အလံသာမြင်ရ လူမတွေ့ရ

အာဆီယံ မှ မင်းအောင်လှိုင်အား ဖယ်ကျဉ် လိုက်မှုသည် စစ်ကောင်စီကို အကြီးအကျယ် ထိုးနှက်ခံလိုက်ရခြင်း ဖြစ်သည်မှာ တနေ့တခြား ထင်ရှားသည်ထက် ထင်ရှားလာနေပြီ ဖြစ်သည်။

၎င်းတို့၏ ရပ်တည်ရာ နှင့် လားရာကို ပထမဆုံး အကြိမ် သတိပြုမိလာသည်ဟု ယူဆ၍ရပေသည်။ ဤအချက် ကို မီးမောင်း ထိုးပြလာသည်မှာ နိုင်ငံတဝှမ်းရှိ ၎င်းတို့ စစ်တပ် အသိုက်အဝန်းများ ကြီးစိုးရာ မြို့ကြီးများဖြစ် သော နေပြည်တော်၊ ပြင်ဦးလွင် နှင့် မိတ္ထီလာ တို့တွင် စစ်တပ် ထောက်ခံပွဲများ ဆိုကာ ပြည်သူတရပ်လုံးက ၎င်းတို့ အား ထောက်ခံ နေကြလေဟန် လုပ်ကြံဖန်တီးလာမှုများက သက်သေခံနေပေသည်။

အဆိုပါ ပုဂ္ဂိုလ်များ၏ အမှားသည် စစ်တပ်ကို ထောက်ခံသည့် သဘော မသက်ရောက်တော့ဘဲ တနိုင်ငံလုံးက အမုန်းကြီး မုန်းနေပြီဟု သိထားကြသည့် အာဏာသိမ်း ခေါင်းဆောင် ၏ ဓါတ်ပုံကြီးအား စင်မြင့်ထက်တွင် ချိတ်ကာ ပူဇော်ပသ လာကြခြင်းဖြစ်၍ ၎င်းတို့၏ ထောက်ခံပွဲ ဆိုသည်ကို နိုင်ငံတကာမှ အယုံအကြည် မဲ့သွားခြင်းပင် ဖြစ်သည်။

သို့သော် ပြဿနာ က စစ်ကောင်စီသည် ၎င်းတို့ကဲ့သို့ ညံ့ဖျင်းသော အတွေးအခေါ်မျိုး လူတိုင်းတွင် ရှိနေ ကြသည်ဟု ယူဆနေကြဆဲ ဆိုသည်ပင် ဖြစ်သည်။ မည်သည့် အရာမဆို လုပ်ချင်ရာ လုပ်လာခဲ့ကြသည့် အဆင့်သာ ရှိနေသေးသည်။

အရှေ့တောင် အာရှ သို့ တရုတ်သည် စီးပွားရေး အရ တိုးမြှင့် ဆက်သွယ်လာသလို အမေရိကန်ကလည်း စစ်ရေး နိုင်ငံရေး အရ ထဲထဲဝင်ဝင် ပါဝင် ပတ်သက်လာခဲ့သည်။ ယခင် သမ္မတ ဒေါ်နယ်ထရန့် အနေနှင့် အာဆီယံ-အရှေ့အာရှ ထိပ်သီး အစည်းအဝေးကို လေးကြိမ်တိုင်တိုင် တက်ရောက်ရန် ရှောင်လွှဲသွားခဲ့သော်လည်း ဘိုင်ဒင် အစိုးရကမူ ဒုသမ္မတ၊ ကာကွယ်ရေး ဝန်ကြီး၊ လက်ထောက်နိုင်ငံခြားရေး ဝန်ကြီးများ အပါအဝင် အဆင့်မြင့် အရာရှိကြီးများကို အမြဲလို စေလွှတ်နေသည်ဟု ဂျပန် ၏ Nikkei Asia Review စာစောင်မှ ထောက်ပြသွား ခဲ့သည်။

အာဆီယံသည် အဖွဲ့၏ အဓိက ရည်မှန်းချက် ဖြစ်သော ဒေသတွင်း အလုံးစုံ စီးပွားရေး အကျိုးတူ ပူးပေါင်းမှု သဘောတူညီချက် Regional Comprehensive Economic Partnership Agreement (RECP) ကို အဖွဲ့ဝင် ဆယ်နိုင်ငံ နှင့် ဩစတေးလျှ၊ တရုတ်၊ ဂျပန်၊ တောင်ကိုရီယား၊ နယူးဇီလန် တို့နှင့် လက်မှတ်ရေးထိုးပြီး အကောင်အထည် ဖေါ်ဖို့ ရှိနေသည်။ 

