးစီးမယ် ဆိုပြီး ပြောတာ ငါကြားရတယ်။ ၂၀၀၈ ဖွဲ့စည်းပုံအရ မင်းက တပ်ချုပ် အဆင့်ပဲ ဆိုတာ မမေ့ဖို့ လိုတယ်၊ အရေးပေါ်ကာလ တာဝန်ယူဖို့ မင်းဖာသာမင်း သက်တမ်းတိုးလို့ ရသလား။ ငါက တိုးပေးမှ ရမှာ မဟုတ်ဘူးလား။ ပြောပါဦး။

၂။ မှတ်မိသေးလား။ မင်း လူတွေဖမ်း အာဏာသိမ်းပြီး ဖေဖေါ်ဝါရီ ၁ ရက်နေ့မှာ “ကာလုံ” အစည်းအဝေးလုပ်တယ်။ ၂ ရက်နေ့မှာတော့ “ ပြည်ထောင်စု သမ္မတ မြန်မာနိုင်ငံတော် အစိုးရ၊ ပြည်ထောင်စု အစိုးရအဖွဲ့ အစည်းအဝေး” ဆိုပြီး ကျင်းပခဲ့တယ်။ မင်းက တပ်ချုပ်အနေနဲ့ တက်တယ်၊ မိန့်ခွန်းပြောတယ်၊ အသစ်ခန့် မင်းရဲ့ ဝန်ကြီးတွေ တက်တယ်။ ငါ့ကို ယာယီ သမ္မတ ဆိုပြီး ဘေးမှာ ထားတယ်။ ထားပါ ၂၀၀၈ အရ နိုင်ငံ အထွဋ်အထိ်ပ် ယာယီသမ္မတ ကို ဘေးမှာ ထားပြီး မင်းနံပတ်(၁) လုပ်တာ ငါ ဘာမှ မပြောချင်ခဲ့ပေမယ့် အခု မင်းက “အိမ်စောင့် အစိုးရအဖွဲ့” ဆိုပြီး အသစ် ထပ်ဖွဲ့တယ်။ အဲဒီမှာ ငါမပါဘူး၊ ဒါလည်း ငါ ဘာမှ မပြောချင်ဘူး၊ ဒါပေမယ့် ငါ ပါနေသေးတဲ့ “ ပြည်ထောင်စု သမ္မတ မြန်မာနိုင်ငံတော် အစိုးရ” ဆိုတာကြီး ရှိသေးလား၊ မင်းဖျက်လိုက်ပြီလား။ ဖျက်လိုက်ရင် ငါ ဘယ်နေရာ ရောက်သွားမလဲ၊ ငါက ယာယီသမ္မတရော ဆက် ဖြစ်နေသေးသလား။ နောက် အရေးပေါ်ကာလ ပြီးသွားရင် မင်း သမ္မတ ကို ပြန်အစီရင်ခံရမယ် ဆိုတာကိုရော မေ့သွားပြီလား။ ဘာတွေလဲကွာ အခု တိုင်းပြည်မှာ အစိုးရ ၂ ခုတောင် ဖြစ်နေပြီ။

ငါ အသက်လည်းကြီးပြီ။ အေးအေးဆေးဆေး နေချင်ပြီ။ မင်းဖာသာမင်း စစ်အာဏာသိမ်းတယ် ဆို သိမ်းတယ်ပေါ့ကွာ၊ ၂၀၀၈ ဘာညာ လုပ်မနေနဲ့ပေါ့။ မင်းဟာက မလုပ်ရဲတာ ဘာမှ မရှိဘူး ဆိုပေမယ့် အခု မင်းလုပ်နေတာက လိမ်တာ၊ ညာတာ၊ သွေးမရှိတာ၊ တာဝန်မခံရဲတာ နဲ့ တိုင်းပြည်လည်း ကုန်းကောက်စရာ မရှိအောင် ပျက်နေပြီ၊ အဲဒါ အရေးမကြီးဘူး၊ ငါလည်း ဒုက္ခရောက်တယ်။

မြင့်

ဆွေ။

STAM