Sunday, November 28, 2021
Tuesday, November 23, 2021
သူခိူတွေအကြောင်းရေးသားတဲ့ ကဗျာလေးတ၏်ပုဒ်
မောင်ငယ်ရင်သွေး သေချာတွေးလော့
ရှေးသရောအခါ မြန်မာပြည်ဝယ်
လွန်စွာဆိုးယုတ် စစ်ဗိုလ်ချုပ်တို့
အုပ်ချုပ်ခဲ့စဉ် ကြက်ဆူပင်စိုက်
ရတနာသိုက်တူး လယ်မြေကျူးကျော်
လွှတ်တော်ဝင်ရှုပ် ကျောက်စိမ်းထုတ်လျက်
ဂတ်စ်နှင့်တောတောင် အကုန်ဖျောင်ပြီး
မှုးယစ်တွေ့လျင် ပိုင်ရှင်မဲ့လုပ်
ကျွန်းသစ်ခုတ်၍ ဘိန်းထုတ်နိုင်ငံ
ကမ္ဘာ့စံတင် ကိုယ်ကျိုးအမြင်နဲ့
လစဉ်ကြေးယူ ပြည်သူမုန်းတီး
စစ်ဗိုလ်ကြီးများ ချမ်သာသွားတယ်👌
တိုင်းပြည်ကိုဖျက် ကျင့်ပျက်ခြစား
ဝန်ကြီးများတို့. ခိုးစားဖို့ရန်
နောက်ကြောင်းမပြန်ရ
ရေးဆွဲကြဘိ ဥပဒေရှိတယ်
ပြည်သူအများ ဆင်းရဲသားဖြစ်
သူတို့ခေတ်အောက် ဒုက္ခရောက်၍
အကြောက်တရားနဲ့. အုပ်ချုပ်သွားခဲ့👌
ယခုခါသော် လွှတ်တော်ဝင်ရှုပ်
စစ်ဗိုလ်ချုပ်တို့. အမြဲယုတ်မာ
အာဏာရရန် စိတ်အကြံနဲ့
အသဲအသန် မဲဆွယ်ပြန်ပေါ့
မင်းတို့အထံ အလှူခံမည့်
အသဲကြားက မဲတပြားတည်း
ဒီမယ်လူလေး သေချာတွေးလော့
မဲဆွယ်ခါနီး ထိုလူကြီးတိုင်း
ဘာသာမှိုင်းတိုက် လူပိန်းကြိုက်ဆောင်
မဲရအောင်ဟော ဟာသနှော၍
သဘောမရိုး အမျိုးဘာသာ
သာသနာကို စောင့်ရှောက်လိုသတဲ့
အချုပ်အခြာ အာဏာရလို
မုသားဆိုငှါး နေ့တိုင်းကြားတော့
စဉ်းစားကြည့်ရာ မျိုးဘာသာကို
သာသနာဖျက် ရက်စက်လေတိုင်း
သမိုင်းနဲ့ချီ လယ်တီသိမ်ဖြို
သံဃာကိုသတ် ပြည်သူသတ်တဲ့
တပ်ထွက်လူယုတ် တရုတ်နဲ့ပေါင်း
ုပြည်သူအပေါင်းလဲ ထောင်းထောင်းကြေခဲ့💔
မောင်ငယ်ရင်သွေး
သေချာတွေးတော ကိုလူချောတို့
ဘောင်းဘီကိုချွတ် ပုဆိုးဝတ်လျက်
တပ်ထွက်ယောင်္ကျား လူညံ့များက
အမိမြေတွင် တရုတ်ကိုသွင်း၍
သယံဇာတ. မွဲပြာကျအောင်
တူးဆွမြေလှန် ကိုယ်ကျိုးအကြံနဲ့
ဆန္ဒပြရန် ငွေကုန်ခံပြီး
နေ့စားခပေး ဒန်ပေါက်ကြွေးဆင့်
ကြံ့ခိုင်ဖွင့်ဖြိုး သခိုးပါတီ တည်ထောင်သည်ဟု
စစ်တပ်ကပြောင်း သူခိုးအပေါင်းနဲ့
ခြေဥမပြင် သူခိုးဘုရင်တို့
မဲဆွယ်မည့်လမ်း အလှူခံကြမ်းက
ဟော့ရမ်းမဆို ပါးနပ်လိုသည်
အတိတ်ကအကြောင်း မမေ့ကောင်းတည်း #crd