ဤသည်ကပင် မြန်မာ စစ်ကောင်စီ အဖို့ ရေကြုံစီးကာ အချောင် ကြီးပွားနိုင်သည့် အခွင့်အရေး ဟူ၍ မြင်လာ နေသည်။ အာဆီယံ မှ စစ်ကောင်စီ ၏ ခေါင်းဆောင်ကြီးပင် အစည်းအဝေး ပေးမတက်ဟု ကမ္ဘာသိ ကြေညာ လိုက်ခြင်းကြောင့် ရှေ့လျောက် ထိုသို့ နောက်ကနေ အချောင်လိုက်၍ မရတော့ဟုလည်း သဘောပေါက်လာ သည်။ အာဆီယံ ကမူ အမေရိကန် ၏ စီးပွားရေး ပိတ်ဆို့မှု ကို တိုး၍ ခံလာရဖွယ် ရှိသော freeloader များ ဖြစ်သည့် စစ်ကောင်စီ နှင့် ဝေးဝေး နေမှသာ ဖြစ်ဖွယ် ရှိသည်ဟု ခံယူခဲ့ကြပြီး ဖြစ်သည်။

မိမိတို့ တိုင်းပြည်အား အလယ်အလတ် ဝင်ငွေ အဆင့် သို့ တိုးမြှင့်နိုင်ရေး အားယူနေကြသည့် ကမ္ဘောဒီယား၊ လာအို ကဲ့သို့ နိုင်ငံများက ထိတ်လန့်လာကြခြင်းလည်းဖြစ်မည်။

ထို့ကြောင့်လည်း စစ်ကောင်စီ၏ အစဉ်အလာ မဟာမိတ်ဟု ယူဆထားသော ထိုင်း၊ ဗီယက်နမ်၊ ကမ္ဘောဒီယား တို့မှ မင်းအောင်လှိုင် အား ထုတ်ပယ်ရေး ကို တရားဝင် ကန့်ကွက် ပြောဆိုခဲ့ကြခြင်း မရှိဘဲ ရေငုံနှုတ်ပိတ် နေခဲ့ကြခြင်း ဖြစ်သည်။ စစ်ကောင်စီက ထိုသို့ မျှော်လင့်ထားခဲ့ခြင်း မရှိသည်ကို ပြောခွင့်ရ ဇော်မင်းထွန်းက ထိုသို့ စကားလမ်းကြောင်းလာသည့် မလေးရှားနိုင်ငံခြားရေး ဝန်ကြီးကို သူ၏ ပုဂ္ဂိုလ်ရေး အမြင်ဟု ဆိုကာ ပမာမခန့် ပြောသွားခဲ့ခြင်းက သက်သေခံနေပေသည်။

၎င်းတို့ နှင့် မည်သူမျှ လူသိရှင်ကြား ပတ်သက်လိုကြခြင်း မရှိကြ၍ စစ်ကောင်စီသည် ထိုအရေးကို ရှောင်လွှဲရန် သံတမန် ထိုးစစ် ဆင်ခွင့်မရသဖြင့် ပြည်တွင်းမှသာ ကြေညာချက် အမျိုးမျိုး ထုတ်ပြီး ရှက်ရမ်း ရမ်းနေရသည့် ဘဝ ဖြစ်လာခဲ့ရသည်။ ၎င်းတို့၏ အားကိုးရာ တရုတ် နှင့် ရုရှားမှ ထိုအရေးအပေါ် ဝေဖန်ချက် တစုံတရာမပေး ရေငုံနှုတ်ပိတ်နေဆဲပင် ဖြစ်သည်။

ယခု အာဆီယံ အစည်းအဝေးသို့ မကောင်းတတ်လွန်း၍ နိုင်ငံရေး နှင့် မပတ်သက်သော အစိုးရ အရာရှိ ထဲက တဦးဦး ကို ဖိတ်ခေါ်မည် ဆိုကာ စစ်ကောင်စီ၏ နိုင်ငံခြားရေး ရုံးမှ အမြဲတမ်း အတွင်းဝန် ချမ်းအေး ဆိုသူကို ဖိတ်ခေါ်မည်၊ ဖိတ်ခေါ်ခဲ့သည်ဟု ဇော်မင်းထွန်းက အတည်ပြုလာခဲ့သည်။ သို့သော် စစ်တပ်သည် အာဆီယံအား ၎င်းတို့ နိုင်ငံတကာ တွင် လူရာဝင်နေဆဲဟု ဝါဒ ဖြန့်ရန် အတွက် သုံးရန်သာ လိုလားနေ၍ မင်းအောင်လှိုင် တက်ခွင့် မရခြင်း အပေါ် အကြီးအကျယ် ထိခိုက်သွားခဲ့ရခြင်းလည်း ဖြစ်သည်။

သို့သော် ချမ်းအေး ဆိုသူ တက်မည် မတက်မည် ဆိုသည်က မသေချာသေးကြောင်း၊ အာဆီယံ၏ လုပ်ပေါက် သည် တိုင်းပြည်၏ အချုပ်အခြာ အာဏာ နှင့် မိမိတို့၏ပုံရိပ်ကို စော်ကားခြင်းဖြစ်သည်ဟု ပြောဆိုသွားခဲ့သည်။ တိုင်းပြည်၏ အချုပ်အခြာ အာဏာ ဆိုသည်ကလည်း ၎င်းတို့ လက်ထဲက အာဏာ ဟု နှစ်ပေါင်း ၆၀ လုံးလုံး ခံယူထားခဲ့ ကြပြီး ဖြစ်နေသည်။

တိုင်းရင်းသား စည်းလုံး ညီညွတ်ရေး ဆိုသည်ကိုလည်း ၎င်းတို့ လက်အောက်တွင် အနှောက်အယှက် မပေးဘဲ ပေးသမျှယူ ကျွေးသမျှစား ဘဝမျိုးဖြင့် နေထိုင်ကြရေးဟူ၍ ယူဆထားပြန်သည်။

မည်သို့ပင် ဖြစ်စေ မင်းအောင်လှိုင်၏ ကြီးမားလှသော ဘုန်းသမ္ဘာ အရှိန်ကြောင့် မင်းပရိသာတ် အလယ်တွင် အလံလေးသာ ထောင်ခွင့်ရခဲ့တော့သည်၊ တခါက ၎င်းအား ‌ခေါ်ယူတွေ့ဆုံခဲ့ခြင်းမှာလည်း ပြောစရာ ရှိ၍သာ ဖြစ်သည်ကိုလည်း နားလည် နိုင်လောက်သည်။

မင်းအောင်လှိုင်အား တက်ရောက်ခွင့် ပိတ်ပင်လိုက်ခြင်းကို စစ်ကောင်စီ က မခံမရပ်နိုင် ဖြစ်သွားသော်လည်း မြန်မာ ပြည်သူ သန်း ၅၀ ကျော် က တခဲနက် ထောက်ခံကြိုဆိုခဲ့ကြသည်ကို ဆိုရှယ်မီဒီယာများ မှတဆင့် အာဆီယံ ‌ခေါင်းဆောင်များက သိမြင်နားလည် နိုင်ခဲ့ကြပြီးဖြစ်သည်။

ဤသို့ဖြင့် သုံးရက်ကြာ ကျင်းပမည့် အာဆီယံ အစည်းအဝေး မှ မရှိ၍မဖြစ်သော မကောင်းဆိုးဝါး necessary evil ဟု သတ်မှတ်ခံထားရသည့် ကမ္ဘောဒီယား ဝန်ကြီးချုပ် ဟွန်ဆန် အား ၂၀၂၂ အတွက် ဥက္ကဌ ရာထူးကို လွှဲ ပြောင်းပေးတော့မည် ဖြစ်သည်။ ယခင် ဗိုလ်သန်းရွှေ စစ်ကောင်စီ ကိုလည်း အလားတူ necessary evil ဟု သတ်မှတ်ခံထားရာမှ မင်းအောင်လှိုင် ကိုတော့ unwanted evil မလိုလားအပ်သော မကောင်းဆိုးဝါး အဆင့်သို့ လျော့ချခံလိုက်ရပြီ ဖြစ်သည်။ ဟွန်ဆန် လက်အောက်တွင် မြန်မာအရေး အထူး သံတမန်၏ အနေအထား မည်သို့ ဖြစ်သွားမည်ကို မသဲကွဲသေးဟု စင်္ကာပူ သတင်းစာတွင် ရေးသားထားသည်။

သို့သော် အာဆီယံ အထူး သံတမန် ဖြစ်လာမည့် ကမ္ဘောဒီယား နိုင်ငံခြားရေး ဝန်ကြီး ပရပ် ဆော့ဟွန်း က မိမိတို့သည် ဘရူးနိုင် သံတမန် ၏ လမ်းကြောင်း အတိုင်း ချဥ်းကပ်သွားမည် ဖြစ်ပြီး မြန်မာ စစ်ကောင်စီ၏ ခေါင်းမာနေမှု ကို စိတ်ပျက်မိကြောင်း ထုတ်ဖေါ်ပြောဆိုလာခဲ့သည်။

မြေပြင် အခြေအနေများကလည်း စစ်ကောင်စီ ကို မျက်နှာသာ ပေးလာကြခြင်း မရှိပေ။ နှစ်ပရိစ္ဆေဒ ကြာမြင့်စွာ နိုင်ငံသား တို့၏ လူနေမှု အဆင့်အတန်း အား တိုးမြင့်အောင် လုပ်ပေးနိုင်စွမ်း မရှိသည့်အပြင် အားမနာ လျှာမကျိုး အုပ်ချုပ်လာခဲ့ကြသူများ အပေါ် သည်းငြီး မခံနိုင်ကြတော့သည့် ပြည်သူ များက ခုခံ တွန်းလှန်ရေး စစ်ပွဲကို တိုးမြှင့် ဆင်နွှဲလာကြရာ မကွေး၊ စစ်ကိုင်း၊ ဧရာဝတီတိုင်း၊ မန္တလေး နှင့် ရန်ကုန်မြို့ကြီးများ တွင် ပြီးခဲ့သည့် သီတင်းပတ်ကုန် နှစ်ရက်အတွင်း အာဏာသိမ်း တပ်သား ၅၀ ခန့်ကို သုတ်သင်နိုင်ခဲ့ကြသည်ဟု ဧရာဝတီ သတင်းတွင် ဖေါ်ပြထားသည်။

ရှုံးမဲ မဲလာနေသော စစ်တပ်မှ နိုင်ငံ အနောက်မြောက်ပိုင်းတွင် အနော်ရထာ စစ်ဆင်ရေး အမည်တပ်ကာ ပြည်သူများ အပေါ် မဲမဲမြင်ရာ အကြမ်းဖက်တော့မည့် အရေးအား ဗြိတိန် နိုင်ငံခြားရေး ဝန်ကြီးဌာနမှ လုံခြုံရေး ကောင်စီ အဖွဲ့ဝင်များ နှင့် စတင် ဆွေးနွေးနေပြီ ဖြစ်သည်။ ဗြိတိသျှ တို့က ထိုအရေးသည် ဒေသအတွင်း မတည် ငြိမ်မှုများ ဖြစ်ပေါ်လာနိုင်သည်ဟု ယူဆထားကြ၍ ဖြစ်ပေသည်။ ကုလသမဂ္ဂ တာဝန်ရှိသူများကလည်း အလားတူ စိုးရိမ် ပူပန်လာကြပြီ ဖြစ်၍ လှုံ့ဆော်လာခဲ့ကြသည်။

နောက်ဆုံး ရရှိသော သတင်းအရ သက်တမ်း ပြေ့ပြီ ဖြစ်၍ ရာထူးမှ နှုတ်ထွက်ရတော့မည့် ကုလအတွင်းရေးမှုးချုပ်၏ မြန်မာ အရေး အထူး သံတမန် ကက်သရင်း ဘာဂင်ဂါ၏ နေရာတွင် စင်္ကာပူ၏ ဝါရင့် သံတမန် ‌ဟောင်း တဦး ဖြစ်သူ အသက် ၇၃ နှစ် ရှိ အမျိုးသမီးကြီး ဒေါက်တာ နိုလင်း ဟေဇာ အား တရားဝင် ခန့်အပ်လိုက်ပြီ ဖြစ်သည်။ သူမသည် လူမှု ရေး သိပ္ပံပညာဖြင့် ကင်းဘရစ် တက္ကသိုလ် မှ ဒေါက်တာ ဘွဲ့ ရရှိခဲ့သူ လည်း ဖြစ်သည်။ ကုလ လက်ထောက် အတွင်းရေးမှုး ချုပ် နှင့် အာရှ-ပစိဖိတ်ရေးရာ စီးပွားရေး နှင့် လူမှုရေး ကော်မရှင်တွင် အမှုဆောင် အတွင်းရေး မှုး အဖြစ် တာဝန်ယူခဲ့ဖူးသည်။ ၂၀၀၅ တွင် နိုဘဲလ် ငြိမ်းချမ်းရေး ဆု အတွက် အမည်စာရင်း တင်သွင်းခံခဲ့ရသည်။

တော်လှန်ရေးကြီး မုချအောင်

ရမည်!!!

Photo - South China Morning Post

ဒလန်သို့သွားရာလမ်း မချိမဆန့်

 

ဖြုတ်ပြန်ပြီ မီးရထား ဒလန်ကို အနီးကပ်

မြန်မာ့မီးရထားမှ စစ်ကောင်စီသတင်းပေး Non - CDM ဝန်ထမ်း ထိန်ဝင်း (ခ) ရန်ကင်းမောင်ကို ပစ်သတ်သွားသည့် ဗီဒီယိုထွက်ပေါ်(ရုပ်/သံ)

ရန်ကုန်၊ အောက်တိုဘာ ၂၄

မြန်မာ့မီးရထားမှ Non - CDM ဝန်ထမ်းဖြစ်သူ ထိန်ဝင်း (ခ) ရန်ကင်းမောင်အား အမည်မသိ သေနတ်သမားက အောက်တိုဘာလ ၁၃ ရက် နံနက်ပိုင်းတွင် ပစ်သတ်သွားခဲ့သည့် ဗီဒီယိုဖိုင် လူမှုကွန်ရက်ပေါ်တွင် ယနေ့နံနက်၌ ထွက်ပေါ်လာသည်။

အခင်းဖြစ်ရာနေရာသည် ရန်ကုန်၊ သိမ်ဖြူလမ်းနှင့် အထက်ပန်းဆိုးတန်းလမ်းကြား ဗိုလ်မင်းရောင်လမ်းမပေါ် သိမ်ဖြူမီးပွိင့်အနီးတွင်ဖြစ်ပြီး ပစ်ခတ်မှုဖြစ်ပြီးနောက် ကားနောက်ခန်းမှ အမျိုးသမီးတစ်ဦး ပြေးထွက်လာပြီး "ပစ်သွားပြီ လုပ်ဦး၊ ရန်ကင်းမောင် ကို ပစ်သွားပြီ" ဟု ပြောနေသည်ကို တွေ့မြင်ကြားသိရသည်။

ထိန်ဝင်းသည် မြန်မာ့မီးရထား၊ သတင်းနှင့် ပြန်ကြားရေးဌာနဖြစ်ပြီး ရန်ကင်းမောင် အမည်ဖြင့် လူမှုကွန်ရက်တွင် စာများရေးသားကြောင်း သိရှိရသည်။ 

"မီးရထား ဌာန ပြန်ကြားရေး သတင်းရေး သမား တစ်ယောက်ပါ။ Non-CDM ဝန်ထမ်းပါ။ အဓိက မီးရထားမှာ CDM တွေ အိမ်ရာတွေကနေ အတင်းအကျပ် ပြောင်းရွှေ့ခိုင်းတုန်းက CDM ဦးဆောင်သူတွေရဲ့ အမည်တွေကို စစ်တပ်ဘက်ကို သတင်းပေးတယ်ဆိုပြီး CDM ဝန်ထမ်းတွေဘက်က မှတ်ချက်ပြုထားတာရှိပါတယ်" ဟု မီးရထားဝန်ထမ်းတစ်ဦးက ဆိုသည်။

ဖြုတ်ပြီဟ မအေလိုးတွေကို ကြည့်ကောင်းလိုက်တာ

 ဗားကရာ ယာဉ်ထိန်းရဲကင်းရုံး ပစ်ခတ်မှု ရုပ်သံဖိုင်ထွက်ပေါ် 

----------------

စမ်းချောင်းမြို့နယ် ဗားကရာချောက်ရှိ ယာဉ်ထိန်းရဲကင်းရုံးကို ယနေ့ နေ့လည် ၂နာရီခန့်က ပစ်ခတ်မှုဖြစ်ခဲ့ပြီး စစ်ကောင်စီတပ်သား တစ်ဦးသေဆုံး၊ တစ်ဦး ဒဏ်ရာရခဲ့သည်။ 

ထိုဖြစ်စဉ်ကို ကားပေါ်မှ သေနတ်ဖြင့် ချိန်ရွယ်ပစ်ခတ်ခဲ့သည့် ရုပ်သံဖိုင်တစ်ခု လူမှုကွန်ရက်စာမျက်နှာထက်တွင် ယခုညပိုင်း ပျံ့နှံ့လာခဲ့သည်။ 

ပစ်ခတ်မှုနောက်ပိုင်း စစ်ကောင်စီတပ်သားများနှင့် ရဲများ အလုံးအရင်းလာရောက်ကာ လမ်းပိတ်ဆို့စစ်ဆေး

ခဲ့သည်။

BUGATTI LA VOITURE NOIRE STATE 3

via https://youtu.be/hlKUEwpklLE

BUGATTI LA VOITURE NOIRE STATE 2.

via https://youtu.be/gATi1xIyYs4

BUGATTI LA KOITURE NOIRE. STATE 1.

via https://youtu.be/_V2UoFFq4tU

မအလ အား အာဆီယံ အစည်းဝေးတက်ရောက်ရန် ခွင့်မပြု ထုပ်ပယ်လိုက်သည်။

 မင်းအောင်လှိုင် အား အာဆီယံ ထိပ်သီး အစည်းအဝေး မှ ဖယ်ထုတ်လိုက်ပြီ

****************************************

အောက်တိုဘာ ၂၆-၂၈ တွင် ပြုလုပ်ရန် ရှိသည့် အာဆီယံ ထိပ်သီး စည်းဝေးပွဲသို့ တက်ရောက်ခွင့် မပြုရန် သဘောတူ လိုက်ကြခြင်းဖြင့် အာဆီယံ၏ သမိုင်းတွင် ရှားရှားပါးပါး တင်းမာစွာ ရပ်တည်ချက် အဖြစ် သမိုင်းတွင်သွားမည့် ဆုံးဖြတ်ချက်ကို သောကြာနေ့ အစည်းအဝေးတွင် ချမှတ်လိုက်ပြီ ဖြစ်သည်။ တရားဝင် ကြေညာချက်ကို စနေနေ့တွင် ထုတ်ပြန်သွားမည်ဟု အစည်းအဝေး နှင့် နီးစပ်သော သတင်းရပ်ကွက် များက ဆိုသည်ဟု သတင်းများ တွင် ပါရှိလာခဲ့ပြီး ဖြစ်သည်။ 

ယင်းသည် ၎င်းတို့ အားလုံး စိတ်တူကိုယ်တူ ချမှတ်ခဲ့သည့် အချက် ငါးချက်ကို ငါးလ ကျော် ကြာမြင့်ခဲ့ပြီ ဖြစ်သော်လည်း တခုတလေမျှပင် လိုလိုလားလား တုန့်ပြန်ခဲ့ခြင်း မရှိမှု အတွက် အာဆီယံ နိုင်ငံခြားရေး ဝန်ကြီး များ အထူး အစည်းအဝေးခေါပြီး နှစ်နာရီကျော်ကြာ မာရသွန် ဆွေးနွေးခဲ့ကြပြီးနောက် ယခုလို ဆုံးဖြတ် လိုက်ခြင်းပင် ဖြစ်သည်။

အာဆီယံ နိုင်ငံများသည် မိမိတို့ နိုင်ငံသားများ တိုးတက်ဖွံ့ဖြိုးပြီး အများနှင့် တန်းတူ ရင်ဘောင် တန်းနိုင်ရေး အတွက် နိုင်ငံတကာ နှင့် ရှေ့လျှောက် ပူးပေါင်း ဆောင်ရွက်သွားရေး၊ ကိုဗစ် အလွန် စီးပွားရေး အစီအမံများ အကောင်အထည်ဖေါ်‌ရေး၊ တို့အား စိတ်အားထက်သန်နေကြချိန်တွင် မင်းအောင်လှိုင် ကဲ့သို့ အာဏာရူးများကို မျက်စိမှိတ် ဆွဲခေါ်သွားဖို့ အရေးသည် အဘယ်မှာလျှင် ဖြစ်နိုင်ခြေ ရှိအံပေမည်နည်း။ နောက်ထပ် လိမ်ညာ ပြောဆိုလာဦးမည့် အရေးကြောင့် အွန်လိုင်းမှပင် အတူတူ မျက်နှာခြင်းဆိုင် စကားပြောဆိုလိုကြဟန် မတွေ့ ရတော့ပေ။

ထို့ပြင် ၎င်းတို့မှ သန်းကောင်ယံ ကြေညာချက် ထုတ်ပြန်ပြီး ပြေရာပြေကြောင်း အတတ်နိုင်ဆုံး ကြိုးပမ်းခဲ့သည့် လက္ခဏာများ တွေ့ခဲ့ရသော်လည်း ပြဿနာမှာ စစ်ကောင်စီ၏ စကားများကို မည်သူမျှ အလေးအနက် မထား ကြတော့ သည်ကို အာဆီယံ၏ ဆုံးဖြတ်ချက်က အထင်အရှား ပြဆိုနေပေသည်။

မင်းအောင်လှိုင် တက်ရောက်မည့် အရေးကို အပြင်းအထန် ဆန့်ကျင်ခဲ့သည့် နိုင်ငံများက မလေးရှား နှင့် ဖိလစ်ပိုင်တို့ပင် ဖြစ်သည်။ ဤသည်ကလည်း စစ်ကောင်စီ၏ ပြောခွင့်ရ ဇော်မင်းထွန်း၏ မခန့်လေးစား ပြောဆိုခဲ့မှု သည်လည်း တကြောင်း အပါအဝင် ဖြစ်ဖွယ် ရှိနေသည်။

ဇော်မင်းထွန်းသည် မလေးရှား နိုင်ငံခြားရေး ဝန်ကြီးမှ မင်းအောင်လှိုင်အား ခေါ်သင့် မခေါ်သင့်ကို မိမိတို့ ဆွေးနွေး ဆုံး ဖြတ်ဖွယ် ရှိသည်ဟု ပြောဆိုခဲ့ခြင်း အပေါ် ယင်းသည် သူ၏ ပုဂ္ဂိုလ်ရေး အမြင် ဟု မခန့် လေးစား ပြောဆိုသွားခဲ့ခြင်းကြောင့် ဖြစ်သည်။ ထို့ကြောင့် အဖွဲ့ကြီးတွင် ဩဇာတက္ကိမ ရှိသည့် မလေးရှား မှ ဖြစ်အောင် လုပ်ခဲ့ခြင်းသာ ဖြစ်ပေမည်။

မင်းအောင်လှိုင်သာမက ယခုအခါ ဝဏ္ဏမောင်လွင်ပါ တက်ရောက်ရန် မသေချာတော့ပေ။ အာဆီယံ၏ ဆုံးဖြတ် ချက်ကို အတွင်းကျကျ သိရှိထားသော သတင်းရပ်ကွက်များ အဆိုအရ နိုင်ငံရေး နှင့် မပတ်သက်သော လူ တဦးဦး သာ တက်ခွင့်ပေးမည် ဆို၍ အတွင်းဝန်တဦးဦး တက်ရောက်ရဖို့ ရှိနေသည်။ ဤသည်ကို သဘော မတူ ပါက မြန်မာနေရာ အား ကွက်လပ် ထားမည်ဟုလည်း ဆိုသည်။ ထိုအနေအထား ကို အားလုံး ပါဝင်နိုင်သည့် ဆွေးနွေးပွဲများမှ တဆင့် ဒီမိုကရေစီ ပြန်လည် ထားရှိအောင် မလုပ်နိုင်မချင်း ထားရှိသွားမည့် အလားအလာ များကို အင်ဒိုနီရှား နိုင်ငံခြားရေး ဝန်ကြီး မှ အရိပ်အမြွက် ပြောဆိုသွားခဲ့သည်။

အမေရိကန်၊ ကနေဒါ၊ ဩစတေးလျှ၊ တောင်ကိုရီယား၊ ဗြိတိန် နှင့် အီးယူ နိုင်ငံများ မှ မြန်မာ နိုင်ငံ၏ အခြေ အနေ ဆိုးဝါးလာနေမှုများသည် သေရေးရှင်ရေး တမျှ အရေးကြီးလာနေပြီဖြစ်၍ အာဆီယံ အထူး သံတမန်၏ နိုင်ငံတော် အတိုင်ပင်ခံ နှင့် တွေ့မှ ဖြစ်မည် ဆိုသော ရပ်တည်ချက်ကို ထောက်ခံကြောင်း ပူးတွဲ ကြေညာချက် ထုတ်ပြန်လာခဲ့ကြသည်။

အာဆီယံ၏ ယခုလို ဆုံးဖြတ်လိုက်မှုသည် တွေဝေယိမ်းယိုင်နေဆဲ ဖြစ်သော ကုလသမဂ္ဂ ဆိုင်ရာ သံအမတ် ခန့်အပ်လွှာ အတည်ပြုရေး ကော်မတီ အား မီးမောင်းထိုးပြ ပေးလိုက်ခြင်းပင် ဖြစ်သည်။ 

အာဆီယံ ၏ လက်တွေ့ဖြစ်စဉ်များ နှင့် မနီးစပ်သည့် အဖွဲ့ဝင် နိုင်ငံတခု၏ ပြည်တွင်းရေးအား ဝင်‌ရောက် မစွက် ဖက်ရေး မူကို လှေနံဓါးထစ် စွဲကိုင်ထားခဲ့မှုကြောင့် အဖွဲ့ဝင် နှစ်နိုင်ငံ ဖြစ်သော မြန်မာမှ မင်းအောင်လှိုင် နှင့် ဖိလစ်ပိုင်မှ ဒူတာတေး တို့ နှစ်ဦးသည် အိုင်စီစီ၏ တရားစွဲဆိုခံရဖို့ အထိ ဖြစ်လာခဲ့ပေပြီ။

ယခုအခါ ကုလ လူ့အခွင့်အရေး ကောင်စီမှ ရိုဟင်ဂျာ များ အပေါ် အကြမ်းဖက် သတ်ဖြတ်ခဲ့မှုများ အတွက် ဖွဲ့စည်းပေးခဲ့သော လွတ်လပ်သည့် အထူး စုံစမ်း စစ်ဆေးရေး လုပ်ငန်းစဉ် အဖွဲ့ Independent Investigative Mechanism for Myanmar (IIMM) ၏ အကြီးအကဲ နီကိုလပ်စ် ကူဂျီယန် က မိမိတို့ အဖွဲ့ဝင် ၅၉ ဦးအနေနှင့် စနစ်တကျ ရှာဖွေ စုဆောင်းထားသော နှစ်သန်းနီးပါးရှိ သက်သေအထောက်အထားများ ပုပ်သိုးဆွေးမြေ့ မပျောက် ပျက်မီ ပြစ်မှု ကျူးလွန်ထားသူများ အား အချိန်မီ တရားစွဲဆိုရန် လိုအပ်နေပြီ ဖြစ်သည်ဟု ကုလသမဂ္ဂ သတင်း ပြန်ကြားရေး ဌာန နှင့် တွေ့ဆုံ မေးမြန်းခန်း တွင် တရားဝင် ဆော်‌သြ လိုက်ပြီ ဖြစ်သည်။

မင်းအောင်လှိုင် အဖို့က မင်း အဖြစ်သာ ရောက်ရှိနေခဲ့သော်လည်း တရာ့တပါးသော မင်းများက အဖက် မလုပ် သည့် မင်း ဘဝ ရောက်ရှိသွားခဲ့ရသည်။

မိမိနိုင်ငံသားများ အပေါ် အတင်းအဓမ္မ ဖမ်းဆီး သတ်ဖြတ် နှိပ်စက်နေသည့် ရိုင်းစိုင်း ကြမ်းကြုပ်သော လုပ်ရပ် များကို နှစ်ဆယ် တရာစု လူ့အသိုက်အဝန်း ကြီး က မည်သို့မျှ လက်မခံနိုင်တော့ ဆိုသည်ကို ပြတ်သားစွာ ပြဆိုလာခြင်း ဖြစ်သည်။

မနာလို ဝန်တိုမှုများ၊ မိမိကိုယ် မိမိ အထင်ကြီးမှု၊ မိုက်ရူးရဲမှုများ ဖြင့် မလုပ်သင့် မလုပ်ထိုက်သည်များကို ကျူးလွန်မိခဲ့သော မင်းအောင်လှိုင်သည် အသက်ကြီးကာမှ ရိပ်ကြီးခို၍ မရတော့သည့် ဘဝနိဂုံး နှင့် ရင်ဆိုင် ရပေတော့မည်။

အာဆီယံ၏ ဆုံးဖြတ်ချက်သည် ပြည်သူတို့ ဆင်နွှဲနေသော အာဏာရှင် အမြစ်ပြတ် တော်လှန်ရေးကြီး အတွက် စိတ်ဓါတ်ရေးရာ အရ ကြီးမားသော ပံ့ပိုးပေးခဲ့မှု အဖြစ် ကြိုဆိုကြရမည်သာ ဖြစ်သည်။

ယခုအခါ ဧရာဝတီ သတင်း အဆိုအရ အရည်အတွက် အားဖြင့် ၇၆၀ ခန့် ရှိသော စစ်ဖက် နှင့် ရဲဖက် မှ အမှုထမ်းများသည် ပြည်သူ ဘက်တော်သားများထံ ခိုလှုံရန် ဆက်သွယ်လာနေကြပြီ ဟု သိရသည်။

တော်လှန်ရေးကြီ

း မုချအောင်ရမည်!!!

.

Hla Soewai

ပါချူပ်ဆရာတော်မှ့ ကာချူပ် (မအလ) သို့